নহারোল অমসুং শান্ন-খোৎনবগী মন্ত্রালয়
অথুবদা অহমদবাদতা মালেমগী খ্বাইদগী চাউবা স্পোর্তস সিতী লৈরগনি হায়না গৃহ মন্ত্রী শ্রী অমিত সাহনা ৩৬শুবা নেস্নেল গেম্স হৌদোকপগী থৌরমদা লাউথোকখ্রে
গুজরাত সি.এম. শ্রী ভুপেন্দ্র পতেল অমসুং কেন্দ্রগী শন্ন-খোৎনবগী মন্ত্রী শ্রী অনুরাগ থাকুর য়াওবা মচু মমেন্না থল্লবা থৌরমদুদা গেম্সকী এন্থেম অমসুং মাস্কোৎ মায়খুম হাংদোকখি
Posted On:
05 SEP 2022 9:06AM by PIB Imphal
কেন্দ্রগী গৃহ মন্ত্রী শ্রী অমিত সাহনা অহমদবাদতা লৈবা ই.কে.এ. এরেনা, ত্রান্সস্তেদিয়াদা ৩৬শুবা নেস্নেল গেম্সকী এন্থেম অমসুং মাস্কোৎ মায়খুম হাংদোকখ্রে। গুজরাত সি.এম. শ্রী ভুপেন্দ্র পতেল অমসুং কেন্দ্রগী শান্ন-খোৎনবগী মন্ত্রী শ্রী অনুরাগ থাকুরসু থৌরমদুদা শরুক য়াখি।
![](https://static.pib.gov.in/WriteReadData/userfiles/image/image001OS1W.jpg)
মায়খুম হাংদোকপগী থৌরমদুদা ৱা ঙাঙলদুনা, অথুবা মতমদা অহমদবাদ ময়োল্লমদা মালেমগী খ্বাইদগী চাউবা স্পোর্তস সিতী লৈরগনি হায়না কেন্দ্রগী গৃহ মন্ত্রী শ্রী অমিত সাহনা হায়খ্রে। “চহি তরাগী মমাঙদা, মফমসিদা মোদীজীনা মুখ্য মন্ত্রী ওইরিঙৈদা, মহাক্না খেল মহাকুম্ভ হৌদোকখি। মতম অদুদা গুজরাত মালেমগী শান্ন-খোৎনবগী পাফলদা মফম কনবা ঙমদ্রি,” হায়না মহাক্না হায়খি।
![](https://static.pib.gov.in/WriteReadData/userfiles/image/image002C94L.jpg)
“হৌজিক্তি ঐখোয়গী ইনাক্তা মালেমগী খ্বাইদগী চাউবা স্তেদিয়ম, নরেন্দ্র মোদী স্তেদিয়ম লৈরে, অমদি অথুবা মতমদা ঐখোয়গী নাক্তা মালেমগী খ্বাইদগী চাউবা স্পোর্তস সিতীসু লৈরগনি,” হায়না পাক চাউরবা মফমদুদা তিনখিবা মীওই ১০,০০০ হেনবগী মফমদা মিস্তর সাহনা ফোঙদোকখি।
গান্ধী নগরগী এম.পি.সু ওইরিবা গৃ্হ মন্ত্রীনা গুজরাতকী মুখ্য মন্ত্রী শ্রী ভুপেন্দ্র পতেল অমসুং য়ুথ এফ্যার্স অমসুং স্পোর্তসকী কেন্দ্র মন্ত্রী শ্রী অনুরাগ থাকুর য়াওনা মথুম মরাং হৌরবা মীওই কয়ানা তিন্দুনা মচু মমেন্না থল্লবা কর্তেন ফংসন অদু হৌদোকখি। লৈবাকসিগী খ্বাইদগী চাউবা শান্ন-খোৎনবগী থৌরম অসি সেপ্তেম্বর ২৯দগী ওক্তোবর ১২ ফাওবা গুজরাতকী ময়োল্লম তরুক্তা পাঙথোক্কনি।
“মতম অমদা, গুজ্জু ঐখোয়সি লল্লোন ইতিক্কী মী ওইনা অয়াম্বনা উনরম্মী। অদুবু, মোদীজীনা চহি ১১গী মমাঙদা খেল মহাকুম্ভ হৌদোকখি অমদি থৌরম অদু কয়ামুক য়াম্না চাউখিবগে হায়ববু নহা লাখ ৫৫না ইদিসন অদুদা শরুক য়াখি। ঐখোয়নসু লুপা করোর ২৯গী য়াম্লবা শেলগী মনা মকোক মথং তারবশিংদা য়েন্থোকখিো,” হায়না গুজরাতকী মুখ্য মন্ত্রী ভুপেন্দ্র পতেলনা হায়খি।
