શ્રી કુમાર મંગલમ બિરલાજી, આદિત્ય બિરલા ગ્રુપના ચેરમેન,

થાઇલેન્ડના આદરણીય મહાનુભાવો

બિરલા પરિવાર અને મેનેજમેન્ટના સભ્યો,

થાઇલેન્ડ અને ભારતના બિઝનેસ લીડર્સ,

મિત્રો,

નમસ્કાર,

સાવાદી ख्रप.

આપણે અહીં થાઇલેન્ડના સુવર્ણા ભૂમિમાં આદિત્ય બિરલા ગ્રૂપની સુવર્ણ જયંતિની ઉજવણી કરવા માટે એકત્ર થયા છીએ. આ ખરેખર એક ખાસ પ્રસંગ છે. હું આદિત્ય બિરલા ગ્રુપની ટીમને અભિનંદન આપું છું. આપણે તાજેતરમાં જ શ્રી કુમાર મંગલમ બિરલાને થાઇલેન્ડમાં જૂથ દ્વારા કરવામાં આવતા પ્રશંસનીય કાર્ય વિશે સાંભળ્યા. તે આ દેશમાં ઘણા લોકો માટે તકો અને સમૃદ્ધિનું સર્જન કરી રહ્યું છે.

મિત્રો,

આપણે અહીં થાઇલેન્ડમાં છીએ, જેની સાથે ભારત મજબૂત સાંસ્કૃતિક સંબંધો ધરાવે છે. અને, આપણે આ દેશમાં અગ્રણી ભારતીય ઔદ્યોગિક ગૃહનાં પચાસ વર્ષની ઉજવણી કરી રહ્યા છીએ. આ મારી માન્યતાને મજબૂત બનાવે છે કે વાણિજ્ય અને સંસ્કૃતિમાં એક થવાની શક્તિ છે. સદીઓ સુધી સાધુઓ-વેપારીઓ દૂર-દૂર સુધી ભ્રમણ કરતા રહ્યા. તેઓએ ઘરથી બહુ દૂરની યાત્રા કરી છે અને ઘણી સંસ્કૃતિઓને એક સાથે મિશ્રિત કરી છે. સંસ્કૃતિનાં બંધન અને વાણિજ્યનો ઉત્સાહ આવનારા સમયમાં દુનિયાને નજીક લાવતા રહેશે.

મિત્રો,

હું તમને આજે ભારતમાં થઈ રહેલા કેટલાક સકારાત્મક ફેરફારોની ઝલક આપવા માટે ઉત્સુક છું. હું પૂરા આત્મવિશ્વાસ સાથે કહું છું - ભારતમાં હોવાનો આ શ્રેષ્ઠ સમય છે! આજના ભારતમાં અનેક વસ્તુઓ વધી રહી છે તો ઘણી ઘટી રહી છે. 'ઇઝ ઑફ ડુઇંગ બિઝનેસ'માં વધારો થઈ રહ્યો છે અને એટલે જ ઇઝ ઓફ લિવિંગ'. ફોરેન ડાયરેક્ટ ઇન્વેસ્ટમેન્ટ વધી રહ્યું છે. આપણું વન આવરણ વધી રહ્યું છે. પેટન્ટ અને ટ્રેડમાર્કની સંખ્યા વધી રહી છે. ઉત્પાદકતા અને કાર્યક્ષમતા વધી રહી છે. ઇન્ફ્રાસ્ટ્રક્ચર નિર્માણની ગતિ વધી રહી છે. ઉચ્ચ ગુણવત્તાની આરોગ્ય સંભાળ મેળવનારા લોકોની સંખ્યા વધી રહી છે. સાથે જ ટેક્સની સંખ્યા ઘટી રહી છે. ટેક્સના દર ઘટી રહ્યા છે. લાલ ટેપ ઘટી રહી છે. ક્રોનીઝમ ઘટી રહ્યું છે. ભ્રષ્ટાચાર ઘટી રહ્યો છે. ભ્રષ્ટ લોકો કવર માટે દોડી રહ્યા છે. સત્તાના કોરિડોરમાં વચેટિયાઓ ઇતિહાસ છે.

