ঙসি প্রধান মন্ত্রী শ্রী নরেন্দ্র মোদীনা ময়াই তাঙবল লৌদুনা ফমখিবা কেন্দ্রগী মন্ত্রী মন্দল মীফম্না কেন্দ্রনা স্পোন্সর তৌবা অনৌবা স্কিম অমা – পি.এম. শ্রী মহৈলোইশঙ (পি.এম. স্কুলস ফোর রাইজিং ইন্দিয়া) অয়াবা পীখ্রে। মসিনা লৈবাক অসিদা লৈরিবা মহৈলোইশঙ ১৪৫০০ হেনববু কেন্দ্র সরকার/রাজ্য/য়ু.তি. সরকার/লোকেল বোদীশিংনা চলাইরিবা হৌজিল লৈরিবা মহৈলোইশঙশিংবু হেন্না মপাঙ্গল পীদুনা পি.এম. শ্রী মহৈলোইশঙ ওইনা শেমগৎনবা অনৌবা থৌশিল অমা ওইরগনি। পি.এম. শ্রী মহৈলোইশঙশিং অসিনা নেসনেল এজুকেসন পোলিসী ২০২০গী মচাক পুম্নমকপু উৎতুনা অকোইবদা লৈবা অতোপ্পা মহৈলোইশঙশিংদা লমজিং লমতাক পীগনি অমসুং লুচিংগনি। পি.এম. শ্রী মহৈলোইশঙশিং অসিনা মহৈরোইশিংগী কোগ্নিতিব ফগৎহন্নবা মগুন লৈবা তাকপগী মওংশিং পীগনি অমসুং ২১শুবা চহি চাগী স্কিলশিং য়াওরবা মপুং ওইবা অমসুং শিন শুবা মীওইশিং পুথোক্কনি অমসুং শেমগৎকনি।

পি.এম. শ্রী মহৈলোইশঙ (পি.এম. স্কুলস ফোর রাইজিং ইন্দিয়া)গী থৌশিল অসি ২০২২-২৩দগী ২০২৬ ফাওবগী চহি মঙাগী মতমগী ওইনা অপুনবা প্রোজেক্তকী অচঙবা শেনফম লুপা করোর ২৭৩৬০গা লোইননা থবক পায়খৎকনি, মসিদা কেন্দ্রদগী লুপা করোর ১৮১২৮কী শরুক য়াগনি।

