মন্ত্রীমন্দল
মন্ত্রী মন্দলনা দোমেস্তিক এল.পি.জি.দা থোকখিবা অমাংবশিংগীদমক পি.এস.য়ু. ও.এম.সি.শিংদা ৱান তাইম গ্রান্ত ওইনা লুপা করোর ২২,০০০ পীবদা অয়াবা পীখ্রে
Posted On:
12 OCT 2022 4:25PM by PIB Imphal
প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা ঙসি পব্লিক সেক্তর অন্দরতেকিং ওইল মার্কেতিং কম্পনী (পি.এস.য়ু. ও.এম.সি.) অহুমদা লুপা করোর ২২,০০০ ওইবা ৱান তাইম গ্রান্ত পীনবা পেত্রোলিয়ম এন্দ নেচরল গ্যাস মন্ত্রালয়গী প্রপোজেল অয়াবা পীখ্রে। শেন্থং অসু ইন্দিয়ন ওইল কোর্পোরেসন লিমিতেদ (আই.ও.সি.এল.), ভারত পেত্রোলিয়ম কোর্পোরেসন লিমিতেদ (বি.পি.সি.এল.) অমসুং হিন্দুস্তান পেত্রোলিয়ম কোর্পোরেসন লিমিতেদ (ঐচ.পি.সি.এল.)গী মরক্তা য়েন্থোক্নগনি।
অয়াবা পীবা অসিনা দোমেস্তিক এল.পি.জি. সপ্লাইশিংদা অপনবা লৈহনদবা অমসুং মেক ইন ইন্দিয়া প্রদক্তশিং লৈশিনবদা শৌগৎলিবা আত্মনির্ভর ভারত অভিয়ানগী মখোয়গী ফিরেপ অদু মখা চত্থনবা পি.এস.য়ু. ও.এম.সি.শিংদা মতেং পাংলগনি।
দোমেস্তিক এল.পি.জি. সিলিন্দরশিং অসি পব্লিক সেক্তর অন্দরতেকিং ওইল মার্কেতিং কম্পনীশিং মমিং ওইনা পল্লবদা আই.ও.সি.এল., বি.পি.সি.এল., ঐচ.পি.সি.এল.না কঞ্জুমরশিংদা রিগ্যুলেৎ তৌবা মমলশিংদা সপ্লাই তৌই।
জুন ২০২০দগী জুন ২০২২ ফাওবগী মতমগী মনুংদা এল.পি.জি.গী মালেমগী মমলশিং অসি ৩০০%রোম হেনগৎলকখি। অদুম ওইনমক মালেমগী ওইনা লৈরিবা এল.পি.জি.গী মমলশিংদা অকা-অকুম তৌবদগী কঞ্জুমরশিংবু ঙাকথোক্নবা দোমেস্তিক এল.পি.জি.গী কঞ্জুমরশিংদা মমল হেনগৎলিবা অসি মপুং ফানা চৎনহনখিদে। মসিগী মতুং ইন্না হায়রিবা মতম অসিগী মনুংদা দোমেস্তিক এল.পি.জি.গী মমলশিং অসি ৭২% খক্তা হেনগৎখি। মসিনা ও.এম.সি.শিংদা চাউনা অমাংবা থোকহনখি।
অমাংবশিং অসি লৈজরবসু পি.এস.য়ু. ও.এম.সি. অহুমনা লৈবাক অসিদা তঙাই ফদবা চাকথোং গ্যাস লেপ্পা লৈতনা সপ্লাই তৌখি।
*****
(Release ID: 1867210)
Visitor Counter : 186
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam