কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়
সি.সি.পি.এ.না ফ্লিপকার্তপু কঞ্জ্যুমরশিংদা সব-স্তেন্দর্দ ওইবা প্রেসর কুকর য়োনবগীদমক ফাইন থিহনখ্রে; লুপা লাখ ১গী পেনাল্তী থিগদৌরি
ফ্লিপকার্ততা ক্বালিতী কন্ত্রোল ওর্দর ইন্দবা প্রেসর কুকর ৫৯৮ অমুক হন্না লৌখৎনবা অমদি কঞ্জ্যুমরশিংদা শেল হন্দোকখিনবা পাউতাক পীখ্রে
Posted On:
17 AUG 2022 2:17PM by PIB Imphal
সেন্ত্রেল কঞ্জ্যুমর প্রোতেক্সন ওথোরিতীনা ই-কম্মর্স প্লেতফোর্ম ‘ফ্লিপকার্ত’পু তঙাই ফদবা স্তেন্দর্দ নাথৈদুনা য়ুমদা শীজিন্ননবা প্রেসর কুকরশিং য়োনবা য়াহনবগীদমক কঞ্জ্যুমর রাইত খোঙ্গাওনবগী ওর্দর অমা পাস তৌখ্রে।
চীফ কম্মিস্নর মিস্ত্রেস নিধি খারেনা লুচিংবা সি.সি.পি.এ.না ফ্লিপকার্ত্তা মখোয়গী ফম্পাক্তা প্রেসর কুকর ৫৯৮ য়োনখিবদুগী কঞ্জ্যুমর পুম্নমক্তা খঙহন্নবা, প্রেসর কুকরশিং অদুবু অমুক হন্না লৌখৎনবা অমদি কঞ্জ্যুমরশিংদা মখোয়গী শেন্ফম হন্দোকখিনবা অমসুং নুমিৎ ৪৫নিগী মনুংদা কম্প্লাইএন্স রিপোর্ত পীখৎলক্নবা খঙহনখি। কম্পেনী অসিদা মখোয়গী ই-কম্মর্স প্লেতফোর্মদা অসিগুম্বা প্রেসর কুকরশিং য়োলহনবগী অমদি কঞ্জ্যুমরশিংগী হক খোঙ্গাওনবগীদমক লুপা ১,০০,০০০গী পেনাল্তীসু থীননবা খঙহনখি।
কেন্দ্র লৈঙাক্না, মতম মতমগী ওইনা, মীয়ামগী য়াইফনবগীদমক য়েংলগা কঞ্জ্যুমরশিংবু অশোক অপন অমসুং অ্রমাঙ অতাগী খুদোংথিবদগী ঙাকথোক্নবা পোত্থোকশিংবু স্তেন্দর্দ অমা শোয়দনা ইলহন্নবগীদমক অমদি স্তেন্দর্দ মার্ক শীজিন্ননবগীদমক ক্বালিতী কন্ত্রোল ওর্দর (ক্যু.সি.ও.) থোক্তুনা খঙহল্লি। ০১.০২.২০২১দগী চৎনবা হৌখিবা দোমেস্তিক প্রেসর কুকর (ক্বালিতী কন্ত্রোল) ওর্দরনা লমদমসিদা পুথোকপা প্রেসর কুকর পুম্নমক আই.এস. ২৩৪৭:২০১৭ ঙাক্না চৎননবা খঙহল্লি। মরম অসিনা, ০১.০২.২০২১দগী হৌরগা প্রেসর কুকর পুম্নমক আই.এস. ২৩৪৭:২০১৭ চপ চানা ইনগদবনি অমদি হায়রিবা প্রেসর কুকরশিং অসি ওন্লাইন অমদি ওফলাইন্দা য়োনবা মতমদা চেকশিনগদবনি।
‘ফ্লিপকার্ত তর্ম ওফ য়ুজ’তা পোত্থোক খুদিংমক্কী ইনভোইসতা ‘পৱার্দ বাই ফ্লিপকার্ত’ হায়বা ৱাহৈশিং শোয়দনা থাননবা অমদি তোঙান তোঙানবা খুদোংচাবশিং য়েন্থোক্নবগীদমক য়োল্লিবশিংবু গোল্দ, সিলভর অমসুং ব্রোঞ্জ হায়না খায়দোকপগী ৱাফমশিং অসিনা মখোয়গী ই-কম্মর্স প্লেতফোর্মদা প্রেসর কুকরশিং য়োনবদা ফ্লিপকার্তনা লৌরিবা থৌদাংশিং তাক্লি হায়বা ৱাফম সি.সি.পি.এ.না থম্লি।
ফ্লিপকার্তনা মখোয়গী ই-কম্মর্স প্লেতফোর্মদা অসিগুম্বা প্রেসর কুকরশিং য়োনবদা পুন্না লুপা ১,৮৪,২৬৩ তাল্লি হায়না য়াজরি। ফ্লিপকার্তনা অসিগুমবা প্রেসর কুকরশিং য়োনবদা শেন্দোং ফংবা মরম্না মখোয়না কঞ্জ্যুমরশিংদা পোৎ য়োনবগী শক্লোন অমসুং থৌদাংশিংবু নাথৈবা য়ারোই হায়না সি.সি.পি.এ.না ফোঙদোকখি।