মরুওইবা ফিচরশিং

• পি.এম. শ্রীনা হৌরকফম মান্নদবা, লোল য়াম্বগী তঙাইফদবা লৈবা অমসুং অঙাংশিংগী তোঙান-তোঙানবা একাদেমিক এবিলিতীশিংবু য়েংবগা লোইননা মরম চাবা, পুম্নমকপু কোনশিনবা অমসুং হরাও তয়াম্বা মহৈলোইশঙগী অকোইবা অমদা য়াম্না মগুন লৈবা এজুকেসন পীগনি অমসুং এন.ই.পি. ২০২০গী ভিজনগী মতুং ইন্না মখোয়বু মশাগী মশানা তমজগী থৌওংদা হেন্না শরুক য়াহনগনি।
• পি.এম. শ্রী মহৈলোইশঙশিং অসিনা মখোয়গী মরী লৈনবা লমশিংদুদা লমজিং লমতাক পীদুনা অতোপ্পা মহৈলোইশঙশিং লুচিংগনি।
• পি.এম. শ্রী মহৈলোইশঙশিং অসিবু গ্রীন স্কুলস ওইনা শেমগৎকনি, মসিদা সোলার পেনেল, এল.ই.দি. লাইৎস, মহৌশাগী ফার্মিংগা লোইননা ন্যুত্রিসন গার্দন, অমোৎপা লোইশিনবা, প্লাস্তিক লৈতবা, ঈশিং কনবা অমসুং লোকপা, অকোইবগী খল ঙাকপগা মরী লৈনবা মহৌশাগী ওইবা চৎনবী/থবকশিং নৈনবা, অইং অশা হোংলকপগা মরী লৈনবা হেকাথোন অমসুং তুং কোইনা চৎপা য়াবা পুন্সি মহিংগী লমদা মীয়াম ভাপ তাহনবগুম্বা থবকশিং পায়খৎকনি।
• হায়রিবা মহৈলোইশঙশিং অসিদা লৌখৎলিবা তাকপীবগী মওং অসি হেন্না এক্সপরিএন্সিএল, হোলিস্তিক, ইন্তিগ্রেতেদ, প্লে/তোই-বেজ (মরুওইনা ফাউন্দেসনেল ওইবা চহিশিংদা) ইঙ্ক্বারী দ্রিভন, দিস্কবরী ওরিএন্তেদ, লর্নর-সেন্তর্দ, দিস্কসন বেজ, ফ্লেক্সিবল অমসুং এঞ্জোইএবল ওইগনি।
• মীৎয়েং চঙফমদি গ্রেদ খুদিংমক্তা লৈরিবা অঙাং খুদিংমক্কী লর্নিং আউৎকমশিংদা পীগনি। থাক খুদিংমক্তা লৌগদবা এসেস্মেন্তনা মখোয়দা লৈরিবা লৌশিং অমসুং খঙলিবশিং অদু পুন্সিদা থোকপা থৌদোকশিংদা পুশিন্নবা অমসুং কম্পিতেন্সীদা য়ুম্ফম ওইগনি।
• লৈরিবা রিসোর্সশিংগী এসেস্মেন্ত অমসুং মখোয় লৈবা, কোন্নবগী চাং, চুন্নবা, অমসুং হায়রিবা দোমেনশিং অসিবু শীজিন্নবগী মওং অমসুং মখোয়গী মরুওইবা থবকশিংগী ইন্দিকেতরশিং লৌগনি অমসুং মরক্তা হোবশিংবু পথাপ নাইনা অমসুং থৌরাং তৌরবা মওংদা মেনশিনগনি।
• সেক্তর স্কিল কাউন্সিলস অমসুং লোকেল ইন্দস্ত্রীশিংগা শম্নদুনা হেন্না থবক পীবা য়াবা অমসুং হেন্না ফরবা থবক্কী খুদোংচাবশিং পীনবা হোৎনগনি।
• স্কুল ক্বালিতী এসেস্মেন্ত ফ্রেমৱার্ক (এস.ক্যু.এ.এফ.) অমসু শেমগৎলি, মসিনা মরুওইবা পারফোর্মেন্স ইন্দিকেতরশিংবু আউৎকম তাক্নবা খাইদোক্কনি। হায়রিবা মহৈলোইশঙশিং অসিগী ক্বালিতী ইভালুএসন চাং নাইনা পাঙথোক্তুনা মতীক চাবা থাক্তা লৈহন্নবা হোৎনগনি।

পি.এম. শ্রী মহৈলোইশঙ (পি.এম. স্কুলস ফোর রাইজিং ইন্দিয়া)গী থৌশিলশিং অসিগী মরুওইবা শন্দোক্না তাক্লবা খোঙথাংশিং:

ক. ক্বালিতী অমসুং ইন্নোবেসন (লর্নিং ইনহেন্সমেন্ত প্রোগ্রাম, হোলিস্তিক প্রোগ্রেস কার্দ, ইন্নোবেতিব পেদাগোজিস, বেগ্লেস দেস, লোকেল আর্তিসানশিংদা ইন্তর্নশিপ পীবা, কেপাসিতী বিল্দিং অসিনচিংবশিং)

খ. আর.তি.ই. এক্তকী মখাদা বেনিফিসরী ওরিএন্তেদ এন্তাইতলমেন্ত। পি.এম. শ্রী মহৈলোইশঙশিংগী চাদা ১০০দি সাইন অমসুং মেথকী কিৎশিং ফংগনি।

গ. চহিগী স্কুলগী গ্রান্তশিং (কম্পোজিৎ স্কুল গ্রান্তস, লাইব্রেরী গ্রান্ত, স্পোর্তস গ্রান্ত)

