ଆଦିତ୍ୟ ର୍ବିଲା ଗ୍ରୁପର ଅଧ୍ୟକ୍ଷ ଶ୍ରୀ କୁମାର ମଙ୍ଗଳମ୍ ର୍ବିଲା ଜୀ,

ଥାଇଲ୍ୟାଣ୍ଡର ସମ୍ମାନିତ ମାନ୍ୟଗଣ୍ୟ ବ୍ୟକ୍ତି,

ର୍ବିଲା ପରିବାର ଏବଂ ପରିଚାଳନା ସଦସ୍ୟ,

ଥାଇଲ୍ୟାଣ୍ଡ ଏବଂ ଭାରତର ବ୍ୟବସାୟ ନେତୃତ୍ୱ,

ବନ୍ଧୁଗଣ,

ନମସ୍କାର,

ସଭାଡି ଖୁପ୍‍ ।

ଥାଇଲ୍ୟାଣ୍ଡର ସୁବର୍ଣ୍ଣ ଭୁମିରେ ଆଦିତ୍ୟ ର୍ବିଲା ଗ୍ରୁପ୍ର ସୁବର୍ଣ୍ଣ ଜୟନ୍ତୀ ପାଳନ କରିବାକୁ ଆମେ ଏଠାରେ ଏକାଠି ହୋଇଛୁ । ଏହା ବାସ୍ତବରେ ଏକ ବିଶେଷ ଉତ୍ସବ । ମୁଁ ଆଦିତ୍ୟ ର୍ବିଲା ଗ୍ରୁପ୍ ର ଦଳକୁ ଅଭିନନ୍ଦନ ଜଣାଉଛି । ଗ୍ରୁପ୍ ଥାଇଲ୍ୟାଣ୍ଡରେ କରୁଥିବା ପ୍ରଶଂସନୀୟ କାର୍ଯ୍ୟ ବିଷୟରେ ଆମେ ଶ୍ରୀ କୁମାର ମଙ୍ଗଳମ୍ ର୍ବିଲାଙ୍କ କଥା ଶୁଣିଛୁ । ଏହା ଏହି ଜାତିର ଅନେକଙ୍କ ପାଇଁ ସୁଯୋଗ ଏବଂ ସମୃଦ୍ଧତା ସୃଷ୍ଟି କରୁଛି ।

ବନ୍ଧୁଗଣ,

ଆମେ ଏଠାରେ ଥାଇଲ୍ୟାଣ୍ଡରେ ଅଛୁ, ଯାହାଙ୍କ ସହ ଭାରତର ଦୃଢ ସାଂସ୍କୃତିକ ସମ୍ପର୍କ ରହିଛି । ଏବଂ, ଆମେ ଏହି ଦେଶର ଏକ ଅଗ୍ରଣୀ ଭାରତୀୟ ଶିଳ୍ପ ସଂସ୍ଥାର ପଚାଶ ବର୍ଷ ପାଳନ କରୁଛୁ । ଏହା ମୋର ବିଶ୍ୱାସକୁ ପୁନଃ ପ୍ରମାଣିତ କରେ ଯେ ବାଣିଜ୍ୟ ଏବଂ ସଂସ୍କୃତିର ଏକଜୁଟ ହେବା ପାଇଁ ଅନ୍ତର୍ନିହିତ ଶକ୍ତି ଅଛି । ଶତାବ୍ଦୀ ଧରି, ଭିକ୍ଷୁ ଏବଂ ବଣିକମାନେ ବହୁ ଦୂର ସ୍ଥାନକୁ ଯାଇଥିଲେ । ସେମାନେ ଘରଠାରୁ ବହୁ ଦୂର ଯାତ୍ରା କରିଛନ୍ତି ଏବଂ ଅନେକ ସଂସ୍କୃତି ସହିତ ସାମିଲ ହୋଇଛନ୍ତି । ସଂସ୍କୃତିର ବନ୍ଧନ ଏବଂ ବାଣିଜ୍ୟର ଉତ୍ସାହ ଭବିଷ୍ୟତରେ ବିଶ୍ୱକୁ ନିକଟତର କରିବ ।

