প্রধান মন্ত্রী, শ্রী নরেন্দ্র মোদীনা ঙসি নই দিল্লীগী বিজ্ঞান ভবন্দা নেস্নেল লোজিস্তিক্স পোলিসী (এন.এল.পি.) হৌদোকখ্রে।

থৌরম অদুদা ৱা ঙাংলদুনা প্রধান মন্ত্রীনা নেস্নেল লোজিস্তিক্স পোলিসী হৌদোকখিবা অসি ভারতপু চাউখৎপা লৈবাক অমা ওইহন্নবগী ‘প্রন’ অদু থুংহল্লিবা শীংথানীংঙাই ওইবা খোঙথাং অমনি হায়খি। “লাস্ত মাইল দেলিবরী থুনা য়ৌহনবা ঙম্নবা, চৎথোক-চৎশিনগী পাম্বৈগা মরী লৈনবা শীংনবশিং কোকহনবা, মেন্যুফেকচর্দশিংগী মতম অমদি শেল মাংহনদবা, এগ্রো-প্রদক্তশিং মাংহনবা তৌহনদবা অপুনবা খোঙথাং অমা লৌখৎখি অমসুং খোঙথাংশিং অদুগী শক্লোনশিং অদুগী মনুংদা ঙসিগী নেস্নেল লোজিস্তিক্স পোলিসী অসি অমনি” হায়না প্রধান মন্ত্রীনা ফোঙদোকখি। কোওর্দিনেসন পীনবা হেনগৎলকপগী ফলনা সেক্তর অদুদা অপাম্বা খোঙজেল অদু লৈহনবা ঙমগনি।

প্রধান মন্ত্রীনা হায়খি মালেমগী ৫শুবা খ্বাইদগী চাউবা ইকনোমী ওইরিবা ভারত্তা পুম্নমক খোঙজেল য়াংনা হোংলক্লি। ঙসি অয়ুক চীতাহ থাদোকখিবা অদুগী মতাংদা পল্লদুনা প্রধান মন্ত্রীনা হায়খি ঐখোয় পুম্নমক্না লগেজ অদুবু চীতাহগুম্না থুনা চৎখিবা পাম্মি।

প্রধান মন্ত্রীনা হায়খি, “মেক ইন ইন্দিয়া অমসুং ভারতনা আত্মনির্ভর ওইরকপগী খোঞ্জেল অসি মফম খুদিংমক্তা তাবা ফংই। ভারতনা অচৌবা এক্সপোর্ত তার্গেতশিং থম্লি অমসুং মখোয়বু থুংহল্লি। ভারতনা মেন্যুফেকচরিং হব অমা ওইরক্লি হায়বা থাজবা অসি মালেমগী ৱাখল্লোন্দা স্তেবিলাইজ তৌরি। করিগুম্বা ঐখোয়না পি.এল.আই. স্কিম নৈনবা তারবদি মালেমনা মসিবু য়ানীংই হায়বা খঙবা ঙমগনি”।

প্রধান মন্ত্রীনা হায়, অসিগুম্বা ফীভম অমদা নেস্নেল লোজিস্তিক্স পোলিসীনা সেক্তর পুম্নমক্তা অনৌবা পাঙ্গল হাপ্লগনি। মহাক্না হায়খি পোলিসী অসি অহৌবনি অমসুং পোলিসী প্লস পর্ফোরমেন্স অসি চাউখৎপগা পাঙ্খক ওই। পেরামিতরশিং, রোদমেপ অমসুং পর্ফোরমেন্সকী তাইমলাইন অসি পুনশিল্লবা মতমদা পোলিসী প্লস পর্ফোরমেন্সকা চাউখৎপগা পাঙ্খক ওইরকই, হায়না মহাক্না ফোঙদোকখি। মহাক্না হায়, “ঙসিগী ভারতনা পোলিসী অমত্তা পুরক্ত্রিঙৈদা গ্রাউন্দ হান্না শেম শাই, অদু খক্তদা পোলিসী মাইপাক্না চৎনহনবা ঙমগনি। নেস্নেল লোজিস্তিক্স অসি খুদক্তা পুথোরকপা নত্তে মসিদা চহি ৮ কন্না হোৎনখি। মসিদা পোলিসীদা অহোংবা পুরকখি, মরু ওইবা ৱারেপশিং লৌখি, অমসুং করিগুম্বা ঐহাক ইশাগী ওইনা হায়রগনি মসিদা ঐহাক্কী গভর্নান্সকী চহি ২২গী এক্সপরিয়েন্স য়াওরি”।

