আত্মানির্ভর ভারত অভিয়ান – ফুদ প্রোসেসিং সেক্তরদা ভোকেল ফোর লোকেলগী খোঙথাংগী শরুক অমা ওইনা ফুদ প্রোসেসিং ইন্দস্ত্রীজ মন্ত্রালয় (এম.ও.এফ.পি.আই.)না লৈবাক অসিদা মাইক্রো ফুদ প্রোসেসিং ইন্তর্প্রাইস শেমগৎনবা/অপগ্রেদ তৌনবগীদমক্তা শেল-থুম, কারবার অমসুং তেক্নিকেলগী তেংবাং পীনবগীদমক্তা কেন্দ্রনা স্পোন্সর তৌবা “পি.এম. ফোর্মেলাইজেসন ওফ মাইক্রো ফুদ প্রোসেসিং ইন্তর্প্রাইস (পি.এম.এফ.এম.ই.) স্কিম” চলায়রি। স্কিম অসিদা লুপা করোর ১০,০০০ থাদদুনা চহি মঙাগী মতম (ইং ২০২০-২১দগী ২০২৪-২৫) ফাওবা থবক তৌগনি। স্কিম অসিনা ইনপুত লৈশিনবা, কম্মন সর্ভিস ফংনবা অমসুং পোত্থোকশিং য়োন্নবগীদমক্তা ৱান দিস্ত্রিক্ত ৱান প্রদক্ত (ও.দি.ও.পি.)গী থৌওংবু মপুং ওইনা ইন্দুনা চৎকনি। মসিনা ভেল্যু চেন শেমগৎনবা অমসুং সপ্পোর্ত ইনফ্রাস্ত্রকচর মওং মরিল তাহন্নবগীদমক্তা ফ্রেমৱর্কসু পীগনি।

ইন্দস্ত্রীশিংগী এন্নুএল সর্ভে, ২০১৫-১৬ অমসুং নেস্নেল সেম্পল সর্ভে ওর্গনাইজেসন (এন.এস.এস.ও.)গী ৭৩শুবা রাউন্দ সর্ভেগী মতুং ইন্না, লৈবাক অসিদা রেজিস্তর তৌদবা/ইনকোর্পোরেত তৌদবা ফুদ প্রোসেসিং ইন্তর্প্রাইস চাউরাক্না লাখ ২৫ লৈ। রাজ্যশিংগী ওইবা রেজিস্তর তৌদবা/ইনকোর্পোরেত তৌদবা ফুদ প্রোসেসিং ইন্তর্প্রাইসকী অকুপ্পা মরোল এনেক্সর-১দা পীরি।

পি.এম.এফ.এম.ই. স্কিম অসি মাইক্রো ইন্তর্প্রাইসশিংনা থেংনরিবা শিংনবগী ৱারোইশিন পীনবা অমসুং ইন্তর্প্রাইসশিং অসিবু অপগ্রেদ তৌবা অমসুং ফোর্মেলাইজ তৌবদা শৌগৎনবা গ্রুপ অমসুং কোওপরেতিবশিংগী কান্নবা লৌবা ঙমহন্নবগীদমক্তা শেম শাবনি। স্কিম অসিনা ফুদ প্রোসেসিং ইন্দস্ত্রীগী অনওর্গনাইজ সেগমেন্ততা লৈরিবা অনৌবা অমসুং হান্নগী ইন্দিভিজুএল মাইক্রো ওন্তোপ্রিনরশিংগী মরক্তা চাংয়েংনবগী থৌওং হেনগৎহনবা সেক্তর অসিবু ফোর্মেলাইজ তৌবদা খুমাং চাউশিলহন্নবা পান্দম থম্লি। স্কিম অসিগী মখাদা মাইক্রো ফুদ প্রোসেসিং ইতর্প্রাইসশিংদা পীগদবা তেংবাংগী অকুপ্পা মরোলশিং মখাদা পীরিঃ

১) ইন্দিভিজুএল/গ্রুপ কেতগোরী মাইক্রো ইন্তর্প্রাইসশিংবু শৌগৎপা:

য়ুনিত অমদা লুপা লাখ ১০গী খ্বাইদগী চাউবা সিলিংগা লোয়নবা প্রোজেক্ততা চঙগদবা মতিক চাবা শেনফমগী @৩৫%গী ক্রেদিত লিঙ্ক কেপিতেল সবসিদী;

