ମହାମହିମଗଣ

ବୈଶ୍ୱିକ ଅଶାନ୍ତ ବାତାବରଣ ମଧ୍ୟରେ ଆମେ ବୈଠକରେ ମିଳିତ ହୋଇଛି । ଭାରତ ସବୁବେଳେ ଶାନ୍ତି ସପକ୍ଷରେ ରହିଆସିଛି । ବର୍ତ୍ତମାନ ପରିସ୍ଥିତିରେ ମଧ୍ୟ ଆମେ ବରାବର କଥାବାର୍ତ୍ତା ଓ କୂଟନୈତିକ ରାସ୍ତା ଅନୁସରଣ ପାଇଁ ନିବେଦନ କରୁଛୁ । ଏହି ଭୂ-ରାଜନୀତିକ ଅଶାନ୍ତି କେବଳ ୟୁରୋପ ମଧ୍ୟରେ ସୀମାବଦ୍ଧ ହୋଇ ରହିନାହିଁ । ଇନ୍ଧନ ଓ ଖାଦ୍ୟ ଶସ୍ୟ ମୂଲ୍ୟବୃଦ୍ଧି ସବୁ ଦେଶକୁ ପ୍ରଭାବିତ କରିଛୁ । ଭାରତ ଆବଶ୍ୟକ କରୁଥିବା ଅନେକ ଦେଶକୁ ଖାଦ୍ୟଶସ୍ୟ ଯୋଗାଇଛୁ । ଗତ କିଛି ମାସ ମଧ୍ୟରେ ଆମେ ମାନବିକ ସହାୟତା ସ୍ୱରୂପ ଆଫଗାନିସ୍ତାନକୁ ୩୫ ହଜାର ଟନ ଗହମ ପଠାଇଛୁ । ଏପରିକି ସେଠାରେ ଭୂମିକମ୍ପ ପରେ ଭାରତ ପ୍ରଥମ ଦେଶ ଭାବେ ରିଲିଫ ସାମଗ୍ରୀ ପଠାଇଛି । ଖାଦ୍ୟ ସୁରକ୍ଷା ଦୃଷ୍ଟିରୁ ଆମେ ମଧ୍ୟ ଆମର ପଡ଼ୋଶୀ ଶ୍ରୀଲଙ୍କାକୁ ସାହାଯ୍ୟ କରୁଛୁ ।

ବୈଶ୍ୱିକ ଖାଦ୍ୟ ସୁରକ୍ଷା ନେଇ ମୋର କେତେକ ପ୍ରସ୍ତାବ ରହିଛି । ପ୍ରଥମ ଆମକୁ ସାରର ଉପଲବ୍ଧତା ଉପରେ ଧ୍ୟାନ ଦେଇ ବିଶ୍ୱସ୍ତରରେ ଏହାର ଦରକୁ ନିୟନ୍ତ୍ରଣ ମଧ୍ୟରେ ରଖିବାକୁ ହେବ । ଆମେ ଭାରତରେ ସାର ଉତ୍ପାଦନ ବୃଦ୍ଧି ପାଇଁ ଚେଷ୍ଟା କରିବା ସହ ଏ ଦିଗରେ ଜି-୭ ଦେଶ ସମୂହର ସହଯୋଗ ଲୋଡୁଛୁ । ଦ୍ୱିତୀୟ, ଭାରତରେ ଜି-୭ ରାଷ୍ଟ୍ରସମୂହ ତୁଳନାରେ ଅଧିକ କୃଷିକାର୍ଯ୍ୟରେ ନିଯୁକ୍ତ ବ୍ୟକ୍ତି ଅଛନ୍ତି । ଭାରତୀୟ କୃଷି କୌଶଳ କେତେକ ଜି-୭ ଦେଶରେ ପାରମ୍ପରିକ କୃଷିଜାତ ସମାଗ୍ରୀ ଛେନା ଓ ଅଲିଭକୁ ନୂତନ ଦିଗ ଦର୍ଶନ ଦେଉଛି । ଭାରତୀୟ କୃଷି କୌଶଳକୁ ଧରି କେତେକ ଜି-୭ ରାଷ୍ଟ୍ର ବା ଏହାର ସଦସ୍ୟ ଦେଶ ଏକ ବିଧିବଦ୍ଧ ପଦ୍ଧତି ସୃଷ୍ଟି କରିପାରିବେ କି? ଭାରତୀୟ କୃଷକଙ୍କ ପାରମ୍ପରିକ ମେଧା ଶକ୍ତି ସାହାଯ୍ୟରେ ଜି-୭ ରାଷ୍ଟ୍ରଗୁଡ଼ିକରେ ଖାଦ୍ୟ ସୁରକ୍ଷା ସୁନିଶ୍ଚିତ କରାଯାଇପାରିବ ।