সাগরমলা, ভারতমালাগুম্বা স্কিমশিংনা সিস্তেমেতিক ইনফ্রাস্ত্রকচর দিবেলপমেন্তগীদমক লোজিস্তিক্স কন্নেক্তিবিতী ফগৎহন্নবগীদমক দেদিকেতেদ ফ্রেৎ কোরিদোরশিংগী থবক খোঙজেল য়াংশিনহনখি। শ্রী মোদীনা হায়খি মদুদি ভারতকী হীথাংফমশিংগী অপুনবা কেপাসিতী অসি শীংথানীংঙাই ওইনা হেনগৎহনখি অমসুং কন্তেনর ভেসেলশিংগী তর্ন-অরাউন্দ তাইমগী চাংচৎ অসি পুং ৪৪দগী পুং ২৬তা হন্থহনখি। এক্সপোর্ত হেনগৎহন্নবগীদমক এয়র কার্গো তর্মিনেল ৪০ শাখি। এয়রপোর্ত ৩০না কোল্দ-স্তোরেজ ফেসলিতীশিং ফংহনখি। লৈবাক অসিদা মলতিমোদেল হব ৩৫ শাগৎলি। প্রধান মন্ত্রীনা মখা তারদুনা হায়খি, “ঈশিং লম্বীগী খুত্থাংদা ঐখোয়না অকোইবগী ফীভমদা শোকহল্লোইদবা অমসুং শেল চংদবা চৎথোক-চৎশিনগী পাম্বৈ লৈহনবা য়াগনি, মসিগীদমক লৈবাক অসিদা অনৌবা ঈশিং লম্বী কয়া শেমগৎলি”। মহাক্না কোরোনাগী মতমদা এক্সপরিমেন্ত তৌখিবা কিসান রেল অমসুং কিসান উরানগী মতাংদা পনখি। ঙসি এয়রপোর্ত ৬০দা কৃশি উরানগী খুদোংচাবা লৈরে।

লোজিস্তিক সেক্তর মপাঙ্গল কনখৎহন্নবা তেক্নোলোজী শীজিন্নবগী মথৌ তাবগী মতাংদা ফোঙদোক্লদুনা প্রধান মন্ত্রীনা হায়খি সরকার অসিনা ই-সঞ্চিতকী খুত্থাংদা পেপরলেস এক্সিম ত্রেদ প্রোসেস তৌবা, কস্তমসকী ফেসলেস এসেসমেন্ত, ই-ৱে বিলশিংগী প্রোবিজনশিং, ফাস্তেগ অসিনচিংবা থৌশিলশিংগী মাইকৈদা থবক পাইখৎলিবা অসিনা লোজিস্তিক সেক্তরগী ইফিসিএন্সী চাউনা হেনগৎহনখি। লোজিস্তিক সেক্তরদা লৈরিবা সমস্যাশিং কোকহন্নবা জি.এস.তি.গুম্বা য়ুনিফাইদ তেক্স সিস্তেমগী মরু ওইবা অদুসু ফোঙদোকখি। দ্রোন পোলিসীদা শেমদোকপা অমসুং মসিবি পি.এল.আই. স্কিমগা লোয়ননা কন্নেক্ত তৌবনা লোজিস্তিক সেক্তরদা দ্রোনশিং শীজিন্নবা থৌগৎলি। মহাক্না হায়, “পুম্নমক অসি তৌরবা মতুংদা খক্তা ঐখোয়না নেস্নেল লোজিস্তিক্স পোলিসী অমা শেমখি”। প্রধান মন্ত্রীনা হায়খি, “লোজিস্তিক্সকী অচংমলগী চাদা ১৩-১৪ ওইরিবা অসিদগী ঐখোয়না অথুবদা সিঙ্গল দিজিত ওইহন্নবা পান্দম থমগদবনি। নাকল অমরোমদা মসি করিগুম্বা ঐখোয়না মালেমগী থাক্তা অথোই-অহেন তানবা তারবদি লায়না কান্নবা ফংগনি”।

