য়ুমলৈ-কৈরৈ মন্ত্রালয়
রোহিংয়া ইলিগেল ফোরেনরশিং
Posted On:
17 AUG 2022 3:16PM by PIB Imphal
মেদিয়াগী অকক্নবা শরুক খরদা আইন্না য়াদবা ফোরেনর রোহিংয়াশিংগী মতাঙদা ফোঙনরক্লিবা পাউশিংগা মরী লৈননা, হোম এফ্যার্স মন্ত্রালয় (এম.ঐচ.এ.)না রোহিংয়া ইলিগেল মাইগ্রেন্তশিংদা নই দিল্লীগী বক্করৱালাদা ই.দব্লিউ.এস. ফ্লেৎশিং পীননবা পাউতাক অমত্তা পীখিবা লৈতে হায়না শেংদোক্লি। দিল্লী লৈঙাক্না রোহিংয়াশিংবু অতোপ্পা মফম অমদা হোংদোকখিনবা ৱাফম পুখৎলকখি। এম.ঐচ.এ.না মপান থৌরম মন্ত্রালয়গী খুত্থাঙদা মরী লৈনবা লৈবাক্কা তানদুনা আইন্না য়াদবা মীরম মচাশিংবু মরমদা থিন্দোকখিনবা থৌরাং লৌখৎপা হৌখিবনা মরম ওইরগা এম.ঐচ.এ.না দিল্লী লৈঙাক্তা রোহিংয়া ইলিগেল ফোরেনরশিংবু মখোয়না হৌজিক লৈরিবা কঞ্চন কুঞ্জ, মদনপুর খাদরদা অদুমক লৈহন্নবা ৱাফম থমখি।
আইনগী মতুং ইন্না আইন্না য়াদবা মীরম মচাশিং থিন্দোকখিদ্রিফাওবা দিতেন্সন সেন্তরশিংদা থমগদবনি। দিল্লী লৈঙাক্না হৌজিক লৈরিবা মফম অসিবু দিতেন্সন সেন্তর ওইনা লাউথোকপা লৈত্রি। হায়রিবা অসিমক খুদক্তা পায়খৎনবা ৱাফম মখোয়দা খঙহনখ্রে।
***********
(Release ID: 1852714)
Visitor Counter : 187