প্রধান মন্ত্রী শ্রী নরেন্দআ মোদীনা ঙসি ভুজতা লুপা করোর ৪৪০০রোমগী ওইগদবা প্রোজেক্ত কয়া শঙ্গাখ্রে অমদি উরেপ উয়ুং তমখ্রে‍। মদুগী মমাঙদা মহাক্না ভুজ দিস্ত্রিক্তা স্মৃতি বন মেমোরিএলশু শঙ্গাখি‍।

তিল্লিবা মীয়ামদা ৱা ঙাঙলদুনা, প্রধান মন্ত্রীনা ভুজকী স্মৃতি বন মেমোরিএল অমসুং অঞ্জরগী বীর বাল স্মারক অসি গুজরাতকী কত্চ অমসুং লৈবাকসিনা থেংনখিবা অৱা-অনাশিংগী খুদমশিংনি হায়না হায়খি‍। অঞ্জর মেমোরিএলগী ৱাখল্লোন পুথোরকপা মতমদা মেমোরিএল অসি ভলুন্তরী, ‘কর সেবা’, ওইনা লোইশিন্নবা ৱারেপ অমা লৌখিববু মহাক্না নীংশিংখি‍। নীংশিং খুভমশিং অসি অমাঙ অতা কয়া নংখিবা য়ুহা হাবগী থৌদোক্তুদা মাঙখ্রবা পুন্সি কয়াবু নীংশিংদুনা থম্মোয় শোক্না মীয়ামদা কত্থোকচরি‍। ঙসি তরাম্না ওকপিবগীদমক্তা মহাক্না মীয়ামবুসু থাগৎখি‍।

ঙসি মহাক্কী থম্মোয়নুংদা ফাওখিবা পুক্নিং নুংশিবগী ইথিল কয়াবু নীংশিংলদুনা চীং লেম্লবা মতৌদা, পুন্সি পীখম্নখ্রবা থৱায়শিং অদুবু নীংশিংলদুনা স্মৃতি বন মেমোরিএল অসি ৯/১১ মেমোরিএল অমসুং হিরোসিমা মেমোরিএলগা চপ মান্নৈ হায়না মহাক্না হায়খি‍। মীপুম খুদিংদা মহৌশা লাইরেমবীগী খল অমসুং মওং মতৌবু মমুৎ তানা খঙনবগীদমক মহাক্না মীয়ামদা অমদি মহৈ তম্লিবা অঙাঙশিংদা নীংশিং খুভম অসিদা তোয়না চৎননবা ৱাফম থমখি‍।

প্রধান মন্ত্রীনা অমাঙ অতানা থনখিবা য়ুহা হাবগী মমাঙগী থৌদোকশিং নৌহৌননা নীংশিংখি‍। “য়ুহা হাখিবদু ঐ নীংশিংলি, ঐ মফমসিদা নিনিশুবা নুমিৎতা য়ৌরকখি‍। মতমদুদা ঐ মুখ্য মন্ত্রী ওইদ্রি, ঐ ইচম চমবা পার্তীগী ৱর্কর অমনি‍। ঐনা কমদৌনা অমদি মী কয়া য়াম্না মতেং পাংবা ঙমগদৌরিবনো হায়বা ঐ খঙলমদে‍। অদুবু লাংফমপু পুংফমদুদা ঐ ময়ামগী মরক্তা লৈগনি হায়বসিমদি ঐনা লেপ্লম্মি‍। অদুগা ঐনা মুখ্য মন্ত্রী ওইরক্লবা মতমদা, মতমদুদা মতেং পাংবগী থবক তৌখিবদুনা য়াম্না মতেং ওইখি,” হায়না মহাক্না ফোঙদোকখি‍। মফমদুগা মহাক্কা লৈনরিবা অচেৎপা অমদি কুইরবা মরীবু মহাক্না নীশিংদুনা লাংফম মতমদুদা মহাক্না থবক তৌমিন্নখিবা মীওইশিং নীংশিংদুনা মখোয়গী মফমদা শ্রদ্ধাঞ্জলি কৎখি‍।