২) সীদ কেপিতেলগীদমক্তা এস.ঐচ.জি.দা তেংবাংবা:

এস.ঐচ.জি. ফেদেরেসন অমদা লুপা লাখ ৪গী অকক্নবা (খ্বাইদগী য়াম্বা শেনফম) লৈদুনা ৱর্কিং কেপিতেল অমসুং অপীকপা খুৎলায় লৈনবা ফুদ প্রোসেসিংগী শরুক ওইরিবা এস.ঐচ.জি.গী মেম্বর অমদা লুপা ৪০,০০০গী সীদ কেপিতেল পীবা;

৩) কম্মন ইনফ্রাস্ত্রকচরগী তেংবাংবা:

কম্মন ইনফ্রাস্ত্রকচর শেমগৎপগীদমক্তা এফ.পি.ও., এস.ঐচ.জি., কোওপরেতিব অমসুং সরকারগী এজেন্সী অমা হেক্তদা লুপা করোর ৩ ফাওবগী খ্বাইদগী য়াম্বা তেংবাংগী @৩৫%গী ক্রেদিত লিঙ্ক কেপিতেল সবসিদী পীবা। কেপাসিতী অসিগী মশক থোকপা শরুক খরবু হাইয়রিং বেসিস্তা শিজিন্নবগীদমক্তা ইনফ্রাস্ত্রকচর অসি অতোপ্পা য়ুনিত অমসুং মীয়ামগীদমক্তসু ফংগনি।

৪) ব্রান্দিং অমসুং মার্কেতিংগী তেংবাং:

এফ.পি.ও., এস.ঐচ.জি., কোওপরেতিব অমসুং মাইক্রো ফুদ প্রোসেসিং ইন্তর্প্রাইসকী এস.পি.ভি. অমদা ব্রান্দিং অমসুং মার্কেতিংগীদমক্তা ৫০% ফাওবগী গ্রান্ত পীবা।

৫) কেপাসিতী বিলদিং তৌবা:

স্কিম অসিনা ওন্তোপ্রিনর্শিপ দিভেলপমেন্ত স্কিলিং (ই.দি.পি+) - ফুদ প্রোসেসিং ইন্দস্ত্রী অমসুং পোত্থোক অমগীদমক্তা লৈগদবা অকক্নবা স্কিলগী তঙাই ফদবশিং পীবা ঙম্নবা শেমদোক্লবা প্রোগ্রাম অমগী ত্রেনিং পীবগী পান্দম থম্লি ।

মাইক্রো ফুদ প্রোসেসিং ইন্তর্প্রাইসশিংগী তেক্নিকেল অপগ্রেদ অমসুং ফোর্মেলাইজ তৌবগীদমক্তা কেপাসিতী বিলদিং অমসুং ত্রেনিং পাংথোকপসিনা স্কিম অসিগী মরু ওইবা হীরম অমনি। কেপাসিতী বিলদিংগী অহেনবা মিৎয়েং চঙবা হীরমশিংদি ওন্তোপ্রিনরশিপ দিভেলপমেন্ত, ফুদ সেফতী অমসুং স্তেন্দর্দ ওথোরিতী ওফ ইন্দিয়া (এফ.এস.এস.এ.আই.)গী স্তেন্দরকী কাঙলোন ইনবা অমসুং জেনেরেল হাইজীন অমদি অতোপ্পা স্তেত্যুতরী কমপ্লাইএন্সশিংনি। হায়রিবা কমপ্লাইএন্সশিং অসি নীংথিনা ইলহন্নবগীদমক্তা মাইক্রো ফুদ প্রোসেসিং ইন্দস্ত্রীশিংবু খুৎ পায়দুনা লমজিংনবগীদমক্তা দিস্ত্রিক্ত রিসোর্স পর্সন (দি.আর.পি.)শিংদা থৌদাং শিন্নখ্রে।

এনেক্সর

লৈবাক্কী রাজ্যশিংগী ওইবা রেজিস্তর তৌদবা/ইনকোর্পোরেত তৌদবা ফুদ প্রোসেসিং ইন্তর্প্রাইসকী অকুপ্পা মরোল

ৱাফম অসি ফুদ প্রোসেসিং ইন্দস্ত্রীজ মন্ত্রালয়গী রাজ্য মন্ত্রী, শ্রী প্রহলাদ সিংহনা ঙসি লোক সভাদা অইবা পাউখুম ওইনা পীখিবনি।

*****