সরকারগী কোবিদ ভেক্সিনেসন সেন্তরশিং (সি.ভি.সি.শিং)দা মীয়াই চল্লবা (চহি ১৮ অমসুং মথক) ইলিজিবল পোপুলেসন পুম্নমক্তা লেম্না প্রিকোসন দোজ কাপ্নবগীদমক হয়েং (জুলাই ১৫, ২০২২)দগী নুমিৎ ৭৫ – ‘কোবিদ ভেক্সিনেসন অমৃত মহোৎসব’ হৌরগনি। ‘মিসন মোদ’তা ইমপ্লিমেন্ত তৌরিবা অখন্নবা কোবিদ ভেক্সিনেসন দ্রাইব অসি আজাদী কা অমৃত মহোৎসব পালন তৌবগী শরুক অমনি। অখন্নবা দ্রাইব অসিনা ইলিজিবল ওইবা মীয়াই চল্লবাআ পোপুলেসনগী মরক্তা কোবিদ ভেক্সিনেসনগী প্রিকোসন দোজ কাপ্পা হেনগৎহন্নবা পান্দম থম্মি।

কেন্দ্রগী হেল্থ সেক্রেতরী, শ্রী রাজেশ ভুশন্না ঙসি ময়াই তাংবল লৌদুনা রাজ্য/য়ু.তি.গী হেল্থ সেক্রেতরীশিং অমসুং এন.ঐচ.এম.গী এম.দি.শিংগা পাঙথোকখিবা ভর্চুএল মীফম অমদা রাজ্যশিং অমসুং য়ু.তিশিংদা ইলিজিবল বেনিফিসরী পুম্নমক ভেক্সিন কাপতুনা অমসুং মখোয় পুম্নমক প্রিকোসন দোজ কাপতুনা কোবিদ১৯ ভেক্সিনেসনগী কবরেজ মপুং ফাহন্নবা মাইকৈদা অকনবা শাহৌ পীনবা হায়খ্রে।

কেন্দ্রগী হকশেল সেক্রেতরীনা থমখি মদুদি চহি ১৮ অমসুং মথক (৮০%) অমসুং চহি ৬০ অমসুং মথক (২৭%) হায়রিবা মীওই কাংলুপশিংনা প্রিকোসন দোস কাপ্পগী চাং হন্থরক্লিবা অসি নুংনাংবা পোক্নীংঙাই ওই। ভারত সরকারনা চহি ১৮ অমসুং মথক্কী মীওইশিংদা সরকারগী কোবিদ ভেক্সিনেসন সেন্তর পুম্নমক্তা লেম্না প্রিকোসন দোস কাপ্নবগীদমক অখন্নবা দ্রাইব ‘কোবিদ ভেক্সিনেসন অমৃত মহোৎসব’ লাউথোকখ্রে। মসি নুমিৎ ৭৫নি, জুলাই ১৫দগী হৌরগনি সেপ্তেমজবর ৩০, ২০২২ ফাওবা চত্থগনি। প্রিকোসন দোসকী ইলিজিবল ওইবা মীওইশিংদা ২শুবা দোক কাপখিবা তাংদগী থা ৬ ( নত্ত্রগা চয়োল২৬) ফাখ্রবা চহি ≥১৮গী মীওইশিং য়াওরি। 

রাজ্যশিং/য়ু.তি.শিংদা কেম্প এপ্রোচ অমগী খুত্থাংদা চাউনা মাস মোবিলাইজেসন তৌবগা লোয়ননা ‘জন ভাগীদারী’ ওইনা নুমিৎ ৭৫নি ‘কোবিদ ভেক্সিনেসন অমৃত মহোৎসব’ ইমপ্লিমেন্ত তৌনবা হায়খ্রে। মখোয়দা চার ধাম য়াত্রা (উত্তরাখন্দ), অমরনাথ য়াত্রা (জম্মু অমসুং কাশ্মির), কানৱর য়াত্রা (অৱাং ভারতকী রাজ্য/য়ু.তি পুম্নমক্তা) হায়রিবশিং অসিগী লম্বেলশিংদা লোয়ননা অচৌবা মেলাশিং অমসুং লাইনীং-লাইশোনগীদমক মীয়াম পুনবদা অখন্নবা ভেক্সিনেসন কেম্পশিং পাঙথোক্নবা পাউতাক পীখ্রে। কেন্দ্রগী হকশেল সেক্রেতরীনা রাজ্যশিং/য়ু.তি.শিংদা অচৌবা ওফিস কমপ্লেক্সশিং (পব্লিক অমসুং প্রাইবেৎ), ইন্দস্ত্রিএল এস্তাব্লিশমেন্তশিং, রেলৱে স্তেসনশিং, ইন্তর-স্তেৎ বস স্তেসনশিং, স্কুলশিং অমসুং কোলেজ অসিনচিংবদা অখন্নবা ৱার্কপ্লেস ভেক্সিনেসন কেম্পশিং চত্থনবা পাউতাকশিং পীখ্রে। অসিগুম্বা অখন্নবা ভেক্সিনেসন কেম্প পুম্নমক্তা ভেক্সিনেসন অসি কোৱিনগী খুত্থাংদা শোইদনা তৌগদবনি অমসুং ভেক্সিনেসন সর্তিফিকেৎ পীগদবনি। থৌশিল অসি মাইপাক্না ইমপ্লিমেন্ত তৌনবগীদমক অমসুং ইলিজিবল ওইবা মীওইশিং প্রিকোসন দোস কাপতুনা কবর তৌনবগীদমক অচৌবা জিলা/ব্লোক/সি.ভি.সি. অমমমগী ওইনা সেসন প্লানশিং শেম্বা তঙাই ফদে। রাজ্যশিং/য়ু.তি.শিংদা থৌশিল অসিগী মতাংদা প্রিন্ত, ইলেক্ত্রোনিক, সোসিএল অমসুং মাস মীদিয়দা মাংজৌননা পাকশন্না পব্লিসিতী তৌনবসু পাউতাক পীখি। রাজ্যগী হেল্থ সেক্রেতরীশিংদা রাজ্যগী থাক্তা মসিগী খোঙজেল চাং নাইনা চয়োলগী ওইনা য়েংশিন্নবসু খঙহনখি।

রাজ্যশিং/য়ু.তি.শিংদা হৌজিক ফংলিবা কোবিদ ভেক্সিন দোসশিং অসি মতম চানা শীজিন্ননবা অমসুং সরকার অমদি লনাইগী ফেসিলিতী অনিমক্তা দোজ অমত্তা মতম হেনবগী থৌওং থোক্তনবা পাউতাক পীখি। কোবিদ ভেক্সিন অসি মমল য়াম্লবা জাতিগী রিসোর্স অমনি হায়না ফোঙদোক্লদুনা রাজ্যশিংদা লৈরিবা ইলিজিবল ওইবা মীওই কাংলুপশিংগী মতুং ইন্না নুমিৎ ৭৫নিগী অখন্নবা দ্রাইবতা মথৌ তাবা অদু খঙদোক্নবা অমসুং কেন্দ্রদা খঙহল্লক্নবা হায়খ্রে। মসিনা কেন্দ্রগী হকশেল মন্ত্রালয়না রাজ্যশিং/য়ু.তি.শিংগী মথৌ তাবা অদু থুংহন্নবা দোজ মরাং কাইনা ফংহনবা ঙমগনি। ফর্স্ত এক্সপায়রী, ফর্স্ত আউত হায়বা প্রিন্সিপল অসিনা কোবিদ ভেক্সিনেসন অসি মখা তানা লমজিংগদবনি।

****