কম্পিতিতিবনেস রোদমেপ ফোর ইন্দিয়া@১০০ ঙসি ইকনমিক এদভাইজরী কাউন্সিল তু দি প্রাইম মিনিস্তর (ই.এ.সি.-পি.এম.)না ফোঙখ্রে‍। ইন্দিয়া কম্পিতিতিবনেস ইনিসিএতিবকী শরুক অমা ওইরিবা রোদমেপ অদু দোক্তর বিবেক দেবরোই, চেয়রমেন, ই.এ.সি.-পি.এম., সঞ্জীব সন্য়াল, মেম্বর, ই.এ.সি.-পি.এম., অমসুং থৌরাং অদুগী মনুং চন্না শেমখিবা স্তেহোল্দর্স গ্রুপকী মেম্বরশিং শরুক য়াবা থৌরম অমদা ফোঙখিবনি‍। রোদমেপ অসি ই.এ.সি.-পি.এম. অমসুং দি ইন্সতিত্যুৎ ফোর কম্পিতিতিবনেস অনী খুৎশম্নদুনা পুথোকপনি অমদি দোক্তর অমিত কাপুর, চেয়র, ইন্সতিত্যুৎ ফোর কম্পিতিতিবনেস, হার্বার্দ বিজিনেস স্কুলগী প্রোফএসর মাইকেল ই. পোর্তর অমসুং দোক্তর খৃস্তিয়ন কেতেলনা শেম্বনি‍। মসিনা তুংদা লাক্কদবা চহিশিংদা লৈবাকসিগী চাওখৎ লম্বী লমজিংনবা চৎন-পথাপ অমসুং থম্লিবা পান্দম ফংনবগীদমক অখন্নবা সেক্তরশিংগী রোদমেপ শেম্ননবা স্তেতো মন্ত্রালয় অমসুং ভারতকী চাওখৎ খোঙজেলগী খোঙবুশিংগী অনৌবা লমজিং পথাপ শেম্নবা ৱাফমশিং কোনশিল্লি‍।

কম্পিতিতিবনেস রোদমেপ ফোর ইন্দিয়া@১০০ অসি প্রোফেসর মাইকেল ই. পোর্তরনা শেমবা কম্পিতিতিবনেস ফ্রেমৱর্ক্তা য়ুম্ফম ওইবনি‍। হিদান্নবগী থৌওং অসিনা প্রদক্তিভিতীগী ৱাখল্লোনবু তুং কোইনা ৱাত্ত-পাদনা লৈনবগী শাফু ওইনা মাঙদা পুখৎলকই‍। লৈবাক অমনা ফর্মশিংদা পোত্থোক হেন্না পুথোক্নবা মচাক পীবা ঙম্মি অমদি লনাই মীওইশিংনা মখোয়গী পোত্থোক পুথোকপগী চাংদুনা ওইহল্লক্লিবা ভেল্যুদা শরুক য়াশিনবা ঙম্মি হায়বা ৱাফমসিদা মরুওইবা মীৎয়েঙ থম্লি‍। হায়রিবা পরিং অসিদা য়ুম্ফম ওইদুনা, ইন্দিয়া@১০০ রোদমেপনা ‘৪ এস.’ কাঙলোন্দা য়ুম্ফম ওইরগা সেক্তর-সেক্তরগী অমদি মফম-মফমগী ওইবা থৌরাংশিংগী খুত্থাঙদা ২০৪৭ ফাওবদা ভারতপু শেন্থোক ৱাংবা লৈবাক অমা ওইহন্নবা লম্বী তাক্লি‍। রোদমেপ অসিনা নীংথিনা মশক তাক্লপা অপুনবগী পান্দম অমসুং খুন্নাইগী অমদি শেন্মিৎলোনগী এজেন্দাশিং পুনশিনবদা অনৌবা চাওখৎলোনগী পরিং অমা হাপচিন্দুনা থৌরাং য়াৎপদা য়ুম্ফম ওইবা অনৌবা লমজিং পথাপশিং পীগনি‍। ‘৪ এস.’ লমজিং পথাপ অসিনা ৱাত্ত-পাদনা লৈনবা থৌরাংবু সোসিএল প্রোগ্রেস, ভারতকী মফম খুদিংদা সেয়র তৌনবা, মহৌশাগী ফীভমগী মতুং ইন্না সস্তেনেবল ওইনবা, অমসুং মপানগী ইথিলশিং থেংনবদা সোলিদ ওইনবা থৌওংগা চাশিন্নহন্দুনা নুংঙাই-য়াইফবা তানফংনবগী ঐখোয়গী খোঙজঙবু নৌনা শেমদোক্লি‍। হায়রিবা মরুওইবা মায়কৈ মরি অসিবু কেপচর তৌদুনা, ‘৪ এস.’ লমজিং পথাপ্না রেজিলিএন্ত অমসুং হোলিস্তিক দেভেলপমেন্ত পুরক্নবগী লম্বী য়াৎলি‍।