મિત્રો,

ભારતે છેલ્લાં પાંચ વર્ષમાં વિવિધ ક્ષેત્રોમાં ઘણી સફળતાની ગાથાઓ જોઈ છે. તેનું કારણ માત્ર સરકારો જ નથી. ભારતે એક નિયમિત, નોકરશાહી રીતે કામ કરવાનું બંધ કરી દીધું છે. મહત્વાકાંક્ષી મિશનોને કારણે પરિવર્તનશીલ ફેરફારો થઈ રહ્યા છે. જ્યારે આ મહત્ત્વાકાંક્ષી મિશનો જનભાગીદારીથી સક્રિય થાય છે, ત્યારે તે જીવંત જન આંદોલન બની જાય છે. અને, આ સામૂહિક ચળવળો ચમત્કારો સર્જે છે. પહેલાં જે ચીજો અશક્ય ગણાતી હતી તે હવે શક્ય બની છે. જીવનની મૂળભૂત આવશ્યકતાઓ માટેનું કવરેજ લગભગ સો ટકા સુધી પહોંચી ગયું છે. આનાં સારાં ઉદાહરણો જન ધન યોજના છે, જેમાં સંપૂર્ણ નાણાકીય સર્વસમાવેશકતા સુનિશ્ચિત કરવામાં આવી છે. અને, સ્વચ્છ ભારત મિશન, જ્યાં લગભગ તમામ ઘરો સુધી સ્વચ્છતા કવરેજ પહોંચી ગયું છે.

મિત્રો,

ભારતમાં, જ્યારે સેવા વિતરણ- સર્વિસ ડિલિવરી-લિકેજની વાત આવે છે, ત્યારે અમારે એક મોટી સમસ્યાનો સામનો કરવો પડ્યો હતો. આ કારણે ગરીબોને સૌથી વધુ નુકસાન થયું. તમને જાણીને આશ્ચર્ય થશે કે વર્ષોથી ગરીબો પર પૈસા ખર્ચવામાં આવ્યા હતા જે ખરેખર ગરીબો સુધી પહોંચ્યા ન હતા. અમારી સરકારે ડીબીટીને કારણે આ સંસ્કૃતિનો અંત લાવ્યો. ડીબીટીનો સીધો લાભ ટ્રાન્સફર માટે છે. ડી.બી.ટી.એ વચેટિયાઓ અને અક્ષમતાની સંસ્કૃતિનો અંત લાવ્યો છે. ભૂલ માટે બહુ ઓછો અવકાશ બચ્યો છે. ડીબીટીએ અત્યાર સુધીમાં વીસ અબજ ડૉલરથી વધુની બચત કરી છે. તમે ઘરોમાં એલઇડી લાઇટ્સ જોઇ હશે. તમે જાણો છો કે તે વધુ કાર્યક્ષમ અને ઊર્જા સંરક્ષણ કરે છે. પરંતુ શું તમે જાણો છો ભારતમાં તેની અસર? અમે છેલ્લાં થોડાં વર્ષોમાં 360 મિલિયનથી વધારે એલઇડી બલ્બનું વિતરણ કર્યું છે. અમે 10 મિલિયન સ્ટ્રીટ લાઇટ્સને એલઇડી લાઇટ્સમાં પરિવર્તિત કરી છે. તેનાં માધ્યમથી અમે લગભગ 3.5 અબજ ડૉલરની બચત કરી છે. કાર્બન ઉત્સર્જનમાં પણ ઘટાડો થયો છે. હું દૃઢપણે માનું છું – બચેલાં ધનમાંથી ધન કમાવાય છે. ઊર્જાની બચત કરીને ઊર્જા ઉત્પન્ન થાય છે. આ નાણાંનો ઉપયોગ હવે અન્ય સમાન અસરકારક કાર્યક્રમો દ્વારા લાખો લોકોને સશક્ત બનાવવા માટે કરવામાં આવી રહ્યો છે.