ବନ୍ଧୁଗଣ,

ଆଜି ମୁଁ ଭାରତରେ ଘଟୁଥିବା କିଛି ସକରାତ୍ମକ ପରିବର୍ତ୍ତନର ଚିତ୍ର ଦେବାକୁ ଆଗ୍ରହୀ । ମୁଁ ସମ୍ପୂର୍ଣ୍ଣ ଆତ୍ମବିଶ୍ୱାସରେ ଏହା କହୁଛି - ଭାରତରେ ରହିବା ପାଇଁ ଏହା ହେଉଛି ସର୍ବୋତ୍ତମ ସମୟ! ଆଜିର ଭାରତରେ ଅନେକ ଜିନିଷ ବଢୁଛି ଏବଂ ଅନେକ ହ୍ରାସ ପାଉଛି । "ସହଜ ବ୍ୟବସାୟ’’ ବୃଦ୍ଧି ପାଉଛି ଏବଂ " ସହଜ ଜୀବନ ଯାପନ’’ ମଧ୍ୟ ବୃଦ୍ଧି ପାଉଛି । ଏଫ୍‍ଡିଆଇ ବଢୁଛି । ଆମର ଜଙ୍ଗଲ ପରିସୀମା ବୃଦ୍ଧି ପାଉଛି ।  ପେଟେଣ୍ଟ ଏବଂ ଟ୍ରେଡ୍ ମାର୍କ ସଂଖ୍ୟା ବୃଦ୍ଧି ପାଉଛି । ଉତ୍ପାଦନ ଏବଂ ଦକ୍ଷତା ବୃଦ୍ଧି ପାଉଛି । ଭିତ୍ତିଭୂମି ସୃଷ୍ଟିର ଗତି ବୃଦ୍ଧି ପାଉଛି । ଉନ୍ନତମାନର ସ୍ୱାସ୍ଥ୍ୟସେବା ପାଇଥିବା ଲୋକଙ୍କ ସଂଖ୍ୟା ବୃଦ୍ଧି ପାଉଛି । ଏଥିସହିତ ଟିକସ ସଂଖ୍ୟା ହ୍ରାସ ପାଉଛି । ଟିକସ ହାର ହ୍ରାସ ପାଉଛି । ନାଲିଫିତା କାରବାର ହ୍ରାସ ପାଉଛି । ଅନ୍ତରଙ୍ଗ ବନ୍ଧୁଙ୍କ ସଂଖ୍ୟା ହ୍ରାସ ପାଉଛି । ଦୁର୍ନୀତି ହ୍ରାସ ପାଉଛି । ଦୁର୍ନୀତିଗ୍ରସ୍ତମାନେ ସୁରକ୍ଷା ପାଇଁ ଦଉଡୁଛନ୍ତି । କ୍ଷମତାର କରିଡରରେ ମଧ୍ୟସ୍ଥିମାନେ ଇତିହାସ ପାଲଟିଛନ୍ତି ।

ବନ୍ଧୁଗଣ,

ଗତ ପାଞ୍ଚ ବର୍ଷ ମଧ୍ୟରେ ଭାରତ ବିଭିନ୍ନ କ୍ଷେତ୍ରରେ ଅନେକ ସଫଳତାର କାହାଣୀ ଦେଖିଛି । ଏହାର କାରଣ କେବଳ ସରକାର ନୁହଁନ୍ତି । ଭାରତ ରୁଟିନ୍‍ ଅନୁଯାୟୀ କାର୍ଯ୍ୟ କରୁଛି, ଅମଲାତାନ୍ତ୍ରିକ ଢଙ୍ଗରେ କାମ କରିବା ବନ୍ଦ କରି ଦେଇଛି । ଉଚ୍ଚାଭିଳାଷୀ ମିଶନଗୁଡିକ ପାଇଁ ପରିବର୍ତ୍ତନଗୁଡିକ ସୃଷ୍ଟି ହେଉଛି । ଯେତେବେଳେ ଏହି ଉଚ୍ଚାଭିଳାଷୀ ମିଶନଗୁଡିକ ଲୋକଙ୍କ ସହଭାଗିତା ଦ୍ୱାରା ଶକ୍ତି ପ୍ରାପ୍ତ ହୁଏ, ତାହା ଜନ ଆନ୍ଦୋଳନରେ ପରିଣତ ହୁଏ ଏବଂ, ଏହି ଜନ ଆନ୍ଦୋଳନ ଚମତ୍କାରିତା ହାସଲ କରେ । ପୂର୍ବରୁ ଅସମ୍ଭବ ବୋଲି ଅନୁମାନ କରାଯାଉଥିବା ଜିନିଷଗୁଡ଼ିକ ବର୍ତ୍ତମାନ ସମ୍ଭବ ହୋଇପାରିଛି । ଜୀବନର ମୌଳିକ ଆବଶ୍ୟକତା ଯୋଗାଣ ଶତ ପ୍ରତିଶତରେ ପହଞ୍ଚିଛି । ଏଥିପାଇଁ ଉତ୍ତମ ଉଦାହରଣ ହେଉଛି - ଜନ ଧନ ଯୋଜନା ଯାହା ସମୁଦାୟ ଆର୍ଥିକ ଅନ୍ତର୍ଭୂକ୍ତିକୁ ସୁନିଶ୍ଚିତ କରିଛି । ଏବଂ, ସ୍ୱଚ୍ଛ ଭାରତ ମିଶନ୍‌,  ଯେଉଁଠାରେ  ପରିମଳ ସୁବିଧା ପ୍ରାୟ ସମସ୍ତ ପରିବାରରେ ପହଞ୍ଚଛି ।