মহাক্কা পাউজেলদা, প্রোফেসর মাইকেল পোর্তরনা পনখিবদা, “রোপমেপ অসিদা য়াওরিবা হিদান্নবগী ফ্রেমৱর্ক অসিনা লৈবাক অমগী হিদান্নবগী মচং ওইবা ৱাফমশিংবু থবক ওইনা পায়খৎপা য়াবা মওংদা শেমদোক্নবগী থৌওংবু কমদৌনা পায়খৎকনি হায়বগী স্ত্রেতেজিক পর্সপেক্তিব অমা পীরি‍। পাম্বৈ অসি অখুবা ইন্তর্ভেন্সন্দা লৈতে‍। খোঙজেল য়াঙ্খৎহন্নবা মথৌ তারিবসি মরুওইবা প্রাইওরিতী হীরমশিংদা মীৎয়েঙ চঙনবা থবক তৌবা ঙম্নবা তশেং তশেংবা স্ত্রেতেজী অমনি”‍। দোক্তর অমিত কাপুরনা কম্পিতিতিবনেস রোদমেপগী মরমদা ৱাফম কয়া থম্লদুনা ফোঙদোকখিবদা, “হিদান্নবগী মপ্রোচ অসি মীৎয়েঙ শানবা শেন্মিৎলোন চাওখৎপগী ফীভম থম্বা ঙম্নবগীদমক ভারতকী শেন্মিৎলোন অমসুং খুন্নাইগী থৌশিলগী কোর্নরস্তোন ওইনা লৈগনি‍। রোদমেপ অসিদা পীরিবা রিকম্মেন্দেসনশিং অসি ভারতকী তোপ তোপ্পা খুদোংচাববু য়েংলগা শেম্বনি অমদি লমজিং পথাপ, থৌশিলগী পান্দম, অমসুং থবক ওইনা পায়খৎপগী অর্কিতেকচরগী অনৌবা থৌওংশিংদা য়ুম্ফম ওইবনি”‍।‍ রোদমেপ অসি মায়কৈ অসিদা থাঙজিল্লিবা খোঙফম অমনি‍। মসিনা ভারতকী হৌজিক লৈরিবা কম্পিতিতিবনেসকী থাক, থেংনরিবা মরুওইবা শিংনবশিং, অমসুং চাওখৎপগী তাঞ্জাশিংগী মপুং ফাবা দাইগ্নোস্তিক এসেসমেন্ত অমা পীরি‍। মখা তানা, শেন্থোক ৱাংবা লৈবাক অমা ওইরক্নবগী লম্বী য়াৎলদুনা, রোদমেপ অসিনা লেবর প্রদক্তিভিতী ফগৎহনবা অমসুং লেবর মোবিলাইজেসনগী মওং ফগৎহনবা, হিদান্নবগী থবক্কী তাঞ্জা শেম্বগী মওং হেনগৎহন্নবা, অমসুং তোঙান তোঙানবা মন্ত্রালয়শিংগী মরক্তা হেন্না চাওনা খুৎশম্নরগা থৌশিল থৌরাংশিং থবক ওইনা পায়খৎপগী ফীভম ফগৎহনবা য়াওনা থবক ওইনা পায়খৎকদবা মরুওইবা হীরমশিং পীরি‍।

ভারতকী মপাঙ্গল অমসুং মসিগী তোপ তোপ্পা খুদোংচাবশিং মতুং ফানা খঙদোকপগী মরুওইবা ৱাফম ফোঙদোক্লদুনা দোক্তর খৃস্তিয়ন কেতেল্সনা লৈবাকসিগী মপুং ওইবা নেস্নেল ভেল্যু প্রপোজেলগী ফীভম ফগৎহনবদা মতেং ওইগদবা রোদমেপ অসি পুথোকরকখি‍। “ভারতকী হিদান্নবগী শিংনবশিং অমসুং তাঞ্জাশিং মমুৎ তানা খঙবনা মালেমসিনা থেংনরিবা শিংনবশিং অমসুং তাঞ্জাশিংগী মরমদা ৱাফম কয়া খঙদোকপদা মতেং ওইরি‍। ভারতনা মহাক্কী অচৌবা শিংনবশিংবু কমদৌনা ৱাখৈ পুরকপগে হায়বসিনা মালেমসিনা হায়রিবা শিংনবশিং অসি থেংনবগী মওংদা ইথিল পীগনি‍। ভারতকী থবক থৌওং অসি মরুওই,” হায়না মহাক্না হায়খি‍।