“কত্চকী ঐনা হেক হেক খন্নবদা য়াওবা তোপ তোপ্পা মতৌ অমা লৈরি‍। মীওই অমনা মফমসিদা ফাওরগা চৎলিঙৈদা মঙলান অমগী মরু হুনখ্রবদি, কত্চ পুমবনা মদুবু অচৌবা খোঙনাং পাম্বী অমা ওইহন্নবা হোৎনমিন্নৈ‍। হায়রিবা কত্চগী হায়নবী অসিনা চীংনবা পুম্বা, থিজিন্দুনা পুথোকখিবা ৱাফম পুম্বা অরানবা তাহনখি‍। কত্চ অমুক হন্না হৌগৎলক্তুনা মরোমদোম লেপচবা ঙম্লরোই হায়রমবা মীওই কয়া লৈরম্মি‍। অদুবু ঙসিদি কত্চকী মীয়াম্না মফমসিদা মদুগুম্বা ফীভম অদু মপুং ফানা হোংদোক্লে,” হায়না প্রধান মন্ত্রীনা মখা তাখি‍। য়ুহা হাখিবা মতুংগী অহানবা দিৱালি নুমিত্তা মহাক অমসুং মহাক্কী স্তেতকী মন্ত্রী মন্দলগী খোঙবুশিংনা মফমদুদা মীয়ামগী অৱাবদা শরুক য়াদুনা লৈখিববুসু মহাক্না নীংশিংখি‍। শিংনবগী পুংফম অদুদা ঐখোয়না লাংফমদু খুদোংচাবা ওন্থোক্কনি হায়না লাউথোকখি হায়না মহাক্না হায়খি‍। “ঐনা রেদ ফোর্তগী মথক্তগী ভারত ২০৪৭ ফাওবদা চাওখৎলবা লৈবাক অমা ওইগনি হায়খিবা মতমদা, ঐখোয়না মীশি-মীনা অমসুং অৱা-অনাগী মরক্তা ঐখোয়না ফিরেপ খরা লৌখিবা অমদি ঙসি মদু মঙফাওনরিবা অসি অদোম্না উবিরমগনি‍। মতৌ অসুম্না ঙসি ঐখোয়না লৌরিবা ফিরেপ, ঐখোয়না শোয়দনা ২০৪৭দা মঙফাওনগনি,” হায়না মহাক্না হায়খি‍।

২০০১দা পুমমাঙ মাঙ পুমতাক তাকখিবা মতুংদা অঙকপা মওংদা পায়খৎলক্লিবা থবকশিং পল্লদুনা, ক্রান্তিগুরু স্যামজী কৃষ্ণবর্মা য়ুনিভর্সিতী কত্চতা ২০০৩দা লিংখৎখি অদুগা অনৌবা কলেজ ৩৫ হেন্বসু লিংখৎখি হায়না প্রধান মন্ত্রীনা ফোঙদোকখি‍। য়ুহা হাবনা শোকহনবা ঙম্লরোইদবা লায়েংশঙ অমসু ক্লিনিক ২০০ হেন্না মথৌ তৌরিবা অমসুং মতমদুদা ঈশিং ফংদবগী ফীভম মায়োক্নরিঙৈদা ওইথোক্কনি থাজরুদবা, শেংলবা নর্মদাগী অরুবা ঈশিং য়ুমথোঙ খুদিংদা য়ৌরকপা অসিনচিংবা ৱাফমশিংগী মরমদা মহাক্না ৱা ঙাঙখি‍। লমদমদুদা ঈশিং মরাং কায়না ফংহন্নবা লৌখৎলিবা খোঙথাঙশিংগী মরমদা মহাক্না মচা খায়না পাউদমখি‍। কত্চ মীয়ামগী থৌজালনা মরম ওইরগা, মরুওইবা মফম পুম্নমক নর্মদাগী ঈশিং য়ৌহনবা ঙম্লে‍। “কত্চ ভুজ কেনেলনা লমদমসিগী মীয়াম অমসুং লৌমীশিংদা কান্নহল্লগনি,” হায়না মহাক্না হায়খি‍। মহাক্না কত্চপু গুজরাত পুম্বদা উহৈ পুথোকপদা খ্বাইদগী মাঙজিল থানা দিস্ত্রিক্ত অমা ওইরকপগীদমক নুংঙাইবা ফোঙদোকখি‍। মহাক্না মীয়ামবু শা-শন য়োকপা অমসুং শঙ্গোম পুথোকপদা হান্না পানরুদবা মওংদা খোঙ থাংজিল্লকপগীদমক্তসু থাগৎখি‍। “কত্চনা মরোমদোম লেপখৎচরকপখক নত্তনা গুজরাত পুম্ববু অনৌবা থাক অমদা থাঙ্গৎলক্লি,” হায়না মহাক্না মখা তাখি‍।

