তোঙান-তোঙানবা কেন্দ্রগী মন্ত্রালয় অমসুং বিভাগ কয়াদা হৌজিক-হৌজিক এসিস্তেন্ত সেক্রেতরীশিং ওইনা থৌ পূরিবা ২০২০ বেচকী আই.এ.এস. ওফিসর ১৭৫গী কাংলুপ অমনা ঙসি (ওগস্ত ২৫, ২০২২) রাস্ত্রপতি ভবন্দা ভারতকী রাস্ত্রপতি, শ্রীমতি দ্রৌপদী মুর্মুগা উন্নখ্রে।

ওফিসরশিং অদুদা ৱা ঙাংবদা রাস্ত্রপতিনা হায়খি, সিভিল সর্ভেন্তশিং ওইনা মখোয়না ভারত অসিবু লৌশিং, সপ্লাই-চেন, ইনোভেসন, তেক্নোলোজী-দিবেলপমেন্ত অমসুং তোঙান-তোঙানবা অতোপ্পা লমশিংগী গ্লোবেল হব অমা ওইহন্নবা হোৎনবদা অচৌবা থৌদাং লৈ। মসিগা লোয়ননা ভারতনা খুন্নাইগী ইনক্লুসিব অমসুং অকোইবগী সস্তেনেবল দিবেলপমেন্তগী লমশিংদা লুচিংবগী থৌদাং লৌরিবা অসি মপাঙ্গল কনখৎহনবা তাই।

২০৪৭গী মতমদা ২০২০ বেচকী ওফিসরশিংনা মকোক থোংবা ৱারেপ লৌরিবা মীওইশিংগী মরক্তা চনগদৌরিবনি হায়না ফোঙদোক্লদুনা রাস্ত্রপতিনা হায় পুক্নিং চংনা অমসুং চাউথোকচবগা লোয়াননা থবক তৌরবদি অদোমনা ২০৪৭কী ভারত অসি হেন্না চাউখৎপা, মপাঙ্গল কনবা অমসুং হরাও-তয়াম্বনা থনবা ওইহনবা ঙমগনি। মহাক্না হায়খি ২০৪৭কী ভারত অদু ওইহন্নবগীদমক ঐখোয়না মোদর্ন অমসুং সর্ভিস-ওরিয়েন্তেদ ওইবা ৱাখল্লোনগা লোয়ননা থবক তৌগদবনি। মিসন কর্ময়োগী অসি ঐখোয়গী সিভিল সর্ভেন্তশিংবু মখোয়গী এপ্রোচতা হেন্না মোদর্ন, দাইনামিক অমসুং সেন্সিতিব ওইহন্নবা অচৌবা থৌরাং অমনি হায়না মহাক্না ফোঙদোকখি।

রাস্ত্রপতিনা হায়খি, ইনফ্রাস্ত্রকচরদা চাউনা খুমাং চাউশিল্লকপগা লোয়ননা লৈবাক অসিগী মনুং হঞ্জিনবা শরুকশিংদা লাইনা চৎপা ঙম্লে। মহাক্না হায়, সিভিল সর্ভেন্তশিংনা মখোয়না থৌদাং লৌরিবা লম অদুদা অরোইবা মীওই নত্ত্রগা খ্বাইদগী শোত্থরবা মীওই অদু য়ৌশিন্নবা হোৎনগদবনি অমসুং মখোয়গী পুন্সি মহিং অদু ফগৎহনগদবনি। য়াইফ-থৌরাংগী স্কিমশিং নত্ত্রগা চাউখৎ-থৌরাংগী প্রোগ্রামশিংগী মরমদা খঙদবশিংদা খুদোংচাবশিংগী মরমদা খঙহনগদবনি। মহাক্না হায় য়াইফ-থৌরাংগী থৌশিল অমা হেক্তনা লায়রবা, শোত্থরবা অমসুং ঐখোয়গী খুন্নাইগী খ্বাইদগী মখা থংবা শরুক্তা লৈরিবা মীওইশিংদা মাগী কান্নবশিং অদু ফংহল্লবা খক্তদা তশেংনা মাইপাক্লে হায়না লৌগনি। সিভিল সর্ভেন্তশিংনা অসিগুম্বা খুদোংচাবা ফংজদ্রবা মীওইশিংবু য়ৌশিন্নবা হোৎনগদবনি। খুদোংচাবা ফংজদ্রবা মীওইশিং অসিবু মখোয়দা মতেং পাংবা ঙমলোইদবা অৱাবা ফীভমদা মখোয়বু লৈহল্লোইদবনি।

রাস্ত্রপতিনা হায়খি সিভিল সর্ভেন্তশিং অসি পব্লিক সর্ভিসকীদমক কত্থোকপা, শোত্থরবা শরুকশিংগী অৱাবা খঙবা অমসুং মীনুংশিং পোকপা হায়বা অসিনা লমজিংদুনা পুকচেল শেংবা অমসুং মথৌ মশক খঙবা অমদি অচান-মীরান নাইদবা অমসুং খেন্নবা লৈতবগী খ্বাইদগী ৱাংবা গুনশিং অদু ঙাক্না চৎকদবনি। পঞ্চায়তি রাজ ইন্সতিত্যুসনশিং, সেদ্যুল্দ এরিয়া অমসুং সেদ্যুল্দ ত্রাইবশিংগী এদমিনিস্ত্রেসন অমসুং কন্ত্রোল অমসুং তরুক শুবা সেদ্যুল্দদা পল্লিবা অৱাং-নোংপোক্কী ত্রাইবেল এরিয়াগী এদমিনিস্ত্রেসনগী প্রোবিজনশিংগা মরী লৈনবা কন্সতিত্যুস্নেল প্রোবিজনশিং অদু ইকাই খুম্নবগা লোয়ননা মসি খঙনা অমসুং ঙাক্না চৎকদবনি।

রাস্ত্রপতিনা হায়খি মদুদি সিভিল সর্ভেন্তশিংনা মখোয়না তারিবা মফম অদুবু হ্যুমেন দিবেলপমেন্ত ইন্দেক্সশিংদা ‘নম্বর ৱান’ ওইহন্নবা থৱায় য়াওনা হোৎনগদবনি অমসুং মখোয়না খুদোংচাবা ফংদ্রবা মীওইশিংগী পুন্সিদা অওনবা পুরকপদা মখোয়দা চাউথোকচবা পোক্কদবনি। মখোয়না শেবা তৌফম থোকপা মীয়াম অদুগী অৱাবা মখোয়না খঙগদবনি। মহাক্না হায়খি “বসুদৈব কুতুম্বকম” – অপুনবা মালেম অসি অচৌবা ইমুং-মনুং অমনি – অসি ঐখোয়গী অথোইবা ভারতকী চৎনবীগী শরুক অমনি। “ভারতামেব কুতুম্বকম” – ভারত পুম্বা ঐহাক্কী ইমুং-মনুংনি – হায়বা অসিনা ওল ইন্দিয়া সর্ভিসেসকী সিভিল সর্ভেন্তশিংগী চৎনবীশিংগী মরু ওইবা শরুক্নি।

রাস্ত্রপতিনা পীখিবা ৱারোল মসিদা য়েংবীয়ু

***