“নেস্নেল গেম্স অসি চহি তরেৎকী মতুংদা অমুক হন্না অমুক হল্লকপসিদা ঐখোয়না নুংঙাইবা ফাওই অমদি হন্দক্কী অসিনা খ্বাইদগী চাউবা, খ্বাইদগী ফজবা ওইহনগনি,” হায়না শান্ন-খোৎনবগী কেন্দ্র মন্ত্রী অনুরাগ থকুরনা ফোঙদোকখি। “অসিগুম্না চাউবা শান্ন-খোৎনবগী থৌরম অমা শিনবা হায়বসি মহৌশানা চহি কয়া চঙনৈ, অদুবু গুজরাতনা থা অহুম ফাদনা পাঙথোক্লি। পুম্নমক অসি সি.এম.না হোৎনজবা অমদি ঐখোয়গী থৌরাংসিদা আই.ও.এ.না চাউনা মতেং পাঙলকপদগী ওইথোকপা ঙম্লিবনি। শান্নরোই, ওফিসিএল অমসুং সপ্পোর্ত স্তাফ ১২,০০০ হেনবনা শান্ন-খোৎনবগী চাউরবা থৌরমসিবু হরাউ নুংঙাইনা শরুক য়য়বতা নত্তনা মফমসিগী চাউথোকচনিংঙাই ওইরবা লনশিংবুসু য়েংবা ফংগদৌরি,” হায়না মহাক্না মখা তাখি।
![](https://static.pib.gov.in/WriteReadData/userfiles/image/image003WJ2V.jpg)
গুজরাতকী শান্ন-খোৎনবগী মন্ত্রী শ্রী হর্স সংঘবী অমসুং আই.ও.এ. সেক্রেতরী জেনেরেল রাজীব মেহতা য়াওনা রাজনিতি অমসুং শান্ন-খোৎনবগী তাইবঙগী মকোক থোংবা মীথুংশিংসু থৌরমদুদা শরুক য়াখি। হোস্ত ওইগদৌরিবা ময়োল্লম তরুকমক্কী মেয়রশিং, মমিং ওইনা কির্তিকুমার জে. পর্মর (অহমদবাদ), হেমালি বোঘাৱালা (সুরত), কেয়ুর রোকাদিয়া (ভদোদরা), প্রদিপ দাব (রাজকোৎ), কির্তি দানিধরিয়া (ভাবনগর), হিতেস মক্বানা (গান্ধীনগর)সু থৌরমদুদা শরুক য়াখি।
![](https://static.pib.gov.in/WriteReadData/userfiles/image/image0043DXN.jpg)
স্তেত অদুগী মকোক থোংবা মহৈশঙ, দিস্ত্রিক্ত অমসুং ম্যুনিসিপাল কোর্পোরেন ৩/৩ য়াওনা খেল মহাকুম্ভগী মকোক মথং তারকপশিংবু মাস্কোৎ মায়খুম হাংদোকপগী হেক মমাঙদা ওকখি।
সাবজ, গুজরাতিদা নোংশা, হায়না মমিং থোল্লিবা মাস্কোৎ অসিনা ভারতকী নাৎকী লনশিংগী মহুৎ শিনবতা নত্তনা খোঙলৈ থুনা চাউখৎলক্তুনা মালেমগী লুচিংবা অমুক হন্না ওইরক্নবগী লম্বীদা চঙশিল্লক্লিবা ভারতকী চাউরাকপা মশকসু উৎলি।
পুনশিন্নগনি ইন্দিয়া, মায় পাক্কনি ইন্দিয়া হায়বা ৱাখল্লোনবু কোনশিন্দুনা শেম্লিবা গেম্স অসিগী এন্থেম অসি বোলীৱুদ স্তার শৈশকপা সুখৱিন্দর সিংহনা শকপনি।
লৈবাক্কী থাক্কী শান্ন-খোৎনবগী কুম্হৈ অসিগী থীম ঈশৈ অসিগী ময়েকশিং অসিনা লৈবাকসিগী নহাশিংবু পুনশিন্ননবা অমদি স্তেচু ওফ য়ুনিতী অমসুং সাবর্মতিনচিংবা পুৱারীগা শাগোন্নরিবা মফমশিংদা চৎনবা পুক্নিং থৌগৎলি। পুক্নিং হুরবা শান্ন-খোৎনবগী শক্তম কয়ানা লৈতেংলিবা থীম ঈশৈ অসিনা শান্নরোইশিংনা শিংনবা কয়াবু মায়োক্নদুনা কমদৌনা মায় পাকপগে হায়বগী শক্তমশিং উৎলি।
*******
(Release ID: 1856724)
Visitor Counter : 152