গুজরাত্তা লাংফম অমগী মথঙদা অমা থোক্লকপা মতমবু প্রধান মন্ত্রীনা নৌহৌননা নীংশিংখি‍। “গুজরাতনা মহৌশাগী অমাঙ অতাগী অৱাবা মায়োক্নরিঙৈ মতমদু, শরৌ শিনবা হৌনরকখিবা মতম্নি‍। গুজরাতপু ভারত অমসুং মালেমগী মমাঙদা মিংচৎ থিহন্নবগীদমক মফমসিদা শেল থাদরকপা লেপহন্নবা শরৌ অমগী মথঙদা অমা শিল্লকখি,” হায়না মহাক্না হায়খি‍। মাঙদা অদুগুম্বা ফীভম অমা তাদুনা লৈরগসু গুজরাতনা দিজাস্তর মেনেজমেন্ত এক্ত চৎনহনখিবা লৈবাকসিগী অহানবা স্তেত ওইরকখিবগী মতাঙদা প্রধান মন্ত্রীনা পনখি‍। “এক্ত অসিনা পুক্নিং থৌগত্তুনা, লৈবাক পুমবগী মান্নবা চৎন-কাঙলোন অমা শেমখি‍। হায়রিবা এক্ত অসিনা লৈবাকসিগী লৈঙাক পুম্বদা লাইচৎ মনুংদা মতেং পাংখি,” হায়না মহাক্না মখা ফোঙদোকখি‍। গুজরাতকী মিংচৎ থিহন্নবা থৌরাং পুম্নমক নাথৈদুনা অমদি শরৌ পুম্নমক থেংনদুনা, গুজরাতনা অনৌবা ইন্দস্ত্রিগী লম্বী অমদা চঙশিনখি‍। মদুনা চাউনা কান্নবা ফংখিবশিংগী মনুংদা কত্চসু অমনি হায়না মহাক্না মখা তাখি‍।

ঙসিদি মালেমগী খ্বাইদগী চাউবা সিমেন্তকী প্লান্ত কত্চতা লৈরে‍। কত্চ মালেমগী ওইনা ৱেল্দিং পাইপ পুথোকপদা অনিসুবনি‍। মালেমগী অনিসুবা খ্বাইদগী চাউবা তেক্সতাইল প্লান্ত কত্চতা লৈ‍। এসিয়াগী খ্বাইদগী অহানবা এস.ই.জি. কত্চতা শেমগৎখি‍। কনদ্লা অমসুং মুন্দ্রা হিথাংফম্না ভারতকী কোর্গোগী চাদা ৩০ পায়রি অমদি মসিদা লৈবাকসিনা শীজিন্নরিবা থুমগী চাদা ৩০ পুথোক্লি‍। কত্চনা নুংশা মঙাল অমসুং নুংশিৎকী ইনর্জীদগী মৈ মেগাৱাত ২৫০০ পুথোক্লি অমদি খ্বাইদগী চাউবা সোলার পৱার প্লান্ত কত্চতা লিংখৎকদৌরি‍। ঙসি লৈবাকসিদা চঙশৎল্লিবা গ্রীন হাউস কেম্পেন অসিদা গুজরাতনা লৌগদবা অচৌবা থৌদাং অমা লৈরি‍। মতৌ অসুম্না গুজরাতনা মালেমগী গ্রীন হাউস কেপিতেল ওইবা ঙম্লকপা মতমদা কত্চকী থৌদাং য়াম্না চাওগনি হায়না প্রধান মন্ত্রীনা ফোঙদোকখি‍।

