প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী কেবিনেতনা ভারত্তা সেমিকন্দক্তর অমসুং দিসপ্লে মেন্যুফেকচরিং তৌবগী ইকোসীস্তেম শেমগৎপগী প্রোগ্রামদা মখাগী থৌওংশিং শেমদোক-শেমজিন তৌবগী অয়াবা পীখ্রেঃ

1. ভারত্তা সেমিকন্দক্তর ফেব লিংখৎপগী স্কিমগী মখাদা তেক্নোলোজী নোদ খুদিংগী পেরি-পাসু বেসিস্তা প্রোজেক্তকী অচঙবা শেনফমগী ৫০% ফাওবগী ফিস্কেল সপ্পোর্ত পীবা।
2. ভারত্তা দিসপ্লে ফেব লিংখৎপগী স্কিমগী মখাদা পেরি-পাসু বেসিস্তা প্রোজেক্তকী অচঙবা শেনফমগী ৫০% ফাওবগী ফিস্কেল সপ্পোর্ত পীবা।
3. ভারত্তা কম্পাউন্দ সেমিকন্দক্তর/সিলিকোন ফোতোনিক্স/সেন্সর ফেব অমসুং সেমিকন্দক্তর এ.তি.এম.পি./ও.এস.এ.তি. ফেসিলিতী লিংখৎপগী স্কিমগী মখাদা পেরি-পাসু বেসিস্তা কেপিতেল এক্সপেন্দিচরগী শেনফমগী ৫০% ফাওবগী ফিস্কেল সপ্পোর্ত পীবা। অহেনবা ওইনা, স্কিম অসিগী মখাদা লৈগদৌরিবা তার্গেত তেক্নোলোজীশিংগী মনুংদা দিস্কৃত সেমিকন্দক্তর ফেবসু য়াওগনি।

শেমদোক্লবা প্রোগ্রাম অসিগী মখাদা, সেমিকন্দক্তর ফেব লিংখৎপগীদমক্তা তেক্নোলোজী নোদ খুদিংদা প্রোজেক্তকী অচঙবা শেনফমগী ৫০% ফাওবগী মান্নবা ফিস্কেল সপ্পোর্ত পীগনি। অখন্নবা মীয়াম্না পাম্নবা তেক্নোলোজী অমসুং কম্পাউন্দ সেমিকন্দক্তরগী মওং-মতৌ অমদি এদভান্স ওইবা পেকেজিংগী মতাংদা খন্নরুবা মতমদা, শেমদোক্লবা প্রোগ্রাম অসিনা কম্পাউন্দ সেমিকন্দক্তর/সিলিকোন ফোতোনিক্স/সেন্সর ফেব অমসুং সেমিকন্দক্তর এ.তি.এম.পি./ও.এস.এ.তি. ফেসিলিতী লিংখৎপগীদমক্তা পেরি-পাসু বেসিস্তা কেপিতেল এক্সপেন্দিচরগী শেনফমগী ৫০% ফাওবগী ফিস্কেল সপ্পোর্ত পীগনি।

প্রোগ্রাম অসিনা ভারত্তা সেমিকন্দক্তর ফেব লিংখৎনবা মালেমগী সেমিকন্দক্তর প্লেয়র কয়াগী পুক্নিং চিংশিল্লি। শেমদোক্লবা প্রোগ্রাম অসিনা ভারত্তা সেমিকন্দক্তর অমসুং দিসপ্লে মেন্যুফেকচরিং তৌনবা ইনভেস্তমেন্ত কয়া অমা লৈহনগনি। ইনভেস্তমেন্ত তৌবা ঙমগদবশিংগা ৱারী শাবদা, অহানবা সেমিকন্দক্তর ফেসিলিতী শাবগী থবক য়াম্না অথুবা মতমদা হৌরগনি হায়বগী থাজবা লৈরি।

ইন্দস্ত্রীগী ওইবা মালেমগী অখঙ-অহৈ অমসুং একাদমিয়া কয়া মনুং চনবা এদভাইজরী কম্মিতী অমা ইন্দিয়া সেমিকন্দক্তর মিসন - ভারত্তা সেমিকন্দক্তর অমসুং দিসপ্লে মেন্যুফেকচরিং তৌবগী ইকোসীস্তেম শেমগৎপগী প্রোগ্রামগী নোদেল এজেন্সীদা পাউতাক পীনবগীদমক্তা শেমখ্রে। এদভাইজরী কম্মিতী অসিনা সরকারনা য়ারবা সিলিকোন সেমিকন্দক্তর ফেব/ সিলিকোন ফোতোনিক্স/সেন্সর/ দিসকৃত সেমিকন্দক্তর এ.তি.এম.পি./ও.এস.এ.তি.গী তেক্নোলোজী নোদ খুদিংদা মান্নবা সপ্পোর্ত পীনবা য়েৎনবা লৈতনা পাউতাক পীরি। অতোপ্পা কয়াগী মরক্তগী ওতোমোতিব, পাৱর অমসুং তেলিকোম এপ্লিকেসন্দা য়াম্না তঙাই ফদবা এন.এম. ৪৫ অমসুং মথক্কী পোত্থোকশিংগী দিমান্দ য়াম্না ৱাংনা লৈ। মসিদা নত্তনা, সেগমেন্ত অসিনা অপুনবা সেমিকন্দক্তর মার্কেতকী চাউরাক্না ৫০%গী শরুক ওই।

*****