প্রধান মন্ত্রী শ্রী নরেন্দ্র মোদীনা জুলাই ৩০গী নুমিৎ য়ুংবা পুং ১২:৩০ তাবা মতমদা ভিদিও কনফরেন্সকী থোংদা “উজ্জ্বল ভারত উজ্জ্বল ভবিশ্য – পাৱর@২০৪৭” লোইশিনবগী গ্রান্দ ফিনালেদা শরুক য়ারগনি। থৌরম অসিদা প্রধান মন্ত্রীনা রিভেম্প দিস্ত্রিব্যুসন সেক্তর স্কিম হৌদোক্কনি। মহাক্না এন.তি.পি.সি.গী তোঙান-তোঙানবা ইনর্জী প্রোজেক্তশিং শঙ্গাগনি অমসুং উরেপ-উয়ুং তমগনি। মহাক্না নেস্নেল সোলর রুফতোপ পোর্তেলসু লোঞ্চ তৌগনি।

প্রধান মন্ত্রীগী লুচিং মখাদা সরকারানা পাৱর সেক্তরদা অনৌবা থৌশিল কয়ামরুম পাইখৎখি। রিফোর্মশিং অসিনা মীপুম খুদিংমক্তা হোংনা মৈ ফংহনবদা মীৎয়েং থম্বগা লোয়ননা সেক্তর অসিদা অওনবা পুরকখি। মমাংদা মৈ ফংঙমদবা খুঙ্গং ১৮,০০০ ইলেক্ত্রিফিকেসন তৌখিবা অসিনা সরকারনা লাস্ত মাইল আউতরীচ তৌনবা মাইকৈদা হোৎনরি অসিগী খুদম ওইখি।

পুৱারী ওইরবা থৌশিল অমদা প্রধান মন্ত্রীনা পাৱর মন্ত্রালয়গী দিস্কোমশিং অমসুং পাৱর বিভাগশিংগী ওপরেস্নেল ইফিসিএন্সীশিং অমসুং ফাইনান্সিএল সস্তেনেবিলিতী ফগৎহন্নবা পান্দম থম্মিবা ফ্লেগশিপ রিভেম্প দিস্ত্রিব্যুসন সেক্তর স্কিম হৌদোক্কনি। এফ.ৱাই ২০২১-২২দগী এফ.ৱাই. ২০২৫-২৬ ফাওবা চহি মঙাগী মতমগী ওইনা লুপা করোর লাখ ৩ হেনবগী আউতলেগা লোয়ননা স্কিম অসিনা এন্দ কঞ্জুমরশিংদা সপ্লাই তৌবগী রিলাইএবিলিতী অমসুং ক্বালিতী হেনগৎহনবদা মীৎয়েং থমদুনা দিস্ত্রিব্যুসন ইনফ্রাস্ত্রকচর মতমগা চুনবা ওইহন্নবা অমসুং মপাঙ্গল কনখৎহন্নবা দিস্কোমশিংদা শেলগী তেংবাং পীনবা পান্দম থম্মি। মসিনা স্তেৎ-সেক্তর দিস্কোম অমসুং পাৱর বিভাগ পুম্নমক্কী ওপরেস্নেল ইফিসিএন্সীশিং অমসুং ফাইনান্সিএল সস্তেনেবিলিতী হেনগৎহন্দুনা এ.তি.এন্দ সি (এগ্রিগেৎ তেক্নিকেল এন্দ কম্মর্সিএল) লোসশিং অসি পান-ইন্দিয়া লেবেলগী ১২%-১৫%দা অমসুং এ.সি.এস.-এ.আর.আর. (এভরেজ কোস্ত ওফ সপ্লাই – এভরেজ রিভেন্যু রিএলাইজ) গেপ অসি ২০২৪-২৫দা জিরোদা হন্থহন্নবা পান্দমসু থম্মি।

থৌরম অসিদা প্রধান মন্ত্রীনা লুপা করোর ৫২০০ হেনবগী এন.তি.পি.সি.গী গ্রীন ইনর্জী প্রোজেক্ত কয়ামরুম শঙ্গাগনি অমসুং উরেপ-উয়ুং তমগনি। মহাক্না তেলঙ্গানাদা এম.দবল্যু ১০০গী রামাগুন্দম ফ্লোতিং সোলর প্রোজেক্ত অমসুং কেরালাদা এম.দবল্যু, ৯২গী কয়মকুলম ফ্লোতিং সোলর প্রোজেক্ত শঙ্গাগনি। মহাক্না রাজস্থান্দা এম.দবল্যু. ৭৩৫গী নোখ সোলর প্রোজেক্ত, লেহদা গ্রীন হাইদ্রোজেন মোবিলিতী প্রোজেক্ত অমসুং গুজরাত্তা কৱাস গ্রীন হাইদ্রোজেন ব্লেন্দিং ৱিথ নেচরেল গ্যাস প্রোজেক্তকী উরেপ-উয়ুংসু তমগনি।