ঐখোয়গী পুৱারীগী লনগী চাউথোকচনিংঙাই ওইরিবা – রেদ ফোর্তকী মথক্তগী লাউথোকখিবা পঞ্চ প্রানগী মতাঙদা নীংশিংলদুনা, প্রধান মন্ত্রীনা কত্চগী অৱাৎপা লৈত্রবা অমসুং ইনাক খুল্লবা ফীভমবু পনখি‍। প্রধান মন্ত্রীনা ধোলাবিরাগী ময়োল্লম শেমগৎপগী হৈশিংববুসু পনখি‍। “ধোলাবিরা অসি মমাঙ চহিদা ৱর্ল্দ হেরিতেজ সাইতকী থাক্তা শকখঙখ্রে‍। ধোলাবিরাগী চেক খুদিংদা ঐখোয়গী ইপা ইপুগী হৈ-শিংবা, ৱাখল-লৌশিং অমসুং কাঙলোনশিং উবা ফংলি,” হায়না মহাক্না হায়খি‍। মতৌ অসুম্না মতম শাংনা নাথৈদুনা থম্লুরবা নীংতম লান্মীশিংবু ইকায়খুম্নবা অসিসু ঐখোয়গী পুৱারীগী লনথুমগীদমক চাউথোকচবা ফাওবগী শরুক অমনি হায়না হায়খি‍। স্যামজী কৃষ্ণ ভর্মাগী রিমেনশিং পুরকপগী তাঞ্জা ফংখিববু মহাক্না নীংশিংখি‍। মন্দবিদা লৈরিবা নীংশিং খুভম অমসুং স্তেচু ওফ য়ুনিতীসু মায়কৈ অসিদা পায়খৎপা অচৌবা খোঙথাঙশিংনি, হায়না মহাক্না ফোঙদোকখি‍।

কত্চনা চাওখৎলকপা অসি মীয়াম পুন্না হোৎনমিন্নদুনা ৱাহন্থোক লৈবা অহোংবা পুরকপগী চপ চারবা খুদম অমনি হায়না প্রধান মন্ত্রীনা ফোঙদোকখি‍। “কত্চ অসি শুপ্নতগী মফম অমখক নত্তে, মসি থৱায় পাল্লিবা, অহিংবা ইথিল অমনি‍। মসি অজাদি কা অমৃৎ কালগী চাউরবা ফিরেপশিংবু মঙফাওনহন্নবা লম্বী উৎলিবা থৱায় অমনি,” হায়না প্রধান মন্ত্রীনা হায়খি‍।

গুজরাতকী মুখ্য মন্ত্রী, শ্রী ভুপেন্দ্র পতেল, মেম্বর ওফ পার্লিয়ামেন্ত, শ্রী সি. আর. পতিল অমসুং গুজরাত লেজিস্লেতিব এসেমব্লীগী স্পীকর শ্রী বিনোদ এল ছাবরা, রাজ্য মন্ত্রী কিরিৎসিন্হ ঙগেলা অমসুং জিতুভাই চৌধরীসু থৌরমদুদা শরুক য়াখি‍।

প্রোজেক্তশিং অদুগী অকুপ্পা ৱাফম

প্রধান মন্ত্রীনানা ভুজ দিস্ত্রিক্তা স্মৃতি বন মেমোরিএল শঙ্গাখি‍। প্রধান মন্ত্রীনা শাগৎখিবা মঙলান অমা ওইরিবা স্মৃতি বন অসিগুম্বা মখলগী অমত্তা ঙায়রবা থৌরাং অমনি‍। মসি একর ৪৭০ পাক চাউবা মফমদা ভুজতা ইপিসেন্তর ওইখিবা ২০০১গী য়ুহা হাবদা মীওই ১৩,০০০গী ময়াদা শীখিবা অদুদা মীয়াম্না খাঙবা কনবগী মতৌ উৎখিবা অদুবা নীংশিংবা ওইনা শেমগৎপনি‍। মেমোরিএল অসিদা য়ুহা হাবা অদুদা পুন্সি মাঙখ্রবা মীওইশিংগী মমীং হক্তুনা থম্লি‍।