મિત્રો,

આજના ભારતમાં, સખત મહેનત કરનાર દાતાનાં યોગદાનને બિરદાવવામાં આવે છે. એક ક્ષેત્ર જ્યાં અમે મહત્વપૂર્ણ કાર્ય કર્યું છે તે છે કરવેરા. મને ખુશી છે કે ભારત લોકો માટે સૌથી વધુ અનુકૂળ કરવેરા ધરાવતી વ્યવસ્થાઓમાંની એક છે. અમે તેને વધુ સારું બનાવવા માટે પ્રતિબદ્ધ છીએ. છેલ્લાં 5 વર્ષમાં અમે મધ્યમ વર્ગ પર ટેક્સનાં ભારણમાં નોંધપાત્ર ઘટાડો કર્યો છે. અમે હવે ફેસલેસ ટેક્સ આકારણી શરૂ કરી રહ્યા છીએ જેથી વ્યક્તિગત અથવા પજવણી માટે કોઈ અવકાશ ન રહે. કૉર્પોરેટ ટેક્સના દરમાં ઘટાડો કરવાના ભારતના નિર્ણય વિશે તમે અગાઉ સાંભળ્યું જ હશે. અમારા જીએસટીએ ભારતનું આર્થિક એકીકરણનું સપનું સાકાર કર્યું છે. અમે તેને વધુ લોકો-મૈત્રીપૂર્ણ બનાવવાની દિશામાં કામ કરવા માગીએ છીએ. મેં હમણાં જ જે કંઈ કહ્યું છે તે તમામ ભારતને રોકાણ માટે વિશ્વની સૌથી આકર્ષક અર્થવ્યવસ્થાઓમાંનું એક બનાવે છે.

મિત્રો,

ભારતને છેલ્લાં પાંચ વર્ષમાં 286 અબજ અમેરિકન ડૉલરનું એફડીઆઇ મળ્યું છે. આ છેલ્લાં 20 વર્ષમાં ભારતમાં કુલ પ્રત્યક્ષ વિદેશી મૂડી રોકાણ (એફડીઆઇ)નું લગભગ અડધું છે. આમાંથી 90 ટકા ઓટોમેટિક એપ્રુવલ માધ્યમથી આવ્યું હતું. અને તેમાંથી 40 ટકા ગ્રીન ફિલ્ડ ઇન્વેસ્ટમેન્ટ છે. આ દર્શાવે છે કે રોકાણકારો ભારતમાં લાંબા ગાળાનું રોકાણ કરી રહ્યા છે. ભારતનો વિકાસ માર્ગ અનેક રેટિંગ્સમાં પ્રતિબિંબિત થાય છે. અમે પાંચ વર્ષમાં ડબલ્યુઆઇપીઓનાં ગ્લોબલ ઇનોવેશન ઇન્ડેક્સમાં 24 સ્થાન સ્થળાંતરિત થયેલા ટોચનાં 10 એફડીઆઇ સ્થળોમાં સામેલ છીએ. પરંતુ, તેમાંના બે છે જેના વિશે હું ખાસ વાત કરવા માગું છું. ભારતે પાંચ વર્ષમાં વિશ્વ બેંકની 'ઇઝ ઓફ ડુઇંગ બિઝનેસ' રેન્કિંગમાં 79 સ્થાનની છલાંગ લગાવી છે. 2014માં 142ની સરખામણીએ આપણે 2019માં 63મા ક્રમે આવી ગયા છીએ. તે એક મોટી સિદ્ધિ છે. સતત ત્રીજા વર્ષે અમે ટોચના દસ સુધારકોમાં સામેલ છીએ. ભારતમાં વ્યવસાય કરવા માટેના ફાટાં ઘણાં છે. આપણે વિવિધતાસભર અને વિશાળ રાષ્ટ્ર છીએ. તેમાં કેન્દ્ર, રાજ્ય અને સ્થાનિક સરકારો છે. આવા સંદર્ભમાં, દિશાકીય પરિવર્તન સુધારા પ્રત્યેની અમારી પ્રતિબદ્ધતાને પ્રતિબિંબિત કરે છે. વ્યવસાયનું વાતાવરણ સુધારવા માટે લોકો અને સરકાર એક સાથે આવ્યા.

