ಕೇಂದ್ರ ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್‌ ರಾಜ್‌ ಸಚಿವರಾದ ಶ್ರೀ ಗಿರಿರಾಜ್‌ ಸಿಂಗ್‌ ಅವರು ಸರಪಂಚರು/ಗ್ರಾಮ ಪ್ರಧಾನ್‌ಗಳಿಗೆ ಪತ್ರ ಬರೆದಿದ್ದು, ಪರಿಷ್ಕೃತ ರಾಷ್ಟ್ರೀಯ ಪಂಚಾಯತ್‌ ಪ್ರಶಸ್ತಿಗಳ ಆಯ್ಕೆ ಪ್ರಕ್ರಿಯೆಯಲ್ಲಿಎಲ್ಲಾ ಗ್ರಾಮ ಪಂಚಾಯಿತಿಗಳ ಭಾಗವಹಿಸುವಿಕೆಯನ್ನು ಖಚಿತಪಡಿಸಿಕೊಳ್ಳುವಂತೆ ಪ್ರೇರೇಪಿಸಿದ್ದಾರೆ. ಪರಿಷ್ಕೃತ ರಾಷ್ಟ್ರೀಯ ಪಂಚಾಯತ್‌ ಪ್ರಶಸ್ತಿಗಳಿಗೆ ಅರ್ಜಿಗಳನ್ನು ಆಹ್ವಾನಿಸುವ ಪ್ರಕ್ರಿಯೆಯು 2022ರ  ಸೆಪ್ಟೆಂಬರ್‌ 10 ರಿಂದ ಪ್ರಾರಂಭವಾಗಲಿದೆ. ಆನ್‌ಲೈನ್‌ ಮೂಲಕ ನಮೂದುಗಳನ್ನು ಸಲ್ಲಿಸಲು 2022ರ ಅಕ್ಟೋಬರ್‌ 31 ಕೊನೆಯ ದಿನಾಂಕವಾಗಿದೆ.

ಕೇಂದ್ರ ಸಚಿವರು ತಮ್ಮ ಪತ್ರದಲ್ಲಿ, ಗ್ರಾಮೀಣ ಪ್ರದೇಶಗಳಲ್ಲಿ ಸುಸ್ಥಿರ ಅಭಿವೃದ್ಧಿ ಗುರಿಗಳ (ಎಸ್‌ಡಿಜಿಗಳು) ಸ್ಥಳೀಯೀಕರಣ ಮತ್ತು ಸಾಧನೆಗೆ ಸಂಬಂಧಿಸಿದ ವಿಷಯಾಧಾರಿತ ಕ್ಷೇತ್ರಗಳಲ್ಲಿ ಬ್ಲಾಕ್‌, ಜಿಲ್ಲೆ, ರಾಜ್ಯ ಮತ್ತು ರಾಷ್ಟ್ರ ಮಟ್ಟದಲ್ಲಿಅತ್ಯುತ್ತಮವಾಗಿ ಕಾರ್ಯನಿರ್ವಹಿಸುತ್ತಿರುವ ಪಂಚಾಯತ್‌ಗಳನ್ನು ಮರುಸಂಘಟಿಸಲು, ಸನ್ಮಾನಿಸಲು ಮತ್ತು ಪ್ರೋತ್ಸಾಹಿಸಲು ಬಹು-ಮಟ್ಟದ ಸ್ಪರ್ಧೆಯನ್ನು ಸ್ಥಾಪಿಸಲು ರಾಷ್ಟ್ರೀಯ ಪಂಚಾಯತ್‌ ಪ್ರಶಸ್ತಿಗಳ ಸ್ವರೂಪ, ಕಾರ್ಯವಿಧಾನಗಳು ಮತ್ತು ವರ್ಗಗಳನ್ನು ಸಮಗ್ರವಾಗಿ ಪರಿಷ್ಕರಿಸಲಾಗಿದೆ ಎಂದು ಮಾಹಿತಿ ನೀಡಿದರು.

