এক্সেলেন্সীশিং,
ঐখোয়না মালেম অসিদা তুংদা-লৈতাদবা ফিভম অমগী মরক অসিদা পুন্দুনা উনররে। ভারতনা শান্তিগী মাইকৈদা হান্নদগী লেপ্তুনা লাক্লি। হোজজিক লৈরিবা ফিভম অসিদসু, ঐখোয়না তত্তনা দাইলোগ অমসুং দিপ্লোমেসীগী লম্বিদা চৎনবা তকশিনখি। মসিগী জিয়োপোলিতিকেল তেন্সন অসিগী শাফু অসি য়ুরোপ খক্তদা অকক্ননা লৈবা নত্তে। ইনর্জী অমসুং চাননবা চেং-হৱাইগী হেনগৎলক্লিবা মমল অসিনা লৈবাক পুম্নমক শোকহল্লি। চাউখৎলক্লিবা লৈবাকশিংগী ইনর্জী অমসুং সেক্যুরিতীদা মরু ওইনা খুদোংথিনিংঙাই ওইরে। মসিগী শিংননিংঙাই ওইরবা মতম অসিদা, ভারতনা তঙাইফদনা মথৌ তারিবা লৈবাক কয়া অমদা চাননবা চেং-হৱাই সপ্লাই তৌখি। ঐখোয়না হৌখিবা থা খরা অসিদা অফঘনিস্তানদা হ্যুমেনিতরিয়ন  ঐদ ওইনা গেহুগী তন ৩৫,০০০ মুক থাদোকখি। অমসুং মফম অদুদা বুহার কন্না হারবা মতুংদা, ভারতনা রিঈফ মেতরিবেলশিং পীবা খ্বাইদগী অহানবা লৈবাক ওইখি। ঐখোয়না ঐকোয়গী য়ুমলোন্নবা লৈবাক স্রি লঙ্কাগী ফুদ সেক্যুরিতী লৈহন্নবসু মতেং পাংলি।
গ্লোবল ফুদ সেক্যুরিতীগী হীরম অসিগী মতাংদা ঐহাক্কী সজেসন খরা লৈ। অহানবদা, ঐখোয়না ফর্তিলাইজরশিং মরাং কাইনা লৈহনবগী মতাংদা মীৎয়েং থম্বা, অমসুং ফর্তিলাইজরশিংগী ভেল্যু চেনশিং অদুবু মালেমগী থাক্তা কোম্না ফংহনবা। ঐখোয়না ভারত্তা ফর্তিলাইজরশিংগ পপোত্থোক এনগৎহন্নবা হোৎনরি অমসুং মসিগী মতাংদা জি-৭ লৈবাকশিংদগী তেংবা নিরি। অনিশুবদা, ভারত্তা জি.৭ লৈবাকশিংগা চাংদম্নবা ভারতনা য়াম্লবা এগ্রিকলচরেল মেনপাৱর লৈ। ভারতকী এগ্রিকলচরগী ওইবা স্কিলশিং অসিনা জি.৭গী লৈবাক খরদা চিজ অমসুং ওলিবগুম্বা নাতকী ওইবা লৌউ-শিংউগী পোত্থোকশিংদা অনৌবা পুনশি অমা পীবদা মতেং পাংখি। জি.৭না  মহাক্কী মেম্বর লৈবাকশিংদা ভারতকী লৌউ-শিংউগী হৈ-শিংবা অসিবু পাকশন্না শিজিন্ননবগীদমক্তা নীংথিনা শেম-শারবা সীস্তেম অমা শেম্বা ঙমগদ্রা? ভারতকী লৌমীশিংগী নাতকী ওইবা হৈ-শিংবা অদুগী মতেংগা লোইননা জি.৭ লৈবাকশিংদা ফুদ সেক্যুরিতী লৈহল্লগননি।
মথংগী চহিদা, মালেম অসিনা ইন্তর্নেস্নেল য়িয়র ওফ মিল্লেতস পাংথোক্লগনি। থৌরম অসিদা, ঐখোয়না মিল্লেতসগুম্বা অতোপ্পা মচি লৈবাক চিঞ্জাক অমগীদমক প্রোমোত তৌনবা কেমপেন অমা পাংথোক্কদবনি। মিল্লেতসনা মালেম অসিদা ফুদ সেকভুরিতী লৈহনবদা য়াম্না মমল য়াম্লবা কন্ত্রিব্যুশন অমা তৌগদৌরিবনি। অরোইবদা, ঐহাক্না নখোয় ময়াম্বু ভারত্তা তৌরিবা ‘নেচরেল ফার্মিং’ রিভোল্যুশন অসিদা পুক্নিং চিংশিনবা পাম্লি। নখোয়গী এক্সপর্তশিংনা মসিগী চাংবেং অসিবু নৈনবা য়াগনি। ঐখোয়না মসিগী হিরম অসিগী মতাংদা নখোয় ময়ামদা নন-পেপর অমা শিয়র তৌখ্রে।
এক্সেলেন্সীশিং,

জেন্দর ইক্বালিতীগা মরী লৈননা, ঙসি, ভারতকী খোংথাং অসিনা ‘নুপীশিংগী চাউখৎ-থৌরাং’দগী ‘নুপীনা লুচিংবা চাউখৎ-থৌরাং’গী মাইকৈদা চংশিল্লক্লি। লাইচৎ অসিগী মনুংদা ভারতকী নুপী ফ্রন্তলাইন ৱার্কর মিলিয়ন ৬ হেনবনা ঐখোয়গী প্রজাশিংবু অশোই-অঙাম য়াওদনা থমবীখি। ঐখোয়গী নুপী সাইন্তিস্তশিংনা ভারত্তা ভেক্সিনশিং পুথোকপদা অমসুং তেস্ত কিতশিং শাবদা বাম্না চাউরবা থৌদাং লৌখি। ভারত্তা ঐখোয়না ‘আশা ৱার্করশিং’ হায়নসু খঙনবা, নুপী ভোলন্তিয়র মিলিয়ন অমা হেনবনা য়াম্না চং-থৌনা রুরল হেল্থ পীরি। মমাংগী থা খক্তদা, ৱার্ল্দ হেল্থ ওর্গনাইজেশন্না মসিগী ভারতকী আশা ৱার্করশিং অসিবু মখোয়গী ‘২০২২ গ্লোবল লীদরস এৱার্দ’কা লোইননা ইকাইখুম্নখি।
করিগুম্বা লোকল গোবর্নমেন্তগী হৌরগা নেস্নেল গোবর্নমেন্ত ফাওবগী ভারত্তা লৈরিবা খনগৎলবা লুচিংবশিং অদু মশিং থিরবদি, মখোয়শিং অদুগী মরক্তা তংখাই হেন্নদি নুপীশিং ঙাক্তনি। মসিনা ভারতকী নুপীশিংবু ঙসিদি তশেংনমক্কী ওইবা ফিরেপশিং লৌবদা মপুং ফানা শরুক য়ারি হায়বা তাক্লি। মথংগী চহিদা, ভারতনা জি.২০গি থৌবু ওইগদোরিবননি। ঐখোয়না জি.২০ প্লেতফোর্মগী মখাদা পোস্ত-কোবিদ রিকোবরী বাওনা অতোপ্পা ইশুশিংদা জি.৭ লৈবাকশিংগা য়াম্না হকচিন্না খন্ন-নৈনবা কয়া পাংথোক্লগনি।  

থাগৎচরি।

***