লৌউ-শিংউ মন্ত্রালয়
লৌউ-শিংউ অমসুং লৌমীশিংগী য়াইফ থৌরাংগী কেন্দ্র মন্ত্রীনা লৈবাক অসিদা ১১শুবা এগ্রিকলচর সেন্সস হৌদোকখ্রে
প্রধান মন্ত্রীনা লৌমীশিংগী শেন্থোক হেনগৎহন্নবা অমসুং অপীকপা লৌমীশিংবু ওর্গনাইজ তৌদুনা মখোয়বু শক্তি পীনবা মীৎয়েং থম্লি – শ্রী নরেন্দ্র সিংহ তোমর
অহানবা ওইনা, এগ্রিকলচরেল কম্প্যুতেসনশিংগী দেতা কল্লেক্সন অসি স্মার্ত ফোনশিং অমসুং তেব্লেৎশিংদা তৌরগনি
Posted On:
28 JUL 2022 4:49PM by PIB Imphal
ঙসি লৌউ-শিংউ অমসুং লৌমীশিংগী য়াইফ থৌরাংগী কেন্দ্র মন্ত্রী, শ্রী নরেন্দ্র সিংহ তোমরনা লৈবাক অসিদা তরামাথোই শুবা এগ্রিকলচর সেন্সস (২০২১-২২) হৌদোকখ্রে। থৌরম অসিদা ৱা ঙাংলদুনা শ্রী তোমরনা হায়খি মসিগী কম্প্যুতেসন অসিনা ভারতকুম্বা অচৌবা অমসুং লৌউ-শিংউগী মপাল তাংবা লৈবাক্তা চাউনা কান্নবা পুরক্কনি। শ্রী তোমরনা হায়খি প্রধান মন্ত্রী শ্রী নরেন্দ্র মোদীগী লমজিং মখাদা লৌমীশিংগী শেন্থোক হেনগৎহনবদা মীৎয়েং চংলি। মসিগী মথক্তা অপীকপা লৌমীশিংগী হিংবগী মওংদা শেমদোকপা, মখোয়ু শক্তি পীনবা ওর্গনাইজ তৌবা, রিম্যুনরেতিব ক্রোপশিংদা মখোয়গী পুক্নিং চিংশিনবা অমসুং পুথোক্লিবা পোত্থোক্কী ক্বালিতী অদু মালেমগী থাক য়ৌহনবা মথৌ তারে।
থৌরম অদিদা, শ্রী তোমরনা এগ্রিকলচর সেন্সেকীদমক নুংঙাইবা ফোঙদোকখি অমসুং মহাক্না হায়খি মদুদি প্রধান মন্ত্রী মোদীনা লৌখৎপা মরু ওইবা খোঙথাংশিংগী মহৈ লৌউ-শিংউগী সেক্তরনা ফংবা হৌরক্লি, লৈবাক অসিনা দিজিতেল এগ্রিকলচরগী মাইকৈদা খোঙজেল য়াংনা চংশিল্লি। কম্প্যুতেসন অসিদা তেক্নোলোজী মপুং ফানা শীজিন্নবগী মতম ওইরে। মহাক্না হায়খি এগ্রিকলচর সেন্সস অসি হেন্না চাউবা মীৎয়েং অমগী মখাদা খন্নবা তাই। এগ্রিকলচরেল কম্প্যুতেসনশিং অসিনা মহৈ-মরোংগী মেপ্পিং তৌবদা শরুক তমগনি মসিনা লৈবাক অসিদা কান্নবশিং ফংহনগনি। শ্রী তোমরনা কেন্দ্রগী বিভাগশিং, রাজ্য সরকারশিং অমসুং মরী লৈনবা ইন্সতিত্যুসনশিংদা মপুং ফানা কত্থোকপগা লোয়ননা সেন্সেস অসি পাঙথোক্নবা হায়খি।
