জুলাই, ২০২২গী লৌউ-শিংউগী শীন্মী অমসুং খুঙ্গঙগী শিন্মীশিংগী ওল-ইন্দিয়া কঞ্জ্যুমর প্রাইস ইন্দেক্স নম্বর (বেজ: ১৯৮৬-৮৭=১০০) পোইন্ত ৬ হেনগত্তুনা মথঙশিৎনা ১১৩১ (লিশিং অমা চাম্ম কুন্থ্রামাথোই) অমসুং ১১৪৩ (লিশিং অমা চাম্ম নিফুহুমদোই) পোইন্ততা লৈরে‍। লৌউ-শিংউগী শিন্মী অমসুং খুঙ্গঙগী শিন্মীশিংগী জেনেরেল ইন্দেক্স ৱাংখৎলক্লিবা অসিগী অচৌবা মরমদি, মরুওইনা চেঙ, গেহু-অতা, বজ্রা, পল্সেস, শঙ্গোম, ঙা অতেকপা, তিল্হৌ, মোরোক অতেকপা/অকংবা, শিং, মরূ-মরাং, মনা মশিং অমসুং উহৈ-ৱাহৈ, রেদিমেদ চা অসিনচিংবগী মমল ৱাংখৎলকপনা মরম ওইরগা চীঞ্জাক কাঙলুপ্তা মথঙশিৎনা পোইন্ত ৪.৪১ অমসুং ৪.০৭ ওইরকপসিনা ওইরি‍।

ইন্দেক্স ৱাংখৎলকপা অসি স্তেত অমগা স্তেত অমগা খেন্নরি‍। লৌউ শিংউগী শিন্মীশিংগী মতাঙদা, স্তেত ২০দা পোইন্ত ১দগী ১৩ ফাওবগী চাংদা হেনগৎলকপা থেংনরি‍। তামিল নাদুনা পোইন্ত ১৩০১ লৈদুনা ইন্দেক্স তেবলগী মকোক্তা লৈরি অদুগা হিমাচল প্রদেশনা পোইন্ত ৮৯০ লৈদুনা মমৈদা লৈরি‍।

খুঙ্গঙগী শিন্মীশিংগী মতাঙদা, স্তেত ২০দা পোইন্ত ১দগী ২০ ফাওবগী চাংদা হেনগৎলকপা থেংনরি‍। তামিল নাদুনা পোইন্ত ১২৯০ লৈদুনা ইন্দেক্স তেবলগী মকোক্তা লৈরি অদুগা হিমাচল প্রদেশনা পোইন্ত ৯৪২ লৈদুনা মমৈদা লৈরি‍।

স্তেতশিংগী মরক্তা, লৌউ-শিংউ অমসুং খুঙ্গঙগী শিন্মীশিংগী কঞ্জ্যুমর প্রাইস ইন্দেক্স নম্বর খ্বাইদগী ৱাংনা হেনগৎপসি চেঙ, মোরোক অতেকপা, মনা মশিং অমসুং উহৈ ৱাহৈনচিংবগী মমল হেনগৎলকপনা মরুওইবা মরম ওইরগা অসামদা (অনিমক্তা পোইন্ত ১৩ হেনগত্তুনা) থেংনৈ‍।

সি.পি.আই.-এ.এল. অমসুং সি.পি.আই.-আর.এল.দা য়ুম্ফম ওইবা পোইন্ত তু পোইন্ত রেৎ ওফ ইনফ্লেসন অসি জুন, ২০২২দা মথঙশিৎনা ৬.৪৩% অমসুং ৬.৭৬% লৈখিবা অমদি মমাঙ চহিগী মান্নবা থাদা ৩.৯২% অমসুং ৪.০৯% লৈখিবগা চাংদম্নবদা জুলাই, ২০২২দা মথঙশিৎনা ৬.৬০% অমসুং ৬.৮২% লৈখি‍। মতৌ অসুম্না ফুদ ইনফ্লেসনসু জুন, ২০২২দা মথঙশিৎনা ৫.০৯% অমসুং ৫.১৬% অমদি মমাঙ চহিগী মান্নবা থাদা ২.৬৬% অমসুং ২.৭৪% লৈখিবগা চাংদম্নবদা জুলাই, ২০২২দা মথঙশিৎনা ৫.৩৮% অমসুং ৫.৪৪% লৈখি‍।

ওল-ইন্দিয়া কঞ্জ্যুমর প্রাইস ইন্দেক্স (জেনেরেল অমসুং গ্রুপ-ৱাইজ):

ওগস্ত, ২০২২গী সি.পি.আই.-এ.এল. অমসুং আর.এল. সেপ্তেম্বর ২-, ২০২২দা ফোঙদোক্কনি‍।

*****