কঞ্জ্যুমরশিংগী মরক্তা পাক শন্না খঙহন্নবা অমদি ক্বালিতীগী মরমদা ৱাখল তাহন্নবগীদমক, সি.সি.পি.এ.না কেন্দ্র লৈঙাক্না ফোঙবা ক্যু.সি.ও. খোঙ্গাওনবা হন্থবা থাক্কী অমদি শাজিন্নবা পোত্থোকশিং য়োনবা থিংননবা লৈবাক পুমবগী ওইবা কেম্পেন হৌদোকখ্রে। কেম্পেন অসিগী শরুক অমা ওইনা শকখঙলবা নুংতিগী শীজিন্নবা পোত্থোকশিংগী মরক্তা হেলমেৎ, লমদমসিগী প্রেসর কুকরশিং অমসুং কুকিং গ্যাস সিলিন্দরশিং য়াওরি। সি.সি.পি.এ.না লৈবাক শিনবা থুংবদা লৈরিবা দিস্ত্রিক্ত কল্লেক্তরশিংদা চে ইদুনা মওং চুমদবা ত্রেদ প্রেক্তিস অমদি অসিগুম্বা পোত্থোকশিং পুথোক্তুনা অমদি য়োন্দুনা কঞ্জ্যুমরশিংগী হক খোঙ্গাওনবা থিজিন্নবা অমসুং থবক পায়খৎখিবগী পাউদম থাগৎলক্নবা খঙহনখ্রে।
কেম্পেন অসিগী মখাদা, বি.আই.এস.না থি-হুমবগী থবক চত্থদুনা য়াম্লবা নন-স্তেন্দর্দ হেলমেৎ অমসুং প্রেসর কুকরশিং ফাগৎখ্রে। বি.আই.এস.না ইনফম থোকপা স্তেন্দর্দ ইন্দবা প্রেসর কুকর ১,৪৩৫ অমসুং হেলমেৎ ১,০৮৮ ফাগৎখ্রে।
সি.সি.পি.এ.না স্তেত অমসুং য়ু.তি. পুম্নমক্কী চীফ সেক্রেতরীশিংদসু আইনগী মখাদা লৌখৎপা য়াবা থবক লৌখৎনবা অমদি কঞ্জ্যুমরশিংগী ইন্তরেস্ত ঙাক্ননবা কেন্দ্র লৈঙাক্না শোয়দনা চৎননবা পাউতাক পীখিবা স্তেন্দর্দ ইলহন্নবা থবক পায়খৎনবা চে ইদুনা খঙহনখ্রে।
মখা তানা, দিরেক্তর জেনেরেল, ব্যুরো ওফ ইন্দিয়ন স্তেন্দর্দ (বি.আই.এস.)তা চে ইদুনা বি.আই.এস.গী রিজনেল ব্রাঞ্চ পুম্নমক্তা বি.আই.এস. এক্ত, ২০১৬গী ৱাফমশিংগী মখাদা শোয়দনা ইনগদবা স্তেন্দর্দশিং খোঙ্গাওনবগী থৌওংশিংগী মায়োক্তা থবক পায়খৎনবা খঙহন্নবা পাউতাক পীখ্রে।
দিপার্তমেন্ত ওফ কঞ্জ্যুমর এফ্যার্সনা অনৌবা সোর্ত কোদ ‘১৯১৫’ হৌদোকখিবদগী, কঞ্জ্যুমর মশিং হেন্না হেন্না নেস্নেল কঞ্জ্যুমর হেল্পলাইন্দা মখোয়গী ৱাকৎশিং থাঙ্গৎলক্লি। এন.সি.ঐচ.তা লাকপা ৱাকৎশিংগী মরক্তা ই-কম্মর্সগা মরী লৈনবা ৱাকৎনা মশিং খ্বায়দগী হেল্লি হায়বা ৱাফম পনবা য়াই। জুলাইন ২০২২দা, এন.সি.ঐচ.তা লাকপা ৱাকৎশিংগী মরক্তা ৩৮%দি ই-কম্মর্সকা মরী লৈনৈ। ই-কম্মর্সগী ৱাকৎশিংগী মরক্তা য়াওরিবা অচৌবা কাঙলুপশিংগী মরক্তা অশোয়বা পোত্থোক, থিখ্রবা শেন্ফম হন্দোরক্তবা, পোত্থোক য়ৌরকপদা থেঙথবনচিংবা য়াওরি।
সি.সি.পি.এ.না এক্ত অসিগী সেক্সন ১৮(২)(১)গী মখাদা সেফ্তী নোতিস থোক্তুনা কঞ্জ্যুমরশিংদা চৎনরিবা আই.এস.আই. মার্ক য়াওদবা অমদি শুকশোয় শোয়দনা ইনগদবা বি.আই.এস. স্তেন্দর্দ ইন্দবা পোৎলমশিং লৈদনবা চেকশিনৱাসু থমখ্রে। অহানবা সেফ্তী নোতিস হেলমেৎ, প্রেসর কুকর অমসুং কুকিং গ্যাস সিলিন্দরশিংগা মরী লৈননা থোকখিবনি অদুগা অনিসুবা সেফ্তী নোতিস অসিনা ইলেক্ত্রিক ইমর্সন ৱাতর হীতর, সিউইং মেচিন, মাইক্রোৱেব ওভন, য়ুমদা শীজিন্ননবা গ্যাস স্তোভ অমদি এল.পি.জি.নচিংবা য়াওনা য়ুমদা শীজিন্নগদবা পোৎলমশিংগী মতাঙদা থোকপনি।
***
(Release ID: 1852574)
Visitor Counter : 183