রোদ ত্রান্সপোর্ত অমসুং হায়ৱেজকী কেন্দ্রগী মন্ত্রী, শ্রী নিতিন গদকরীনা ক্বালিতেতিব রিফোর্মশিং পুরক্নবগীদমক স্তেকহোল্দর পুম্নমক্না চুংশিনবা মথৌ তাই হায়না ফোঙদোকখ্রে। নুমিৎ নিনিগী নেস্নেল কনফরেন্স ‘মন্থন – আইদিয়া তু এক্সন’ হৌদোকপদা মহাক্না হায়খি, ঐখোয়গী মরক্তা লৈরিবা খেন্নবা ৱাখল্লোনশিং থাদোক্লসি অমসুং তোঙান তাবগী ৱাখল খল্লগুমসি। মহাক্না হায়খি স্তেকহোল্দর পুম্নমক্না অমনা অমগী সমস্যাশিং খঙগদবনি অমসুং অমগা অমগা য়ান্নদুনা তুংলমচৎকী ওইবা পোলিসীশিংদা মীৎয়েং থমদুনা লৈবাক অসিগী ত্রান্সপোর্ত অসি ভারত্তা শাজবা ফ্যুল খক্তদা চেলহনগদবনি। মন্ত্রীনা ভারতপু মাংজিল থানা চাউখৎলিবা লৈবাক অমা ওইহন্নবগীদমক অনৌবা হীরমশিং পুথোক্নবগীদমক ক্বালিতেতিব কন্ত্রিব্যুসন অমসুং বিজন লৈবা মথৌ তাই হায়খি।

মন্ত্রীনা করিগুম্বা ভারতনা ত্রিলিয়ন দোলর ইকনোমী মঙাগী মনুংদা অমা ওইনবা পাম্লবদি মলতি-মোদেল ত্রান্সপোর্তেসন য়াওবা ইন্তিগ্রেরেদ এপ্রোচ অমা তঙাই ফদে হায়না ফোঙদোকখি। মহাক্না হায়খি পেসেঞ্জর ত্রাফিক্কী চাদা ৯০ অমসুং গুদস ত্রাফিক্কী চাদা ৭০না লম্বীগী খুত্থাংদা চৎলি অমসুং ঈশিংগী লম্বী, রেল লম্বী অমসুং নোংথক্কী লম্বী অসি ইন্তরলিঙ্ক তৌবা ইন্তিগ্রেতেদ এপ্রিচ অমগী মথৌ তাই অমসুং লোজিস্তিক্স পার্কশিংনা মসিদা মরু ওইবা থৌদাং লৌগনি। করিগুম্বা রাজ্য সরকারশিংনা লম পীরবদি রোদ ত্রান্সপোর্ত মন্ত্রালয়না লোজিস্তিক পার্কশিং শাবদা মতেং পাংগনি। মহাক্না মখা তারদুনা হায়খি শাবদা চংবা শেল অসি হন্থহন্নবা হোৎনগদবনি লোয়ননা শারিবা অদুগী ক্বালিতী অদুসু শীংথানীংঙাই ওইনা হেনগৎহনবা তাই।

লোজিস্তিক্সতা চংবা শেল অসি চাদা ১৬তগী চাদা ১০দা হন্থহন্নবা ইন্তিগ্রেতেদ এপ্রোচ অমা তঙাই ফদে (চিনানা চাদা ১০ অমসুং য়ুরোপনা চাদা ১২দা লৈ)। বস-পোর্তশিংনা গ্রোথ লৈনবগী সেন্তরশিং করম্না ওইবা য়াই হায়বগী মতাংদা খুদম পীরদুনা মন্ত্রীনা হায়খি অনৌবা তেক্নোলোজীশিং অমসুং মতমগা চুনবা খুৎশু-খুৎলাই অমদি পোৎচাকশিং ইনফ্যুজন তৌবগী খুত্থাংদা রোদ ইনফ্রাস্ত্রকচর ফগৎহন্দুনা তোঙান-তোঙানবা মখলগী চৎথোক-চৎশিন তৌনবগী পাম্বৈশিং লিঙ্ক তৌবা তঙাই ফদে। মহাক্কী কেন্দ্রদা কিমি ৭৫০ করম্না পোতহোলশিং লৈহনদবগে হায়বগী মতাংদা পল্লদুনা মহাক্না হায়খি বিচুমেন অমসুং সিমেন্ত তোপ্পিংনা মসিবু মতম শাংনা চৎহনবা ঙম্মি। মুম্বাই ম্যুনিসিপাল কোর্পোরেসন্না লুপা করোর ৬০০০রোম থাদদুনা মপুং ফানা সিমেন্ত ওইবা লম্বীশিং শেম্বগী থবক পাইখৎলি। অহানবগী শেনফম অসি ৱাংলবসু মসি চহি ২৫ ফাওবা শেমজিনবগী মথৌ তাবা লৈহল্লোই। মহাক্না কিমি ১৪.২ শাংবা জোজি লা তনেলগী অচংমল অসি প্রি-কাস্ত মেতরিএলশিং অমসুং মতমগা চুনবা তনেল্লিং ইক্বিপমেন্তগী খুত্থাংদা লুপা করোর ৫০০০গী ময়াদা হন্থহনখি হায়না পাউদমখি।