প্রধান মন্ত্রীনা হায়খি য়ুনিফাইদ লোজিস্তিক্স ইন্তর্ফেস প্লেৎফোর্ম য়ু.এল.আই.পি.না ত্রান্সপোর্তেসন সেক্তরগা মরী লৈনবা দিজিতেল সর্ভিস পুম্নমক সিঙ্গল পোর্তেল অমদা পুরক্তুনা য়াম্না শাংবা অমসুং অৱাবা প্রোসেসশিংদগী এক্সপোর্তরশিংবু নীংতম্বা ফংহল্লি। মতৌ অসুম্না পোলিসী অসিগী মখাদা লোজিস্তিক্স সর্ভিসশিং কোমথোকহন্নবা অনৌবা দিজিতেল প্লেৎফোর্ম ই-লোগসসু হৌদোকখ্রে। “পোর্তেল অসিগী খুত্থাংদা ইন্দস্ত্রী এসোসিএসনশিংনা সরকারগী এজেন্সীশিংগা লোয়ননা মখোয়গী ওপরেসনশিং অমসুং পর্ফোরমেন্সতা সমস্যাশিং থোকহল্লিবা হীরমশিং অদু হকথেংননা লৌখৎপা য়াহল্লি। অসিগুম্বা কেসশিং খোঙজেল য়াংনা ৱারোইশিন পুরক্নবা মপুং ফাবা সিস্তেম অমসু থম্লি” হায়না মহাক্না ফোঙদোকখি।

শ্রী মোদীনা হায়খি মদুদি পি.এম. গতিশক্তি নেস্নেল মাস্তর প্লান্না মরু ওইবা হীরম পুম্নমক্তা নেস্নেল লোজিস্তিক্স পোলিসী অসি শৌগৎকনি। প্রধান মন্ত্রীনা রাজ্যশিং অমসুং য়ুনিয়ন তেরিতোরীশিংনদা তেংবাং পীবা অমসুং অয়াম্বা বিভাগশিংনা পুন্না থবক তৌবা হৌরিবা অসিদা নুংঙাইবা ফোঙদোকখি। “রাজ্য সরকারশিংগী তোঙান-তোঙানবা ইনফ্রাস্ত্রকচর প্রোজেক্তশিংগা মরী লৈনবা ই-পাউগী অচৌবা দেতা শেম শাখি। ঙসি কেন্দ্র অমসুং রাজ্য সরকারশিংদগী লাকপা দেতা অসি লেয়র ১৫০০রোমদা পি.এম. গতিশক্তি পোর্তেলদা চংলক্লি”। মহাক্না মখা তারদুনা হায়খি,  “গতিশক্তি অমসুং নেস্নেল লোজিস্তিক্স পোলিসীনা পুন্না লৈবাক অসিবু অনৌবা ৱার্ক কলচরগী মাইকৈদা পুরি। হন্দক্তা অয়াবা পীখিবা গতিশক্তি য়ুনিভর্সিতীদগী থোরকপা তেলেন্ত অসিনা মসিবু চাউনা মতেং পাংলগনি”।

প্রধান মন্ত্রীনা হায়খি ঙসি মালেমনা ভারতপু ‘দেমোক্রেতিক সুপরপাৱর’ ওইনা উরি। মহাক্না হায়খি ভারতকী ‘থোইদোক-হেন্দোকপা তেলেন্ত ইকোসিস্তেম’ অসিনা ভারতকী ‘অখাং কনবা’ অমসুং ‘চাউখৎপা’ অসিবু থাগৎলিবা ফিল্দ এক্সপর্তশিংগী পুক্নিং চিংশিনখি। প্রধান মন্ত্রীনা হায়খি “ঙসি মালেমনা ভারত্তা য়েংলিবা মীৎয়েংদা অহোংবা লাক্লি। ঙসি মালেমনা ভারতপু য়াম্না পোজিতিব ওইবা মওংদা ইভাল্যুএৎ তৌরি, মখোয়না ভারত্তগী আশা কয়া তৌরি”।