ಈ ವರ್ಷ, ಪಂಚಾಯತ್‌ಗಳಲ್ಲಿಸ್ಥಳೀಯೀಕರಣ ಮತ್ತು ಎಸ್‌ಡಿಜಿಗಳ ಸಾಧನೆಯ ವೇಗವನ್ನು ಹೆಚ್ಚಿಸಲು, ರಾಷ್ಟ್ರೀಯ ಪಂಚಾಯತ್‌ ಪ್ರಶಸ್ತಿಗಳ ಸ್ವರೂಪ ಮತ್ತು ವರ್ಗಗಳನ್ನು ಗಣನೀಯವಾಗಿ ಮಾರ್ಪಡಿಸಲಾಗಿದೆ ಮತ್ತು ಬಹು-ಮಟ್ಟದ ಸ್ಪರ್ಧೆಯನ್ನು ನಡೆಸಲು ಎಸ್‌ಡಿಜಿಗಳ ಸ್ಥಳೀಕರಣದ ಒಂಬತ್ತು ವಿಷಯಗಳೊಂದಿಗೆ ಹೊಂದಾಣಿಕೆ ಮಾಡಲಾಗಿದೆ ಎಂದು ಅವರು ಮಾಹಿತಿ ನೀಡಿದರು. ಈ 9 ವಿಷಯಗಳು ಹೀಗಿವೆ: (1) ಬಡತನ ಮುಕ್ತ ಮತ್ತು ವರ್ಧಿತ ಜೀವನೋಪಾಯದ ಗ್ರಾಮ, (2) ಆರೋಗ್ಯಕರ ಗ್ರಾಮ, (3)  ಮಕ್ಕಳ ಸ್ನೇಹಿ ಗ್ರಾಮ, (4) ಸಾಕಷ್ಟು ನೀರು ಲಭ್ಯವಾಗುವ ಗ್ರಾಮ, (5) ಸ್ವಚ್ಛ ಮತ್ತು ಹಸಿರು ಗ್ರಾಮ, (6) ಗ್ರಾಮದಲ್ಲಿಸ್ವಾವಲಂಬಿ ಮೂಲಸೌಕರ್ಯ, (7) ಸಾಮಾಜಿಕವಾಗಿ ಸುರಕ್ಷಿತ ಮತ್ತು ಸಾಮಾಜಿಕವಾಗಿ ನ್ಯಾಯಯುತ ಗ್ರಾಮ, (8) ಉತ್ತಮ ಆಡಳಿತ ಹೊಂದಿರುವ ಗ್ರಾಮ ಮತ್ತು (9) ಮಹಿಳಾ ಸ್ನೇಹಿ ಪಂಚಾಯತ್‌ (ಈ ಹಿಂದೆ ಹಳ್ಳಿಯಲ್ಲಿಎಂಜೇಟೆಡ್‌ ಡೆವಲಪ್ಮೆಂಟ್‌ ಎಂದು ಕರೆಯಲಾಗುತ್ತಿತ್ತು).

ಹೊಸದಾಗಿ ಪುನರ್‌ ರಚಿಸಿದ ರಾಷ್ಟ್ರೀಯ ಪಂಚಾಯತ್‌ ಪ್ರಶಸ್ತಿಗಳ ವ್ಯವಸ್ಥೆಯ ಬಗ್ಗೆ ವಿವರವಾದ ಮಾಹಿತಿ www.panchayataward.gov.in  ಪೋರ್ಟಲ್‌ನಲ್ಲಿ ಲಭ್ಯವಿದೆ.