ବନ୍ଧୁଗଣ,

ଭାରତରେ ଆମେ ବଡ ଧରଣର ସମସ୍ୟାର ସମ୍ମୁଖୀନ ହେଉଥିଲୁ ଯେତେବେଳେ ସେବା ବିତରଣ- ଦୁର୍ବଳତା ଆଗକୁ ଆସୁଥିଲା । ଏହି କାରଣରୁ ଗରିବମାନେ ଅଧିକ କଷ୍ଟ ପାଇଲେ । ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ବର୍ଷ ବର୍ଷ ଧରି ଗରିବଙ୍କ ପାଇଁ ଟଙ୍କା ଖର୍ଚ୍ଚ ହୋଇଥିଲା ଯାହା ପ୍ରକୃତରେ ଗରୀବ ଲୋକଙ୍କ ପାଖରେ ପହଞ୍ଚିପାରୁ ନଥିଲା । ଡିବିଟି ଯୋଗୁଁ ଆମ ସରକାର ଏହି ସଂସ୍କୃତିକୁ ସମାପ୍ତ କଲେ । ଡିବିଟି ସିଧାସଳଖ ଲାଭ ସ୍ଥାନାନ୍ତର ପାଇଁ ଛିଡା ହୋଇଛି । ଡିବିଟି ମଧ୍ୟସ୍ଥି ଏବଂ ଅପାରଗତାର ସଂସ୍କୃତିକୁ ସମାପ୍ତ କରିଛି । ଏହା ତ୍ରୁଟି ପାଇଁ ସାମାନ୍ୟ ପରିସର ଛାଡିଛି । ଡିବିଟି ଏପର୍ଯ୍ୟନ୍ତ କୋଡିଏ ବିଲିୟନ ଡଲାରରୁ ଅଧିକ ସଞ୍ଚୟ କରିଛି । ଆପଣ ଘରେ ଏଲଇଡି ଲାଇଟ୍ ଦେଖୁଛନ୍ତି ।  ଆପଣ ଜାଣନ୍ତି ଯେ ସେଗୁଡିକ ଅଧିକ ଦକ୍ଷ ଏବଂ ଶକ୍ତି ସଂରକ୍ଷଣ କରନ୍ତି । କିନ୍ତୁ ଆପଣ ଭାରତରେ ଏହାର ପ୍ରଭାବ ଜାଣିଛନ୍ତି କି? ଗତ କିଛି ବର୍ଷ ମଧ୍ୟରେ ଆମେ ୩୬୦ ମିଲିୟନରୁ ଅଧିକ ଏଲଇଡି ବଲ୍ୱ ବଣ୍ଟନ କରିଛୁ । ଆମେ ୧୦ ମିଲିୟନ୍ ଷ୍ଟ୍ରିଟ୍ ଲାଇଟ୍ କୁ ଏଲଇଡି ଲାଇଟ୍ ରେ ପରିବର୍ତ୍ତନ କରିଛୁ । ଏହା ମାଧ୍ୟମରେ ଆମେ ପ୍ରାୟ ୩.୫ଞ୍ଚ ବିଲିୟନ ଡଲାର ସଞ୍ଚୟ କରିଛୁ । କାର୍ବନ ର୍ନିଗମନ ମଧ୍ୟ ହ୍ରାସ ପାଇଛି । ମୁଁ ଦୃଢ ଭାବରେ ବିଶ୍ୱାସ କରେ- ସଞ୍ଚୟ ହୋଇଥିବା ଟଙ୍କା ହେଉଛି ରୋଜଗାର । ଶକ୍ତି ସଞ୍ଚୟ ହେଉଛି ଶକ୍ତି ଉତ୍ପନ୍ନ । ଏହି ଅର୍ଥ ବର୍ତ୍ତମାନ ଅନ୍ୟ ସମାନ ପ୍ରଭାବଶାଳୀ କାର୍ଯ୍ୟକ୍ରମ ମାଧ୍ୟମରେ ଲକ୍ଷ ଲକ୍ଷ ଲୋକଙ୍କୁ ସଶକ୍ତ କରିବାକୁ ବ୍ୟବହୃତ ହେଉଛି ।