প্রধান মন্ত্রীনা হায়খি গ্লোবেল ক্রাইসিসকী মতমদা ভারত অমসুং ভারতকী শেন্মীৎলোন্না উৎখিবা মপাঙ্গল অদুনা মালেমদা অনৌবা থাজবা পোকহনখি। প্রধান মন্ত্রীনা হায়, “হৌখিবা চহিশিংদা ভারতনা পুরকখিবা রিফোর্মশিং, চৎনহনখিবা পোলিসীশিং অসি মমাংদা অমুক্তা উখিদ্রি। মরম অসিনা মালেম্না ঐখোয়দা থাজবা থম্বা হেনগৎহনখি”। মহাক্না মখা তারদুনা হায়, “মসি ঐখোয়গী থৌদাংনি, ঐখোয় পুম্নমক্কী থৌদাং অমা লৈজৈ। ঙসি হৌদোক্লিবা নেস্নেল লোজিস্তিক্স পোলিসী অসিনা মসিদা লৈবাক অসিগী চাউনা মতেং পাংলগনি”।

প্রধান মন্ত্রীনা ভারত মচাশিংদা য়াওরিবা অথোই-অহেন তান্নীংবগী ৱাখল্লোন চেন্নবা হায়খি অমসুং “ভারতনা চাউখৎনবগীদমক খোঙফম চেৎনা লেপ্পি, হৌজিক চাউখৎপা লৈবাকশিংগী অথোই-অহেন তানবা তাই অদুবু পুম্নমক কম্পিতিতিব ওইবা তাই”। মহাক্না মখা তারদুনা হায়খি, “সর্ভিস সেক্তর, মেন্যুফেকচরিং সেক্তর, ওতোমোবাইলস, ইলেক্ত্রোনিক্স ওইরবসু ঐখোয়না সেক্তর খুদিংমক্তা অচৌবা পান্দমশিং থমগদবনি অমসুং মদু ফংনবা হোৎনবা তাই”। মেদ ইন ইন্দিয়া ওইবা প্রদক্তশিংগী মাইকৈদা মালেম্না মীৎয়েং চংবা হেনগৎলক্লি হায়না প্রধান মন্ত্রীনা ফোঙদোকখি। “ভারতকী লৌউ-শিংউগী প্রদক্তশিং, ভারতকী মোবাইল নত্ত্রগা ভারতকী ব্রহ্মোস মিসাইল ওইরবসু মখোয় অসি ঙসি মালেম্না শোন্নরি”। প্রধান মন্ত্রীনা মেদ ইন ইন্দিয়া কোবিদ ভেক্সিনশিং অমসুং হীদাকশিংনা মালেম শিনবা থুংবদা পুন্সি কয়া কনবদা মতেং পাংখি হায়না ফোঙদোকখি।

প্রধান মন্ত্রীনা ভারত্তা শাজবা প্রদক্তশিংনা মালেমগী কৈথেলদা খুদুম চনবা ঙম্নবা মপাঙ্গল কনবা সপ্পোর্ত সিস্তেম অমা মথৌ তাই হায়না ফোঙদোকখি। মহাক্না হায়, “নেস্নেল লোজিস্তিক্স পোলিসীনা সপ্পোর্ত সিস্তেম অসি মতমগা চুনবা ওইহনবদা ঐখোয়দা চাউনা মতেং পাংগনি”। শ্রী মোদীনা লোজিস্তিক্সকা মরী লৈনবা সমস্যাশিং হন্থহনবা অমসুং লৈবাক অসিগী এক্সপোর্তশিং হেনগৎলকপা মতমদা অপীকপা ইন্দস্ত্রীশিং অমসুং মসিদা থবক তৌরিবা মীওইশিংনা খ্বাইদগী কান্নবা ফংগনি। প্রধান মন্ত্রীনা মখা তারদুনা হায়খি, “লোজিস্তিক্স সেক্তর মপাঙ্গল কনখৎহনবনা মীচম প্রজাশিংগী পুন্সি লায়থোকহনবা খক্তা নত্তনা শিন্মীশিংবু ইকাই খুম্নবা হেনগৎহনবদা মতেংসু পাংগনি”।

মহাক্কী ৱারোল পীবা লোইশিনবদা প্রধান মন্ত্রীনা হায়খি “নেস্নেল লোজিস্তিক্স পোলিসীদা ইনফ্রাস্ত্রকচর চাউখৎহন্নবা, বিজিনেসন পাকথোক চাউথোকহন্নবা অমসুং থবক্কী খুদোংচাবশিং হেনগৎহন্নবগী অচৌবা মতিক-ময়াই লৈ। ঐখোয়না পুন্না মসিগী ওইথোকপা য়াবশিং অসি মঙফাওনবা ঙমহন্নবা হোৎনবা তাই”।

