ভারত সরকারগী হাউজিং অমসুং অর্বান এফিয়র্স মন্ত্রালয় (এম.ও.ঐচ.য়ু.এ.)না শীন-লাঙদুনা ওক্তোবর ১৯-২১, ২০২২দা গুজরাতকী রাজকোত্তা নুমিৎ হুম্নি চুপ্না পাংথোক্কদবা ‘ইন্দিয়া অর্বান হাউজিং কনক্লেব ২০২২ (আই.য়ু.ঐচ.সি.২০২২) প্রধান মন্ত্রী, শ্রী নরেন্দ্র মোদীনা হৌদোক্কনি। হাউজিং অমসুং অর্বান এফিয়র্স; পেত্রোলিয়ম অমসুং নেচরেল গ্যাসকী কেন্দ্র মন্ত্রী, শ্রী হর্দীপ সিংহ পুরী, হাউজিং অমসুং অর্বান এফিয়র্সকী রাজ্য মন্ত্রী, শ্রী কৌশল কিশোর অমসুং কেন্দ্র অমসুং রাজ্যগী অতোপ্পা দিগ্নিতরী কয়ানা থৌরমসিদা শরুক য়াগনি। পি.এম.এ.ৱাই.-য়ু.গী মথক্তা, স্বচ্ছ ভারত মিসন, অতল মিসন ফোর রিজ্যুবিনেসন অমসুং অর্বান ত্রান্সফোর্মেসন (অম্রুত), স্মার্ত সিতীজ মিসন, অর্বান ত্রান্সপোর্ত, দীন্দয়াল অন্ত্যোদয়া য়োজনা, নেস্নেল অর্বান লাইবলিহুদ মিসন (এন.য়ু.এল.এম.), স্বনিধীনচিংবা এম.ও.ঐচ.য়ু.এ.না পায়খৎলিবা অতোপ্পা অর্বান মিসনশিংসু থৌরমসিদা শরুক য়াগনি।

‘ইন্দিয়া অর্বান হাউজিং কনক্লেব’না স্তেকহোলদরশিংনা মখোয়গী তেক্নোলোজী উৎপগা লোয়ননা হায়রিবশিংবু পাক শন্না শিজিন্নবা অমসুং লৈবাক্কী তোঙানবা জিও-ক্লাইমেতিক মফমশিংগা চুনবা তোঙানবা মখলগী য়ুম শাবগী থৌওং মেনস্ত্রীম তৌবা ঙম্নবগীদমক্তা তেক্নোলোজী, মেতরিএল অমসুং থৌওংগী অতোপ্পা মহুৎ শিনবা য়াবশিংগী মতাংদা তাকপগী প্লেতফোর্ম অমা পীগনি। পব্লিক/প্রাইভেত এজেন্সী, আর. অমসুং দি. অমদি তেক্নিকেল ইন্সতিত্যুসন, কনস্ত্রক্সন এজেন্সী, দিভেলপর, কন্ত্রেক্তর, স্তার্তঅপ অমসুং অতোপ্পা স্তেকহোলদরশিংনা হায়রিবশিং অসি মখা তানা শিজিন্নবা য়াহন্নবা ইকো-সীস্তেম অমসু কনক্লেব অসিনা শেমগনি। মখা তাবা ওইনা, বেনিফিশরী (য়ুম্বু)শিংনা ইন্নোভেতিব ওইবা, খোঙজেল য়াঙবা অমসুং শেল চঙদনা কন্সত্রক্সন তৌবগী তেক্নোলোজী অমসুং মসিদা শিজিন্ননবা মেতরিএল কয়াসু খঙবা ঙমগনি। ‘অমৃত কাল’গী মনুংদা অর্বান হাউজিং মিৎয়েং চঙলিবা “ফ্যুচর রেদী অর্বান ইন্দিয়া”গী পান্দম ফংনবগীদমক্তা থৌরাং য়াৎপদসু কনক্লেব অসিনা তেংবাংগনি।