থৌরম অসিদা শ্রী তোমরনা রাজ্য/য়ু.তি.শিংনা শীজিন্ননবা সেন্সসকী ওপরেস্নেল গাইদলাইনশিংগী হেন্দবুক অমা ফোঙখি, অমসুং দেতা কল্লেক্সন পোর্তেল/এপ লোঞ্চ তৌখি। লৌউ-শিংউ অমসুং লৌমীশিংগী য়াইফ-থৌরাংগী কেন্দ্রগী রাজ্য মন্ত্রী, সুশ্রি শোভা করন্দলাজে অমসুং শ্রী কাইলাশ চৌধরী, এগ্রিকলচর সেক্রেতরী, শ্রী মনোজ অহুজা, এদিস্নেল সেক্রেতরী অমসুং ফাইনান্সিএল এদভাইজর, শ্রী সঞ্জীব কুমার অমসুং রাজ্য/য়ু.তি.শিংগী মকোক থোংবা ওফিসরশিংনা শরুক য়াখি।
এগ্রিকলচর সেন্সস অসি চহি ৫ খুদিংগী পাঙথোকই, মসি কোরোনা লাইচৎনা মরম ওইদুনা থেংথখি। এগ্রিকলচর সেন্সসকী ফিল্দ ৱার্ক অসি ওগস্ত ২০২২দগী হৌগনি। এগ্রিকলচরেল সেন্সস অসি ওপরেস্নেল হোল্দিংশিংগী মশিং অমসুং এরিয়া, মখোয়গী সাইজ, ক্লাসকী মতুং ইন্না য়েন্থোকপা, লম শীজিন্নবা, তেনেন্সী অমসুং ক্রোপিং পেত্তর্ন অসিনচিংবা রিলেতিব মিনৎ লেবেলদা লৈরিবা এগ্রিকলচরেল পেরামিতর কয়া মরুমগী ই-পাউ লৌনবগী মপুং ওইবা সোর্স অমনি। মসি এগ্রিকলচরেল সেন্সসকী দেতা কল্লেক্সন স্মার্ত ফোনশিং অমসুং তেব্লেৎশিংদা তৌবা অহানবনি, মসিগী মরমদা দেতা মতম চানা ফংহন্নবনি। অয়াম্বা রাজ্যশিংনা লেন্দ রেকোর্দশিং অমসুং সর্ভেশিং দিজিতাইজ তৌখি, মসিনা এগ্রিকলচরেল সেন্সস দেতা খোঙজেল য়াংশিনহনবা ঙমগনি। দিজিতাইজ তৌরবা লেন্দ রেকোর্দশিং শীজিন্নবা অমসুং দেতা কল্লেক্সনগীদমক মোবাইল এপশিং শীজিন্নবা অসিনা লৈবাক অসিদা লৈরিবা ওপরেস্নেল হোল্দিংশিংগী দেতাবেস শেম্বা ঙমহনগনি।
তেক্নিকেল সেসন মনুংদা এগ্রিকলচর সেন্সসকী ইমপ্লিমেন্তেসন প্রোসিদ্যুর অমসুং ৱেব পোর্তেল অমসুং মোবাইল এপকী মপুং ওইবা মওং-মতৌগী মরমদা দেমোনস্ত্রেৎ তৌখি। প্রজেন্সতেসনদা উৎখিবা অনৌবা থৌশিলশিং অসিদা লেন্দ তাইতল রেকোর্দশিং অমসুং সর্ভে রিপোর্তশিংগুম্বা দিজিতেল লেন্দ রেকোর্দশিং শীজিন্নবা, স্মার্ত ফোন/তেব্লেৎশিং শীজিন্নদুনা এপ/সোফৱেয়রগী খুত্থাংদা দেতা কল্লেক্সন তৌবা, লেন্দ রেকোর্দ লৈবা রাজ্যশিংদা তৌখিবা ফেস-I মনুংদা নন-লেন্দ রেকোর্দশিংগী খুঙ্গং পুম্নমক মপুং ফানা ইন্যুমরেসন তৌবা অমসুং প্রোগ্রেস অমদি প্রোসেসিংগী রিএল তাইম মোনিতরিং তৌবা য়াওখি।
***
(Release ID: 1845916)
Visitor Counter : 184