অয়ুশমান ভারত দিজিতেল মিসন (এ.বি.দি.এম.)গী হেল্থ ফেসিলিতী রেজিস্ত্রী (ঐচ.এফ.আর.)দা সরকার অমসুং লন্নাইগী হেল্থ কেয়র ফেসিলিতী লাখ অমা হেন্না মায় পাক্না হাপখ্রে। মসিগুম্বা পুৱারী ওইবা মায় পাকপসিনা লৈবাক শিনবা থুংবদা দিজিতেল হেল্থ প্লেতফোর্ম অমসুং সর্ভিস হেন্না শিজিন্নবগী লম্বী য়াৎলে।

এ.বি.দি.এম. হায়বসি নেস্নেল হেল্থ ওথোরোতী (এন.ঐচ.এ.)না চলায়বা সরকারগী ফ্লেগশিপ স্কিম্নি। এ.বি.দি.এম.গী মখাদা হৌজিক শেম্লিবা হেল্থ ফেসিলিতী রেজিস্ত্রী অসি হিদাক লাংথক্কী মোদর্ন অমসুং ত্রেদেস্নেল সীস্তেমগী মনুং চনবা লৈবাক শিনবা থুংবদা লৈবদা হেল্থ ফেসিলিতীশিংগী পাক চাউরবা রিপোজিতরী অমনি। মসিদা হোস্পিতাল, ক্লিনিক, দাগ্নোস্তিক লেবোরেতরী অমসুং ইমেজিং সেন্তর কয়া য়াওনা পব্লিক অমসুং প্রাইভেত হেল্থ ফেসিলিতী খুদিংমক য়াওরি।

এ.বি.দি.এম.না দিজিতেল হেল্থকেয়র ইকোসীস্তেম মনুংদা ইন্তর-ওপরেবিলিতী পাংথোকপা য়াহনগদবা মওং-মরিল নাইরবা ওনলাইন প্লেতফোর্ম অমা পীবগী পান্দম থম্লি। এ.বি.দি.এম.না স্তেকহোলদর পুম্নমক – হেল্থ ফেসিলিতী, অনাবা অমসুং হেল্থকেয়র প্রোফেস্নেলশিং খুদিংদা মওং-মরিল নাইবা দিজিতেল হেল্থকেয়র এক্সপেরিএন্স অমা পীনবা বিলদিং ব্লোক অমসুং এ.পিপ.আই. (এপ্লিকেসন প্রোগ্রাম্মিং ইন্তর্ফেস) শেম্লে। মসিগী মরু ওইবা বিলদিং ব্লোক অমদি হেল্থ ফেসিলিতী রেজিস্ত্রী অসিনি।

ঐচ.এফ.আর.গী মশক থোকপা থৌওংগী মতাংদা শন্দোক্না তাক্লদুনা, এন.ঐচ.এ.গী সি.ই.ও., দাঃ আর.এস. শর্মনা হায়খি, “ঐখোয়গী পান্দমদি অনাবশিংনা লৈবাক শিনবা থুংবদা লৈবা রেজিস্তর তৌরবা হেল্থকেয়র প্রোফেস্নেল অমসুং হেল্থ ফেসিলিতীগী অকুপ্পা মরোলশিং লায়না ফংবা য়াবা থাজনীংঙাই ওইরবা নেস্নেল প্লেতফোর্ম অমা শেম্বনি। নেস্নেল রেজিস্ত্রী অসিগী শরুক অমা হৌজিক ওইরবা পব্লিক অমসুং প্রাইভেত সেক্তর হেল্থ ফেসিলিতী কয়ানা থৱাই য়াওনা শরুক য়াবগী থৌওং ঐখোয়না উবা ফংলি। অনাবশিংনা মোদর্ন মেদিসিন (এলোপেথিক), অয়ুর্বেদ, দেন্তিস্ত্রী, হোমিওপেথী, ফিজিওথেরাপী, উনানী, সিদ্ধ নত্ত্রগা সোৱা রিগপাগুম্বা হিদাক লাংথক্কী তোঙানবা পথাপশিংদা রেজিস্তর তৌরবা ফেসিলিতী কয়া এ.বি.দি.এম. নেতৱর্ক্তগী লায়না থিবা য়ারগনি। মান্নবা থৌওং অমা ওইনা, ঐখোয়দা অনাবশিংগী এ.বি.ঐচ.এ. নম্বর অমসুং দাক্তর, নর্স অমসুং পেরামিদিকশিংগী হেল্থেকেয়র প্রোফেস্নেল রেজিস্ত্রী (ঐচ.পিপ.আর.) লৈরি। মসিগী নেস্নেল রেজিস্ত্রীশিং অসিনা মীয়াম খুদিংদা ক্বালিতী হেল্থকেয়রবু লায়না অমসুং শেল চঙদনা ফংহনবা ঙমগনি”।