সস্তেনেবল এপ্রোচকী মতাংদা ৱা ঙাংলদুনা শ্রী গদকরীনা হায়খি মন্ত্রালয় অসিনা এনভাইর্নমেন্ত অমসুং ফোরেস্ত মন্ত্রালয়গা লোয়ননা নেস্নেল হায়ৱেজ ওথোরিতী ওফ ইন্দিয়া (এন.ঐচ.এ.আই.)না হায়ৱেশিংদা উ-পাম্বীশিং থাদুনা গ্রীন কবরেজ পাকথোক-চাউথোক্কদবা “ত্রী বেঙ্ক” প্রোজেক্ত অমা পাইখৎলি। মন্ত্রালয়না উ-পাম্বী লাখ ৮০ হেন্না লৈখি অমসুং কার্বোন দাইওক্সাইদপু উ-পাম্বীশিংনা চুপশিন্দুনা অকোইবগী ফীভম ঙাকশেনবদা মতেং পাংলগনি। মসিনা মরম ওইদুনা ভারতনা গ্রীন কবরেজতা কল্লিবা মফম অসি হেন্না ৱাংখৎলক্লগনি।

রাজ্যশিং অমসুং কেন্দ্রগী মরক্তং চুংশিনবগী অপাম্বা থম্লদুনা মন্ত্রীনা হায়খি রাজ্য তরুক খক্তনা লুপা করোর ১৬,০০০কী রিমোৎনা ওপরেত তৌবা ভেহিকলশিংগী প্রোজেক্তকীদমক মেমোরেন্দম ওফ অন্দর্স্তেন্দিং (এম.ও.য়ু.) খুৎয়েক পীখি। রাজ্যশিংনা মসিগী থৌদাং লৌবা তাই মরমদি মসিনা মখোয়দা চাউনা কান্নবা পীগনি।

রোদ ত্রান্সপোর্ত এন্দ হায়ৱেজকী রাজ্য মন্ত্রী, জেনরেল (দা.) ভি.কে. সিংহনা রোদ ত্রান্সপোর্ত সেক্তরদা চাউনা খুমাং চাউশিল্লিবা অসিগী মতাংদা পল্লদুনা ‘মসিনা অরোইনা নত্তে’ হায়না ফোঙদোকখি। দিজাইন কেপাবিলিতীশিং হেনগৎলকপা, মতমগা চুনা খুৎশু-খুৎলাই শীজিন্নবনা মরম ওইদুনা নেস্নেল হায়ৱেজ অসি ২০০৮দা কিমি ৯১,০০০ ওইরম্বদগী কিমি ১,৪১,০০০দা হেনগৎহনখি অমসুং কনস্ত্রক্সনগী খোঙজেল অসি নোংমদা কিমি ১২ ওইরম্বদগী হৌজিক কিমিদা ৩৭তা হেনগৎহনখি। ত্রান্সপোর্ত সেক্তর চাউখৎহনবদা রাজ্য সরকারশিংগী অচৌবা স্তেক য়াওরি অমসুং মখোয়গী তেংবাংগা লোয়ননা ভারতনা চাউখৎলবা লৈবাকশিংদগী হেন্না খুমাং চাউশিনবা ঙম্লি।

কর্নাতকাগী পব্লিক ৱার্ক্স দিবেলপমেন্তগী মন্ত্রী, শ্রী সি.সি. পাতিলনা স্তেৎ হায়ৱেজশিং শেমগৎনবা রাজ্য সরকারনা লৌখৎখিবা খোঙথাংশিং পাউদমখি অমসুং এন.ঐচ.এ.আই.না পাইখৎখিবা থবকশিংসু খঙহনখি।

সেক্রেতরী (আর.তি. এন্দ ঐচ.), শ্রী গিরিধর অরামানেনা হায়খি মন্ত্রালয় অসিনা ভারতনা চহি চামা মপুং ফারকপা মতমদা, ২০৪৭ ফাওবদা লৈবাক শিনবা থুংবদা রোদ ইনফ্রাস্ত্রকচরদা খ্বাইদগী ফবা থাক য়ৌনবা ফিরেপ লৌখি। মসি সরকারগী ‘আত্মনির্ভর ইনিসিএতিবতা য়ুম্ফম ওইগনি অমসুং ‘মন্থন’ অসি মসিগী কন্সলতেসন প্রোসেস অসিগী শরুক অমনি।

এন.ঐচ.এ.আই.গী চিয়রপর্সন শ্রীমতি অলকা উপাধ্যায়না মহাক্কী তরাম্না ওকপগী রোলদা হায়খি, ‘মন্থন’গী পান্দম অসি লৈবাক শিনবা থুংবদা লৈরিবা ইনফ্রস্ত্রকচরগী থবকশিংগী শেমগৎপদা অনৌবা আইদিয়া পুথোকপা অমসুং খোঙজেল য়াংখৎহনবনি। ‘মন্থন’ অসি রোদ ত্রান্সপোর্তকী তুংলমচৎকী মরমদা খন্ন-নৈননবা অমসুং বিজুএলাইজ তৌনবা ফম্পাক অমনি। মসিগী মথক্তা মসিনা সরকার অমসুং ইন্দস্ত্রীগী মরক্তা চুংশিন্নহল্লগনি।

থৌরম অসিদা শ্রী নিতিন গদকরীনা হেকাথোনগী এপ্লিকেন্ত ১০গী ৱিনরশিং লাউথোকখি, মখোয় অমমমনা লুপা লাখ ১০/১০ ফংগনি অমসুং রোদ ত্রান্সপোর্ত সেক্তরদা অওনবা পুরক্কদবা এপশিং দিবেলপ তৌনবা তেংবাংসু ফংগনি।

********