“দিজিজ সর্ভিলেন্সনা লাইনা ঙাকথোকপা, লাকশিনবা অমসুং মেনেজমেন্ত তৌবদা মরু ওইবা থৌদাং লৌরি। মসি পাঙথোকপদা এন.সি.দি.সি.গী রিজনেল ব্রাঞ্চশিংনা অচৌবা থৌদাং লৌগনি। মখোয়না লাইনাশিং খুদক্তা সর্ভিলেন্স চত্থবা, খোঙজেল য়াংনা খঙদোকপা অমসুং মোনিতর তৌবনা পব্লিক হেল্থ ইনফ্রাস্ত্রকচরদা শাহৌ পীরগনি, অসুম তৌবনা লাইনাশিংগী ঙন্না খোঙথাংশিং লৌখৎপা ঙমহল্লগনি”। ৱাফম অসি রাজ্য তরুক্তা (আন্ধ্র প্রদেশ, অরুনাচল প্রদেশ, কেরলা, মহারাস্ত্র, ত্রিপুরা অমসুং উত্তর প্রদেশ) নেস্নেল সেন্তর ফোর দিজিজ কন্ত্রোল (এন.সি.দি.সি.)গী উরেপ-উয়ুং তম্বগী থৌরমদা ভর্চুএল ওইনা হকশেল অমসুং য়াইফ-য়ুম্বালগী কেন্দ্র মন্ত্রী, দা. মনসুখ মন্দাবিয়ানা ফোঙদোকখি।

“প্রধান মন্ত্রী শ্রী নরেন্দ্র মোদীজীগী লুচিং মখাদা সরকার অসিনা লৈবাক শিনবা থুংবদা হেল্থ ইনফ্রাস্ত্রকচর মপাঙ্গল কনখৎহন্নবা হোৎনখি। মীপুম খুদিংমক্তা ক্বালিতী লৈবা, শেল চংদবা অমসুং লাইনা হেল্থকিয়র ফংহন্নবা কোল্লাবোরেতিব অমসুং কোওপরেতিব ফেদরেলিজমগী ৱাখল্লোনগা লোয়ননা রাজ্যশিংনা ঐখোয়গী পার্নতশিং ওইদুনা “তোকেন” দগী “তোতেল” এপ্রোচতা হোংদোকখি”। দা. মন্দাবিয়ানা মখা তারদুনা হায়খি লৈবাক শিনবা থুংবদা হেল্থ ইনফ্রাস্ত্রকচর মপাঙ্গল কনখৎহনবা হায়বা অসি প্রধান মন্ত্রীগী বিজননি। ভারত সরকারনা পি.এম.-এ.বি.ঐচ.আই.এম. (প্রাইম মিনিস্তর – আয়ুশ্মান ভারত হেল্থ ইনফ্রাস্ত্রকচর মিসন)গী মখাদা রাজ্যশিংগী তোঙান-তোঙানবা হেল্থ ইনফ্রাস্ত্রকচরগীদমক লুপা করোর ৬৪,০০০ অয়াবা পীখি।  মহাক্না মখা তারদুনা হায়খি কোবিদ-১৯গী হৌজিক থেংনরিবা লাইচৎ অসিনা ঐখোয়দা লৌনগনবা লাইনাশিংনা শন্দোরকপা অমসুং অমুক হন্না শন্দোরকপনা লোকেলাইজ আউতব্রেকশিং থোকহনবা খক্তা নত্তনা লাইচৎ অমা থোকহনবা ঙম্মি হায়বা অদু উৎখি। রাজ্যশিং অমসুং য়ু.তি.দা লৈরিবা এন.সি.দি.সি. ব্রাঞ্চশিংনা লাইনাগী সর্ভিলেন্স অমসুং মোনিতর তৌবদা মতম চানা রাজ্য সরকারশিংগী মতেং পাংলগনি। মখোয়না ফিল্দদগী ফংবা ইভিদেন্সশিংদা য়ুম্ফম ওইরগা মতম চানা খোঙথাংশিং লৌখৎনবা ঙন্না চেকশিলৱা পীবা ঙম্লগনি হায়না মহাক্না ফোঙদোকখি। রাজ্যগী ব্রাঞ্চশিংনা নই দিল্লীদা লৈবা এন.সি.দি.সি.গী ময়াইলোয়শঙগা লোয়ননা কত্তিং এদজ তেক্নোলোজীনা তেংবাংবা দেতা অমসুং ই-পাউ মতম চানা শিয়র তৌদুনা মতেং পাংলগনি। এন.সি.দি.সি. ব্রাঞ্চশিং অসিনা মরিক চুম্বা সাইন্তিফিক ওইনা প্রমান পীবা ঙম্লবা ই-পাউ লায়না খঙহন্নবা অপদেৎ তৌরবা গাইদলাইনশিং মতম চানা ফংহনবদসু মতেং পাংলগনি।