থৌরম অসি ফিজিকেল অমসুং ভর্চুএল ওইনা ৱেবকাস্তিং অমদি লাইব স্ত্রীমিং তৌদুনা পাংথোক্কনি। থৌরম অসিদা মখাগীশিং অসি মনুং চনগনিঃ

১) গুজরাতকী রাজকোত্তা লাইত হাউস প্রোজেক্ত (এল.ঐচ.পি.) হৌদোকপা: রাজকোতকী এল.ঐচ.পি. অসি মালেম্না য়ারবা ইন্নোভেতিব ওইবা কনস্ত্রক্সন তেক্নোলোজী শিজিন্নদুনা এম.ও.ঐচ.য়ু.এ.না রাজ্য ৬তা পায়খৎলিবা এল.ঐচ.পি.এস. ৬কী মনুংদা অমনি। এল.ঐচ.পি. রাজকোত অসি হীরম খুদিংদা মপুং ফানা লোইশিল্লে। য়াম্না খোঙজেল য়াঙনা শাবা ঙমহনবা, কনবা, মেন্তেনেন্স নেম্বগা লোয়ননা রিসোর্স য়াম্না চঙদবা অমসুং মহৌশানা থোকহনবা অমাং অতাদগী ঙাকথোকপা ঙম্বগী মগুন চেনবা য়ুম ১১৪৪ শাবদা শিজিন্নরিবা ফ্রান্সকী গ্লোবেল ইন্নোভেতিব তেক্নোলোজী, ‘মোনোলিথিক কনক্রীত কনস্ত্রক্সন য়ুজিং তন্নেল ফ্রেমৱর্ক’ প্রোজেক্ত অসিদা শিজিন্নরি। এল.ঐচ.পি. রাজকোত অসিবু থৌরম অসিদা ইকায় খুম্ননীংঙাই ওইরবা প্রধান মন্ত্রীনা শঙ্গাদুনা বেনিফিশরীশিংদা খুৎশিন্নগনি। মসিগী মথক্তা, তোঙানবা পব্লিকেসন, কম্পনেদিয়ম অমসুং লাইরিক কয়াসু ফোঙগনি।

২) ইন্নোভেসন কনস্ত্রক্সন প্রেক্তিসকী নেস্নেল একজিবিসন: ইন্নোভেতিব ওইবা বিলদিং মেতরিএল, কনস্ত্রক্সন তেক্নোলোজী অমসুং থৌওং কয়াগী একজিবিসন অমা শীনগনি অমসুং মসিদা মালেম অমসুং লৈবাক্কী একজিবিতরশিংনা ইন্নোভেতিব ওইবা বিলদিং মেতরিএল, কনস্ত্রক্সন তেক্নোলোজীগী প্রোতোতাইপ মোদেল কয়া উৎকনি।

৩) গুজরাত য়াওনা অতোপ্পা রাজ্যশিংনা পি.এম.এ.ৱাই.-য়ু.গী মখাদা পাংথোকপা খ্বাইদগী ফবা থৌওংশিংগী একজিবিসন: পি.এম.এ.ৱাই.-য়ু. মিসন্না কোওপরেতিব ফেদেরেলিজম শৌগৎলি। ইন্নোভেতিব ওইবা কনস্ত্রক্সন প্রেক্তিস পাংথোকপা, অতোপ্পা হাউজিং অমসুং লাইবলিহুদ স্কিমগা পি.এম.এ.ৱাই.-য়ু.গা পুন্সিন্নবা, অখন্নবা কাঙলুপকী মীওইশিংদা হাউজিং পীবনচিংবা লোকেলগী ফিভমগা চুনহন্দুনা রাজ্যশিংনা মখোয়গী ইমপ্লিমেন্তেসন স্ত্রকচরশিংদা ইন্নোভেসন পাংথোক্নখি। একজিবিসন অসিনা গুজরাত য়াওনা হায়রিবা রাজ্যশিংগী থৌওংশিং উৎপগী পান্দম থম্লি।

