సెప్టెంబర్ 2022 నెలలో సేకరించిన స్థూల జీఎస్టీ రాబడి రూ. 1,47,686 కోట్లు, ఇందులో సీజీఎస్టీ రూ. 25,271 కోట్లు, ఎస్ జీఎస్టీ రూ.31,813 కోట్లు, ఐ జీఎస్టీ రూ. 80,464 కోట్లు ( వస్తు దిగుమతులు రూ.41,215 కోట్ల తో సహా), సెస్ కింద రూ.10,137 కోట్లు (వస్తువుల దిగుమతిపై సేకరించిన రూ. 856 కోట్లతో సహా).

ప్రభుత్వం ఐజీఎస్టీ నుండి సీజీఎస్టీకి రూ.31,880 కోట్లు, ఎస్జీఎస్టీకి రూ. 27,403 కోట్లను ఎప్పటిలాగే సర్దుబాటు చేసింది. సెప్టెంబర్ 2022 నెలలో సాధారణ సెటిల్‌మెంట్ల తర్వాత కేంద్రం, రాష్ట్రాల ఆదాయం  సీజీఎస్టీకి రూ.57,151 కోట్లు, ఎస్జీఎస్టీకి రూ. 59,216 కోట్లు కేటాయింపు అయింది. 

సెప్టెంబర్ 2022 నెల రాబడి గత సంవత్సరం ఇదే నెలలో జీఎస్టీ రాబడి కంటే 26% ఎక్కువ. వస్తువుల దిగుమతుల ద్వారా వచ్చే ఆదాయాలు 39% ఎక్కువగా ఉన్నాయి. దేశీయ లావాదేవీల ద్వారా వచ్చే ఆదాయాలు (సేవల దిగుమతి తో సహా) గత సంవత్సరం ఇదే నెలలో ఈ వనరుల నుండి వచ్చిన ఆదాయం కంటే 22% ఎక్కువగా ఉన్నాయి.

ఇది ఎనిమిదవ నెల, ఇప్పుడు వరుసగా ఏడు నెలలు, నెలవారీ  జీఎస్టీ ఆదాయాలు రూ. 1.4 లక్షల కోట్ల మార్కు కంటే ఎక్కువగా ఉన్నాయి. గత సంవత్సరం ఇదే కాలంలో సెప్టెంబర్ 2022 వరకు  జీఎస్టీ రాబడిలో వృద్ధి 27% ఉంది, ఆగస్టు 2022 నెలలో, 7.7 కోట్ల ఇ-వే బిల్లులు జెనెరేట్ అయ్యాయి. ఇది జూలై 2022 లో 7.5 కోట్ల కంటే స్వల్పంగా ఎక్కువ.

ఈ నెలలో రెండో అత్యధిక సింగిల్ డే కలెక్షన్ రూ. 49,453 కోట్లు సెప్టెంబర్ 20న రెండవ అత్యధిక 8.77 లక్షల చలాన్‌లు దాఖలయ్యాయి, తర్వాత  2022 జూలై 20న 9.58 లక్షల చలాన్‌ల ద్వారా కేవలం రూ. 57,846 కోట్లు సేకరించారు, ఇది సంవత్సరం ముగింపు రిటర్న్‌లకు సంబంధించినది. జీఎస్టిఎన్  ద్వారా నిర్వహిస్తున్న జీఎస్టీ పోర్టల్ పూర్తిగా స్థిరీకరణ అయింది. ఏ లోపాలు లేవని  ఇది స్పష్టంగా చూపిస్తుంది. 30వ తేదీన ఎన్‌ఐసి నిర్వహిస్తున్న పోర్టల్‌లో ఎలాంటి లోపం లేకుండా 1.1 కోట్లకు పైగా ఇ-వే బిల్లులు, ఇ-ఇన్‌వాయిస్‌లు (72.94 లక్షల ఇ-ఇన్‌వాయిస్‌లు , 37.74 లక్షల ఇ-వే బిల్లులు) జెనెరేట్ అయి సెప్టెంబర్‌లో మరో మైలురాయిని దాటింది. 

దిగువ చిత్రం ప్రస్తుత సంవత్సరంలో నెలవారీ స్థూల  జీఎస్టీ ఆదాయాల ట్రెండ్‌లను చూపుతుంది. సెప్టెంబర్ 2021 తో పోలిస్తే సెప్టెంబర్ 2022 నెలలో ప్రతి రాష్ట్రంలో సేకరించిన   జీఎస్టీ  రాష్ట్రాల వారీ గణాంకాలను టేబుల్ చూపుతుంది.

రాష్ట్రాల వారీగా 2022 సెప్టెంబర్ లో జీఎస్టీ రెవిన్యూ వృద్ధి 

****