کپڑے اور ریلویز کی وزیر مملکت محترمہ درشنا وکرم جردوش نے ٹیکسٹائل کی وزارت  میں سکریٹری جناب اوپیندر پرساد سنگھ اور جناب رجت رنجن اوکھنڈیار آئی ایف ایس، سی ای او اور  ممبر سکریٹری، سنٹرل سلک بورڈ ، ٹیکسٹائل کی وزارت  کی موجودگی میں سلک مارک ایکسپو کا افتتاح کیا۔ اس نمائش کا انعقاد  سنٹرل سلک بورڈ، کپڑے کی وزارت،  بھارت سرکار  کی  حمایت یافتہ ایک سوسائٹی سلک مارک آرگنائزیشن آف انڈیا (ایس ایم او آئی) کے ذریعہ  کیا جا رہا ہے۔

اس موقع پر محترمہ درشنا جردوش نے یہ بھی ذکر کیا کہ بھارتی ٹیکسٹائل ایک عالمی مواقع کے دہانے پر کھڑی ہے۔ سنٹرل سلک بورڈ نے اس بات کو یقینی بنانے کے لیے ایک نیا  نظام شروع کیا ہے کہ  سلک (ریشم)  پروڈکٹ  لیبلنگ کے عمل کے ذریعے  سے پرو کنزیومر کے لیے فعال معلومات کے لیے اپنے کنٹینٹ کے بارے میں مخصوص مارکنگ کرتے ہیں ۔ اس بارے میں تفصیلات بتاتے ہوئے انہوں نے کہا کہ سلک مارک آرگنائزیشن آف انڈیا کی جانب سے ’’سلک مارک‘‘ کے نام سے ایک اسکیم تیار کی گئی ہے۔ انہوں نے کہا کہ سلک مارک کا مقصد ملک - بیرون ملک  میں ریشم کو مناسب فروغ دینا اوربھارتی ریشم کی برانڈ ایکویٹی کو  بنانا ہے۔ انہوں نے کہا کہ یہ نہ صرف ریشم کے صارفین کے مفادات  کی، بلکہ سلک ویلیو چین کے تمام  فریقوں کے مفادات کا بھی تحفظ ہورہاہے جس میں کسان، ریلرز، ٹوئسٹرز مینوفیکچررز اور خالص ریشم کے تاجر شامل ہیں۔

انہوں نے یہ بھی کہا کہ ان نمائشوں کا مقصد ہماری متمول وراثت کا تحفظ کرنا اور سلک کے شعبے  میں کام کرنے والی خواتین بنکروں اور کارکنوں کو بااختیار بنانا اور انہیں بہتر زندگی گزارنے کے مزید مواقع فراہم کرنا ہے۔ انہوں نے کہا کہ حکومت اس صنعت کو فروغ دینے کے لیے کئی اقدامات کر رہی ہے۔ محترمہ جردوش نے نمائش کنندگان اور بنکروں کے ساتھ  بات چیت کی اور ان سے  اعلیٰ ریشم کے پروڈکٹس بھی خریدے۔

سلک مارک ایک کوالٹی ایشورنس لیبل ہے جو اس بات کی نشاندہی کرتا ہے کہ اسے جس پروڈکٹ پر  چسپاں کیا گیا ہے وہ خالص ریشم سے بنا ہے۔ اسے ریشم کے دھاگے، ساڑیوں، ڈریس سے متعلق سامان، تیار ملبوسات، فرنشننگ کے سامان اور دیگر سلک پروڈکٹس پر چسپاں کیا جا سکتا ہے جو 100فیصد قدرتی ریشم سے بنے ہوتے  ہیں۔ 4300 سے زیادہ ممبران اور 4.3 کروڑ  سے زیادہ سلک مارک لیبل  والے پروڈکٹس بازار میں ہیں۔ 'سلک مارک آرگنائزیشن آف انڈیا' ریشم میں کوالٹی موومنٹ کی قیادت کر رہی ہے اور ریشم برادری کو  خالص ہونے کی یقین دہانی  کرا رہی ہے۔ سلک مارک لگنے سے اہلیت کے معیارات  پر روشنی ڈالی جائے گی جس سے  ریشم برادری کو ایک  ساتھ جوڑنے کے  علاوہ گھریلو اور برآمداتی بازاروں میں  صارفین کا اعتماد بڑھے گا۔

سلک مارک ایکسپو، سلک مارک کو فروغ دینے کے لئے ایک مضبوط وسیلہ ثابت ہوا ہے۔ 22 اگست 2022 سے 28 اگست 2022 تک منعقد ہونے والی اس ایکسپو میں 12 ریاستوں کے 39 نمائش کنندگان حصہ لے رہے ہیں۔

************

ش ح ۔ ف ا  ۔  م  ص

 (U: 9393)