তেক্সতাইল মন্ত্রালয়
সিল্ক মার্কনা মুকা য়োকখৎনবা অমসুং মফমসিদা অমদি মপান লৈবাক্তা ভারতকী মুকাগী ব্রান্দ শেমগৎনবা পান্দম থম্লি হায়না এম.ও.এস. তেক্সতাইল্স শ্রীমতি দর্সন জর্দোসনা হায়খ্রে
সিল্ক মার্ক এক্পো হৌদোকখ্রে
ওগস্ত ২২, ২০২২দগী হৌরগা ওগস্ত ২৮, ২০২২ ফাওবা পাঙথোক্কদৌরিবা সিল্ক মার্ক এক্সপো অসিদা স্তেত ১২দগী একজিবিতর ৩৯না শরুক য়ারি
Posted On:
22 AUG 2022 2:52PM by PIB Imphal
তেক্সতাইল্স অমসুং রেলৱেজকী রাজ্য মন্ত্রী শ্রীমতি দর্স জর্দোসনা ঙসি শ্রী উপেন্দ্র প্রসাদ সিংহ, সেক্রেতরী, তেক্সতাইল মন্ত্রালয় (এম.ও.তি.) অমসুং শ্রী রজিৎ রঞ্জন ওখান্দিয়র আই.এপ.এস., সি.ই.ও. অমসুং মেম্বর সেক্রেতরী, সেন্ত্রেল সিল্ক বোর্দ, ওম.ও.তি.না শরুক য়াদুনা ঙসি মফমসিদা সিল্ক মার্ক এক্সপো হৌদোকখ্রে। একজিবিসন অসি সেন্ত্রেল সিল্ক বোর্দ, তেক্সতাইল্স মন্ত্রালয়, ভারত লৈঙাক্না স্পোন্সর তৌবা সোসাইতী অমা ওইরিবা সিল্ক মার্ক ওর্গনাইজেসন ওফ ইন্দিয়া (এম.এম.ও.আই.)না পাঙথোকপনি।
থৌরমদুদা ৱা ঙাঙলদুনা, শ্রীমতি দর্সন জর্দোসনা ভারতকী তেক্সতাইল্সনা মালেমগী খুদোংচাবা কয়াগী থোঙজিলদা লেপ্লবা মতমসিদা, সেন্ত্রেল সিল্ক বোর্দনা লেবেলিংগী থৌওং অমগী খুত্থাঙদা কঞ্জ্যুমরশিংগী মফমদা ইনফোর্মেসন ফংহন্নবগীদমক মুকাগী পোৎলমশিং মদুদা য়াওরিবা মচাক্তুগা মরী লৈননা অকক্নবা মার্কিং থম্ননবা অনৌবা থৌরাং অমা পায়খৎলি হায়না ফোঙদোকখি। শন্দোক্না তাক্লদুনা, সিল্ক মার্ক ওর্গনাইজেসন ওফ ইন্দিয়ানা “সিল্ক মার্ক” কৌবা স্কিম অমা হৌদোক্লে হায়না মহাক্না হায়খি। সিল্ক মার্কনা মুকা য়োকখৎনবা অমসুং মফমসিদা অমদি মপান লৈবাক্তা ভারতকী মুকাগী ব্রান্দ শেমগৎনবা পান্দম থম্লি হায়না মন্ত্রীনা হায়খি। মসিনা মুকা শীজিন্নরিবা মীওইশিংখক্তগী নত্তনা লৌমী, লং শুংবা, ত্বিস্তর পুথোকপা অমসুং অশেংবা মুকা লল্লোনবা য়াওনা মুকাগী ভেল্যু চেনগী স্তেকহোল্দর পুম্নমক্কী ইন্তরেস্ত ঙাক্নবা পান্দম থম্লি হায়না মহাক্না মখা তাখি।
একজিবিসন অসিগী পান্দমদি ঐখোয়গী ইনাক খুল্লবা লন-থুম অসিবু ঙাকপা অমসুং সিল্ক সেক্তরদা লৈরিবা নুপী ফিশাবীশিং অমসুং শিন্মীশিংগী শেন্থোক হেনগৎহন্দুনা পুন্সি মহিং ফগৎহন্দুনা মখোয়বু মপাঙ্গল কলহনবনি হায়না মন্ত্রীনা ফোঙদোকখি। ইন্দস্ত্রী অসিবু য়োকখৎনবগীদমক লৈঙাক অসিনা খোঙথাঙ কয়া পায়খৎলি হায়বা ৱাফমসু মহাক্না থমখি।
শ্রীমতি জর্দোসনা একজিবিতরশিং অমসুং ফিশাবীশিংগসু ৱারী ৱাতায় শনখি অমদি মুকাগী পোৎলমশিংসু লৈখি।
সিল্ক মার্ক অসি মসিবু নপ্লিবা পোৎলম অদু অশেংবা মুকানা শাবনি হায়না তাক্লিবা ক্বালিতী এস্যুরেন্স লেবেল অমনি। মসি মহৌশানা ফংবা মুকানা ১০০% ওইবা মুকাগী লং, সারী, ফিরোল, মেদ অপ, ফর্নিসিংগী মচাক অমসুং অতৈ মুকাগী পোৎলমশিংদা নপ্পা য়াই। মেম্বর ৪৩০০গী মথক্তা অমদি সিল্ক মার্ক থাবা পোৎলম করোর ৪.৩ হেন্না কৈথেলদা ফংবগা লোয়ননা, ‘সিল্ক মার্ক ওর্গনাইজেসন ওফ ইন্দিয়া’না মুকাগী ক্বালিতী মুভমেন্ত, এস্যুরেন্স ওফ প্যুরিতী তু সিল্ক ফ্রেতর্নিতীবু লমজিংলি। খুদম অসি নপ্পনা ক্বালিফাইং স্তেন্দর্দ তাক্তুনা মুকাগী ফ্রেতর্নিতীশিং পুনশিন্বতা নত্তনা কঞ্জ্যুমরশিংগী মফমদা লমদমসিদা য়োল্লিবা অমদি মপান্দা থাদোক্লিবা পোত্থোকশিংদা থাজবগী ৱাখল্লোন পোকহনগনি।
সিল্ক মার্ক এক্সপো অসি সিল্ক মার্ক য়োকখৎনবগী মপাঙ্গল কল্লবা খুৎলায় অমা ওইরে। ওগস্ত ২২, ২০২২দগী হৌরগা ওগস্ত ২৮, ২০২২ ফাওবা পাঙথোক্কদৌরিবা সিল্ক মার্ক এক্সপো অসিদা স্তেত ১২দগী একজিবিতর ৩৯না শরুক য়ারি।
*****
(Release ID: 1853641)
Visitor Counter : 157