‘ইন্দিয়া- দি কম্পিতিতিব ইদ্জ’ হায়বা হীরমদা পীখিবা কীনোত ৱারোলদা, দোক্তর বিবেক দেবরোই, চেয়রমেন, ই.এ.সি.-পি.এম.না হায়খিবদি, “ভারতকী চাওখৎপগী মায়ওন অসি খোঙলৈ থুহনগে, হেন্না ৱাংহনগে অমসুং মপাঙ্গল কলহনগে হায়রবদি, লৈঙাক্কী খুজিল থৌরাং অমসুং মসিনা শেম্লিবা এনভাইরনমেন্ত অসিদা এন্তরপ্রাইজশিং অমসুং কৈথেলশিংনা থবক তৌরিবগী মওংশিং অনিমক য়াম্না মরুওই‍”‍।  চাওখৎপগী অনৌবা খোঙজঙ অমগী মরুওইবা ৱাফম ফোঙদোক্লদুনা, অমিতাব কান্ত, জি২০ সের্পানা হায়খিবদা, “অহোংবা নাইবা মালেমগী ওইবা ফীভমসিদা, ভারতনা লমদমসিগী মীয়ামগী ইজ ওফ লিভিং অমসুং ইন্দস্ত্রীশিংগী ইজ ওফ দুইং বিজিনেসতা য়ুম্ফম ওইবা তুং কোইগদবা চাওখৎপগী মোদেল অমা পুথোক্নবা থবক পায়খৎলি‍। মসিদা মীৎয়েঙ থম্লিবসি শুপ্নতগী ভারতকী থব্লিবা পান্দমশিং ফংবখক নত্তনা লৈবাকসিনা পান্দমশিং অদুদা কমদৌনা য়ৌগদগে হায়বসিদনি‍। রোদমেপ অসিনা থম্লিবা পান্দমশিং অসি ফংনবগী লমজিং পীরি, অমদি অওনবা পুরক্নবগীদমক ঐখোয়না খোঙ থাংজিল্লিবা অসিদা চৎন-পথাপ্তা অহোংবা পুরকপা মথৌ তাবশিং পল্লি”‍।

ফোঙবগী থৌরম অদুদা থৌশিল অদুগী শরুক অমা ওইনা শেমখিবা স্তেকহোল্দর গ্রুপকী মেম্বরশিংগী মরক্তা খন্ন-নৈনবগী থৌরম অমসু পাঙথোকখি‍। শরুক য়াখিবা পেনেলিস্তশিংগী মনুংদা, অক্সি জিন্দাল, সি.ই.ও., বর্মাল্ত মোল্তিং (ইন্দিয়া) প্রাইভেত লিমিতেদ, অসিস ঝলানি, এম.দি. স্ক্বার পেন্দা, গুরচরন দাস, অইবা, হরি মেনন, দাইরেক্তর, ইন্দিয়া কন্ত্রী ওফিস, বি.এমোজি.এফ., হিমান্সু জেন, প্রেসিদেন্ত, ইন্দিয়ন সবকন্তিনেন্ত, দাইভরসে, রবি ভেঙ্কতেসন, চেয়রমেন, গ্লোবেল ইনর্জী এলাইন্স ফোর পীপল এন্দ প্লানেৎ, সুমন্ত সিন্হা, চেয়রমেন অমসুং এম.দি., রিনিউ পৱারনচিংবা য়াওরি‍। খন্ন-নৈনবা অদুনা ভারতকী তুংগী চাওখৎ খোঙজেলগী লমদা মমল লৈরবা ৱাখল্লোনশিং পুথোরকখি‍।

কম্পিতিতিবনেস রোদমেপ ফোর ইন্দিয়া@১০০ অসিনা ভারতকী চাওখৎপগী অমসুং চাওখৎ থৌরাংগী অনৌবা খোঙজঙ অমগী য়ুম্ফম পীরি‍। মাঙদা চঙশিল্লদুনা, চহি চাম্ম শুরকপা চহিদা লৈবাকসিগী পান্দমশিং য়ৌননবা চঙশিল্লিবা খোঙচৎ অসি শেম্নবগীদমক লৈবাকসিগী তোঙান তোঙানবা ইন্দস্ত্রীশিং, মন্ত্রালয়শিং অমসুং স্তেতশিংগী কে.পি.আই. অমসুং রোদমেপ শেম্বদা মীৎয়েঙ চঙগনি‍। তোঙান তোঙানবা সেক্তর অমসুং স্তেতশিংগী চাওখৎনবগী লম্পী পরিংদা অহোংবা পুরকপা অসিনা ঙসিগী পোলিসী এক্সন শেমবতা নত্তনা তুংগী পোলিসীশিং শেম্বদা অমদি থবক ওইনা পায়খৎপদা শাফুসু পীগনি‍।

****