మానవ వనరుల అభివృద్ధి మంత్రిత్వ శాఖ
ఎన్ఈపీ అమలుపై అఖిల భారతీయ శిక్షా సమాగాన్ని రేపు వారణాసిలో ప్రధాని ప్రారంభిస్తారు.
ఎన్ఈపీ 2020 కింద అనేక కార్యక్రమాలను విజయవంతంగా అమలు చేసిన తర్వాత 300 మందికి పైగా వైస్ ఛాన్సలర్లు,హెచ్‌ఈఐ డైరెక్టర్లు, విద్యావేత్తలు దీనిని ఎలా ముందుకు తీసుకెళ్లాలనే దానిపై చర్చించారు.
ఉన్నత విద్య కోసం భారతదేశ విస్తారిత మరియు పునరుద్ధరించబడిన నిబద్ధతపై వారణాసి ప్రకటనను ఆమోదించడానికి శిఖరాగ్ర సమావేశం
Posted On:
06 JUL 2022 10:37AM by PIB Hyderabad
ప్రధాన మంత్రి శ్రీ నరేంద్ర మోదీ రేపు వారణాసిలో మూడు రోజుల అఖిల భారతీయ శిక్షా సమాగాన్ని ప్రారంభించనున్నారు. యూనివర్శిటీ గ్రాంట్స్ కమిషన్ మరియు బనారస్ హిందూ యూనివర్శిటీతో కలిసి విద్యా మంత్రిత్వ శాఖ నిర్వహించే ఈ మూడు రోజుల సెమినార్‌లలో ప్రభుత్వ మరియు ప్రైవేట్ విశ్వవిద్యాలయాల నుండి 300 మంది వైస్ ఛాన్సలర్లు మరియు డైరెక్టర్లు, విద్యావేత్తలు, విధాన రూపకర్తలు మరియు పరిశ్రమల ప్రతినిధులు పాల్గొంటారు. గత రెండేళ్లలో అనేక కార్యక్రమాలను విజయవంతంగా అమలు చేసిన తర్వాత జాతీయ విద్యా విధానం 2020 అమలును దేశవ్యాప్తంగా మరింత ముందుకు తీసుకెళ్లనున్నారు. ఉత్తరప్రదేశ్ గవర్నర్ శ్రీమతి ఆనందీబెన్ పటేల్, ఉత్తరప్రదేశ్ ముఖ్యమంత్రి యోగి ఆదిత్యనాథ్, కేంద్ర విద్యాశాఖ మంత్రి శ్రీ ధర్మేంద్ర ప్రధాన్ కూడా సమావేశానికి హాజరుకానున్నారు.
జాతీయ విద్యా విధానం 2020ని అమలు చేయడంలో వ్యూహాలు, విజయగాథలు మరియు ఉత్తమ అభ్యాసాలపై చర్చించడానికి అలాగే ఆలోచనలను పంచుకోవడానికి ప్రముఖ భారతీయ ఉన్నత విద్యా సంస్థలకు (హెచ్‌ఈఐలు) ఈ సమ్మిట్ వేదికను అందిస్తుంది. అకడమిక్ బ్యాంక్ ఆఫ్ క్రెడిట్, మల్టిపుల్ ఎంట్రీ ఎగ్జిట్, బహుళ క్రమశిక్షణ మరియు ఉన్నత విద్యలో ఫ్లెక్సిబిలిటీ వంటి అనేక విధాన కార్యక్రమాలలో ఆన్‌లైన్ మరియు ఓపెన్ డిస్టెన్స్ లెర్నింగ్‌ను పెంచడానికి ఉద్దేశించిన నిబంధనలు, జాతీయ కరికులం ఫ్రేమ్‌వర్క్‌ను మరింతగా ప్రపంచ ప్రమాణాలతో సమకాలీకరించడానికి, బహుళ భాషలను ప్రోత్సహించడానికి మరియు భారతీయ నాలెడ్జ్ సిస్టమ్స్ మరియు విద్యా పాఠ్యాంశాల్లో ఒక భాగంగా చేయడం, నైపుణ్య