মতমগা চুনরবা স্মৃতি বন আর্থক্বেক ম্যুজিয়ম অসি রিবর্থ, রিদিস্কভর, রেস্তোর, রিবীল্দ, রিথিঙ্ক, রিলীব অমসুং রিন্যু হায়বা থীম তরেত্তা য়ুম্ফম ওইবা ব্লোক তরেৎ থোক্না খায়দোক্লি‍। অহানবা ব্লোক অসি রিবর্থ হায়রিবা থীমসিদা য়ুম্ফম ওইদুনা মালেমগী খোঙচৎ অমসুং মতম পুম্নমক্তা শিংনবা কয়া মালেমসিনা থেংনদুনা লাকপশিং উৎলি‍। অনিসুবা ব্লোক অসিনা গুজরাতকী তোপোগ্রাফী অমসুং স্তেত অসিদা থোকপা য়াবা তোঙান তোঙানবা মহৌশাগী অমাঙ অতাশিং উৎলি‍। অহুমসুবা ব্লোক অসিনা মীয়ামবু ২০০১গী য়ুহা হাখিবগী হেক মতুংগী শক্তমশিংগী মরক্তা চিংশিল্লি‍। ব্লোক অসিদা লৈরিবা গেল্লরীশিং অসিনা লনাই মীওইশিং অমসুং লূপ কয়ানা পায়খৎখিবা চাওরবা তেংবাংবগী থৌরাংবু উৎলি‍। মরিশুবা ব্লোক অসিনা গুজরাতকী নৌনা অমুক শেমগৎলকপগী থৌরাংশিং অমসুং ২০০১গী য়ুহা হাবা মতুংগী মায় পাকপগী ৱারীশিং উৎলি‍। মঙাশুবা ব্লোক অসিনা মফমসিদা লাক্লিবা মীওইশিংদা তোঙান তোঙানবা মখলগি দিজাস্তরশিংগী মরমদা খন্থনবা অমদি তমশিন্নবা অমসুং মতম অমা হেক্তদা থোক্লকপা য়াবা দিজাস্তর মখল অমা হেক্তদা তুংদা কমদৌনা থেংনগনি হায়বা উৎলি‍। তরুকশুবা ব্লোক অসিনা সাইমলেতর অমগী মতেংনা আর্থক্বেক্তা থেংনখিবশিং অমুক হন্না উবা ফংহল্লি‍। মসি ৫দি সাইমলেতর অমদা শেমবনি অমদি মফমসিদা লাক্লিবশিংদা অসুম্না চাউবা থৌদোক অমা থোক্লকপা মতমদা কমদৌবগে হায়বসু খঙহন্নবা শেমবনি‍। তরেৎশুবা ব্লোক অসিনা মীয়ামদা হৌখিববু নীংশিংনবা অমদি মখোয়গী লৈখিদ্রবা মরুপ মপাং ইমুং মনুংগী মীওইশিংগী মফমদা শ্রদ্ধাঞ্জলি কৎচনবা মফমনি‍।

প্রধান মন্ত্রীনা ভুজতা লুপা করোর ৪৪০০ রোমগী ওইগদবা প্রোজেক্তশিং শঙ্গাখি অমদি উরেপ উয়ুং তমখি‍। প্রধান মন্ত্রীনা সর্দার সরোবর প্রোজেক্তকী কচ্ছ ব্রাঞ্চ কেনেলসু শঙ্গাখি‍। কেনেল অসিগী অপুনবা অশাংবসি কিলোমিতর ৩৫৭নি‍। কেনেল অসিগী শরুক অমা প্রধান মন্ত্রীনা ২০১৭দা শঙ্গাখ্রে অমদি লেমহৌরিবা শরুক অদুগা হন্দক শঙ্গাগদৌরিবনি‍। কেনেল অসিনা কচ্ছতা ঈথৈ লৌখোং পীবদা অমদি কচ্ছ দিস্ত্রিক্তকী খুঙ্গঙ ৯৪৮ অমসুং ময়োল্লম ১০দা থক্নবা ঈশিং পীবদা মতেং পাংগনি‍। প্রধান মন্ত্রীনা সর্হদ দেরীগী নিউ ওতোমেতিক মিল্ক প্রোসেসিং এন্দ পেকিং প্লান্ত; রিজনেল সাইন্স সেন্তর, ভুজ; গান্ধিধামগী দোক্তর বাবা সাহেব অম্বেদকর কনভেন্সন সেন্তর; অঞ্জরগী বীর বাল স্মারক; নখত্রনগী ভুজ ২ সবস্তেসননচিংবা তোঙান তোঙানবা প্রোজেক্তশিংসু শঙ্গাখি‍। ভুজ-ভিমাসর লম্বী য়াওনা লুপা করোর ১৫০০গী ওইগদবা অতৈ প্রোজেক্তশিংগী উরেপ উয়ুংসু প্রধান মন্ত্রীনা তমখি‍।

