কম্মর্স অমসুং ইন্দস্ত্রী, কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন অমসুং তেক্সতাইল মন্ত্রী, শ্রী পিয়ুশ গোয়লনা সান ফ্রান্সিস্কোগী বে এরিয়াদা য়ু.এস. স্তার্ত-অপ এস.ই.তি.য়ু. – সপ্পোর্তিং ওন্তোপ্রিনর ইন ত্রান্সফোর্মেসন এন্দ অপস্কিলিং প্রোগ্রাম হৌদোকখ্রে। খোঙথাং অসিনা ভারত্তা লৈরিবা স্তার্ত-অপকা য়ু.এস.তা লৈবা ইনভেস্তর অমসুং স্তার্ত-অপ ইকোসীস্তেম লুচিংবশিংগা মরী লৈনহনগনি অমসুং ফন্দিং, মার্কেত এক্সেস অমসুং কম্মর্সিএল ওইহনবা য়াওনা তোঙানবা হীরমশিংদা স্তার্ত-অপশিংদা লমজিং-লমতাক অমসুং তেংবাং পীগনি।

প্রোগ্রাম অসি ভারতকী স্তার্ত-অপ ইকোসীস্তেমগা মরী লৈনবা অখন্নবা হীরম খরদা মিৎয়েং চঙদুনা লঞ্চকা লোয়ননা খন্ন-নৈনবগী থৌরমদা হৌদোকখিবনি। মীফম অসিনা বে এরিয়াদা লৈরিবা মায় পাক্লবা দাইস্পোরাশিংনা অঙনবা থাক্তা লৈরিবা ভারতকী স্তার্ত-অপ্সহিংদা দোমেস্তিক ইনকোর্পোরেসন অমসুং মেন্তর্শিপকা মরী লৈনবা হীরমদা তেংবাংবা য়াবা তোঙানবা পাম্বৈ কয়া খন্ন-নৈনখি।

এস.ই.তি.য়ু. অসি ওন্তোপ্রিনর্শিপ্তা ইনভেস্ত তৌবা পাম্বা য়ু.এস.তা লৈবা মেন্তরশিং অমসুং ভারতকী সনরাইস স্তার্ত-অপশিংগী মরক্তা লৈবা জিওগ্রাফিকেল বেরিয়র লৌথোক্নবা মওংদা শেম-শাবনি। ভারতকী স্তার্ত-অপশিংগী ৱারোইশিন থিনবা অমত্তা ঙাইরবা মফম অমা ওইরিবা স্তার্ত-অপ ইন্দিয়াগী খোঙথাং, এম.এ.এ.আর.জি. নত্ত্রগা মেন্তর্শিপ, এদভাইজরী, এসিস্তেন্স, রেজিলিএন্স অমসুং গ্রোথ প্রোগ্রামগী মখাদা লৈবা মেন্তর্শিপ পোর্তেলনা থৌওং অসিবু শৌগৎকনি। লৈবাক্কী মফম অমা হেক্তদগী মেন্তর অমগা কন্নেক্ত তৌবা য়াহনবা হায়বা ৱাখল্লোন্দা য়ুম্ফম ওইদুনা পোর্তেল অসি শেম্বনি। মেন্তর অমনা স্তার্ত-অপশিং অসিবু লমজিং-লমতাক্নবগীদমক্তা হ্যুমেন ইন্তেল্লিজেন্স পীগনি। হৌজিক ফাওবগী ওইনা, এম.এ.এ.আর.জি.দা মালেম শিনবা থুংবগী মেন্তর ২০০ হেন্না শরুক য়ারে হায়বসি পনবা য়াবা ৱাফম অমনি।

এম.এ.এ.আর.জি.গী খ্বাইদগী ময়োলদা লৈরিবা মথৌদি স্তার্ত-অপ ইকোসীস্তেম ইনেব্লরশিংবু প্রোগ্রাম অসিগী শরুক ওইবা য়াহন্নবা অমসুং মহৈনা শাফু পীবা থবক থৌরম কয়া পাংথোকপা ঙমহন্নবা এক্সেস হেনগৎহনবা, মেৎচমেকিং, মীফম মতম লেপ্নবা, মাস্তরক্লাস শীন্নবা আর্তিফিসিএল ইন্তেল্লিজেন্স শিজিন্নবা, মরী লৈনবা ই-পাউ, এনালাইতিক্স, ফীচরনচিংবগী কস্তম দেশবোর্দ পীবা, কোহোর্ত্তা য়ুম্ফম ওইবা প্রোগ্রাম শীন-লাঙবনি।

