হিথাংফম, সিপ্পিং অমসুং ঈশিং লম্বী অমসুং অয়ুসকী কেন্দ্র মন্ত্রী শ্রী সর্বনন্দ সোনোৱালনা রিপব্লিক ওফ ইরানগী উপ-রাস্ত্রপতি, হিজ এক্সেলেন্সী মোহম্মদ মোখবরগা তেহরান্দা উনখ্রে‍। লুচিংবা অনিনা ভারত অমসুং ইরানগী নাকল অনিগী মরীবু হেন্না চেৎশিলহন্নবা ৱাফম খন্নখি‍। ভারতকা লৈনবা মরীগী ইরানগী স্পিসিএল ওনভোই ওইরিবা উপ-রাস্ত্রপতিনা ভারতকী সিপ্পিং মন্ত্রীগী খোঙচৎ অসিনা লৈবাক অনিগী মরক্তা লৈনরিবা মরীবু হেন্না চেৎশিলহনবদা মথৌ হাপ্লগনি হায়না ফোঙদোকখি‍। চাবহার হিথাংফম শেমগৎপনা লল্লোন ইতিক অমসুং পোৎ পুথোক পুশিনগী চাং হেনগৎহল্লগনি হায়না উপ-রাস্ত্রপতিনা ফোঙদোকখি‍। চাবহার হিথাংফমবু লমদমসিগী লল্লোন ইতিক্কী সিপমেন্তকী ফীভম ফগৎহনবদা চাবহার হিথাংফমবু মরুওইবা মফম অমা ওইহন্নবগীদমক মখা তানা পায়খৎপা মথৌ তারিবা খোঙথাঙশিংদা নাকল অনিনা পুন্না খোঙ থাংজিমিন্নবগী মথৌ তাবসু কেন্দ্র মন্ত্রীনা ফোঙদোকখি‍।

ইরানগী উপ-রাস্ত্রপতি, হিজ এক্সেলেন্সীগী মনাক্তা চৎলুরবা মতুংদা, শ্রী সর্বনন্দ সোনোৱালনা ফোখদোকখিবদা, “ইরানগী উপ-রাস্ত্রপতি হিজ এক্সেলেন্সী মিস্তর মোহম্মদ মোখবরগা উনদুনা মশক মচু নাইরবা ভারত অমসুং ইরানগী নাকল অনিগী মরীবু হেন্না মপাঙ্গল কলহন্নবা অমদি মরা চেৎশিলহন্নবা খন্নরুবদা হায়নিংঙাই লৈতনা পেনবা পোকই‍। ঐখোয়না ইরানগী লৈনরিবা মরী অসিগী হেন্না মপাঙ্গল কলহন্নবা লেপ্তনা হোৎনরি‍। ভারতকী প্রধান মন্ত্রী নরেন্দ্র মোদী জীনা নাকল অনিগী কান্নগদবা মওংদা ঐখোয়গী মরীবু হেন্না মরা চেৎশিলহন্নবা অমদি পাকথোক চাউথোক্নবা খ্বাইদগী ৱাংবা থাক্তা খোঙফম লৌরি হায়বা ৱাফম পাউদম্লম্নবা ঐঙোন্দা হায়রকখি‍।”

মদুগী মমাঙদা, শ্রী সোনোৱালনা ইস্লামিক রিবপ্লিক ওফ ইরানগী লম্বী-থোং অমসুং ময়োল্লম চাওখৎ থৌরাংগী মন্ত্রী হিজ এক্সেলেন্সী রোস্তম ঘসেমিগা নাকল অনিগী ওইবা মীফম অমদা শরুক য়ামিন্নখি‍। থৌরমদুদা, লৈবাক অনিনা লৈবাক অনিগী ঈশিং লম্বীদা চত্থোক চৎশিন তৌরিবা মীওইশিংদা তেংবাংনবা ইন্তরনেস্নেল কন্ভেন্সন ওন স্তেন্দর্দ্স ওফ ত্রেনিং, সর্তিফিকেসন এন্দ ৱাত্চ কীপিং ফোর সীফ্যারর্স (১৯৭৮)তা য়াওরিবা ৱাফমশিংগী মতুং ইন্না সর্তিফিকেৎস ওফ কম্পিতেন্সী ইন অনলিমিতেদ ভোয়েজেজপু শকখঙবগী মেমোরেন্দম ওফ অন্দরস্তেন্দিং (এম.ও.য়ু.) অমা খুৎয়েক পীনখি‍।