મિત્રો,

બીજું, વર્લ્ડ ઇકોનોમિક ફોરમનાં ટ્રાવેલ એન્ડ ટૂરિઝમ કોમ્પિટિટિવનેસ ઇન્ડેક્સમાં ભારતનું વધારે સારું સ્થાન છે. 2013માં 65માંથી 2019માં અમે 34મા ક્રમે આવી ગયા છીએ. આ કૂદકો સૌથી મોટો છે. વિદેશી પ્રવાસીઓની સંખ્યામાં પણ 50 ટકાનો વધારો થયો છે. તમે બધા સારી રીતે જાણો છો કે, પ્રવાસીને જ્યાં સુધી આરામ, સગવડ અને સુરક્ષા નહીં મળે ત્યાં સુધી તે કોઈ સ્થળની મુલાકાત લેશે નહીં. આમ, જો આપણને ઘણા બધા પ્રવાસીઓ મળી રહ્યા છે, તો તેનો અર્થ એ છે કે જમીન પરના આપણા પ્રયત્નો ખીલી રહ્યા છે. એ હકીકત છે કે ભારત પાસે વધુ સારા રસ્તાઓ છે, વધુ સારી એર કનેક્ટિવિટી છે, વધુ સારી સ્વચ્છતા છે અને વધુ સારી કાયદો અને વ્યવસ્થા છે અને તે વિશ્વને ભારતમાં લાવી રહ્યું છે.

મિત્રો,

આ રેન્કિંગ્સ પરિવર્તનની અસરને જોયા પછી આવે છે. આ રેન્કિંગ્સ આગાહીઓ નથી. તે જમીન પર જે બન્યું છે તેની અભિવ્યક્તિ છે.

મિત્રો,

ભારત હવે પાંચ ટ્રિલિયન ડૉલરની અર્થવ્યવસ્થા બનવાનું વધુ એક સ્વપ્ન જોઈ રહ્યું છે. 2014માં જ્યારે મારી સરકારે કાર્યભાર સંભાળ્યો હતો, ત્યારે ભારતની જીડીપી આશરે 2 ટ્રિલિયન ડૉલર હતી. 65 વર્ષમાં 2 ટ્રિલિયન. પરંતુ માત્ર 5 વર્ષમાં અમે તેને વધારીને લગભગ 3 ટ્રિલિયન ડૉલર કરી દીધું. તે મને ખાતરી આપે છે કે 5 ટ્રિલિયન ડૉલરની અર્થવ્યવસ્થાનું સ્વપ્ન ટૂંક સમયમાં સાકાર થશે. અમે આગામી પેઢીનાં ઇન્ફ્રાસ્ટ્રક્ચર માટે 1.5 ટ્રિલિયન ડૉલરનું રોકાણ કરવા જઈ રહ્યા છીએ.

મિત્રો,

જો કોઈ એક બાબત પર મને વિશેષ ગર્વ હોય તો તે છે ભારતની પ્રતિભાશાળી અને કુશળ માનવમૂડી. એમાં કોઈ નવાઈ નથી કે ભારત દુનિયામાં સૌથી મોટી સ્ટાર્ટ-અપ ઇકો-સિસ્ટમ્સમાંની એક છે. ડિજિટલ ગ્રાહકો માટે ભારત સૌથી મોટું અને સૌથી ઝડપથી વિકસતાં બજારોમાંનું એક છે. એક અબજ સ્માર્ટ ફોન યુઝર્સ અને અડધાથી વધુ અબજ ઇન્ટરનેટ સબસ્ક્રાઇબર્સ છે. અમે ઉદ્યોગના ફોર પોઇન્ટ ઝીરો સાથે સંરેખિત છીએ અને વૃદ્ધિ અને શાસનની જરૂરિયાતોને પહોંચી વળવા માટે તકનીકીને ઓપ્ટિમાઇઝ કરવા માટે સક્રિયપણે કામ કરી રહ્યા છીએ. આ તમામ ફાયદાઓ સાથે અમે વૈશ્વિક ઉત્પાદન કેન્દ્ર તરીકે ઊભરી આવવા ઇચ્છીએ છીએ.

