২০২৫ ফাওবা লৈবাক অসিদগী তি.বি. মুত্থৎনবা মিসন অসি নৌহৌনা মপাঙ্গল কনখৎহন্নবা ইকাই খুম্নজরবা রাস্ত্রপতি শ্রীমতি দ্রৌপদী মুর্মুনা সেপ্তেম্বর ৯দা প্রধান মন্ত্রী তি.বি. মুক্ত ভারত অভিয়ান হৌদোক্লগনি। ২০১৮গী মার্চতা দেল্লীদা পাঙথোকখিবা এন্দ তি.বি. সম্মিৎতা প্রধান মন্ত্রী শ্রী নরেন্দ্র মোদীনা ২০৩০ ফাওবগী এস.দি.জি. তার্গেৎ অসিদগী চহি মঙা মাংজৌননা লৈবাক অসিদা তি.বি. মুত্থৎনবা অকনবা ৱাফম থমখি। অভিয়ান অসি হৌদোকপগী থৌরমদা হকশেল অমসুং য়াইফ-য়ুম্বালগী কেন্দ্র মন্ত্রী, দা. মনসুখ মন্দাবিয়া, এম.ও.এস. (ঐচ.এফ.দবল্যু.) দা. ভারতি প্রবিন পাৱর, কেন্দ্রগী মন্ত্রীশিং, রাজ্যপালশিং অমসুং লেফতনেন্ত গভর্নরশিং অমসুং অতোপ্পা দিগনিতরীশিংনা শরুক য়াগনি। ২০২৫ ফাওবদা তি.বি. মুত্থৎনবা মাইকৈদা লৈবাক অসিনা লৌরিবা ফিরেপ অসি নৌহৌনা শাহৌ পীনবা ভর্চিএলগী থৌরমদা স্তেৎ অমসুং দিস্ত্রিক্ত হেল্থ এদমিনিস্ত্রেসন, কোর্পোরেৎশিং, ইন্দস্ত্রিশিং, সিভিল সোসাইতী অমসুং এন.জি.ও.শিংগী মীহুৎশিংনা শরুক য়াগনি।                                                                                        

প্রধান মন্ত্রী তি.বি. মুক্ত অভিয়ান অসিনা তি.বি. লায়েংবদা তেংবাং পীনবা কম্ম্যুনিতী স্তেকহোল্দর পুম্নমক অমত্তা ওইনা পুনশিন্নবা অমসুং তি.বি. মুত্থৎনবা মাইকৈদা লৈবাক অসিনা চংশিল্লিবা অসি খুমাং চাউশিন্নবা পান্দম থম্মি। ইকাই খুম্নরবা রাস্ত্রপতিনা অভিয়ান অসিগী মরু ওইবা কম্পোনেৎ ওইরিবা নি-ক্ষয় মিত্রা ইনিসিএতিবসু লোঞ্চ তৌগনি। নি-ক্ষয় মিত্রা পোর্তেলনা তি.বি. লায়েং চত্থরিবশিংদা তোঙান-তোঙানবা মখলগী তেংবাং পীনবা দোনরশিংগী প্লেৎফোর্ম অমা পীগনি। ময়া অহুম লোংবা লালোং অসিদা ন্যুত্রিস্নেল, এদিস্নেল দাইগনোস্তিক অমসুং ভোকেস্নেল সপ্পোর্ত য়াওরি। নি-ক্ষয় মিত্রশিং হায়না খঙনবা দোনরশিং অসি মীয়ামগী মীহুৎশিং, রাজনিতী দলশিং, কোর্পোরেৎশিং, এন.জি.ও.শিং অমসুং তোঙান-তোঙানবা মীওইশিংগী ওইবা স্তেকহোল্দর মখল কয়া অমনা ওইবা য়াগনি।

হৌদোকপগী থৌরম অসিনা ২০২৫ ফাওবদা লৈবাক অসিদগী তি.বি. মুত্থৎনবা অচৌবা পান্দম অসি থুংহন্নবা জন অন্দোলন অমা ওইহন্দুনা লম পুম্নমক্তগী মীয়ামবু অমত্তা ওইনা পুনশিন্নবা সোসাইতেল এপ্রোচ অমগী মথৌ তাবা অদু খঙহনবনি। প্রধান মন্ত্রী তি.বি. মুক্ত ভারত অভিয়ান অসি পেসেন্ত-সেন্ত্রিক হেল্থ সিস্তেম অমগী মাইকৈদা কম্ম্যুনিতী সপ্পোর্ত ফংনবা চংশিল্লিবা খোঙথাং অমনি।

****