ବନ୍ଧୁଗଣ,

ଆଜିର ଭାରତରେ, ପରିଶ୍ରମୀ କରଦାତାଙ୍କ ଅବଦାନକୁ ସମ୍ମାନିତ କରାଯାଏ । ଗୋଟିଏ କ୍ଷେତ୍ର ଯେଉଁଠାରେ ଆମେ ଗୁରୁତ୍ୱପୂର୍ଣ୍ଣ କାର୍ଯ୍ୟ କରିଛୁ ତାହା ହେଉଛି ଟିକସ । ମୁଁ ଖୁସି ଯେ ଭାରତରେ ରହିଛି ସବୁଠାରୁ ବନ୍ଧୁତ୍ୱପୂର୍ଣ୍ଣ ଟିକସ ବ୍ୟବସ୍ଥା । ଏହାକୁ ଆହୁରି ଉନ୍ନତ କରିବାକୁ ଆମେ ପ୍ରତିବଦ୍ଧ । ଗତ ୫ ବର୍ଷରେ, ଆମେ ମଧ୍ୟବିତ୍ତଙ୍କ ଉପରେ ଟିକସ ବୋଝକୁ ଯଥେଷ୍ଟ ହ୍ରାସ କରିଛୁ । ଆମେ ବର୍ତ୍ତମାନ ସ୍ୱଚ୍ଛ ଟିକସ ମୂଲ୍ୟାଙ୍କନ ଆରମ୍ଭ କରୁଛୁ ଯାହା ଦ୍ୱାରା ବିଚକ୍ଷଣତା କିମ୍ବା ହଇରାଣ ହରକତ ପାଇଁ କୌଣସି ସୁଯୋଗ ନାହିଁ । କର୍ପୋରେଟ୍ ଟିକସ ହାର ହ୍ରାସ କରିବାକୁ ଭାରତର ନିଷ୍ପତ୍ତି ବିଷୟରେ ଆପଣ ପୂର୍ବରୁ ଶୁଣିଥିବେ । ଆମର ଜିଏସଟି ଭାରତର ଅର୍ଥନୈତିକ ଏକୀକରଣର ସ୍ୱପ୍ନକୁ ପୂରଣ କରିଛି । ଏହାକୁ ଅଧିକ ଲୋକପ୍ରିୟ କରିବା ଦିଗରେ ଆମେ କାର୍ଯ୍ୟ କରିବାକୁ ଚାହୁଁଛୁ । ମୁଁ ଯାହା କହିଛି ତାହା ବର୍ତ୍ତମାନ ଭାରତକୁ ପୁଞ୍ଜି ବିନିଯୋଗ ପାଇଁ ବିଶ୍ୱର ଅନ୍ୟତମ ଆକର୍ଷଣୀୟ ଅର୍ଥନୀତିରେ ପରିଣତ କରିଛି ।

