প্রধান মন্ত্রী শ্রী নরেন্দ্র মোদীনা সেপ্তেম্বর ১-২দা কর্নতাকা অমসুং কেরলাদা চৎকনি। সেপ্তেম্বরগী ১গী নুমিংদাং পুং ৬ তারকপদা প্রধান মন্ত্রীনা কোচিন এয়রপোর্ত মনাক্তা লৈবা কালাদী খুঙ্গংদা লৈবা আদী শঙ্করাচার্য়াগী শেংলবা পোক্নফম ওইরিবা শ্রী আদী শঙ্করা জন্মা ভুমি ক্ষেত্রমদা চৎকনি। সেপ্তেম্বর ২গী অয়ুক পুং ৯:৩০ তাবা মতমদা প্রধান মন্ত্রীনা কোচিগী কোচিন শিপয়ার্দ লিমিতেদতা আই.এন.এস. বিক্রান্ত ওইনা অহানবা ইন্দিজিনস এয়রক্রাফ কম্মিসন তৌগনি। মসিগী মতুংদা নুমিৎ য়ুংবা মতুং পুং ১:৩০ তারকপদা প্রধান মন্ত্রীনা মেঙ্গলুরুদা লুপা করোর ৩৮০০রোম ওইবা প্রোজেক্তশিং শঙ্গাগনি অমসুং উরেপ-উয়ুং তমগনি।

কোচিদা পি.এম.

প্রধান মন্ত্রী অসি মরু ওইনা স্ত্রেতেজিক সেক্তরশিংদা আত্মানির্ভরতা কন্না শৌগৎলিবা মীশক অমনি। দিফেন্স সেক্তরদা মরোমদোম লেপচবগী মাইকৈদা চংশিনবা মরু ওইনা খোঙথাং অমদা প্রধান মন্ত্রীনা অহানবা ইন্দিজনস ওইনা দিজাইন তৌবা অমসুং শাবা এয়রক্রাফ কেরিয়র অমা আই.এন.এস. বিক্রান্ত ওইনা কম্মিসন তৌগনি। ইন্দিয়ন নেভীগী ইন-হাউস ৱারশিপ দিজাইন ব্যুরো (দবল্যু.দি.বি.)না দিজাইন তৌবা অমসুং পোর্তস, শিপ্পিং অমসুং ৱাতরৱেজ মন্ত্রালয়গী মখাদা লৈবা পব্লিক সেক্তর শিপয়ার্দ অমা ওইরিবা কোচিন শিপয়ার্দ লিমিতেদনা শাখিবা বিক্রান্ত অসি স্তেৎ ওফ দি আর্ত ওতোমেসন ফীচরশিং য়াওরগা শাখি অমসুং ভারতকী মেরিতাইলগী পুৱারীদা মসি খ্বাইদবগী চাউবা জহাজ ওইরি।

ইন্দিজিনস এয়রক্রাফ কেরিয়র অসি মাগী মমিং লৈরবা প্রিদিসেসর, ১৯৭১গী লানদা মরু ওইবা থৌদাং লৌখিবা ভারতকী অহানবা এয়রক্রাফ কেরিয়রগী মমিং লৌদুনা থোনখি। মসিদালৈবাক অসিগী মরু ওইআ ইন্দস্ত্রিএল হাউসশিং লোয়ননা এম.এস.এম.ই. ১০০ হেনবনা শেমখিবা ইন্দিজিনস ইক্বিপমেন্ত অমসুং মেছিনরী মশিং য়াম্না য়াওরি। বিক্রান্ত কম্মিসন তৌবগা লোয়ননা ভারত্তা হৌজিক মথৌ তৌরিবা এয়রক্রাফ কেরিয়র অনি লৈরগনি, মসিনা জাতিগী মেরিতাইম সেক্যুরিতীগী মপাঙ্গল কনখৎহল্লগনি।

থৌরম অসিদা প্রধান মন্ত্রীনা লোইলম লৈঙাক্কী হৌখ্রবা মতম অদু কাউথোকপা ওইনা অমসুং মমল য়াম্লবা ভারতকী মেরিতাইম হেরিতেজতা কান্নবা পীরিবা অনৌবা নেবল এনসাইন (নিশান)গী মাইখুমসু হাংগনি।

মেঙ্গলুরুদা পি.এম.

প্রধান মন্ত্রীনা মেঙ্গলুরুদা লুপা করোর ৩৮০০রোম ওইবা মেকানাইজেসন অমসুং ইন্দস্ত্রেলাইজেসন প্রোজেক্তশিং শঙ্গাগনি অমসুং উরেপ-উয়ুং তমগনি।

