ঙাকশেল মন্ত্রী শ্রী রাজনাথ সিংহনা সেপ্তেম্বর ০৮, ২০২২দা তোকিওদা জাপানগী ঙাকশেল মন্ত্রী শ্রী য়াসুকাজু হমদাগা লোয়ননা বাইলেতরেলগী ওইবা মীফম পাঙথোকখ্রে। মন্ত্রী অনিনা দিফেন্সকী লমদা তেংবাং পীনবা লোয়ননা রিজনেলগা মরী লৈনবা সমস্যাশিংগী তোঙান-তোঙানবা হীরমশিং য়েংশিনখি। মখোয়না ভারত-জাপানগী দিফেন্স পার্তনরশিপকী মরু ওইনা অমসুং মসিনা ফ্রী, ওপন অমসুং রুল-বেজ ইন্দো-পেসিফিক রিজন ওইহনবদা মখোয়না লৌগদবা মরু ওইবা থৌদাং অদু শকখঙখি।

দেলিগেসনগী থাক্কী মীফম অদুদা শ্রী রাজনাথ সিংহনা ভারত-জাপানগী বাইলেতরেল দিফেন্স এক্সর্সাইজতা হেনগৎলক্লিবা কমপ্লেক্সিতীশিং অসিনা লৈবাক অনিগী মরক্তা দিফেন্স কোওপরেসন চেৎশিল্লকপগী খুদম অমনি হায়খি। মন্ত্রীশিংনা ‘ধর্ম গর্জিয়ন’, ‘জিমেক্স’ অমসুং ‘মলাবার’ য়াওনা বাইলেতরেল অমসুং মলতিলেতরেল এক্সর্সাইজশিং মখা চত্থনবগী মখোয়গী ফিরেপশিং ফোঙদোক্নখি। মখোয়না চহি অসিগী মার্চতা ‘মিলান’ এক্সর্সাইজ মনুংদা সপ্লাই অমসুং সর্ভিসেস এগ্রীমেন্তগী রেসিপ্রোকেল প্রোবিজন ওপরেস্নেলাইজেসন তৌখিববু তরাম্না ওকখি। মন্ত্রী অনিনা ইনোগ্যুরেল ফাইরর এক্সর্সাইজ ঙন্না পাঙথোকপনা লৈবাক অনিগী এয়র ফোর্সশিংগী মরক্তা তেংবাং পীননবা অমসুং ইন্তেরোপেরাবিলিতী হেনগৎহন্নবগী লম্বী য়াৎকনি হায়না য়ান্নখি।

ঙাকশেল মন্ত্রীনা দিফেন্স ইক্বিপমেন্ত অমসুং তেক্নোলোজিকেল কোওপরেসনগী লমদা পার্তনরশিপকী লম হেন্না পাকথোক-চাউথোকহনবা মথৌ তাই হায়খি। মহাক্না ভারত সরকারনা দিফেন্স ইন্দস্ত্রীগী শাহৌ লৈনবগীদমক কনদক্তিক এনভাইরনমেন্ত অমা শেমগৎখিবা ভারতকী দিফেন্স কোরিদোরশিংদা জাপানগী ইন্দস্ত্রীশিংনা ইনভেস্ত তৌবিনবসু হায়খি।

চহি অসিদা ভারত অমসুং জাপানগী মরক্তা লৈরিবা দিপ্লোমেতিক ওইবা মরী অসি চহি ৭০ শুরি। মপাঙ্গল কনবা দেমোক্রেসীশিং ওইনা লৈবাক অনিনা স্পেসিএল স্ত্রেতেজিক এন্দ গ্লোবেল পার্তনরশিপ অমা পাইখৎলি।

সেপ্তেম্বর ০৭, ২০২২গী নুমিদাংদা তোকিওদা থুংলবা মতুংদা শ্রী রাজনাথ সিংহনা জাপানগী ঙাকশেল মন্ত্রালয়দা লৈবা লাইন ওফ দ্যুতী পাঙথোক্লিঙৈদা থৱায়না পোন্থা পীখ্রবা জাপান সেল্ফ দিফেন্স ফোর্সেসকী পর্সনেলদা কত্থোকপা মেমোরিএলদা লৈ কৎতুনা মহাক্কী তৌগদবা থৌদাংশিং পাঙথোকপা হৌখি।  জাপানগী ঙাকশেল মন্ত্রীগা লোয়ননা বাইলেতরেলগী মীফম পাঙথোক্ত্রিঙৈ মমাংদা মহাকপু গার্দ ওফ ওনরগী থৌরমগা লোয়ননা ইকাই খুম্নখি।

মদুগী মতুংদা ঙাকশেল মন্ত্রীনা মপাল থৌরম মন্ত্রী দা. এস. জয়শঙ্করগা লোয়ননা অনিশুবা ভারত-জাপান ২+২ মিনিস্ত্রিএল দাইলোগতা শরুক য়াগনি। জাপানগী মাইকৈ অসিবু ঙাকশেল মন্ত্রী শ্রী য়াসুকাজু হমদা অমসুং মপাল থৌরম মন্ত্রী শ্রী য়োশিমাসা হয়াসীনা মহুৎ শিনগনি। ২+২ দাইলোগ অসিনা দোমেন কয়াদা লৈরিবা বাইলেতরেল কোপরেসন অসি য়েংশিনগনি অমসুং হেন্না খুমাং চাউশিন্নবা পোরম য়াৎকনি।

*****