విద్యను ప్రధాన స్రవంతి చేయడం, జీవితకాల అభ్యాసాన్ని ప్రోత్సహించడం వంటి ఆంశాలను యూజీఎసీ,ఏఐసీటీఈతో పాటు మంత్రిత్వ శాఖ తీసుకువచ్చింది. అనేక విశ్వవిద్యాలయాలు ఇప్పటికే సంస్కరణలను ప్రారంభించాయి. అలాగే ఈ మార్పులను స్వీకరించడానికి మరియు అమలు చేయడానికి ఇంకా చాలా మంది ఆసక్తితో ఉన్నారు. దేశంలోని ఉన్నత విద్యా పర్యావరణ వ్యవస్థ కేంద్రం, రాష్ట్రాలు మరియు ప్రైవేట్ సంస్థలలో విస్తరించి ఉన్నందున పాలసీ అమలునమరింత ముందుకు తీసుకెళ్లడానికి విస్తృతమైన సంప్రదింపులు అవసరం. ప్రాంతీయ, జాతీయ స్థాయిలో ఈ సంప్రదింపుల ప్రక్రియ కొనసాగుతోంది. గత నెలలో హిమాచల్ ప్రదేశ్‌లోని ధర్మశాలలో జరిగిన ముఖ్య కార్యదర్శుల సెమినార్‌లో గౌరవనీయులైన ప్రధాన మంత్రి ప్రసంగించారు, ఈ అంశంపై రాష్ట్రాలు తమ ఆలోచనలను పంచుకున్నాయి. ఈ విషయంలో సంప్రదింపుల పరంపరలో వారణాసి శిక్షా సమాగం తర్వాతి స్థానంలో ఉంది.
జులై 7 నుండి 9వ తేదీ వరకు మూడు రోజుల పాటు జరిగే అనేక సెషన్‌లలో మల్టీడిసిప్లినరీ మరియు హోలిస్టిక్ ఎడ్యుకేషన్, స్కిల్ డెవలప్‌మెంట్ అండ్ ఎంప్లాయబిలిటీ, ఇండియన్ నాలెడ్జ్ సిస్టమ్స్, ఇంటర్నేషనల్ ఆఫ్ ఎడ్యుకేషన్, డిజిటల్ ఎంపవర్‌మెంట్ మరియు ఆన్‌లైన్ ఎడ్యుకేషన్, రీసెర్చ్, ఇన్నోవేషన్ ఎంటర్‌ప్రెన్యూర్‌షిప్, క్వాలిటీ, ర్యాంకింగ్ మరియు అక్రిడిటేషన్, ఈక్విటబుల్ అండ్ ఇన్‌క్లూజివ్ ఎడ్యుకేషన్, నాణ్యమైన విద్య కోసం ఉపాధ్యాయుల సామర్థ్యాన్ని పెంపొందించడం వంటి అంశాలపై చర్చలు జరుగుతాయి.
భవిష్యత్తు కార్యక్రమాలకు రోడ్‌మ్యాప్ మరియు అమలు వ్యూహాలను అందించడం, జ్ఞాన మార్పిడిని పెంపొందించడం, ఇంటర్ డిసిప్లినరీ చర్చల ద్వారా నెట్‌వర్క్‌లను నిర్మించడం మరియు విద్యా సంస్థలు ఎదుర్కొంటున్న సవాళ్లను చర్చించడం మరియు పరిష్కారాలను వివరించడం వంటి ఆంశాలకు ఈ సదస్సు ఆలోచనాత్మక చర్చలకు వేదికను అందిస్తుంది.
అఖిల భారతీయ శిక్షా సమాగం ముఖ్యాంశం ఉన్నత విద్యపై వారణాసి డిక్లరేషన్‌ను స్వీకరించడం, ఇది భారతదేశ విస్తృత దృష్టిని మరియు ఉన్నత విద్యా వ్యవస్థ యొక్క లక్ష్యాలను సాధించడంలో సహాయపడే నూతన నిబద్ధతను ప్రదర్శిస్తుంది.
****
(Release ID: 1839558)
Visitor Counter : 171