ବନ୍ଧୁଗଣ,

ଗତ ପାଞ୍ଚ ବର୍ଷ ମଧ୍ୟରେ ଭାରତ ୨୮୬ ବିଲିୟନ ଆମେରିକୀୟ ଡଲାର ଏଫଡିଆଇ ପାଇଛି । ଗତ କୋଡିଏ ବର୍ଷ ମଧ୍ୟରେ ଏହା ଭାରତରେ ମୋଟ ଏଫଡିଆଇର ପ୍ରାୟ ଅଧା ଅଟେ । ଏହାର ୯୦% ସ୍ୱୟଂଚାଳିତ ଅନୁମୋଦନ ମାଧ୍ୟମରେ ଆସିଥିଲା । ଏବଂ ଏହାର ୪୦% ହେଉଛି ନୂତନ ନିବେଶ । ଏହା ଦର୍ଶାଉଛି ଯେ ନିବେଶକମାନେ ଭାରତରେ ଦୀର୍ଘକାଳୀନ ନିବେଶ କରୁଛନ୍ତି । ଭାରତର ଅଭିବୃଦ୍ଧି ପଥ ଅନେକ ମୂଲ୍ୟାୟନରେ ପ୍ରତିଫଳିତ ହୋଇଛି । ୟୁଏନସିଟିଏଡି ଅନୁଯାୟୀ ଆମେ ଶ୍ରେଷ୍ଠ ୧୦ଟି ଏଫଡିଆଇ ଗନ୍ତବ୍ୟସ୍ଥଳ ମଧ୍ୟରେ ରହିଛୁ, ପାଞ୍ଚ ବର୍ଷ ମଧ୍ୟରେ ଡବ୍ଲ୍ୟୁଆଇପିଓ ର ଗ୍ଲୋବାଲ୍ ଇନୋଭେସନ୍ ଇଣ୍ଡେକ୍ସରେ ଚବିଶଟି ସ୍ଥାନ ସ୍ଥାନ ଉପରକୁ ଉଠିଛି । କିନ୍ତୁ, ସେମାନଙ୍କ ମଧ୍ୟରୁ ଦୁଇଟି ଅଛି ଯାହାକୁ ମୁଁ ବିଶେଷ ଭାବରେ କହିବାକୁ ଚାହେଁ । ପାଞ୍ଚ ବର୍ଷ ମଧ୍ୟରେ ବିଶ୍ୱ ବ୍ୟାଙ୍କର "ସହଜ ବ୍ୟବସାୟ କରିବା’’ ମାନ୍ୟତାରେ ଭାରତ ୭୯ ସ୍ଥାନ ଉପରକୁ ଉଠିଛି । ୨୦୧୪ ରେ ୧୪୨ ରୁ ଆମେ ୨୦୧୯ ରେ ୬୩ରେ ପହଞ୍ଚିଛୁ ।  ଏହା ଏକ ବୃହତ ସଫଳତା । କ୍ରମାଗତ ତୃତୀୟ ବର୍ଷ ପାଇଁ, ଆମେ ଶ୍ରେଷ୍ଠ ଦଶ ସଂସ୍କାରକ ମଧ୍ୟରେ ଅଛୁ । ଭାରତରେ ବ୍ୟବସାୟ କରିବା ପାଇଁ ଅନେକ ସୁବିଧା ରହିଛି । ଆମେ ଏକ ବୃହତ ଏବଂ ବିବିଧ ରାଷ୍ଟ୍ର । ଏଠାରେ କେନ୍ଦ୍ର, ରାଜ୍ୟ ଏବଂ ସ୍ଥାନୀୟ ସରକାର ଅଛନ୍ତି । ଏହି ପରିପ୍ରେକ୍ଷୀରେ, ଏକ ଦିଗଦର୍ଶନ ପରିବର୍ତ୍ତନ ସଂସ୍କାର ପାଇଁ ଆମର ପ୍ରତିବଦ୍ଧତାକୁ ଦର୍ଶାଏ । ବ୍ୟବସାୟିକ ପରିବେଶକୁ ସୁଦୃଢ କରିବା ପାଇଁ ଲୋକ ଓ ସରକାର ଏକାଠି ହୋଇଛନ୍ତି ।

ବନ୍ଧୁଗଣ,

ଅନ୍ୟଟି ହେଉଛି ବିଶ୍ୱ ଅର୍ଥନୈତିକ ଫୋରମର ଭ୍ରମଣ ଏବଂ ପର୍ଯ୍ୟଟନ ପ୍ରତିଯୋଗୀତା ସୂଚକାଙ୍କରେ ଭାରତର ଉନ୍ନତ ମାନ୍ୟତା । ୨୦୧୩ ରେ ୬୫ ରୁ ଆମେ ୨୦୧୯ ରେ ୩୪ ରେ ସ୍ଥାନ ପାଇଛୁ । ଏହି ଡିଆଁ ସବୁଠୁ ବଡ ଅଟେ । ବିଦେଶୀ ପର୍ଯ୍ୟଟକଙ୍କ ସଂଖ୍ୟା ମଧ୍ୟ ୫୦% ବୃଦ୍ଧି ପାଇଛି । ଆପଣ ସମସ୍ତେ ଭଲ ଭାବରେ ଜାଣିଛନ୍ତି ଯେ ଜଣେ ପର୍ଯ୍ୟଟକ ଆରାମ, ସୁବିଧା ଏବଂ ନିରାପତ୍ତା ନ ପାଇବା ପର୍ଯ୍ୟନ୍ତ କୌଣସି ସ୍ଥାନକୁ ଯିବେ ନାହିଁ । ଏହିପରି, ଯଦି ଆମେ ଅଧିକ ପର୍ଯ୍ୟଟକ ପାଇପାରୁ, ଏହାର ଅର୍ଥ ହେଉଛି ଏଠାରେ ଆମର ପ୍ରୟାସ ଫଳ ଦେଉଛି । ଭାରତରେ ଉନ୍ନତ ସଡ଼କ, ଉନ୍ନତ ବିମାନ ସଂଯୋଗ, ଉନ୍ନତ ପରିଷ୍କାର ପରିଚ୍ଛନ୍ନତା ଏବଂ ଉତ୍ତମ ଆଇନ ଶୃଙ୍ଖଳା ବିଶ୍ୱକୁ ଭାରତ ଆଡକୁ ଆକର୍ଷିତ କରୁଛି ।

