প্ৰধানমন্ত্ৰীৰ কাৰ্যালয়

প্ৰধানমন্ত্ৰীয়ে ১৭ ছেপ্টেম্বৰত ৰাষ্ট্ৰীয় লজিষ্টিক নীতিৰ শুভাৰম্ভ কৰিব


এক আন্তঃক্ষেত্ৰীয় আৰু বহু-ক্ষেত্ৰাধিকাৰ পৰিকাঠামো নিৰ্ধাৰণ কৰি লজিষ্টিক ব্যয় হ্ৰাস কৰাৰ নীতি

সামগ্ৰিক পৰিকল্পনা আৰু ৰূপায়ণৰ বাবে সকলো অংশীদাৰক একত্ৰিত কৰি দক্ষতা আৰু সমন্বয় প্ৰাপ্তিৰ প্ৰধানমন্ত্ৰীৰ দৃষ্টিভংগীৰ সৈতে সংগতি ৰাখি এই নীতি

ব্যৱসায় কৰাৰ সহজতা আৰু জীৱন ধাৰণৰ সহজতা দুয়োটা বৃদ্ধি কৰাৰ বাবে এই নীতি

প্ৰধানমন্ত্ৰী গতিশক্তিৰ পৰিপূৰক হিচাপে এই নীতি

Posted On: 16 SEP 2022 6:42PM by PIB Guwahati

প্ৰধানমন্ত্ৰী শ্ৰী নৰেন্দ্ৰ মোদীয়ে ১৭ ছেপ্টেম্বৰ, ২০২২ তাৰিখে নতুন দিল্লীৰ বিজ্ঞান ভৱনত সন্ধিয়া ৫:৩০ বজাত ৰাষ্ট্ৰীয় লজিষ্টিক নীতি (এনএলপি) আৰম্ভ কৰিব।

ৰাষ্ট্ৰীয় লজিষ্টিক নীতিৰ প্ৰয়োজনীয়তা অনুভৱ কৰা হৈছিল কিয়নো ভাৰতত অন্যান্য বিকশিত অৰ্থনীতিৰ তুলনাত লজিষ্টিক ব্যয় অধিক। ঘৰুৱা তথা ৰপ্তানি বজাৰত ভাৰতীয় সামগ্ৰীৰ প্ৰতিযোগিতামূলক দিশ উন্নত কৰাৰ বাবে ভাৰতত লজিষ্টিক ব্যয় হ্ৰাস কৰাটো অত্যাৱশ্যকীয়। লজিষ্টিক ব্যয় হ্ৰাস হোৱাৰ ফলত অৰ্থনীতিৰ বিভিন্ন ক্ষেত্ৰত দক্ষতা উন্নত হয় আৰু ই মূল্যবৰ্দ্ধন আৰু উদ্যমক প্ৰোৎসাহিত কৰে।

২০১৪ চনৰ পৰা চৰকাৰে ব্যৱসায় সহজতৰ কৰা আৰু জীৱন ধাৰণৰ সহজতা দুয়োটা উন্নত কৰাৰ ওপৰত বিশেষ গুৰুত্ব আৰোপ কৰিছে। ৰাষ্ট্ৰীয় লজিষ্টিক নীতি, সমগ্ৰ লজিষ্টিক পৰিস্থিতিতন্ত্ৰৰ বিকাশৰ বাবে এক ব্যাপক আন্তঃক্ষেত্ৰীয়, আৰু বহু-ক্ষেত্ৰাধিকাৰ পৰিকাঠামো নিৰ্ধাৰণ কৰি উচ্চ ব্যয় আৰু অদক্ষতাৰ সমস্যা সমাধানৰ এক ব্যাপক প্ৰচেষ্টা, যি হৈছে এই দিশত গ্ৰহণ কৰা আন এক পদক্ষেপ। এই নীতি হৈছে ভাৰতীয় সামগ্ৰীৰ প্ৰতিযোগিতামূলক দিশ উন্নত কৰা, অৰ্থনৈতিক বিকাশ বৃদ্ধি কৰা আৰু নিযুক্তিৰ সুযোগ বৃদ্ধি কৰাৰ এক প্ৰয়াস।

প্ৰধানমন্ত্ৰীৰ দৃষ্টিভংগী হৈছে সামগ্ৰিক পৰিকল্পনা আৰু ৰূপায়ণৰ ক্ষেত্ৰত সকলো অংশীদাৰৰ একত্ৰীকৰণৰ জৰিয়তে বিশ্বমানৰ আধুনিক আন্তঃগাঁথনি বিকাশ কৰা যাতে প্ৰকল্পটোৰ কাৰ্যকৰীকৰণত দক্ষতা আৰু সমন্বয় সাধন হয়। যোৱা বছৰ প্ৰধানমন্ত্ৰীয়ে আৰম্ভ কৰা মাল্টি-মডেল সংযোগৰ ৰাষ্ট্ৰীয় মাষ্টাৰ প্লেন প্ৰধানমন্ত্ৰী গতিশক্তি এই দিশত এক অগ্ৰণী পদক্ষেপ আছিল। ৰাষ্ট্ৰীয় লজিষ্টিক নীতি আৰম্ভ কৰাৰ লগে লগে প্ৰধানমন্ত্ৰী গতিশক্তিয়ে অধিক প্ৰোৎসাহ আৰু পূৰ্ণ সমৰ্থন লাভ কৰিব।

 

***

DS/ST/KG



(Release ID: 1861059) Visitor Counter : 113