৪) এফোর্দেবল হাউজিংগী তাংদা ৱা ঙাঙবা: দাইলোগ, থীমেতিক সেসন, রাউন্দতেবল দিস্কসন তোঙানবা কয়া স্তেকহোলদর কয়াগা মালেম অমসুং লৈবাক্কী অখঙ-অহৈশিংগী মরক্তা পাংথোক্কনি। অর্বান লেন্দস্কেপ্তা অহোংবা পুরকপগী মরী লৈনবা থৌওং কয়া মখোয়না লান্নবগা লোয়ননা থবক অসিদা হৌজিক ওইরিবা মায় পাকপগী থাকশিংগী মতাংদসু খন্ন-নৈনগনি। মসিদা এম.ও.ঐচ.য়ু.এ./রাজত/য়ু.তি.গী ওফিসিএল, একাদমিয়া, সিভিল সোসাইতী লুপ অমসুং অতোপ্পা স্তেকহোলদর কয়া শরুক য়াগনি।

৫) পি.এম.এ.ৱাই. (য়ু.) এৱার্দ ২০২১ য়েন্থোকপা: রাজ্য, য়ু.তি. অমসুং য়ু.এল.বি.না মশক থোকপা থৌওং পাংথোকপশিংবু শকখঙনবগীদমক্তা এম.ও.ঐচ.য়ু.এ.না পি.এম.এ.ৱাই. (য়ু.) পাংথোকপদা খ্বাইদগী হেন্না থবক ফবগীদমক্তা চহি খুদিংগী মনা পীবগী থৌওং হৌদোকখি। পি.এম.এ.ৱাই. (য়ু.) এৱার্দ ২০২১গী মকোক মথং তারবশিং মশক খঙদোক্লে অমসুং থৌরম অসিদা মখোয়গী মফমদা এৱার্দ পীগনি।

এম.ও.ঐচ.য়ু.এ.না লৈবাক্কী অর্বান মফমশিংগী মতিক চাবা ইমুং/বেনিফিশরীশিংদা পুন্সিগী তঙাই ফদবা পোৎলম খুদিং য়াওবা অইং-অশা পুম্নমক্কী পক্কা য়ুম পীনবগীদমক্তা জুন ২০১৫দা পি.এম.এ.ৱাই. (য়ু.) হৌদোকখি। স্কিম অসিগী মখাদা হৌজিক ফাওবগী ওইনা, য়ুম লাখ ১২২.৬৯ শাবগী অয়াবা পীখ্রে অমসুং মসিগী মনুংদগী য়ুম লাখ ১০৫ শাবা হৌখ্রে অমসুং য়ুম লাখ ৬৩ শাবা লোইদুনা বেনিফিশরীশিংদা খুৎশিন্নখ্রে। অয়াবা পীখ্রবা য়ুম খুদিংমক মার্চ ৩১, ২০২২ ফাওবদা শাবা লোইশিন্নবগীদমক্তা স্কিম অসিবু দিসেম্বর ৩১, ২০২৪ ফাওবা শাংদোকখ্রে। পি.এম.এ.ৱাই. (য়ু.)বু মায় পাকহন্নবগীদমক্তা তেক্নোলোজী সব-মিসন (তি.এস.এম.) অমা লিংখৎখি অমসুং মসিনা ইন্নোভেতিব, সস্তেনেবল, ইকো ফ্রেনলী ওইবা অমসুং দিজাজতর রেজিলিএন্ত তেক্নোলোজী শিজিন্নহনবা অমসুং শেল চঙদবা, খোঙজেল য়াঙনা অমসুং মগুন লৈবা য়ুম শাবদা তেংবাংগনি।

