তুরিজম মন্ত্রালয়না গৃহ মন্ত্রালয় অমসুং ব্যুরো ওফ পুলিস রীছর্চ এন্দ দিভেলপমেন্ত (বি.পি.আর. এন্দ দি.)গা খুশম্নরগা নই দিল্লীগী বিজ্ঞান ভবন্দা ওক্তোবর ১৯, ২০২২দা মান্নবা তুরিস্ত পুলিস স্কম পায়খৎপগা মরী লৈননা স্তেত/য়ু.তি.শিংগী পুলিস দিপার্তমেন্তকী দাইরেক্তর জেনেরেল/ ইন্সপেক্তর জেনেরেল (দি.জি./আই.জি.)শিংগী ওইবা নেস্নেল কন্ফরেন্স পাঙথোক্কদৌরি‍। লোক সভাগী স্পীকর, শ্রী ওম বির্লানা কন্ফরেন্স অসিদা অথোইবা মীথুং ওইনা শরুক য়াগদৌরি‍। কনফরেন্স অসি তুরিজম, কল্চর অমসুং দোনরগী মন্ত্রী শ্রী জি. কিসন রেদ্দীনা শরুক য়াগনি‍।

তুরিজমগী রাজ্য মন্ত্রী, শ্রী শ্রীপদ য়েস্সো নাইক অমসুং গৃহ মন্ত্রালয়গী রাজ্য মন্ত্রী শ্রী নিত্যানন্দ রাই, সেক্রেতরী (হোম) শ্রী অজয় কুমার ঙল্লা, সেক্রেতরী (তুরিজম) শ্রী অর্বিন্দ সিংহ, দাইরেক্তর জেনেরেল (বি.পি.আর. এন্দ দি., এম.ঐচ.এ.) শ্রী বালাজী স্রিভাস্ব, জোইন্ত সেক্রেতরী (ফোরেনর্স দিভিজন, এম.ঐচ.এ.), রাজস্থান, কেরলা, গোৱা অমসুং মেঘালয়গী তুরিজম সেক্রেতরীশিং, স্তেত/য়ু.তি. পুম্নমক্কী দি.জি./আই.জি.শিং, অমদি এম.ঐচ.এ., এম.ও.তি., বি.পি.আর. এন্দ দি.গী অতৈ মকোক থোংবা ওফিসিএলশিংসু কন্ফরেন্স অসিদা শরুক য়াগনি‍।

স্তেত/য়ু.তি. পুম্নমক্কী পুলিস দিপার্তমেন্তকী দি.জি./আই.জি.শিংগী ওইবা নেস্নেল কন্ফরেন্স অসিগী এজেন্দাদি চুনবা শক্লোন অমসুং থৌদাং অমদি ত্রেনিংগী মতৌগা লোয়ননা তুরিস্ত স্পেসিফিক পুলিসিং শেমগৎপা, লম কোয়বশিংগী সেফ্তী অমসুং সিক্যুরিতীনা অহানবা অমদি খ্বাইদগী মরুওইবা প্রাইওরিতী পীদুনা লমকোয় লমথুংফমশিংদা লাক্লিবা মপান লৈবাক্কী অমদি লৈবাক মনুংগী লম কোয়বশিংদা শাফবা ফীভম ফংহন্নবগীদমক ভারত পুম্বদা চপ মান্নবা তুরিস্ত পুলিস স্কীম পায়খৎপনি‍।

কন্ফরেন্স অসিদা, বি.পি.আর. এন্দ দি.না শেম্বা ‘তুরিস্ত পুলিস স্কীম’গী রিপোর্তকী মরমদা শুগায়না তাক্কনি অমদি বি.পি.আর. এন্দ দি.না রিপোর্ত অসিগী রিকমেন্দেসন অমসুং ফাইন্দিংশিং এম.ঐচ.এ., এম.ও.তি. অমসুং স্তেত লৈঙাক/য়ু.তি. এদমিনিস্ত্রেসনগী মীহুৎশিংগী মফমদা লান্থোক্কনি‍। কন্ফরেন্স অসিগী ৱাখল্লোন্দি ফোরেন অমসুং দোমেস্তিক তুরিস্তশিংগী মথৌ তাবশিং য়েংশিন্নবা, মখোয়গী সেফ্তী অমসুং সিক্যুরিতী লৈহন্নবগীদমক স্তেত/য়ু.তি.শিংদা অখন্নবা পুলিস পর্সোনেলশিং শেমগৎপনি‍।

তুরিস্ত পুলিস স্কীমগী মতাঙদা পাঙথোক্কদৌরিবা নেস্নেল কন্ফরেন্স অসিগী পান্দমদি তুরিজম মন্ত্রালয়, গৃহ মন্ত্রালয়, ব্যুরো ওফ পুলিস রীছর্চ এন্দ দিভেলপমেন্ত অমসুং স্তেত লৈঙাকশিং/য়ু.তি. এদমিনিস্ত্রেসনশিং ফম্পাক অমত্তদা পুনশিন্দুনা স্তেত/য়ু.তি. পুলিস দিপার্তমেন্তশিংগা খুৎশম্ননা চৎমিন্নবা অমদি ভারত পুম্বগী থাক্তা মান্নবা তুরিস্ত পুলিস স্কীম মায় পাক্না পায়খৎনবগীদমক ফোরেন অমসুং দোমেস্তিক তুরিস্তশিংগী অকক্নবা মথৌ তাবশিংগী মরমদা খঙহনবনি‍। মসিনা সেফ্তী অমসুং সিক্যুরিতীগা মরী লৈননা মালেমগী থাক্তা লৈরিবা ভারতকী ৱাখল্লোন হোংদোক্কনি অমদি মালেমগী মনুংদা ভারত অসি শোয়দনা চৎনিংগদবা লমকোয় লমথুংফম অমা ওইহনবদা মতেং ওইগনি‍।

*****