প্রধানমন্ত্রীগী লোইশঙ
পি.এম.না কোলোনেল (রিতাইয়র্দ) ঐচ.কে. সচদেবগী লোইনবী শ্রীমতী উমা সচদেবগা উনখ্রে
Posted On:
07 OCT 2022 3:26PM by PIB Imphal
প্রধান মন্ত্রী, শ্রী নরেন্দ্র মোদীনা শ্রীমতী উমা সচদেবগা উনখ্রে। চহি ৯০ শুরবী মীওই অসিনা মহাক্কী লৈখিদ্রবা মপুরোইবা কোলোনেল (রিতাইয়র্দ) ঐচ.কে. সচদেবনা ইরম্বা লাইরিক ৩গী কোপীশিং প্রধান মন্ত্রীদা খুদোল তৌখি।
ত্বীত পরিং অমদা প্রধান মন্ত্রীনা ফোঙদোকখি;
“ঙসি ঐহাক্না শ্রীমতী উমা সচদেব জীগা নীংশিংদুনা লৈহৌরগদবা ৱারী ৱাতায় শানখি। মহাক চহি ৯০ শুরে অমদি থৌনা অমদি থাজবগী ৱাখল্লোন্না থল্লি। মহাক্কী মপুরোইবা, কোলোনেল (রিতাইয়র্দ) ঐচ.কে. সচদেব ময়াম্না ইকায়খুম্নবা ভেতেরন অমা ওইরম্মী। উমা জী জেনেরেল @Vedmalik1 জীগী মন্দোমচানি।”
“উমা জীনা মহাক্কী লৈখিদ্রবা মপুরোইবনা ইরম্বা লাইরিক ৩গী কোপীশিং ঐঙোন্দা পীরম্মী। মখোয়গী মনুংদা অনিদি গীতাগা মরী লৈনৈ অদুগা ‘ব্লদ এন্দ তিয়র্স’ হায়না মিংথোনবা অহুমসুবা লাইরক্তুনা অৱাবনা থল্লবা পার্তিসনগী মতমদা কোলোনেল (রিতাইয়র্দ) ঐচ.কে. সচদেবনা থেংনখিবা পুক্নিং নুংশিনিংঙাই ওইরবা থৌদোকশিং অমসুং মদুনা মহাক্কী পুন্সিদা পীখিবা শাফুগী মরমদা ইবনি।”
“পার্তিসন্না মরম ওইরগা অৱাবা নংখিবা, মখোয়গী পুন্সিবু লৈখা তানা মাঙলুবদগী হৌগৎলক্তুনা লৈবাক্কী চাওখৎ লমজেলদা থৌদাং লৌরকখিবশিংদুগী মফমদা শ্রদ্ধাঞ্জলি কৎচবা ওইনা ওগস্ত ১৪বু পার্তিসন হোরর্স রিমেম্ব্রেন্স দে হায়না পাঙথোক্নবা ভারতনা লৌখিবা ফিরেপকী মতাঙদা ঐখোয়না খন্নখি।”
***
(Release ID: 1865875)
Visitor Counter : 128
Read this release in:
Kannada
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam