য়ুমলৈ-কৈরৈ মন্ত্রালয়

কেন্দ্রগী গৃহ অমসুং কোওপরেসন মন্ত্রী শ্রী অমিত শাহনা নই দিল্লীদা ঙসি এ.আই.আই.এম.এস. ত্রোমা সেন্তরদা চত্তুনা জম্মু অমসুং কাশ্মিরগী পহলগামদা থোকখিবা বস এক্সিদেন্ততা থোক্লবা আই.তি.বি.পি. থৌনা ফরবা পার্সনেলশিংগী হকচাংগী ফিভম য়েংশিনখ্রে


শ্রী অমিত শাহনা কন্সতেবল/জি.দি. বালৱন্ত সিংহ, কন্সতেবল/জি.দি. সেৱাং দোর্জে অমসুং কন্সতেবল/জি.দি. বব্লু কুমার উন্নদুনা মখোয়গী হকচাংগী মতাংদা হংখি অমসুং অনাবা খোঙলৈ থুনা ফরসনু হায়খি

দোক্তরশিংনা গৃহ মন্ত্রীদা জৱানশিংগী হকচাংগী ফিভম অমসুং তুংদা তৌগদবা অনা লাইয়েংগী মতাংদা পাউদমখি

জম্মু কাশ্মিরগী পহলগাম ময়াদা ওগস্ত ১৬দা থোকখিবা বস এক্সিদেন্ত অদুদা জৱান তরেৎ লৈখিদ্রে অমসুং অতোপ্পা ৩২না অশোক অপন নংখি

ফিভম থীনা শোক্লবা আই.তি.বি.পি. পার্সনেল অহুম শ্রীনগরদগী এ.আই.আই.এম.এস. জে.পি.এন.এ. ত্রোমা সেন্তর, নই দিল্লীদা ওগস্ত ১৯দা অখন্নবা এয়র এম্বুলেন্স শ্রীজিন্নদুনা হেন্না খুদোংচানবা পুখি

Posted On: 20 AUG 2022 4:53PM by PIB Imphal

কেন্দ্রগী গৃহ অমসুং কোওপরেসন মন্ত্রী শ্রী অমিত শাহনা নই দিল্লীদা ঙসি এ.আই.আই.এম.এস. ত্রোমা সেন্তরদা চত্তুনা জম্মু অমসুং কাশ্মিরগী পহলগামদা থোকখিবা বস এক্সিদেন্ততা থোক্লবা আই.তি.বি.পি. থৌনা ফরবা পার্সনেলশিংগী হকচাংগী ফিভম হংখ্রে।

https://static.pib.gov.in/WriteReadData/userfiles/image/image001I6QJ.jpg

 

শ্রী অমিত শাহনা কন্সতেবল/জি.দি. বালৱন্ত সিংহ, কন্সতেবল/জি.দি. সেৱাং দোর্জে অমসুং কন্সতেবল/জি.দি. বব্লু কুমার উন্নদুনা মখোয়গী হকচাংগী মতাংদা হংখি অমসুং অনাবা খোঙলৈ থুনা ফরসনু হায়খি। ফিভম থীনা শোক্লবা আই.তি.বি.পি. পার্সনেল অহুম অসিবু শ্রীনগরদগী এ.আই.আই.এম.এস. জে.পি.এন.এ. ত্রোমা সেন্তর, নই দিল্লীদা ওগস্ত ১৯দা অখন্নবা এয়র এম্বুলেন্স শ্রীজিন্নদুনা পুখি।

https://static.pib.gov.in/WriteReadData/userfiles/image/image00227B3.jpg

দোক্তরশিংনা গৃহ মন্ত্রীদা জৱানশিংগী হকচাংগী ফিভম অমসুং তুংদা তৌগদবা অনা লাইয়েংগী মতাংদা পাউদমখি। আই.তি.বি.পি.গী মকোক থোংবা ওফিসিএলশিংনসু কেন্দ্রগী গৃহ মন্ত্রীগী মফমদা শোক্লবশিংগী হকচাংগী মতাংদা পাউদমখি।

https://static.pib.gov.in/WriteReadData/userfiles/image/image003XXAA.jpg

জম্মু কাশ্মিরগী পহলগাম ময়াদা ওগস্ত ১৬দা থোকখিবা বস এক্সিদেন্ত অদুদা জৱান তরেৎ লৈখিদ্রে অমসুং অতোপ্পা ৩২না অশোক-অপন নংখি। ইন্দো তিবেতান বোর্দর পুলিস (আই.তি.বি.পি.)গী পার্সনেলশিং অসিনা চন্দনৱারিদগী অমর্নাথ য়াত্রাগী মথৌ মায় পাক্না পাঙথোক্নরম্লবা মতুংদা বসতা হল্লকখি। অশোকপা জৱানশিং অসিবু হায়রিবা নুমিতমক্তুদা শ্রীনাগরদা লাইয়েংনবগীদমক পুখৎখি।

https://static.pib.gov.in/WriteReadData/userfiles/image/image004A67W.jpg

ফিভম থীনা শোক্লবা আই.তি.বি.পি. পার্সনেল অহুম শ্রীনগরদগী এ.আই.আই.এম.এস. জে.পি.এন.এ. ত্রোমা সেন্তর, নই দিল্লীদা ওগস্ত ১৯দা অখন্নবা এয়র এম্বুলেন্স শ্রীজিন্নদুনা হেন্না খুদোংচানবা পুখি।

***************



(Release ID: 1853329) Visitor Counter : 143