Gratitude to the people of Bhuj for their warm reception. Speaking at launch of development projects. https://t.co/FuMn5oM1kH

— Narendra Modi (@narendramodi) August 28, 2022

आज मन बहुत सारी भावनाओं से भरा हुआ है।

भुजियो डूंगर में स्मृतिवन मेमोरियल, अंजार में वीर बाल स्मारक का लोकार्पण कच्छ की, गुजरात की, पूरे देश की साझी वेदना का प्रतीक है।

इनके निर्माण में सिर्फ पसीना ही नहीं लगा बल्कि कितने ही परिवारों के आंसुओं ने इसके ईंट-पत्थरों को सींचा है:PM

— PMO India (@PMOIndia) August 28, 2022

मुझे याद है, भूकंप जब आया था तो उसके दूसरे दिन ही यहां पहुंच गया था।

तब मैं मुख्यमंत्री नहीं था, साधारण सा कार्यकर्ता था।

मुझे नहीं पता था कि मैं कैसे और कितने लोगों की मदद कर पाउंगा।

लेकिन मैंने ये तय किया कि मैं यहां आप सबके बीच में रहूँगा: PM @narendramodi

— PMO India (@PMOIndia) August 28, 2022

कच्छ की एक विशेषता तो हमेशा से रही है, जिसकी चर्चा मैं अक्सर करता हूं।

यहां रास्ते में चलते-चलते भी कोई व्यक्ति एक सपना बो जाए तो पूरा कच्छ उसको वटवृक्ष बनाने में जुट जाता है।

कच्छ के इन्हीं संस्कारों ने हर आशंका, हर आकलन को गलत सिद्ध किया: PM @narendramodi

— PMO India (@PMOIndia) August 28, 2022

ऐसा कहने वाले बहुत थे कि अब कच्छ कभी अपने पैरों पर खड़ा नहीं हो पाएगा।

लेकिन आज कच्छ के लोगों ने यहां की तस्वीर पूरी तरह बदल दी है: PM @narendramodi

— PMO India (@PMOIndia) August 28, 2022

2001 में पूरी तरह तबाह होने के बाद से कच्छ में जो काम हुए हैं, वो अकल्पनीय हैं।

कच्छ में 2003 में क्रांतिगुरू श्यामजी कृष्णवर्मा यूनिवर्सिटी बनी तो वहीं 35 से भी ज्यादा नए कॉलेजों की भी स्थापना की गई है: PM

— PMO India (@PMOIndia) August 28, 2022

एक दौर था जब गुजरात पर एक के बाद एक संकट आ रहे थे।

प्राकृतिक आपदा से गुजरात निपट ही रहा था, कि साजिशों का दौर शुरु हो गया: PM @narendramodi

— PMO India (@PMOIndia) August 28, 2022

देश और दुनिया में गुजरात को बदनाम करने के लिए, यहां निवेश को रोकने के लिए एक के बाद एक साजिशें की गईं।

ऐसी स्थिति में भी एक तरफ गुजरात देश में डिजास्टर मैनेजमेंट एक्ट बनाने वाला पहला राज्य बना।

इसी एक्ट की प्रेरणा से पूरे देश के लिए भी ऐसा ही कानून बना: PM @narendramodi

— PMO India (@PMOIndia) August 28, 2022

हमारे कच्छ में क्या नहीं है।

नगर निर्माण को लेकर हमारी विशेषज्ञता धौलावीरा में दिखती है।

पिछले वर्ष ही धौलावीरा को वर्ल्ड हैरिटेज साइट का दर्जा दिया गया है। धौलावीरा की एक-एक ईंट हमारे पूर्वजों के कौशल, उनके ज्ञान-विज्ञान को दर्शाती है: PM @narendramodi

— PMO India (@PMOIndia) August 28, 2022

कच्छ का विकास, सबका प्रयास से सार्थक परिवर्तन का एक उत्तम उदाहरण है।

कच्छ सिर्फ एक स्थान नहीं है, बल्कि ये एक स्पिरिट है, एक जीती-जागती भावना है।

ये वो भावना है, जो हमें आज़ादी के अमृतकाल के विराट संकल्पों की सिद्धि का रास्ता दिखाती है: PM

— PMO India (@PMOIndia) August 28, 2022

*****