শ্রী সর্বনন্দ সোনোৱাল অমসুং রোস্তম ঘসেমিনা ভারত অমসুং ইরানগী মরী হেন্ন চেৎশিলহন্নবা পাঙথোকখিবা মীফম অদু মহৈ য়ানবা মীফম অমা ওইখি‍। এম.ও.য়ু. অদু লৈবাক অনিগী মীওইশিংনা ঈশিংগী লম্বীদা চত্থোক চৎশিন তৌবদা খুদোং চাহন্নবা পান্দমদা খুৎয়েক পীনখিবনি‍। কেন্দ্র মন্ত্রীনা লৈবাক অনিগী নাকল অনিগী লৈনরিবা মরীগী মরুওইবা ৱাফমশিংসু নৌহৌননা ফোঙদোকখি‍। ময়ায় এসিয়া অমসুং খা এসিয়া, অমদি খা নোংপোক এসিয়ানচিংবগী মরক্তা শেল য়াম্না চঙদবা অমদি অথুবা লল্লোনবগী ফাওনফম অমা ওইনা হিথাংফম অসি মপুং ফানা শীজিন্নদ্রিবা মরম্না চাবহার অসি লমদম অসিদা লল্লোন ইতিক্কী ফীভম ফগৎহনবদা মরুওইবা শক্লোন লৌরক্কনি হায়বা ৱাফম মীফম অদুদা কেন্দ্র মন্ত্রীনা থমখি‍।

ইন্দিয়া পোর্ত গ্লোবেল প্রাইভেৎ লিমিতেদ (আই.পি.জি.পি.এল.)না সহিদ বেহেস্তি হিথাংফমদা থবক তৌবা হৌখিবদগী হৌজিক ফাওবদা বল্ক কার্গো তন মিলিয়ন ৪.৮ হেন্না হেন্দল তৌখ্রে‍। ভারতকী আই.পি.জি.পি.এল.গা ইরান্স পোর্ত এন্দ মেরিতাইম ওর্গনাইজেসন, ইরানিয়ন কস্তম্স এদমিনিস্ত্রেসন অমসুং চাবহার ফ্রী জোন ওথোরিতী, সহিদ বেহেস্তি পোর্থ ওথোরিতী য়াওনা ইরানগী স্তেতহোল্দরশিং অমসুং অতৈ স্তেকহোল্দরশিংগা নক্নবা মরী লৈনবনা মরম ওইরগা, হিথাংফম অসি লমদম অসিগী চাউরবা লল্লোন ইতিক্কী মতিংবু মপুং ফানা শীজিন্নরকপদা মরুওইবা মফম অমা ওইরকপা য়ারি‍।

২০২০দা ভারতনা মীওইবগী মিনুংসিগী তেংবাং ওইনা অফঘানিস্তান্দা গেহু তন ৭৫,০০০ লোয়ননা লৌউ শিংউ অমসুং চীঞ্জাক্কী সিক্যুরিতী হেনগৎহনবদা অচৌবা শিংনবা অমা ওইখিবা কৌজেংগী ফীভম কোকহন্নবগীদমক ইরান্দা মলাথিওন ৯৬% য়ু.এল.ভি. তিল্হাৎ হিদাক লিতর ৪০,০০০ চাবহার হিথাংফমগী খুত্থাঙদা তেংবাং পীখি‍। চবহার হিথাংফমগী মতিং হেনগৎহন্নবগী থৌরাম অমা ওইনা কেন্দ্র মন্ত্রীনা ইন্দিয়ন পোর্তস গ্লোবেল চাবহার ফ্রী ত্রেদ জোন (আই.পি.জি.সি.এফ.তি.জি.)দা মোবাইল হার্বর ক্রেন তরুক কম্মিসন তৌখি‍।

শ্রী সর্বনন্দ সোনোৱাল ইরান্দা নুমিৎ হুম্নিগী ওফিসিএল খোঙচৎ অমদা লৈরি‍। মহাক্কী ইরানগী খোঙচৎ মতুংদা, মন্ত্রীনা য়ু.এ.ই.দা নোংমগী ওইবা ওফিসিএল অমদা চত্তুনা জেবেল অলি পোর্ত্তা চৎকনি অমদি নাকল অনিগী ওইবা মীফমশিং লোয়ননা ইনভেস্তরশিংগী মীফম অমা শরুক য়াগনি‍।

*****