কমর্স অমসুং ইন্দস্ত্রী মন্ত্রালয়
শ্রী পিয়ুস গোয়লনা গভর্নমেন্ত ই-মার্কেতপ্লেসকী ফীভম য়েংশিনখ্রে
শেন্মিৎলোন চাউথোকহন্নবা অমদি সোসিএল ইনক্লুজিবনেস য়োকখৎনবগীদমক পব্লিক প্রোকরমেন্ত পুম্নমক ওনলাইনদা পুরকপগী মথৌ তাবা ৱাফম থমখ্রে
জি.ই.এম.দা পোৎ লৈরিবা পুম্নমক্কী এন্দ-তু-এন্দ ওন্লাইন ফুলফিলমেন্ত অমসুং ত্রাঞ্জেক্সনগী পেমেন্ত পুম্নমক পুরক্নবা ৱাফম হৌদোকখি
জি.ই.এম.গী মফমদা অপিবা মতমগী ৱাংমদা দেলিভরী তৌবা শেন্নবগী ফীভম ফগৎহন্নবা হায়খ্রে
পোর্তেল অসিদা অরানবা তৌবশিংবু আইনগী মতুং ইন্না অকনবা চৈরাক ফংহন্নবা ৱাফম থমখ্রে
য়ুজর এক্সপরিএন্স ফগৎহন্নবগীদমক জি.ই.এম.না তেক্নিকেল অপগ্রেদ তৌনবা থৌরাং তৌরি
Posted On:
28 AUG 2022 9:53AM by PIB Imphal
কম্মর্স অমসুং ইন্দস্ত্রী, কঞ্জ্যুমর এফ্যার্স, ফুদ এন্দ পব্লিক দিস্ত্রিব্যুসন অমসুং তেক্সতাইল্সকী কেন্দ্র মন্ত্রী শ্রী পিয়ুস গোয়লনা গভর্নমেন্ত ই মার্কেতপ্লেস (জি.ই.এম.)গী ফীভম য়েংশিনখ্রে।
তোঙান তোঙানবা হীরমশিংগী মনুংদা, জি.ই.এম.গী য়াম্লবা থৌওংশিং, লোয়ননা পোৎ লৈবা অমসুং য়ৌহনবদা মতম চানা তৌবগী থৌওংশিং কুপ্না য়েংশিনখি। এপ্রিল ২২দগী হৌজিক ফাওবদা তৌরকখিবা ফিজিকেল ওর্দরশিংগী মনুংদা জি.ই.এম.গী খুত্থাঙদা ওন্লাইন ফুলফিলমেন্ত অমসুং শেল থিখিবা ৯৫%দি মতম চানা দেলিভরী তৌখি।
ত্রাঞ্জেক্সন মখল খুদিংমক্তা (দাইরেক্ত পর্চেজ, এল.১, বিদ্স/ রিভর্স ওক্সন) মতম চানা দেলিভরী তৌবগী ফীভম ফগৎহনবগী ফীভম থেংনবগা লোয়ননা, মন্ত্রীনা থ্রেসহোল্দ রিভাইজ তৌনবা অমদি দেলিভরীগী মতম হেন্না য়াঙশিলহন্নবা মখা তানা ফীচরশিং হাপচিন্নবা লোয়ননা লৈঙাক্কী পোৎ লৈরিবশিংদা মখোয়গী দেলিভরীগী মথৌ তাবগী মতুং ইন্না পোৎলমশিং খনবা য়াবগী অহেনবা খুদোংচাবা ফংননবা অকক্নবা সজেসনশিং তৌখি।
জি.ই.এম.দা পোৎ লৈরিবা পুম্নমক্কী এন্দ-তু-এন্দ ওন্লাইন ফুলফিলমেন্ত অমসুং ত্রাঞ্জেক্সনগী পেমেন্ত পুম্নমক পুশিল্লক্নবা অমদি মতমগী ৱাংমদা দেলিভরী তৌবা য়েংশিনবগী ফীভম ফগৎহন্নবা ৱাফমসু শ্রী গোয়লনা হৌদোকখি।
শেন্মিৎলোন চাউথোকহন্নবা অমদি মাইক্রো এন্দ স্মোল এন্তরাপ্রাইজেজ য়োকখত্তুনা সোসিএল ইনক্লুজিবনেস পুরক্নবগীদমক পব্লিক প্রোকরমেন্ত পুম্নমক মপুং ফানা ওনলাইন ওইহন্নবা অমদি লৌথুপ লৌকোই লৈতবা পোর্তেল জি.ই.এম.গী খুত্থাঙদা পুরকপগী মথৌ তাবা ৱাফম মন্ত্রীনা থমখি।
ফাংজিন্নবা অমদি অরানবা থিদোক্তুনা রিপোর্ত তৌরক্নবা এ.আই.-এম.এল. শীজিন্নবা য়াওনা প্রোকরমেন্তকী লমদা চেকশিন্না শেন্নবা অমসুং মওং চুমদবা খঙদোক্নবা জি.ই.এম.গী থৌরাংশিংসু য়েংশিনখি। অসিগুম্বা থৌওং চত্থবা পোৎ লৈরিবা অমদি য়োল্লিবশিংগী মায়োক্তা অকনবা আইনগী চৈরাক পীননবা ৱাফমসু শ্রী গোয়লনা থমখি।
মওং চুমদবা খঙদোকপগী মথক্তা, জি.ই.এম.না পোৎ লৈরিবশিংদা মরম খঙনা ফিরেপ লৌজবা ঙমহন্নবা অমদি লৈঙাক্কী চাদিং হন্থহন্নবগীদমক ইচঙ থৌনা ফীচর লায়থোকহন্নবা অমসুং পোত্থোক সজেসন তৌনবগীদমক এ.আই-এম.এল. শীজিন্নবা থৌরাংসু তৌরি।
ফম্পাক অসিদা মতমগা চুনবা য়ুজ কেস অমসুং য়ুজর এক্সপরিএন্স লৈন্নবগীদমক অচৌবা তেক্নিকেল অপগ্রেদ তৌনবা জি.ই.এম.না থৌরাং তৌরি। এম.এস.এম.ই.বু পুশিল্লকপা অমসুং হর ঘর তিরঙ্গা কেম্পেন য়াওনা জি.ই.এম.না লৌখৎপা অতোপ্পা থৌরাং কয়াবুসু মন্ত্রীনা শিংথাখি।
*******
(Release ID: 1855026)
Visitor Counter : 143