ঘ. অর্লি চাইল্দহুদ কেয়র অমসুং বালভাতিকা অমসুং ফাউন্দেসনেল লিতরেসী অমসুং ন্যুমরেসি য়াওনা এজুকেসন পীবা

ঙ. সেফ অমসুং চুন্নবা নুপী অমসুং সি.দব্ল্যু.এস.এন.গী ইনফ্রাস্ত্রকচর য়াওনা ইক্বিতী অমসুং ইনক্লুজন

চ. মহৈরোইশিংদা পীগদবা সবজেক্তশিং খনবদা কোমথোকপা

ছ. লোলগী পল অমা লৈরিবসিবু লৌথোক্নবা মমা লোল/লোকেল লেঙ্গুএজশিংবু তেক্নোলোজী শীজিন্নবা য়াওনা তাকপীবদা শীজিন্নবা।

জ. দিজিতেল পেদাগোজি শীজিন্ননবা আই.সি.তি., স্মার্ত ক্লাসরুম অমসুং দিজিতেল লাইব্রেরীশিং। পি.এম. শ্রী মহৈলোইশঙশিং অসি আই.সি.তি., স্মার্ত ক্লাসরুম অমসুং দিজিতেলগী থৌরাংশিং ১০০% পীগনি।

ঝ. লৈরিবা ইনফ্রাস্ত্রকচর অদুবু মপাঙ্গল ফগৎহনবা।

ঞ. লোকেল ইন্দস্ত্রীগা লোইননা ইন্তর্নশিপ/ওন্ত্রপ্রিন্যুরশিপকী খুদিংচাবা পীনবা ভোকেস্নেল ইন্তর্ভেন্সন পীবা। দেবেলপমেন্তেল প্রোজেক্তশিং/মনাক নকপা ইন্দস্ত্রীগা লোইননা স্কিল মেপিং তৌবা অমসুং কোর্স/করিক্যুলম চুন্ননা শেমগৎপা।

ট. হায়রিবা মহৈলোইশঙশিং অসিবু অনৌবা ফেসিলিতীশিংগা লোইননা শেমগৎনবা অহেনবা খোঙথাংশিং লৌখৎকনি। মহৈলোইশঙ খুদিংদা সাইন্স লেব, লাইব্রেরী, আই.সি.তি. ফেসিলিতী অমসুং ভোকেসনেল লেব অসিনচিংবশিং পীগনি।

xx. গ্রীন স্কুল ইনিসিএতিবস

মখা তানা, স্কিম অসিনা হৌজিক লৈরিবা থৌশিলশিং/পঞ্চায়তি রাজ ইন্সতিত্যুসন/অর্বান লোকেল বোদীশিং অমসুং কম্ম্যুনিতী শরুক য়াহন্দুনা মহৈলোইশঙশিং অপগ্রেদ তৌনবা অমসুং ফেসিলিতীশিং শেম্নবা পুনশিনগনি।

থবক্তা পায়খৎনবগী লাল্লোং

(ক) পি.এম. শ্রী মহৈলোইশঙশিং অসি সমগ্রাহ শিকশা, কে.ভি.এস. অমসুং এন.ভি.এস.গী হৌজিক লৈরিবা এদমিনিস্ত্রেতিব স্ত্রকচর লৈবশিংদা পায়খৎকনি। অতোপ্পা ওতোনোমস বোদীশিংসু তঙাইফদবগী মতুং ইন্না অখন্নবা প্রোজেক্তশিংদা য়াওহনগনি।

(খ) হায়রিবা মহৈলোইশঙশিং অসিবু খুমাং চাউশিনবগী চাং অমসুং নেসনেল এজুকেসন পোলিসী ২০২০ চলাইনবা হোৎনবদা থেংনবা শীংনবশিং থেংননবা কুপ্না য়েংশিনগনি।

খনবগী থৌওং:

পি.এম. শ্রী মহৈলোইশঙ খনবসি অথোই অহেন তান্নবগী মওংদা লৌখৎকনি, মসিদা মহৈলোইশঙশিংনা খুদম ওইনিংঙাই ওইবা মহৈলোইশঙ অমা ওইনবা হোৎনহনগনি। মহৈলোইশঙশিং অসি ওনলাইন পোর্তেলদা সেল্ফ এপ্লাই তৌগদবনি। পোর্তেল অসি থৌশিল অসিগী চহি অনি ফাওবা চহি অমদা মরিরক, ক্বার্তর খুদিংগী অমুরক হাংগনি।

কেন্দ্র/রাজ্য/য়ু.তি. সরকারনা/ য়ু.দি.আই.এস.ই.+ কোদ য়াওবা লোকেল সেল্ফ গবর্নমেন্তনা চলাইবা ইলিমেন্ত্রঈ স্কুলস (ক্লাস ১-৫/১-৮) অমসুং সেকেন্দরী/সেনিয়র সেকেন্দরী স্কুলস (ক্লাস ১-১০/১-১২/৬-১২)শিংবু থৌশিল অসিগীদমক খন্ননবা লৌখৎকনি। খনবগী থবক্তি মখাদা পীরিবা অসুম্না অকক্নবা মতম লৈবা তাংকক অহুম থোক্না খায়দোকপা থৌওং অমগী মতুং ইন্না খনগনিঃ

ক. তাংকক-১: রাজ্য/য়ু.তি.শিংনা মপুং ওইনা এন.ই.পি. চলাইবা য়ারে হায়বগী এম.ও.য়ু. অমা খুৎয়েক পীনগনি, মসিদা কেন্দ্রনসু হায়রিবা মহৈলোইশঙ অসিবু পি.এম. শ্রী মহৈলোইশঙ ওইনা অখন্নবা ক্বালিতী এসুরেন্স পীগনি হায়বগী থাজবা পীরি।

খ. তাকংকক – ২: হায়রিবা তাংকক অসিদা, পি.এম. শ্রী মহৈলোইশঙ ওইনা খনবা য়ারবা মহৈলোইশঙ পুল অমা য়ু.দি.আই.এস.ই.+ দেতাগী থোঙদা পীবা মিনিমম বেঞ্চমার্ক অদুদা য়ুম্ফম ওইরগা শক খঙদোক্কনি।

গ. তাংকক – ৩: মসিগী তাংকক অসি অকক্নবা ক্রাইতেরিয়াশিং ফংনবা অথোই অহেন তান্নবগী মওংদা য়ুম্ফম ওই। মথক্কী ইলিজিবল ওইরবা মহৈলৈশঙগী পুল অসিনা পীরিবা চেলেঞ্জ কন্দিসনশিং অসি মপুং ফানবা অথোই অহেন তান্নবা য়াগনি। কন্দিসনশিং অসিবু মপুং ফাহনবা হায়বসি রাজ্য/কে.ভি.এস./জে.এন.ভি.শিংনা ফিজিকেল ইন্সপেক্সন তৌদুনা সর্তিফাই তৌগনি।

রাজ্য/য়ু.তি.শিং/কে.ভি.এস./জে.এন.ভি.না মহৈলোইশঙশিং অসিনা পীরিবা ক্লেমশিং অসি অচুম অরান তাক্কনি অমসুং মন্ত্রালয়দা মহৈলোইশঙগী লিস্ত অমা লানখৎকনি।

ভারত পুম্বদা লৈরিবা অপুনবা মহৈলোইশঙশিংগী অপর লিমিতকা লোইননা ব্লোক/য়ু.এল.বি. অমদা মহৈলোশঙ অনি (ইলিমেন্তরী অমসুং সেকেন্দরী /সেনিয়র সেকেন্দরী অমা) খনগনি। খন্ননবগীদমক মহৈলোইশঙশিং জিও তেগিং তৌবা অমসুং পি.এম. শ্রী মহৈলোইশঙশিংবু মোনিতরিং তৌগনি। ভাস্করাচর্য় নেসনেল ইন্সতিত্যুৎ ফোর স্পেস এপ্লিকেসন অমসুং জিও ইনফোর্মেসন (বিসাগ-এন.)বু জিও তেগিং অমসুং অতোপ্পা থবকশিং তৌহনগনি। মহৈলোইশঙশিংগী অরোইবা খন্নবগীদমক এক্সপর্ত কম্মিতী অমা শেমগনি।