প্রধান মন্ত্রীনা ন্যু মেঙ্গলোর পোর্ত ওথোরিতীনা পাইখৎপা কন্তেনর অমসুং অতোপ্পা কার্গো হেন্দল তৌনবা বর্থ নম্বর ১৪গী মেকনাইজেসনগীদমক লুপা করোর ২৮০ হেনবগী প্রোজেক্ত শঙ্গাগনি। মেকনাইজ তৌবা তর্মিনেল অসিনা ইফিসিএন্সী হেনগৎহনগনি অমসুং তর্নএরাউন্দ তাইম, প্রি-বর্থিং দিলে অমসুং পোর্ত্তা লৈবগী মতমসু ৩৫%রোমগী ময়াদা হন্থহনগনি, মসিনা বিজিনেস এনভাইর্নমেন্তদা শাহৌ অমা পীরগনি। প্রোজেক্ত অসিগী ফেস I অসি মাইপাক্না লোইশিনখ্রে মসিনা হেন্দলিং কেপাসিতীদা এম.তি.পি.এ. ৪.২ হেন্না হাপচিল্লি অমদুং ২০২৫ ফাওবদা এম.তি.পি.এ. ৬ হেন্না হেনগৎহনবা ঙম্লগনি।

প্রধান মন্ত্রীনা পোর্তনা পাইখৎপা লুপা করোর ১০০০রোমগী প্রোজেক্ত মঙা উরেপ-উয়ুং তমগনি। স্তেৎ ওফ দি আর্ত ক্রাইয়োজেনিক এল.পি.জি. স্তোরেজ তেঙ্ক তর্মিনেল ওইবা ইন্তিগ্রেতেদ এল.পি.জি. অমসুং বল্ক লিক্বিদ পি.ও.এল. ফেসিলিতী অসিনা য়াম্না ইফিসিএন্ত ওইবা মওং অমদা তন ৪৫,০০০ ওইবা ভি.এল.জি.সি. (ভেরী লার্জ গ্যাস কেরিয়র্স)কী ফুল লোদ অনলোদিং তৌবসু ঙমগনি। ফেসিলিতী অসিনা পোর্ত অসিগী স্তেতসপু লৈবাক অসিগী মকোক থোংবা এল.পি.জি. ইম্পোর্ত তৌবা পোর্তশিংগী মনুংদা অমা ওইহনবা ঙমবগা লোয়ননা লমদম অসিদা প্রধান মন্ত্রী উজ্জ্বলা য়োজনাদা শাহৌ পীরগনি। প্রধান মন্ত্রীনা স্তোরেজ তেঙ্কশিং অমসুং ইদিবল ওইল রিফাইনরী শানবা, বিচুমেন স্তোরেজ অমসুং এলাইদ ফেসিলিতীশিং শানবা অমসুং বিচুমেন অমসুং ইদিবল ওইল স্তোরেজ অমসুং এলাইদ ফেসিলিতীশিং শানবগী প্রোজেক্তশিংগী উরেপ-উয়ুং তমগনি। প্রোজেক্তশিং অসিনা বিচুমেন অমসুং ইদিবল ওইল ভেসেলশিংগী তর্নএরাউন্দ তাইম হেনগৎহল্লগনি অমসুং ললোন-ইতিক্কীদমক অপুনবা ফ্রেৎকী অচংমলদা হন্থহল্লগনি। প্রধান মন্ত্রীনা কুলাইদা ফিশিং হর্বর শেমগৎনবা উরেপ-উয়ুং তমগনি মসিনা শাফবা মওংদা ঙা ফাবগী খুদোংচাবা পীরগনি অমসুং মালেমগী কৈথেলদা মমল কানা য়োনবা য়াহল্লগনি। মসিগী থবক অসি সাগরমলা প্রোগ্রামগী অম্ব্রেলাগী মখাদা পাইখৎপনি অমসুং মসিনা লৈবাক অসিগী ঙামীশিংগী সামাজিক শেন্মীৎলোনগী কান্নবশিং চাউনা ফংহনবা ঙম্লগনি।

প্রধান মন্ত্রীনা মেঙ্গলোর রিফাইনরী এন্দ পেত্রোকেমিকেল্স লিমিতেদনা পাইখৎপা প্রোজেক্ত অনি হায়বদি বি.এস. VI অপগ্রেদেসন প্রোজেক্ত অমসুং সী ৱাতর দিসেলাইনেসন প্লান্ত শঙ্গাগনি। লুপা করোর ১৮৩০রোম ওইবা বি.এস. VI অপগ্রেদেসন প্রোজেক্ত অসিনা অলত্রা-প্যুর ওইবা অকোইবদা শোকহনদবা বি.এস.- VI গ্রেদ ফ্যুল (সল্ফরগী চাং পি.পি.এম. ১০দগী হন্থবা) পুথোকপদা মতেং পাংলগনি। লুপা করোর ৬৮০ চংনা লিংখৎখিবা সী ৱাতর দিসেলাইনেসন প্লান্ত অসিনা ফ্রেশ ৱাতরগী দিপেন্দেন্সী হন্থহনবদা মতেং পাংলগনি অমসুং হাইদ্রোকার্বোনশিং অমসুং পেত্রোকেমিকেলশিং চহি চুপ্পা চাং নাইনা সপ্লাই তৌবা ঙম্লগনি। মিলিয়ন লিতর পর দে (এম.এল.দি.) ৩০গী কেপাসিতী লৈবা প্লান্ত অসিনা সমুদ্রগী ইশংবু রিফাইনরী প্রোসেসশিংগী মথৌ তাবা ঈশিংদা ওন্থোক্লগনি।

*****