স্তেতিস্তিক্স অমসুং প্রোগ্রাম ইম্প্লিমেন্তেসন মন্ত্রালয়
স্তেতিস্তিক্স দে, ২০২২ জুন ২৯, ২০২২দা পাঙথোক্কদৌরি
চহি অসিগী থীম: ‘দেতা ফোর সস্তেনেবল দেভেলপমেন্ত’
Posted On:
28 JUN 2022 11:39AM by PIB Imphal
ভারত লৈঙাক্না ২০০৭তগী হৌরগা হৌজিক ফাওবদা চহি খুদিংগী জুন ২৯দা লৈখিদ্রবা প্রোফেসর প্রসান্ত চন্দ্র মহালোনাবিসনা ইকনমিক প্লানিং অমসুং স্তেতিস্তিক্সকী লমদা লৌরমবা থৌদাংবু শকখঙদুনা মহাক্কী মপোক কুমওন পাঙথোকপা ওইনা স্তেতিস্তিক্স দেগী থৌরম পাঙথোক্তুনা লাক্লি। স্তেতিস্তিক্স দে পাঙথোকপগী মরুওইবা পান্দমদি লৈবাকসিদা চাওখৎপা পুরক্নবগীদমক সোসিও-ইকনমিক প্লানিং অমসুং পোলিসী শেমবদা স্তেতিস্তিক্সকী মরুওইবা অমসুং থৌদাংবু মীয়ামদা, মরুওইনা নহারোলশিংদা খঙহনবনি।
স্তেতিস্তিক্স দে খুদিংদা দেতাগী অহোবা মেনশিন্নবা অমদি দেতা খোমজিনবা, প্রোসেস তৌবা অমসুং শন্দোকপগী মওং মতৌ ফগৎহন্নবগীদমক মপুং ওইবা মীৎয়েঙ থম্ননবা পান্দমদা লৈবাক্কী ওইনা মতমদুদা মরুওইবা অকক্নবা থীম অমমম খল্লি। স্তেতিস্তিক্স দে, ২০২২গী খনগৎলবা থীম অদুদি ‘দেতা ফোর সস্তেনেবল দেভেলপমেন্ত’ হায়বসিনি। চহি অসিদা, লৈঙাক্কী থৌরাং অমা ওইরিবা অজাদি কা অমৃৎ মহোৎসব (এ.কে.এ.এম.) জুন ২৭তগী জুলাই ৩, ২০২২ ফাওবা চয়োল অমা চুপ্না পাঙথোক্কদৌরিবা অসিগী শরুক অমা ওইনা স্তেতিস্তিক্স দে পাঙথোক্কদৌরি।
থৌরম অসি জুন ২৯, ২০২২গী অয়ুক পুং ১১দগী নুংথিল পুং ১ ফাওবা এন.দি.এম.সি. কন্ভেন্সন সেন্তর, পালিকা কেন্দ্র, জয় সিংহ রোদ, নই দিল্লীগী ওদিতোরিয়মদা হাইব্রিদ মওংদা (ফিজিকেল-কম-ভর্চুএল) পাঙথোক্কনি। থৌরম অসিগী রেজিস্ত্রেসন থৌরম পাঙথোকফমদা ২৯.০৬.২০২২গী অয়ুক পুং ১০দগী হৌগনি।
স্তেতিস্তিক্স এন্দ প্রোগ্রাম ইমপ্লিমেন্তেসন মন্ত্রালয়, অমসুং প্লানিং মন্ত্রালয়গী ইকায়খুম্নরবা রাজ্য মন্ত্রী (ইন্দিপেন্দেন্ত চার্জ) অমসুং কোর্পোরেৎ এফ্যার্স মন্ত্রালয়গী রাজ্য মন্ত্রী রাও ইন্দরজিৎ সিংহনা হায়রিবা থৌরম অসিদা অথোইবা মীথুং ওইনা শরক য়াগনি। কেন্দ্র/স্তেত লৈঙাকশিংগী অতৈ মীথুংশিং/ মকোক থোংবা ওফিসিএলশিং, মালেমগী লৈবাক কয়াগী মীথুংশিং থৌরমসিদা শরুক য়াগনি হায়না পানরি। থৌরম অসি মন্ত্রালয়গী সোসিএল মেদিয়া হেন্দলশিংদসু ৱেব-কাস্ত/ লাইব স্ত্রীম তৌগদৌরি।
চহি খুদিংগী স্তেতিস্তিকেল সিস্তেমগী ফীভম ফগৎহন্নবা অমদি দেতাগী অহোবা মেনশিনবগী মতাঙদা মপুং ওইনা খন্ননবগীদমক লৈবাক্কী ওইনা মতমদুদা মরুওইবা অকক্নবা থীম অমমম খল্লি। স্তেতিস্তিক্স দে, ২০২২গী থীমদি ‘দেতা ফোর সস্তেনেবল দেভেলপমেন্ত’ হায়বসিনি।
****
(Release ID: 1837551)
Visitor Counter : 126