ক্বালিতী এসুরেন্স অমসুং পি.এম. শ্রী মহৈলোইশঙশিং

১. এন.ই.পি. ২০২০ শোকাস তৌবা

২. মিং চনবগী চাং ত্রেক তৌনবা অমসুং তম্বগী খুমাং চাউশিনবগী চাং য়েংনবা মহৈরোইগী রেজিস্ত্রী

৩. রাজ্য অমসুং জাতিগী চাংচৎতা লৈবা থাক্কী মথক্তা লৈনবা অঙাং খুদিংগী লর্নিং আউৎকমশিং ফগৎহনবা

৪. মিদল গ্রেদকী অঙাং খুদিংমকপু খ্বাইদগী নৌবা অমসুং ২১শুবা চহি চাগী স্কিলশিং ফংহনবা/খঙহনবা

৫. সেকেন্দরী গ্রেদকী অঙাং খুদিংমক য়ামদ্রবদা স্কিল অমদি য়াওহন্দুনা পাস আউৎ তৌহনবা

৬. অঙাং খুদিংমক্কী শান্ন-খোৎনবা, কলা, আই.সি.তি.

৭. তুং কোইবা অমসুং গ্রীন স্কুল

৮. মহৈলোইশঙ খুদিংমক হায়র এজুকেসন ইন্সতিত্যুৎকা মেন্তরিংগীদমক শম্নবা

৯. মহৈলোইশঙ খুদিংমক লোকেল ওন্ত্রপ্রিন্যুরিএলগা শম্নবা

১০. অঙাং খুদিংমক সাইকোলোজিকেল ৱেল বিইং অমসুং কেরিয়রগীদমক কাউন্সেল তৌবা

১১. মহৈরোইশিং অসি ভারতকী নোলেজ অমসুং হেরিতেজদা লুপহনগনি, সিভিলাইজেসনেল ইথোসতা  অমসুং ভারতকী ভেল্যুদা চাউথোকহনগনি, ভারতনা মালেমদা করি শরুক তম্লি হায়বা, অহিংবশিংগী মরমদা অমসুং মহৌশাগী মরমদা  খঙহনগনি, ভারতকী লোলশিংদা পাউ ফাওনবা ঙমহনগনি, ইনক্লুসিভিতী ইকাইখুম্নহনগনি, মান্নবা অমসুং অপুনবগী মশক খঙহনগনি, সেবা অমসুং 'এক ভারত শ্রেস্থা ভারত'কী ইনোৎ মখা তানা শন্দোকহনগনি।

১২. লমচৎ শেমগৎহনবা, প্রজা অমা ওইবগী মগুন খঙহনবা, তঙাইফদবা ইথৌ খঙহনবা অমসুং লৈবাক শেমগৎপদা লৈরিবা থৌদাং খঙহনবা

হায়রিবা মহৈলোইশঙশিং অসি অঙাংশিংবু মায়কৈ খুদিংদা ফগৎহনবদা মীৎয়েং থমদুনা মচল শুবা মহৈলোশঙ অমা ওইনা শেমগৎকনি।

কান্নবা ফংবা য়াবশিং

মহৈরোই লাখ ১৮ হেনবনা হায়রিবা থৌশিল অসিগী কান্নবা হকথেংননা ফংলবা য়ারি। মখা তাবা শাফুশিংনা পি.এম. শ্রী মহৈলোইশঙশিংগী অকোইবদা লৈরিবা মহৈলোইশঙশিংবু মেনতরিং অমসুং হেন্দহোল্দিং তৌদুনা কান্নহন্নবা হোৎনগনি।

***************