হৌজিক্কী ওইনা লাইনা অমা নত্ত্রগা খরদা মীৎয়েং থম্বগা লোয়ননা রাজ্যশিংদা এন.সি.দি.সি.গী ব্রাঞ্চ নিপান লৈ, মখোয় অসি ইন্তিগ্রেতেদ দিজিজ সর্ভিলেন্স এক্তিবিতীশিং, এন্তি মাইক্রোবিএল রেজিস্তেন্স (এ.এম.আর.), মলতি-সেক্তোরেল অমসুং এন্তোমোলোজিকেল ইনভেস্তিগেসনশিংগী মেন্দেৎ য়াওবগা লোয়ননা রিপর্পজ তৌগনি অমসুং অনৌবা ব্রাঞ্চশিং হাপচিনগনি।

কেন্দ্রগী হকশেল মন্ত্রীনা নেস্নেল ভেক্তর বোর্ন দিজিজ কন্ত্রোল প্রোগ্রামগী এন.সি.দি.সি. লেবোরেতোরী ব্লোক – ১, রেসিদেন্সিএল কমপ্লেক্স অমসুং এন.আর.এল. শঙ্গাখি। এন.সি.দি.সি. লেবোরেতরী ব্লোক অসিদা পব্লিক হেল্থকা মরী লৈণবা বেক্তরিএল, ভাইরেল, ফঙ্গেল অমসুং পেরাসাইতিক ওইবা লাইনাশিংগী স্তেৎ-ওফ-দি-আর্ত তেস্তিং অমসুং রিফরেল লেবোরেতোরীশিং থমগনি। লেবোরেতোরী অসিদা হায় কেপাসিতী লেব ৫০ থমগনি মসিদা বাইও-সেফতী লেবেল ৩ লেবশিং, আর.তি.-পি.সি.আর. লেব ৫, অমসুং অতোপ্পা লেব ১৫ লৈগনি। লেবোরেতোরীশিং অসি তেস্তিং তৌবগী খুদোংচাবশিং পীবা খক্তা নত্তনা লৈবাক শিনবা থুংবদা লৈরিবা লেবোরেতোরীশিংগী অপুনবা নেৎৱার্ক্তা হেন্দস-ওন-ত্রেনিং, কেপাসিতী বিল্দিং অমসুং ক্বালিতী এস্যুরেন্স সর্ভিসশিং পীনবা মওংদা দিজাইন তৌখি।

মপাল থৌরম অমসুং পার্লিয়ামেন্তরী এফিয়র্সকী এম.ও.এস., শ্রী ভি. মুরালীধরন, হকশেল মন্ত্রী (মহারাস্ত্র), দা. তানাজি রাও সাৱন্ত, হকশেল মন্ত্রী (অরুনাচল প্রদেশ), শ্রী অলো লিবাং, মেম্বর ওফ পার্লিয়ামেন্ত, শ্রী শশি থারোর, হকশেল মন্ত্রী (উত্তর প্রদেশ), শ্রী ময়াঙ্কেশ্বর শরন সিংহ, এম.এল.এ., শ্রী রাজেশ্বর সিংহ, এম.এল.এ. শ্রী তানা হলি তারানা থৌরম অসি ভর্চুএল ওইনা শরুক য়াখি। এম.ও.ঐচ.এফ.দবল্যু.গী কেন্দ্রগী হেল্থ সেক্রেতরীম শ্রী রাজেশ ভুশন, দি.জি.ঐচ.এস. (এম.ও.ঐচ.এফ.দবল্যু,) দা. প্রোফেসর অতুল গোএল অমসুং এম.ও.ঐচ.এফ.দবল্যু.গী এদিস্নেল সেক্রেতরী শ্রী লব অগর্ৱালনা থৌরম অসিদা শরুক য়াখি।

****