ঐচ.এফ.আর.দা রেজিস্তর তৌবনা থাজনীংঙাই ওইরবা নেস্নেল প্লেতফোর্ম অসিদা হেল্থ ফেসিলিতী কয়াগী মমিং চলহন্দুনা থোকহনবা য়াহনগনি অমসুং হেল্থ ফেসিলিতীশিংনা এ.বি.দি.এম. কমপ্লাইএন্ত সোফৱেয়র সোল্যুসনগী খুত্থাংদা ভারতকী দিজিতেল হেল্থ ইকোসীস্তেমগা শম্নবা য়াহনগনি। য়াম্না থুনা হৌদোক্লগদবা য়ুনিফাইদ হেল্থ ইন্তর্ফেসকী খুত্থাংদা মসিনা হেল্থকেয়র সর্ভিস থিরিবা অনাবশিংগী মফমদা হেল্থ ফেসিলিতী থিদোকপদা হেন্না লায়থোকহনগনি। ফেসিলিতীশিংনা ৱেবসাইত, https://facility.abdm.gov.in/ নত্ত্রগা হেল্থ তেক প্লেয়রগুম্বা তোঙানবা ইন্তিগ্রেতরশিংগী খুত্থাংদা রেজিস্তর তৌবা য়াগনি।  

অচুম-অরান নীংথিনা খঙদোক্লবা ফেসিলিতীশিংগী মরক্তা, চাউরাকপা ৯৭%তি সরকারগী সেক্তরগীনি। ভেরিফাই তৌরবা খ্বাইদগী য়াম্বা হেল্থ ফেসিলিতীশিং অসি উত্তর প্রদেশ, আন্ধ্র প্রদেশ, মহারাস্ত্রা, বিহার, মধ্য প্রদেশ, নোংচুপ বেঙ্গোল, ছতিসগর অমসুং অসমদা লৈ। মপু, হিদাক লাংথক্কী পথাপ অমসুং রাজ্য/য়ু.তি.শিংগী পর্ফোরমেন্সতা য়ুম্ফম ওইদুনা ঐচ.এফ.আর.দা ভেরিফাই/রেজিস্তর তৌরবা ফেসিলিতীশিংগী অহেনবা অকুপ্পা মরোলশিং এ.বি.দি.এম.গী পব্লিক দেশবোর্দ https://dashboard.abdm.gov.in/abdm/ তগী খঙবা য়াগনি। চার্তশিং অসিনা নেস্নেল লেভেল রেজিস্ত্রী অসিগী নোংমগী, থাগী অমসুং অপুনবা মতমগী মায় পাকপগী চাং তাক্লি।

রেজিস্ত্রী অসিদা য়াওরিবা হেল্থ ফেসিলিতী খুদিংগী তোপ-তোপ্পা শক্তাক লৈ অমসুং মসিনা এ.বি.দি.এম. ইকোসীস্তেমদা ফেসিলিতী অসিগী মফম তাক্নবা অমসুং লৈবাক্কী প্রাইভেত অমসুং ব্লিক হেল্থ ফেসিলিতী পুম্নমক্কী মপুং ওইবা দেতাসু পীরি। মসিগুম্বা তোপ-তোপ্পা শক্তাক অসিবু ফেসিলিতী মশক খঙদোক্নবা, ৱারোল লৌথোক্নবা অমসুং তঙাই ফদবগী মখা পোন্না ফেসিলিতী দেতা শিজিন্ননবা এ.বি.দি.এম. পমপ্লিএন্ত সোফৱেয়র সোল্যুসনগুম্বা অতোপ্পা এন্ত্রীশিংনা শিজিন্নবসু য়াগনি (অয়াবা পীবগী মখা পোন্না)।

****