থৌরম অসিদা লোজিস্তিক্স সেক্তরগী মীহুৎশিং, তি.ভি.এস. সপ্লাই চেন সোল্যুসন্সকী মেনেজিং দিরেক্তর, শ্রী আর দিনেস; অগরৱাল পেক্কর্স এন্দ মুভর্সকী সি.ই.ও. শ্রী রামেশ অগরৱাল; এক্সপ্রেসবীস লোজিস্তিক্সকী ফাউন্দর অমসুং সি.ই.ও. শ্রী অমিতাব সাহানা মখোয়গী ৱাখল্লোনশিং ফোঙদোকখি।

কম্মর্স এন্দ ইন্দস্ত্রীগী কেন্দ্র মন্ত্রী, শ্রী পিয়ুশ গোয়ল, রোদ, ত্রান্সপোর্ত অমসুং হায়ৱেজকী কেন্দ্র মন্ত্রী, শ্রী নিতিন গদকরী, সিভিল এভিএসনগী কেন্দ্র মন্ত্রী, শ্রী জ্যোতিরাদিত্যা সিন্ধিয়া, রেলৱেজকী কেন্দ্র মন্ত্রী, শ্রী অশ্বিনি বৈস্নব, পোর্ত, শিপ্পিং এন্দ ৱাতরৱেজকী কেন্দ্র মন্ত্রী, শ্রী সর্বানন্দ সোনোৱাল, এজুকেসনগী কেন্দ্র মন্ত্রী, শ্রী ধর্মেন্দ্র প্রধান অমসুং কম্মর্স এন্দ ইন্দস্ত্রীগী কেন্দ্রগী রাজ্য মন্ত্রী, শ্রী সোম প্রকাশনা থৌরম অসিদা শরুক য়াখি।

বেকগ্রাউন্দ

ভারত্তা পোৎ চৈ পুথোক পুশিন তৌবগী মমল অসি অতোপ্পা চাউখৎলবা শেন্মিৎলোন লৈবা লৈবাকশিংগা চাংদম্নবদা ৱাংবনা মরম ওইদুনা নেস্নেল লোজিস্তিক্স পোলিসী অমা লৈবগী তঙাইফদবসি লাকপা কুইরবনি। দোমেস্তিক অমসুং এক্সপোর্ত মার্কেৎ অনিমক্তা ভারতকী পোৎচৈগী অথোই অহেন তান্নবগী মশক হেনগৎনবগীদমক ভারত্তা লোজিস্তিক্সকী অচঙবা শেল অসি হন্থহনবা তঙাইফদে। লোজিস্তিক্স কোস্ত হন্থহনবনা শেন্মিৎলোনগী তোঙান-তোঙানবা সেক্তরশিংদা কান্নবা হেনগৎহল্লি, ভেল্যু এদিসন অমসুং এন্তর্প্রাইজ হেনগৎহল্লি।

২০১৪দগী হৌদুনা লৈঙাক অসিনা ইজ ওব দুইং বিজিনেস অমসুং ইজ ওব লিভিং ফগৎনবা মশক থোক্না মীৎয়েং চঙদুনা লাক্লি। মমল ৱাংবা অমসুং কান্নফম খঙদবগী সমশ্যা অসি মপুং ওইবা ইন্তর্দিসিপ্লিনরী, ক্রোস-সেক্তোরেল অমসুং মলতি-জুরিসদিক্সনেল ফ্রেমৱার্ক অমা শেমদুনা অপুনবা লোজিস্তিক্স ইকোসিস্তেম চাউখৎহন্নবা থৌরাং অমা ওইরিবা নেসনেল লোজিস্তিক্স পোলিসী অসি হায়রিবা মায়কৈ অসিদা চঙশিন্নবা অতোপ্পা খোংথাং অমনি। পোলিসী অসি ভারতকী পোৎচৈদা অথোই অহেন তান্নবা হেনগৎনবা, শেন্মিৎলোন চাউখৎনবা অমসুং থবক পীবগী খুদোংচাবা হেনগৎনবা খোঙথাং অমনি।