অনৌবা অমসুং ইন্নোভেতিব ওইবা কনস্ত্রক্সন তেক্নোলোজী অমসুং সীস্তেম খুমাং চাউশিলহন্নবগীদমক্তা গ্লোবেল-হাউজিং তেক্নোলোজী চেলেঞ্জ – ইন্দিয়া (জি.ঐচ.তি.সি.-ইন্দিয়া)বু জনুৱারী ২০১৯দা হৌদোকখি অমসুং সস্তেনেবল, গ্রীন অমসুং দিজাজতর রেজিলিএন্ত ওইরে খঙলবা মালেমদা শিজিন্নবা কনস্ত্রক্সন তেক্নোলোজী কয়াবু চাংয়েংনবগী খুত্থাংদা খঙদোক্তুনা ভারতকী কনস্ত্রক্সন সেক্তরদা অহোংবা পুরকপগী পান্দম থম্লি। মসিগী মখাদা, ইকায় খুম্ননীংঙাই ওইরবা প্রধান মন্ত্রীনা নই দিল্লীগী বিজ্ঞানা ভবন্দা মার্চ ২, ২০১৯দা ‘কনস্ত্রক্সন তেক্নোলোজী ইন্দিয়া (সি.তি.আই.) – ২০১৯: এক্সপো কম কনফরেন্স’ হৌদোকখি।

ইন্দোর, রাজকোত, চেন্নৈ, রাঞ্চী, আগর্তালা অমসুং লখনৌদা লাইত হাউস প্রোজেক্ত (এল.ঐচ.পি.) ৬ শেমগৎনবগীদমক্তা এক্সপো অসিদা শরুক য়ারকপা মালেমগী খ্বাইদগী ফবা তেক্নোলোজী ৫৪গী মনুংদগী মশক থোকপা তেক্নোলোজী ৬ খনগৎখি। এল.ঐচ.পি. ৬কী উরেপ উয়ুং খুদিংমক প্রধান মন্ত্রীনা ১/১/২০২১দা তমখি। মখোয়শিং অসিগী মনুংদগী এল.ঐচ.পি. চেন্নৈবু প্রধান মন্ত্রীনা মে ২৬, ২০২২দা শঙ্গাখি। এল.ঐচ.পি. রাজকোতসু শঙ্গাবগী শেম শাবা লোইরে। অতোপ্পা এল.ঐচ.পি.শিংসু লোইশিল্লকপগী থাক্তা লৈরে।

মসিগী মথক্তা, লৈবাক অসিদা অনেম্বা অমসুং ময়াই ওইরপ্না ৱাংবা শেল চঙদবা য়ুম শাবগীদমক্তা ইন্দিজিনিয়স/অলতর্নেত/সস্তেনেবল বিলদিং মেতরিএল অমসুং ইন্নোভেতিব ওইবা কনস্ত্রক্সন সীস্তেম/তেক্নোলোজী চাউখৎহন্নবগীদমক্তা উত্তর প্রদেশকী লখনৌদা ওক্তোবর ৫, ২০২১দা ‘ইন্দিয়ন হাউজিং তেক্নোলোজী মেলা’ (আই.ঐচ.তি.এম.) পাংথোকখি। মেল অসিবু প্রধান মন্ত্রীনা হৌদোকখি। ইন্দিজিনিয়স ইন্নোভেতিব তেক্নোলোজী, মেতরিএল অমসুং প্রোসেস ৮৪বু মেলা অসিগী মখাদা খনগৎখি।

 ‘ইন্দিয়ন অর্বান হাউজিং কনক্লেব’না কন্সত্রক্সন সেক্তরদা সস্তেনেবল দিভেলপমেন্ত লৈহন্নবগীদমক্তা তেক্নোলোজীদা মায় ওন্সিনবা অমসুং মিৎয়েং পাকথোক চাউথোকহনবগী থৌওংদা তেংবাগনি। মসিনা জি.ঐচ.তি.সি.-ইন্দিয়া অমসুং আই.ঐচ.তি.এম.গী মখাদা খনগৎখিবা তেক্নোলজীশিং অমসুং মালেম শিনবা থুংবগী তোঙানবা স্তেকহোলদরশিংনা শেমগৎপা থৌওংশিং মনুং চন্না মালেম অমসুং ইরমদমগী তেক্নোলোজীশিংবু অমত্তা ওইনা পুরক্তুনা কম্মন প্লেতফোর্ম অমদা উৎপদা তেংবাংগনি।

**********