বে এরিয়াদা পাংথোকখিবা মীফম কয়াদা মন্ত্রীনা মফমসিগী ভেঞ্চর কেপিতেলিস্ত অমসুং ইন্দস্ত্রীগী লুচিংবশিংগা কান্নবা ৱারী ৱাতাই কয়া শান্নখি। ভারতকী কারবারগী ফিভমগী মতাংদা ভেঞ্চর কেপিতেলিস্ত অমসুং অতোপ্পা ইনভেস্তরশিংনা চাউখৎপা পুরকপা ঙমগনি হায়বগী থাজবা ফোংদোক্নখি।

“খন্ন-নৈনবগী খ্বাইদগী কান্নবা ৱাফমশিংগী মরক্তা অমা ওইরিবা অদুদি বে এরিয়ানা ভারতকী মতিক্তা থাজবা লৈবসিনি, ভারতকী স্তার্ত-অপ অমসুং ভারতকী ব্যুজিনেসশিংনা পীবা ঙমগদবা কান্নবা কয়া অমসুং মখোয়গী তৌবা ঙম্বগী মতিক্তা মখোয়না থৱাই য়াওবগী মতৌ উৎখি। ভারত্তা লৈরিবা তেলেন্ত কয়াদা মখোয়না থৱাই য়াম্না য়াওখি। ভারতকী মিৎয়েং শানবা মীওই বিলিয়ন ১.৩গী মার্কেত অসিদা মখোয়না চাউখৎপগী অচৌবা পাম্বৈ কয়া উরি”, হায়না শ্রী গোয়লনা মীফমগী মতুংদা হায়খি।

“মেন্তর্শিপকী মতাংদা ৱাহৌদোক কয়া থম্নখি। অহোংবা পুরকপা অমসুং অপস্কিলিং তৌবগী থবক থৌরম কয়াগী খুত্থাংদা ওন্তোপ্রিনরশিংবু শৌগৎপগী পান্দম থম্লিবা এস.ই.তি.য়ু. প্রোগ্রামসু ঐখোয়না হৌদোকখ্রে। তাইয়র ২, ৩ অমসুং ৪গী শহর মচা অমসুং মনুং হঞ্জিনবা মফমশিংদা অখন্নবা ওইনা মেন্তর্শিপকী থৌওং লৈহন্নবা স্তার্ত-অপ এদভাইজরী কাউন্সিলনা ভারত্তা হৌদোকখিবা প্রোগ্রাম অমদসু ঐখোয়না মিৎয়েং চঙলি। অফবা পাউতাক অমসুং ৱাহৌদোক কয়া ঙসিগী মীফমদা খন্ন-নৈনখি”, হায়না মহাক্না ফোংদোকখি।

স্তার্ত-অপশিংগী চাউরাকপা ৯০% অমসুং নীংথিনা ফন্দিং তৌরবা স্তার্ত-অপ তংখাইদগী হেনবনা মখোয়গী অঙনবা মতমদা মায় পাকপা ঙমদে হায়না চাউরাক্না পানরি। কারবার নীংথিনা চলাইবগী লৌশিং লৈতবনা হীরম অসিগী মরু ওইবা মরম অমনি, অমসুং অচুম্বা ৱারেপ লৌবা অমসুং মোরেল সপ্পোর্তকীদমক্তা ফাউন্দরশিংনা অচুম্বা লমজিং লমতাক্কী মথৌ তাই।

ভারতনা স্তার্ত-অপশিংগী খ্বাইদগী মকোক থোংবা পন্থুংফম ওইবগী মাইকৈদা চঙশিল্লিবসিদা তসেংবা পাউতাক্কা লোয়ননা মতম চানা লমজিং লমতাকপীবা হায়বসি খ্বাইদগী মরু ওইবনি। ভারত সরকারনা স্তার্ত-অপকী খোঙচৎ অসিদা ভেল্যু হাপ্তুনা লৈবাক্কী মতেং পাংনবা হীরম অসিদা মথম্মোই শেংনা খোঙফম চেতীপা মীওই, নীংথিনা খঙ-হৈরবা মীওই অমসুং ইন্দস্ত্রীগী লুচিংবশিংদা মাং থানা থোক্লক্নবা পাউজেল পীরি।

এম.এ.এ.আর.জি.না মালেম পুম্বদগী মেন্তরশিং থোকপীরক্নবা হায়জরি। হৌজিক ফাওবদা, মালেম শিনবা থুংবদগী মেন্তর ২০০ হেনবনা এম.এ.এ.আর.জি.গী শরুক ওইরে। ইন্দস্ত্রী অমসুং স্তার্ত-অপ ইকোসীস্তেমগী মহুৎ শিনবা শক্নাইরবা মীওই কয়ানা পাউজেল অসিগী পাউখুম পীনরক্লি।

********