রামাগুন্দম প্রোজেক্ত অসি লাখ ৪.৫গী ‘মেদ ইন ইন্দিয়া’ সোলর পি.ভি. মোদ্যুলশিংনা শেম্বা ভারতকী খ্বাইদগী চাউবা ফ্লোতিং সোলর পি.ভি. প্রোজেক্তনি। কয়মকুলম প্রোজেক্ত অসি ঈশিংদা তাওবা লাখ ৩গী ‘মেদ ইন ইন্দিয়া’ সোলর পি.ভি. পেনেলশিংনা শেম্বা খ্বাইদগী চাউবদা অনিশুবা ফ্লোতিং সোলর পি.ভি. প্রোজেক্তনি।

রাজস্থানগী জৈসলমেরদা লৈবা নোখকী এম.দবল্যু. ৭৩৫গী সোলর পি.ভি. প্রোজেক্ত অসি ত্রেকর সিস্তেম য়াওবা হায়-ৱেত্তেজ বাইফেসিএল পি.ভি. মোদ্যুলশিং শীজিন্নবা সিঙ্গল লোকেসন্দা লৈবা এম.দবল্যু.পো. ১০০০ ওইবা সোলর প্রোজেক্ততা বেজ তৌবা ভারতকী ওইনা খ্বাইদগী চাউবা দোমেস্তিক কন্তেন্ত রিক্বেরমেন্ত ওইরি। লদাখকী লেহগী গ্রীন হাইদ্রোজেন মোবিলিতী প্রোজেক্ত অসি পাইলোৎ প্রোজেক্ত অমনি অমসুং মসিনা লেহগী অকোইবদা ফ্যুএল সেল বস মঙা চেলহন্নবা পান্দম থম্মি। পাইলোৎ প্রোজেক্ত অসি ভারত্তা মীয়ামগী শীজিন্ননবা ফ্যুএল সেল ইলেক্ত্রিক ভেহিকলশিং অহানবা ওইনা দিপ্লোই তৌবা তৌরগনি। এন.তি.পি.সি. কৱাস তাউনশিপকী গ্রীন হাইদ্রোজেন ব্লেন্দিং পাইলোৎ প্রোজেক্ত অসিনা নেচরেল গ্যাস শীজিন্নবা হন্থহনবদা মতেং পাংলিবা ভারতকী অহানবা গ্রীন হাইদ্রোজেন ব্লেন্দিং পাইলোৎ প্রোজেক্ত ওইরগনি।

এপ্লিকেসনশিং রেজিস্তর তৌবদগী হৌরগা রেসিদেন্সিএল কঞ্জুমরশিংগী বেঙ্ক একাউন্তশিংদা প্লান্ত ইন্সতোলেসন অমসুং ইনস্পেক্সন তৌরবা মতুংদা সবসিদী চংহনবা ফাওবা রুফতোপ সোলর প্লান্তশিং ইন্সতোল তৌবগী প্রোসেস ওনলাইন ওইনা ত্রেক তৌবা ঙমহনগদবা নেস্নেল সোলর রুফতোপ পোর্তেলসু প্রধান মন্ত্রীনা লোঞ্চ তৌগনি।

‘উজ্জ্বল ভারত উজ্জ্বল ভবিশ্য – পাৱর@২০৪৭’ অসি হৌজিক চত্থরিবা ‘আজাদী কা অমৃত মহোৎসব’কী শরুক ওইনা জুলাই ২৫দগী ৩০ ফাওবা পাঙথোক্কনি। লৈবাক শিনবা থুংবদা পাঙথোক্লিবা অসিদা হৌখিবা চহি নিপান্দা পাৱর সেক্তরদা পুরকখিবা অওনবশিং উৎলি। মসিনা সরকারগী পাৱরগা মরী লৈণবা থৌশিলশিং, স্কিমশিং অমসুং থৌরমশিংগী মরমদা এৱের্নেস পীনবা অমসুং মসিদা শরুক য়ানবা প্রজাশিংবু এম্পাৱর তৌনবা পান্দম থম্মি।

************