হ্যুমেন রিসোর্স চাউখৎ-থৌরাংগী মন্ত্রালয়
শ্রী ধরমেন্দ্র প্রধান্না অস্ত্রেলিয়াগী য়ুনিভর্সিতি নিপালগী কাংবুগা ৱারি শানবদা শরুক য়াখ্রে
রিছর্সকী লমদা অস্ত্রেলিয়া-ভারত পুন্না থবক তৌমিন্নবা হেনগৎহন্নবা শ্রী প্রধান্না তকশিনখ্রে
Posted On:
24 AUG 2022 4:23PM by PIB Imphal
রিছর্সকী লমদা অস্ত্রেলিয়া-ভারত মাইপাক্না পুন্না থবক তৌমিন্ননবা অস্ত্রেলিয়াগী য়ুনিভর্সিতিশিংগী গ্রুপ ওফ আইত(জি ও৮)কী লুচিংবশিংগা ঙসি ইজুকেসন অমসুং স্কিল দিবলপমেন্তগী য়ুনিয়ন মিনিস্তর শ্রী ধরমেন্দ্র প্রধান্না ৱা খন্নখ্রে।
থৌরম অদুদা ৱা ঙাংবদা, মিনিস্তরনা প্রধান মন্ত্রী শ্রী নরেন্দ্র মোদীগী লাইৱা ‘জয় অনুসন্ধান’ অমুক হন্না নিংশিংখি অমসুং ৭৬শুবা নিংতম্বা নুমিৎ থৌরমদা প্রধান মন্ত্রীনা ফোঙদোকখিবা ‘জয় জৱান, জয় কিষান, জয় বিজ্ঞান’ মহাক্না মখা তানা ফোঙদোকখি। মহাক্না হায়খি মসি খ্বাইদগী ফবা লাইৱা অমনি অমসুং লাক্লিবা চহি ১০ অমসুং মসিগী তুংদা ভারতকী শেন-থুমগী ফিবম চাউখৎনবা য়ুম্ফম্নি। চৎলিবা চহি ১০ অসি ভারতকী চহিশিং ওইনবা অমসুং মশাগী ওক্নবা পুথোকচবা ঙম্নবা লৈবাক অসিগী লৈজবা লন-থুম খুদিংমক তাশিনবা অসি ভারতকী পান্দম্নি। ভারতকা লোয়ন্না রিছর্সকী লমদা পুন্না থবক তৌমিন্নবা হেনগৎহনবা অসি খুদিংমক্কী ওইজবা অমনি।
শ্রী প্রধান্না মখা তানা হায়খি ভারত অমসুং অস্ত্রেলিয়া শিংথানিঙাই ওইবা রিছর্সকী মরুপ অমনি। লৈবাক অনিগী দরকার ওইবশিং ফংনবা অমসুং মালেমগী ওইনা মায়োক্নরিবা খুদোংচাদবশিং কোকহন্নবা পাম্বৈশিং পুথোক্নবা রিছর্সকী থবকশিং পুন্না পাংথোকপা হেনগৎহনবা অমসুং অনৌবা খুদোংচাবশিং থিদোকপগীদমক মহাক্না য়ুনিভর্সিতি নিপালগী কাংবু তরাম্না ওকখি।
![](https://static.pib.gov.in/WriteReadData/userfiles/image/image001OP45.jpg)
![](https://static.pib.gov.in/WriteReadData/userfiles/image/image002BKOX.jpg)
![](https://static.pib.gov.in/WriteReadData/userfiles/image/image003HPYX.jpg)
‘ইজুকেসন, রিছর্স অমসুং স্কিল সেক্তরদা পুন্না থবক তৌমিন্ননবগীদমক অনৌবা খুদোংচাবশিং’ হায়বা হীরমদা পাংথোকখিবা দাইলোগ অদুদা মিনিস্তরনা মোনাস য়ুনিভর্সিতিগী অস্ত্রেলিয়া সরকারগী মীহুৎশিং অমসুং অস্ত্রেলিয়া ইন্দিয়ান চেম্বর ওফ কম্মর্সকী মেম্বরশিংগা ৱারি শানখি। মিনিস্তরনা হায়খি খুদম-চাংদম লৈরবা থবকশিংদা রিছর্স তৌবা হায়বসি প্রধান মন্ত্রীগী অপাম্বনি অমসুং চাউখৎপা, নুংঙাই-য়াইফবা অমসুং মীওইবা খুন্নাইগী য়াইফবা পুরক্নবা ‘লেবদগী লৌবুক্তা, অমসুং ‘লৌবুক্তগী লেবতা’ হায়বা লাইৱা অসি তাকখি। হীরম খুদিংমক্তা রিছর্স অমসুং ইন্নোবেসনগী থবকশিং পুক্নিং থৌগৎনবা ভারতনা থৱায় য়াওনা থবকশিং পায়খৎলি।
![](https://static.pib.gov.in/WriteReadData/userfiles/image/image004MB4A.jpg)
![](https://static.pib.gov.in/WriteReadData/userfiles/image/image005J7SY.jpg)
শ্রী প্রধান্না মেলব্রোন্দা লাইরিক তম্লিবা ভারতকী মহৈরোয়শিংগশু ৱারি শানখি। মফম অদুদা লাইরিক তম্বদা মখোয়না থেংনরিবশিং অদুগী মতাংদা মহাক্না হরাওবা ফোঙদোকখি অমসুং মহাক্না হায়খি ভারত অসি লৌশিংগী সুপরপৱার অমা ওইনা শেমগৎনবা মখোয়গী ৱাখল্লোনশিং অদু মহাক্না অপেনবা পোকই।
![](https://static.pib.gov.in/WriteReadData/userfiles/image/image006M36A.jpg)
![](https://static.pib.gov.in/WriteReadData/userfiles/image/image007KFRC.jpg)
*****
(Release ID: 1854204)
Visitor Counter : 119