ଆସନ୍ତା ବର୍ଷ ବିଶ୍ୱ ଆନ୍ତର୍ଜାତି ମିଲେଟ ଦିବସ ପାଳନ କରିବାକୁ ଯାଉଛି । ଏହି ଅବସରରେ ଆମେ ମିଲେଟର ଏକ ବିକଳ୍ପ ପୌଷ୍ଟିକ ସାମଗ୍ରୀ ପାଇଁ ଅଭିଯାନ ଚଳାଇବା ଉଚିତ । ମିଲେଟ ବା ବାଜରା ଜାତୀୟ ଶସ୍ୟ ବିଶ୍ୱର ଖାଦ୍ୟ ସୁରକ୍ଷା ସୁନିଶ୍ଚିତ କରିବା ଦିଗରେ ଏକ ବିଶେଷ ଭୂମିକା ଗ୍ରହଣ କରିପାରିବ । ଶେଷରେ ମୁଁ ଆପଣମାନଙ୍କୁ ସମସ୍ତଙ୍କ ଧ୍ୟାନ ଭାରତରେ ହେଉଥିବା ପ୍ରାକୃତିକ କୃଷି ବିପ୍ଳବ ପ୍ରତି ଆକର୍ଷିତ କରିବାକୁ ଚାହୁଁଛି । ଆପଣଙ୍କ ବିଶେଷଜ୍ଞମାନେ ଏ ପରୀକ୍ଷାରେ ଅନୁଧ୍ୟାନ କରିପାରିବେ । ଆମେ ଆପଣ ସମସ୍ତଙ୍କ ସହ ଏଥିନେଇ ତଥ୍ୟ ଯୋଗାଇବାକୁ ଚାହୁଁଛୁ ।

ମହାମହିମଗଣ

ଲିଙ୍ଗଗତ ସମାନତା କଥା ବିଚାର କଲେ ଆଜି ଭାରତ ମହିଳାଙ୍କ ବିକାଶ ପରିବର୍ତ୍ତେ ମହିଳାଙ୍କ କ୍ଷେତ୍ରରେ ବିକାଶ ଉପରେ ଅଧିକ ପ୍ରାଧାନ୍ୟ ଦେଉଛି । ଛଅ ନିୟୁତରେ ଅଧିକ ଭାରତୀୟ ମହିଳା ସମ୍ମୁଖ ଯୋଦ୍ଧା ଆମର ନାଗରିକମାନଙ୍କୁ ବୈଶ୍ୱିକ ମହାମାରୀ କାଳରେ ସୁରକ୍ଷିତ ରହିଥିଲେ । ଆମର ମହିଳା ବୈଜ୍ଞାନିକଗଣଙ୍କ ଅବଦାନ ଟିକା ପ୍ରସ୍ତୁତି ଓ ଟେଷ୍ଟ କିଟ ବିକାଶ ଦିଗରେ ଯଥେଷ୍ଟ ରହିଛି । ଆମେ ଆଶାକର୍ମୀ କହୁଥିବା ଏକ ନିୟୁତରୁ ଅଧିକ ମହିଳା ସ୍ୱେଚ୍ଛାସେବୀ ଗ୍ରାମାଞ୍ଚଳରେ ସ୍ୱାସ୍ଥ୍ୟସେବାରେ ନିୟୋଜିତ ରହିଛନ୍ତି । ଗତ ମାସରେ ବିଶ୍ୱ ସ୍ୱାସ୍ଥ୍ୟ ସଂଗଠନ ଏହି ଆଶାକର୍ମୀଙ୍କୁ ୨୦୨୨ ବୈଶ୍ୱିକ ନେତୃତ୍ୱ ପୁରସ୍କାରରେ ସମ୍ମାନିତ କରାଇଛି ।

ସ୍ଥାନୀୟରୁ ଜାତୀୟ ସରକାର ପର୍ଯ୍ୟନ୍ତ ଭାରତରେ ନିର୍ବାଚିତ ନେତାମାନଙ୍କ ସଂଖ୍ୟାକୁ ହିସାବକୁ ନେଇ ସେମାନଙ୍କ ମଧ୍ୟରୁ ଅଧାରୁ ଅଧିକ ହେଉଛନ୍ତି ମହିଳା । ଏମାନଙ୍କ ମୋଟ ସଂଖ୍ୟା ନିୟୂତାଧିକ । ଏଥିରୁ ଭାରତୀୟ ମହିଳା ପ୍ରକୃତ ନିଷ୍ପତ୍ତି ନେବାରେ ସମ୍ପୂର୍ଣ୍ଣ ସଂଶ୍ଳିଷ୍ଟ ଥିବା ପ୍ରମାଣ ହେଉଛି । ଆସନ୍ତା ବର୍ଷ ଭାରତ ଜି-୨୦ରେ ଅଧ୍ୟକ୍ଷତା କରିବ । ଆମେ ଜି-୭ ଦେଶଗୁଡ଼ିକ ସହ ଆହୁରି ଅଧିକ ବିଭିନ୍ନ ବିଷୟରେ କଥାବାର୍ତ୍ତା କରିବୁ ।

ଧନ୍ୟବାଦ

SM/MB