મિત્રો,

'થાઇલેન્ડ ફોર પોઇન્ટ ઝીરો' થાઇલેન્ડને વિજ્ઞાન, ટેકનોલોજી, નવીનતા અને રચનાત્મકતા પર આધારિત મૂલ્ય-આધારિત અર્થતંત્રમાં રૂપાંતરિત કરવા પર કેન્દ્રિત છે. તે ભારતની પ્રાથમિકતાઓ સાથે પણ સુસંગત છે. ડિજિટલ ઇન્ડિયા, સ્કિલ ઇન્ડિયા, ગંગા જીર્ણોદ્ધાર પ્રોજેક્ટ, સ્વચ્છ ભારત અભિયાન, સ્માર્ટ સિટીઝ અને જલ જીવન મિશન જેવી ભારતની પહેલ ભાગીદારી માટે સારી તકો પ્રદાન કરે છે.

મિત્રો,

જ્યારે ભારત આગળ વધે છે, ત્યારે વિશ્વ આગળ વધે છે. ભારતના વિકાસ માટે અમારું વિઝન એવું છે કે તે એક સારા ગ્રહ તરફ દોરી જાય છે. જ્યારે આપણે આયુષ્માન ભારતનાં માધ્યમથી 500 મિલિયન ભારતીયોને ઉચ્ચ ગુણવત્તાયુક્ત અને સસ્તી આરોગ્ય સેવા પ્રદાન કરી રહ્યા છીએ, ત્યારે સ્વાભાવિક રીતે જ તે વધારે સ્વસ્થ પૃથ્વી તરફ દોરી જશે. જ્યારે આપણે વર્ષ 2025માં ટીબીને નાબૂદ કરવાનો નિર્ણય લઈએ છીએ, જે વૈશ્વિક લક્ષ્યાંકથી પાંચ વર્ષ વહેલો છે, ત્યારે તે ચોક્કસપણે ટીબી સામેની વૈશ્વિક લડાઈને મજબૂત કરશે. સાથે જ અમે અમારી ઉપલબ્ધિઓ અને શ્રેષ્ઠ પ્રથાઓને પણ દુનિયા સાથે વહેંચી રહ્યા છીએ. અમારો સાઉથ એશિયા સેટેલાઇટ અમારા વિસ્તારમાં ઘણાં લોકોની મદદ કરી રહ્યો છે. ખાસ કરીને વિદ્યાર્થીઓ અને માછીમારો.

મિત્રો,

અમારી એક્ટ ઇસ્ટ-પોલિસીની ભાવનામાં, અમે આ ક્ષેત્ર સાથે જોડાણ વધારવા પર વિશેષ ધ્યાન આપી રહ્યા છીએ. થાઈલેન્ડના પશ્ચિમ કિનારા અને ચેન્નાઈ, વિશાખાપટ્ટનમ અને કોલકાતા જેવાં ભારતના પૂર્વ કિનારા પરનાં બંદરો વચ્ચે સીધો સંપર્ક આપણી આર્થિક ભાગીદારીને વધારશે. આપણે આ બધા અનુકૂળ પરિબળોનો લાભ લેવો જોઈએ. આપણે આપણી ભૌગોલિક નિકટતાનો લાભ લેવો જોઈએ, જેમ આપણા પૂર્વજોએ કર્યું હતું.

મિત્રો,

આપણી સંસ્કૃતિઓમાં સમાનતાઓને જોતા, એકબીજા માટે સ્વાભાવિક સદભાવનાને જોતાં આપણાં અર્થતંત્રો સક્ષમ અને એકબીજાનાં પૂરક છે એ જોતાં મને એમાં કોઈ શંકા નથી કે આપણે આપણી વેપારી ભાગીદારીને વિન-વિન સ્થિતિમાં વધારી શકીએ તેમ છીએ. હું એમ કહીને સમાપન કરવા માગું છું: રોકાણ અને સરળ વ્યવસાય માટે, ભારત આવો. નવીનતા લાવવા અને શરૂ કરવા માટે, ભારત આવો. કેટલાંક શ્રેષ્ઠ પર્યટન સ્થળોનો અનુભવ કરવા અને લોકોનાં ઉષ્માસભર આતિથ્ય-સત્કારનો અનુભવ કરવા માટે ભારત આવો. ભારત ખુલ્લાં દિલે હાથ ફેલાવી આપની રાહ જોઇ રહ્યું છે.

ધન્યવાદ.

ખોબ ખુન રવ્રપ.

આપનો ખૂબ ખૂબ આભાર.