ବନ୍ଧୁଗଣ,

ଏହି ରାଙ୍କିଙ୍ଗ୍ ପରିବର୍ତ୍ତନର ପ୍ରଭାବ ଦେଖିବା ପରେ ଆସେ । ଏହି ମାନ୍ୟତା ଏକ ପୂର୍ବାନୁମାନ ନୁହେଁ । କ୍ଷେତ୍ର ସ୍ତରରେ ଯାହା ଘଟିଛି, ସେଗୁଡ଼ିକ ହେଉଛି ପ୍ରକୃତ ବାସ୍ତବତା ।

ବନ୍ଧୁଗଣ,

ଭାରତ ବର୍ତ୍ତମାନ ଆଉ ଏକ ସ୍ୱପ୍ନ ଅନୁସରଣ କରୁଛି - ପାଞ୍ଚଞ୍ଚ ଟ୍ରିଲିୟନ ଡଲାର ଅର୍ଥନୀତିରେ ପରିଣତ ହେବ । ଯେତେବେଳେ ମୋର ସରକାର ୨୦୧୪ ରେ ଦାୟିôୟ ଗ୍ରହଣ କଲେ, ଭାରତର ଜିଡିପି ପ୍ରାୟ ୨ ଟ୍ରିଲିୟନ ଡଲାର ଥିଲା । ୬୫ ବର୍ଷରେ, ୨ ଟ୍ରିଲିୟନ୍ । ମାତ୍ର ମାତ୍ର ୫ ବର୍ଷ ମଧ୍ୟରେ ଆମେ ଏହାକୁ ପ୍ରାୟ ୩ ଟ୍ରିଲିୟନ ଡଲାରକୁ ବୃଦ୍ଧି କରିଛୁ । ଏହା ମୋତେ ବିଶ୍ୱାସ ଦିଏ ଯେ ୫ ଟ୍ରିଲିୟନ୍ ଡଲାର ଅର୍ଥନୀତିର ସ୍ୱପ୍ନ ଶୀଘ୍ର ବାସ୍ତବରେ ପରିଣତ ହେବ । ଆଗାମୀ ପୀଢିର ଭିତ୍ତିଭୂମି ପାଇଁ   ଆମେ ୧.୫  ଟ୍ରିଲିୟନ୍ ଡଲାର ବିନିଯୋଗ କରିବାକୁ ଯାଉଛୁ ।

ବନ୍ଧୁଗଣ,

ଯଦି ଗୋଟିଏ ଜିନିଷ ଅଛି ଯାହାକୁ ମୁଁ ବିଶେଷ ଭାବରେ ଗର୍ବିତ, ଏହା ହେଉଛି ଭାରତର ଦକ୍ଷ ଏବଂ ଦକ୍ଷ ମାନବ ପୁଞ୍ଜି । ଏଥିରେ ଆଶ୍ଚର୍ଯ୍ୟର କଥା ଯେ ଭାରତ ବିଶ୍ୱର ସର୍ବ ବୃହତ ଷ୍ଟାର୍ଟ ଅପ୍ ଇକୋ-ସିଷ୍ଟମ ମଧ୍ୟରେ ଅଛି । ଡିଜିଟାଲ ଗ୍ରାହକଙ୍କ ପାଇଁ ଭାରତ ସବୁଠାରୁ ବଡ ଏବଂ ଦ୍ରୁତ ଅଭିବୃଦ୍ଧିଶୀଳ ବଜାର ମଧ୍ୟରୁ ଅନ୍ୟତମ ।  ଏଠାରେ ଏକ ବିଲିୟନ ସ୍ମାର୍ଟ ଫୋନ୍ ବ୍ୟବହାରକାରୀ ଏବଂ ଅଧା ବିଲିୟନରୁ ଅଧିକ ଇଣ୍ଟରନେଟ୍ ଗ୍ରାହକ ଅଛନ୍ତି । ଆମେ ଇଣ୍ଡଷ୍ଟ୍ରି ଫୋର୍ ପଏଣ୍ଟ ଜିରୋ ସହିତ ଗତି କରୁଛୁ ଏବଂ ବିକାଶ ଏବଂ ଶାସନ ଆବଶ୍ୟକତା ପୂରଣ ପାଇଁ ଜ୍ଞାନକୌଶଳକୁ ଖାପ ଖୁଆଇବା ପାଇଁ ସକ୍ରିୟ ଭାବରେ କାର୍ଯ୍ୟ କରୁଛୁ । ଏହି ସମସ୍ତ ସୁବିଧା ସହିତ, ଆମେ ଏକ ଗ୍ଲୋବାଲ୍ ଉତ୍ପାଦନ ହବ୍ ଭାବରେ ଉଭା ହେବାକୁ ଯାଉଛୁ ।

