ইন্দোনেসিয়াগী বালিদা সেপ্তেম্বর ১৩-১৪, ২০২২দা পাংথোকপা জি-২০ লেবর অমসুং ইমপ্লোইমেন্ত মিনিস্তরশিংগী মীফমদা লেবর অমসুং ইমপ্লোইমেন্তগী য়ুনিয়ন মিনিস্তর শ্রী ভুপেন্দ্র য়াদব শরুক য়াখ্রে।

মীফম অদুদা মিনিস্তরনা থবক পীনবা, খুন্নাইগী ঙাক্লৌ পীনবা, স্কিল লৈহন্নবা, লাইচৎ মতুংদা হেন্না খঙবা কনবা, খুদিংমক খুদোংচাবা পীবা অমসুং তুংকোইনা চৎনগদবা মহৌশাগী ফিবমদা লাক্নবা অকনবা থৌশিল কয়া শেম্নবা লৈবাকশিং পুন্না থবক তৌমিন্নবগী মরুওইবগী মতাংদা ৱাফম কয়া ফোঙদোকখি।

য়ুনিয়ন মিনিস্তরনা হায়খি হকচাংগী ফিবম মীমান্নদ্রবা মীওইশিংগী লেবর মার্কেত ইন্তিগ্রেসন, ভোকেসনেল ত্রেনিংগী খুৎথাংদা কান্নবা অমসুং থবক তৌবা ঙম্বা মীওই পুথোকপা, ওন্ত্রেপ্রেনিউয়রশিপ চাউখৎহনবা অমসুং স্মোল অমসুং মেদিয়ম ইন্তরপ্রাইজেস(এস এম ই)না থবক পীনবা খুৎলায় ওইহনবা অমসুং শিন্মীশিং য়াইফনবা য়াওনা হিরম কয়াদা ইন্দোনেসিয়ানা লৌখৎলিবা থবকশিং অসি থাগৎনিঙাইনি। হায়রিবা হিরমশিং অসিদা শিংথাবা য়ানা ভারতনা মাইপাক্লিবশিং পল্লদুনা মিনিস্তরনা হায়খি ওনলাইনগী খুৎথাংদা থবক শুরিবা শিন্মীশিং খুন্নাইগী ঙাক্লৌ পীনবগীদমক সোসিএল সেকুরিতি কোদ পীনবা থবক পায়খৎলে। তুংদা লাক্কদবা থবকশিংগা চানবা ঙম্নবা স্কিল কয়া পীরে। চহি অইগী জি-২০ ৱার্কিং গ্রুপ মীতিংদগী ফংলকপা লৌশিং কয়া অদুনা ভারতনা মথংদা প্রসিদেন্ত ওইরকপদা মতেং পাংলগনি অমসুং শিন্মীশিংগী য়াইফনবা অমসুং ২১শুবা চহিচাগী থবক শুবা ঙম্নবা থবকশিংদা মতেং পাংলগনি।

য়ুনিয়ন মিনিস্তরনা জর্মনি, শিঙ্গাপুর, য়ু.এ.ই, সাউদি অরাবিয়া, নেদরলেন্দস অমসুং তর্কি লৈবাকশিংগা নাকল অনিগী ওইবা মীফম কয়া পাংথোকখি। হায়রিবা মীফমশিং অদুদা ভারতনা প্রসিদেন্ত ওইগদৌরিবা অসিগী মতাংদা মিনিস্তরনা পাউদমখি অমসুং হায়রিবা লৈবাকশিং অদুদা শৌগৎনবা হায়জখি। মালেমগী লৈবাক কয়াদা লৈরিবা শিন্মীশিংগী ঙাক্লৌ পীনবা অমসুং য়াম্না লাইনা চৎথোক-চৎশিন তৌবা ঙম্নবা মাইগ্রেসন অমসুং মোবিলিতি য়ানচে অমসুং সোসিএল সেকুরিতি য়ানচে খুৎয়েক পীনবগী তঙাইফদবা অদু মিনিস্তরনা পনখি।

ইন্দোনেসিয়াগী মেনপৱার মিনিস্তর ইদা ফাওজিয়ানা শীনবা চাক্লেন অমশু য়ুনিয়ন মিনিস্তরনা শরুক য়াখি অমসুং জি-২০গী মরুওইবা কাংলুপ অমা ওইরিবা বি ২০-এল ২০গী অপুনবা ৱারোল তাখি।

*****