ਪ੍ਰਧਾਨ ਮੰਤਰੀ ਦਫਤਰ
ਪ੍ਰਧਾਨ ਮੰਤਰੀ ਨੇ ਸੁਤੰਤਰਤਾ ਸੈਨਾਨੀਆਂ, ਲੋਕਮਾਨਯ ਤਿਲਕ ਅਤੇ ਚੰਦਰ ਸ਼ੇਖਰ ਆਜ਼ਾਦ ਨੂੰ ਉਨ੍ਹਾਂ ਦੀ ਜਯੰਤੀ 'ਤੇ ਸ਼ਰਧਾਂਜਲੀਆਂ ਦਿੱਤੀਆਂ
Posted On:
23 JUL 2022 9:41AM by PIB Chandigarh
ਪ੍ਰਧਾਨ ਮੰਤਰੀ, ਸ਼੍ਰੀ ਨਰੇਂਦਰ ਮੋਦੀ ਨੇ ਸੁਤੰਤਰਤਾ ਸੈਨਾਨੀਆਂ, ਲੋਕਮਾਨਯ ਤਿਲਕ ਅਤੇ ਚੰਦਰ ਸ਼ੇਖਰ ਆਜ਼ਾਦ ਨੂੰ ਉਨ੍ਹਾਂ ਦੀ ਜਯੰਤੀ 'ਤੇ ਸ਼ਰਧਾਂਜਲੀਆਂ ਦਿੱਤੀਆਂ ਹਨ। ਸ਼੍ਰੀ ਮੋਦੀ ਨੇ 'ਮਨ ਕੀ ਬਾਤ' ਦਾ ਇੱਕ ਅੰਸ਼ ਵੀ ਸਾਂਝਾ ਕੀਤਾ ਹੈ, ਜਿਸ ਵਿੱਚ ਉਨ੍ਹਾਂ ਨੇ ਕੁਝ ਸਾਲ ਪਹਿਲਾਂ ਲੋਕਮਾਨਯ ਤਿਲਕ ਅਤੇ ਚੰਦਰ ਸ਼ੇਖਰ ਆਜ਼ਾਦ ਬਾਰੇ ਚਰਚਾ ਕੀਤੀ ਸੀ। ਉਨ੍ਹਾਂ ਨੇ ਆਪਣੇ ਮੁੰਬਈ ਦੌਰਿਆਂ ਦੀਆਂ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ ਹਨ, ਜਦੋਂ ਉਹ ਲੋਕਮਾਨਯ ਸੇਵਾ ਸੰਘ ਗਏ ਸਨ, ਜਿਸ ਦਾ ਲੋਕਮਾਨਯ ਤਿਲਕ ਦੇ ਨਾਲ ਨਜ਼ਦੀਕੀ ਸਬੰਧ ਹੈ।
ਟਵੀਟਾਂ ਦੀ ਇੱਕ ਲੜੀ ਵਿੱਚ, ਪ੍ਰਧਾਨ ਮੰਤਰੀ ਨੇ ਕਿਹਾ;
"ਮੈਂ ਮਾਂ ਭਾਰਤੀ ਦੇ ਦੋ ਮਹਾਨ ਸਪੂਤਾਂ ਲੋਕਮਾਨਯ ਤਿਲਕ ਅਤੇ ਚੰਦਰ ਸ਼ੇਖਰ ਆਜ਼ਾਦ ਨੂੰ ਉਨ੍ਹਾਂ ਦੀ ਜਯੰਤੀ 'ਤੇ ਨਮਨ ਕਰਦਾ ਹਾਂ। ਇਹ ਦੋਨੋਂ ਮਹਾਨ ਸ਼ਖ਼ਸੀਅਤਾਂ ਸਾਹਸ ਅਤੇ ਦੇਸ਼ ਭਗਤੀ ਦੀਆਂ ਪ੍ਰਤੀਕ ਹਨ। ਕੁਝ ਸਾਲ ਪਹਿਲਾਂ 'ਮਨ ਕੀ ਬਾਤ' ਵਿੱਚ ਮੈਂ ਉਨ੍ਹਾਂ ਬਾਰੇ ਜੋ ਕਿਹਾ ਸੀ, ਉਹ ਸਾਂਝਾ ਕਰ ਰਿਹਾ ਹਾਂ।"
"ਲੋਕਮਾਨਯ ਤਿਲਕ ਦੀਆਂ ਸਥਾਈ ਵਿਰਾਸਤਾਂ ਵਿੱਚੋਂ ਇੱਕ, ਬੜੇ ਪੈਮਾਨੇ ‘ਤੇ ਗਣੇਸ਼ ਉਤਸਵ ਦਾ ਆਯੋਜਨ ਹੈ, ਜਿਸ ਨੇ ਲੋਕਾਂ ਦੇ ਦਰਮਿਆਨ ਸੱਭਿਆਚਾਰਕ ਚੇਤਨਾ ਦੀ ਭਾਵਨਾ ਨੂੰ ਪ੍ਰਜਵਲਿਤ ਕੀਤਾ। ਆਪਣੇ ਇੱਕ ਮੁੰਬਈ ਦੌਰੇ ਦੇ ਦੌਰਾਨ, ਮੈਂ ਲੋਕਮਾਨਯ ਸੇਵਾ ਸੰਘ ਗਿਆ ਸੀ, ਜਿਸ ਦਾ ਲੋਕਮਾਨਯ ਤਿਲਕ ਦੇ ਨਾਲ ਨਜ਼ਦੀਕੀ ਸਬੰਧ ਹੈ।"
*****
ਡੀਐੱਸ/ਐੱਸਟੀ
(Release ID: 1844256)
Visitor Counter : 162
Read this release in:
English
,
Urdu
,
Hindi
,
Marathi
,
Assamese
,
Manipuri
,
Bengali
,
Gujarati
,
Odia
,
Tamil
,
Telugu
,
Kannada
,
Malayalam