ବନ୍ଧୁଗଣ,

ବିଜ୍ଞାନ, ପ୍ରଯୁକ୍ତିବିଦ୍ୟା, ନବସୃଜନ ଏବଂ ସୃଜନଶୀଳତା ଉପରେ ର୍ନିମିତ "ଥାଇଲାଣ୍ଡ ଫୋର୍ ପଏଣ୍ଟ ଜିରୋ’' ଥାଇଲ୍ୟାଣ୍ଡକୁ ମୂଲ୍ୟ-ଅ ।ଧାରିତ ଅର୍ଥନୀତିରେ ରୂପାନ୍ତରଣ କରିବା ଉପରେ ଧ୍ୟାନ ଦେଇଥାଏ । ଏହା ମଧ୍ୟ ଭାରତର ପ୍ରାଥମିକତା ସହିତ ସୁସଙ୍ଗତ ଏବଂ ପ୍ରଶଂସନୀୟ । ଡିଜିଟାଲ୍ ଇଣ୍ଡିଆ, ସ୍କିଲ୍ ଇଣ୍ଡିଆ, ଗଙ୍ଗା ପୁନଃ ଉଦ୍ଧାର ପ୍ରକଳ୍ପ, ସ୍ୱଚ୍ଛ ଭାରତ ମିଶନ୍‌, ସ୍ମାର୍ଟ ସିଟି ଏବଂ ଜଳ ଜୀବନ ମିଶନ୍ ଭଳି ଭାରତର ପଦକ୍ଷେପ ଭାଗିଦାରୀ ପାଇଁ ଭଲ ସୁଯୋଗ ପ୍ରଦାନ କରିଥାଏ ।

ବନ୍ଧୁଗଣ,

ଯେତେବେଳେ ଭାରତ ସମୃଦ୍ଧ ହୁଏ, ବିଶ୍ୱ ସମୃଦ୍ଧ ହୁଏ । ଭାରତର ବିକାଶ ପାଇଁ ଆମର ଦୃଷ୍ଟିକୋଣ ଏପରି ଯେ ଏହା ଏକ ଉତ୍ତମ ଗ୍ରହକୁ ମଧ୍ୟ ନେଇଥାଏ । ଯେତେବେଳେ ଆମେ ଆୟୁଷ୍ମାନ ଭାରତ ମାଧ୍ୟମରେ ୫୦୦ ନିୟୁତ ଭାରତୀୟଙ୍କୁ ସର୍ବୋଚ୍ଚ ଗୁଣବତ୍ତା ଏବଂ ସୁଲଭ ସ୍ୱାସ୍ଥ୍ୟସେବା ପ୍ରଦାନ କରିବାକୁ ଚାହିଁଛୁ, ଏହା ସ୍ୱାଭାବିକ ଭାବରେ ଏକ ସୁସ୍ଥ ଦେଶ ସୃଷ୍ଟି କରିବ । ଯେତେବେଳେ ଆମେ ୨୦୨୫ ରେ ଯକ୍ଷ୍ମାକୁ ହଟାଇବାକୁ ନିଷ୍ପତ୍ତି ନେଉଛୁ, ୨୦୩୦ ର ବିଶ୍ୱର ଲକ୍ଷ୍ୟର ପାଞ୍ଚ ବର୍ଷ ପୂର୍ବରୁ, ଏହା ନିଶ୍ଚିତ ଭାବରେ ଯକ୍ଷ୍ମା ବିରୋଧରେ ବିଶ୍ୱ ସଂଗ୍ରାମକୁ ଦୃଢ କରିବ । ସେହି ସମୟରେ, ଆମେ ଆମର ସଫଳତା ଏବଂ ସର୍ବୋତ୍ତମ ଅଭ୍ୟାସକୁ ବିଶ୍ୱ ସହିତ ମଧ୍ୟ ସେୟାର କରୁଛି । ଆମର ଦକ୍ଷିଣ ଏସିଆ ଉପଗ୍ରହ ଆମ ଅଞ୍ଚଳର ଅନେକ ଲୋକଙ୍କୁ ସାହାଯ୍ୟ କରୁଛି  ବିଶେଷକରି ଛାତ୍ର ଏବଂ ମତ୍ସ୍ୟଜୀବୀମାନଙ୍କୁ ।

