مرکزی وزیر داخلہ و تعاون کے وزیر جناب امت شاہ جموں و کشمیر کے پہلگام میں ہوئے بس حادثے میں زخمی آئی ٹی بی پی کے بہادر جوانوں کی صحت کے بارے میں معلومات لینے آج نئی دہلی کے ایمس ٹراما سینٹر گئے۔

جناب امت شاہ نے کانسٹبل؍جی ڈی بلونت سنگھ، کانسٹبل ؍جی ڈی تسیوانگ دورجے اور کانسٹبل ؍جی ڈی ببلو کمار سے مل کر ان کی صحت کے بارے میں معلومات لی اور ان کے جلد صحت یاب ہونے کی دعا کی۔بری طرح زخمی ان جوانوں کو کل سری نگر سے خصوی ایئر ایمبولینس کے ذریعے ایمس ٹراما سینٹر لایا گیا۔

ڈاکٹروں وزیر داخلہ کو جوانوں کی صحت  صورتحال اور مستقبل میں اپنائے جانے والے طبی عمل کے بارے میں معلومات دی۔ آئی ٹی  بی پی کے اعلیٰ افسران نے بھی وزیر داخلہ کو زخمیوں کی صحت کی صورتحال سے باخبر کیا۔

16؍ اگست2022ء کو جموں و کشمیر کے پہلگام کے قریب ایک افسوسناک بس حادثے میں 7 جوانوں کی موت ہوگئی تھی، جبکہ32 زخمی ہوگئے تھے۔ بس میں سوار ہند-تبت سرحدی پولس(آئی ٹی بی پی)کے جوان امرناتھ یاترا میں کامیابی کے ساتھ حفاظتی فرائض کی انجام دہی کرکے چندن واڑی سے لوٹ رہے تھے۔زخمی جوانوں کو اُسی روز علاج کے لئے سری نگر لے جایاگیا تھا۔

بری طرح سے زخمی آئی ٹی بی پی کے تین اہلکاروں کو بہترعلاج کے لئے سری نگر سے خصوسی ایرایمبولینس کے ذریعے 19 اگست 2022ء کو نئی دہلی میں ایمس جے پی این آر ٹراما سینٹر میں منتقل کیاگیا۔

************

ش ح۔ج ق۔ن ع

(U: 9350)