মন্ত্রীমন্দল

ভারত অমসুং গ্রেত ব্রিতেনগী য়ুনাইতেদ কিংদম অমদি নোরদর্ন আইয়র্লেন্দগী মরক্তা অমনা অমগী একাদমিক ক্বালিফিকেসন শকখঙনবগী মতাংদা খুৎয়েক পীনখিবা মেমোরেন্দম ওফ অন্দর্স্তেংবু কেবিনেৎনা অয়াবা পীখ্রে

Posted On: 07 SEP 2022 4:08PM by PIB Imphal

ইকায় খুম্ননীংঙাই ওইরবা প্রধান মন্ত্রী, শ্রী নরেন্দ্র মোদীনা লুচিংদুনা ৭/৯/২০২২দা পাংথোকখিবা কেন্দ্রগী কেবিনেৎকী মীফমদা ভারত অমসুং গ্রেত ব্রিতেনগী য়ুনাইতেদ কিংদম অমদি নোরদর্ন আইয়র্লেন্দগী মরক্তা অমনা অমগী একাদমিক ক্বালিফিকেসন শকখঙনবগী মতাংদা ২৫/৪/২০২২দা খুৎয়েক পীনখিবা মেমোরেন্দম ওফ অন্দর্স্তেংবু এক্স পোস্ত ফেক্তোগী অয়াবা পীখ্রে।

ভারত অমসুং য়ু.কে.গী মরক্তা অমনা অমগী ক্বালিফিকেসন শকখঙনবনা একাদমিক কোলাবোরেসন অমসুং স্তুদেন্ত মোবিলিতী হেনগৎহনবগী পান্দম থম্লি। য়ু.কে.গী মাইকৈদগী মখোয়গী চহি অমগী মাস্তর প্রোগ্রাম্বু শকখঙবীনবা হায়জরকপবু খন্নখি, অমসুং দিসেম্বর ১৬, ২০২০দা লৈবাক অনিসিগী এজুকেসন মন্ত্রীশিংগী মরক্তা নই দিল্লীদা পাংথোকখিবা মীফমদা হীরম অসিগীদমক্তা অপুনবা তাস্ক ফোর্স অমা শেম্বগী ৱাফমদা য়ানবা পুরকখি। খ্বাইদগী অহানবা মীফম্না ফেব্রুৱারী ৪, ২০২১দা পাংথোকখি অমসুং মখা তারকপা ওইনা, মরী লৈনবা ৱাফম কয়া কুপ্না খন্ন-নৈনরবা তুংদা, নাকল অনিমক্না দ্রাফ তৌরবা এম.ও.য়ু. অসিদা য়ানবা পুরকখি।

এম.ও.য়ু. অসিনা লৈবাক অনিগী মরক্তা লৈনরিবা এজুকেস্নেল ক্বালিফিকেসন, মহৈ তম্বদা চঙবা মতম, একাদমিক দিগ্রী/ক্বালিফিকেসন অমসুং এজুকেস্নেল ইন্সতিত্যুসনশিংনা এক্রেদিতেসন তৌবগা মরী লৈনবা চে-চাংশিংবু শকখঙনবগী থৌওংদা তেংবাংবগী পান্দম থম্লি। ইঞ্জিনিয়রিং, মেদিসিন, নর্সিং অমসুং পেরা-মেদিকেল এজুকেসন, ফার্মাসী, লো অমসুং আর্কিতেকচরগুম্বা প্রোফেস্নেল দিগ্রীশিংদি এম.ও.য়ু. অসিনা কোনবা ৱাফমগী মপান্দা লৈগনি। এজুকেসনবু ইন্তর-নেস্নেলাইজেসন তৌনবগীদমক্তা ঐখোয়গী এন.ই.পি. ২০২০গী পান্দমশিংগী মখাদা অমা ওইরিবা হাইয়র এজুকেসন ইন্সতিত্যুসনশিংগী মরক্তা জোইন্ত/দুএল দিগ্রী কোর্স শেম্বদসু মসিনা তেংবাংগনি।

এজুকেস্নেল স্ত্রকচর, প্রোগ্রাম অমসুং স্তেন্দর্দকা মরী লৈনবা ই-পাউশিংবু লৈবাক অনিগী মরক্তা লান্নবা অমসুং লৈবাক অনিসিগী মরক্তা মহৈরোই অমসুং প্রোফেস্নেলশিংনা চত্থোক-চৎশিন তৌববুসু এম.ও.য়ু. অসিনা খুমাং চাউশিনহল্লি। মসিনা এজুকেসন সেক্তরগী অতোপ্পা হীরম, পার্তী অনিসিনা য়ান্নবা পুরকপগী মতুং ইন্না স্তদী প্রোগ্রাম শেম-শাববুসু মসিনা পুক্নিং থৌগৎকনি।

এম.ও.য়ু. অসিনা লৈবাক অনিগী নেস্নেল পোলিসী, আইন, কাঙলোন অমসুং রেগ্যুলেসনগী মখাদা অয়াবা পীরবা শকখঙলবা ক্বালিফিকেসনশিংগা মরী লৈননা মান্নবা থাক্তা লৈবা ক্বালিফিকেসনবুসু শকখঙগনি।

*****



(Release ID: 1857553) Visitor Counter : 141