ବନ୍ଧୁଗଣ,

ଆମର ଆକ୍ଟ ଇଷ୍ଟ ପଲିସୀ ଆଭିମୁଖ୍ୟରେ, ଆମେ ଏହି ଅଞ୍ଚଳ ସହିତ ସଂଯୋଗ ବୃଦ୍ଧି ପାଇଁ ବିଶେଷ ଧ୍ୟାନ ଦେଉଛୁ । ଥାଇଲ୍ୟାଣ୍ଡର ପଶ୍ଚିମ ଉପକୂଳରେ ଥିବା ବନ୍ଦର ଏବଂ ଭାରତର ପୂର୍ବ ଉପକୂଳରେ ଥିବା ଚେନ୍ନାଇ, ବିଶାଖାପାଟନମ୍ ଏବଂ କୋଲକାତା ମଧ୍ୟରେ ସିଧାସଳଖ ସଂଯୋଗ ଆମର ଅର୍ଥନୈତିକ ଭାଗିଦାରୀକୁ ବଢାଇବ । ଆମେ ଏହି ସମସ୍ତ ଅନୁକୂଳ କାରଣଗୁଡ଼ିକର ଲାଭ ଉଠାଇବା ଆବଶ୍ୟକ । ଆମର ପିତୃପୁରୁଷଙ୍କ ପରି ଆମକୁ ଆମର ଭୌଗୋଳିକ କ୍ଷେତ୍ରରୁ ଲାଭ ଉଠାଇବାକୁ ପଡିବ ।

ବନ୍ଧୁଗଣ,

ଆମର ଅର୍ଥବ୍ୟବସ୍ଥା ପରସ୍ପରକୁ ସକ୍ଷମ ଏବଂ ପରସ୍ପରକୁ ପୂର୍ଣ୍ଣ କରିବା, ଆମ ସଂସ୍କୃତିର ସାଧାରଣତାକୁ ଦୃଷ୍ଟିରେ ରଖି, ପରସ୍ପର ପାଇଁ ପ୍ରାକୃତିକ ଶୁଭେଚ୍ଛା, ମୋର କୌଣସି ସନ୍ଦେହ ନାହିଁ ଯେ ଏକ ବିଜୟ-ପରିସ୍ଥିତି ପାଇଁ ଆମେ ଆମର ବ୍ୟବସାୟିକ ଭାଗିଦାରୀକୁ ବଢାଇ ପାରିବା । ମୁଁ ଏତିକି କହି ଶେଷ କରିବାକୁ ଚାହେଁ: ନିବେଶ ଏବଂ ସହଜ ବ୍ୟବସାୟ ପାଇଁ ଭାରତକୁ ଆସନ୍ତୁ । ଉଦ୍ଭାବନ ଏବଂ ଆରମ୍ଭ କରିବାକୁ, ଭାରତକୁ ଆସ । କେତେକ ସର୍ବୋତ୍ତମ ପର୍ଯ୍ୟଟନ ସ୍ଥାନ ଏବଂ ଲୋକଙ୍କ ଉଷ୍ମ ଆତିଥେୟତାକୁ ଅନୁଭବ କରିବାକୁ, ଭାରତକୁ ଆସ । ଭାରତ ତୁମକୁ ସ୍ୱାଗତ ପାଇଁ ଅପେକ୍ଷା କରିଛି ।

ଧନ୍ୟବାଦ

ଖୋବ ଖୁନ୍‍ ଖ୍ରପ

ଆପଣଙ୍କୁ ଅନେକ ଧନ୍ୟବାଦ ।

HS