ಹಿನ್ನೆಲೆ

ದೇಶದಲ್ಲಿ ಪಂಚಾಯತ್‌ ರೇ ವ್ಯವಸ್ಥೆಗೆ ನೀಡಲಾದ ಸಾಂವಿಧಾನಿಕ ಸ್ಥಾನಮಾನವನ್ನು ತಿಳಿಸಲು ಪಂಚಾಯತ್‌ ರಾಜ್‌ ಸಚಿವಾಲಯವು ಪ್ರತಿ ವರ್ಷ ಏಪ್ರಿಲ್‌ 24 ಅನ್ನು ರಾಷ್ಟ್ರೀಯ ಪಂಚಾಯತ್‌ ರಾಜ್‌ ದಿನ (ಎನ್‌ಪಿಆರ್‌ಡಿ) ಎಂದು ಆಚರಿಸಲಾಗುತ್ತಿದೆ. ಈ ಸಂದರ್ಭವು ದೇಶಾದ್ಯಂತದ ಪಂಚಾಯತ್‌ ಪ್ರತಿನಿಧಿಗಳೊಂದಿಗೆ ನೇರ ಸಂವಾದಕ್ಕೆ ಮತ್ತು ಅವರನ್ನು ಸಶಕ್ತಗೊಳಿಸಲು ಮತ್ತು ಪ್ರೇರೇಪಿಸಲು ಅವರ ಸಾಧನೆಗಳನ್ನು ಗುರುತಿಸಲು ಒಂದು ಅವಕಾಶವನ್ನು ಒದಗಿಸುತ್ತದೆ. ರಾಷ್ಟ್ರೀಯ ಪಂಚಾಯತ್‌ ರಾಜ್‌ ದಿನವನ್ನು ಆಚರಿಸುವ ಉದ್ದೇಶವು ಪಂಚಾಯತ್‌ಗಳು ಮತ್ತು ಗ್ರಾಮ ಸಭೆಗಳು, ಸಂವಿಧಾನದಿಂದ ಕಡ್ಡಾಯಗೊಳಿಸಲಾದ ಗ್ರಾಮೀಣ ಪ್ರದೇಶಗಳಿಗೆ ಸ್ಥಳೀಯ ಸ್ವಯಮಾಡಳಿತ ಸಂಸ್ಥೆಗಳ ಬಗ್ಗೆ ಮತ್ತು ಅವುಗಳ ಪಾತ್ರಗಳು, ಜವಾಬ್ದಾರಿಗಳು, ಸಾಧನೆಗಳು, ಕಾಳಜಿಗಳು, ನಿರ್ಣಯಗಳು ಇತ್ಯಾದಿಗಳ ಬಗ್ಗೆ ಜಾಗೃತಿ ಮೂಡಿಸುವುದು. ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳು ರಾಷ್ಟ್ರೀಯ ಪಂಚಾಯತ್‌ ರಾಜ್‌ ದಿನವನ್ನು ಸೂಕ್ತ ರೀತಿಯಲ್ಲಿಆಚರಿಸಲು ವಿನಂತಿಸಲಾಗಿದೆ ಮತ್ತು ಪಂಚಾಯತ್‌ ರಾಜ್‌ ಸಂಸ್ಥೆಗಳು / ಗ್ರಾಮೀಣ ಸ್ಥಳೀಯ ಸಂಸ್ಥೆಗಳು ರಾಷ್ಟ್ರೀಯ ಪಂಚಾಯತ್‌ ರಾಜ್‌ ದಿನವನ್ನು ‘ಇಡೀ ಸಮಾಜ’ ವಿಧಾನದೊಂದಿಗೆ ಗರಿಷ್ಠ ‘ಜನ ಭಾಗಿದಾರಿ’ ಯನ್ನು ಖಚಿತಪಡಿಸಿಕೊಳ್ಳಲು ಕರೆ ನೀಡುತ್ತವೆ.

ಪ್ರತಿ ವರ್ಷ, ಈ ಸಂದರ್ಭದಲ್ಲಿ, ಪಂಚಾಯತ್‌ ರಾಜ್‌ ಸಚಿವಾಲಯವು ಸೇವೆಗಳು ಮತ್ತು ಸಾರ್ವಜನಿಕ ಸರಕುಗಳ ವಿತರಣೆಯನ್ನು ಸುಧಾರಿಸಲು ಪಂಚಾಯತ್‌ಗಳ ಉತ್ತಮ ಕೆಲಸವನ್ನು ಗುರುತಿಸಿ ಪಂಚಾಯತ್‌ಗಳ ಪ್ರೋತ್ಸಾಹದ ಅಡಿಯಲ್ಲಿದೇಶಾದ್ಯಂತ ಅತ್ಯುತ್ತಮವಾಗಿ ಕಾರ್ಯನಿರ್ವಹಿಸುವ ಪಂಚಾಯತ್‌ಗಳು / ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳಿಗೆ ಪ್ರಶಸ್ತಿಯನ್ನು ನೀಡುತ್ತಿದೆ.