মপুং ওইবা প্লান্নিং অমসুং থবক্তা ওন্থোক্নবগীদমক স্তেকহোল্দর পুম্নমকপু পুনশিন্দুনা প্রোজেক্ত অসি পায়খৎপদা ইফিসিএন্সী অমসুং সাইনর্জী ফংহন্দুনা মালেমগী থাক্তা লৈবা অনৌবা ইনফ্রাস্ত্রকচর অমা শেমগৎপা হায়বসি প্রধান মন্ত্রীগী মঙলান্নি। প্রধান মন্ত্রীনা মমাং চহিদা হৌদোকখিবা পি.এম. গতিশক্তি –নেসনেল মাস্তর প্লান ফোর মলতি মোদেল কন্নেক্তিবিতী অসি হায়রিবা মায়কৈ অসিদা চঙশিল্লিবা মশক নাইবা খোঙথাং অমনি। পি.এম. গতিশক্তি অসিনা নেসনেল লোজিস্তিক্স পোলিসী হৌদোকপদা হেন্না মপাঙ্গল পীরগনি অমসুং মতেং ওইরগনি।

National Logistics Policy is a comprehensive effort to enhance efficiency of the logistics ecosystem in India. https://t.co/70ZlTMQILp

— Narendra Modi (@narendramodi) September 17, 2022

Make in India और आत्मनिर्भर होते भारत की गूंज हर तरफ है।

भारत export के बड़े लक्ष्य तय कर रहा है, उन्हें पूरे भी कर रहा है।

भारत manufacturing hub के रूप में उभर रहा है, वो दुनिया के मन में स्थिर हो रहा है: PM @narendramodi

— PMO India (@PMOIndia) September 17, 2022

ऐसे में National Logistics Policy सभी sectors के लिए नई ऊर्जा लेकर आई है: PM @narendramodi

— PMO India (@PMOIndia) September 17, 2022

Logistic connectivity को सुधारने के लिए, systematic Infrastructure development के लिए हमने सागरमाला, भारतमाला जैसी योजनाएं शुरू कीं, Dedicated Freight Corridors के काम में अभूतपूर्व तेजी लाए: PM @narendramodi

— PMO India (@PMOIndia) September 17, 2022

आज भारतीय Ports की Total Capacity में काफी वृद्धि हुई है और container vessels का औसत टर्न-अराउंड टाइम 44 घंटे से अब 26 घंटे पर आ गया है।

वॉटरवेज के जरिए हम Eco-Friendly और Cost Effective ट्रांसपोर्टेशन कर पाएं, इसके लिए देश में अनेकों नए वॉटरवेज भी बनाए जा रहे हैं: PM

— PMO India (@PMOIndia) September 17, 2022

सरकार ने technology की मदद से भी logistics sector को मजबूत करने का प्रयास किया है।

ई-संचित के माध्यम से paperless EXIM trade process हो,

Customs में faceless assessment हो,

e-way bills, FASTag का प्रावधान हो,

इन सभी ने logistics sector की efficiency बहुत ज्यादा बढ़ा दी है: PM

— PMO India (@PMOIndia) September 17, 2022

नेशनल लॉजिस्टिक्स पॉलिसी को सबसे ज्यादा सपोर्ट अगर किसी से मिलने वाला है, तो वो है पीएम गतिशक्ति नेशनल मास्टर प्लान।

मुझे खुशी है कि आज देश के सभी राज्य और केंद्र शासित इकाइयां इससे जुड़ चुके हैं और लगभग सभी विभाग एक साथ काम करना शुरु कर चुके हैं: PM @narendramodi

— PMO India (@PMOIndia) September 17, 2022

दुनिया के बड़े-बड़े एक्सपर्ट कह रहे हैं कि भारत आज ‘democratic superpower’ के तौर पर उभर रहा है।

एक्सपर्ट्स, भारत के ‘extraordinary talent ecosystem’ से बहुत प्रभावित हैं।

एक्सपर्ट्स, भारत की ‘determination’ और ‘progress’ की प्रशंसा कर रहे हैं: PM @narendramodi

— PMO India (@PMOIndia) September 17, 2022

भारत में बने प्रॉडक्ट्स दुनिया के बाजारों में छाएं, इसके लिए देश में Support System का मजबूत होना भी उतना ही जरूरी है।

नेशनल लॉजिस्टिक्स पॉलिसी हमें इस सपोर्ट सिस्टम को आधुनिक बनाने में बहुत मदद करेगी: PM @narendramodi

— PMO India (@PMOIndia) September 17, 2022

*****