ప్రధాన మంత్రి కార్యాలయం
శ్రీ సుత్తూర్ మ‌ఠం కార్య‌క్ర‌మంలో పాల్గొన్న ప్ర‌ధాన‌మంత్రి
“భార‌త‌దేశ ఆత్మ‌చైత‌న్యం క్షీణించిన ప్ర‌తీ స‌మ‌యంలోను సాధుసంతులు దాన్ని దేశ‌వ్యాప్తంగా పున‌రుజ్జీవింప‌చేశారు”
“సంక్లిష్ట స‌మ‌యంలో కూడా దేవాల‌యాలు, మ‌ఠాలు సంస్కృతి, జ్ఞానం స‌జీవంగా నిలిపేందుకు పాటు ప‌డ్డాయి”
“భగవాన్ బ‌స‌వేశ్వ‌రుడు మ‌న స‌మాజానికి అందించిన శ‌క్తి, బోధించిన ప్ర‌జాస్వామ్య, విద్యా, స‌మాన‌తా సిద్ధాంతాలు ఇప్ప‌టికీ భార‌త‌దేశ పునాదిగా ఉన్నాయి”
నాడు పోస్టు చేయడమైనది:
20 JUN 2022 8:49PM by PIB Hyderabad
మైసూరులోని శ్రీ సుత్తూర్ మ‌ఠంలో జ‌రిగిన ఒక కార్య‌క్ర‌మంలో ప్ర‌ధాన‌మంత్రి శ్రీ న‌రేంద్ర మోదీ నేడు పాల్గొన్నారు, జ‌గ‌ద్గురు శ్రీ శివ‌రాత్రి దేశికేంద్ర మ‌హాస్వామీజీ, శ్రీ సిద్ధేశ్వ‌ర స్వామీజీ, క‌ర్ణాట‌క గ‌వ‌ర్న‌ర్ శ్రీ తావ‌ర్ చంగ్ గెహ్లాట్‌, ముఖ్య‌మంత్రి శ్రీ బ‌స‌వ‌రాజ్ బొమ్మై, కేంద్ర మంత్రి శ్రీ ప్ర‌హ్లాద్ జోషి కూడా ఈ కార్య‌క్ర‌మంలో పాల్గొన్నారు.
ఈ సంద‌ర్భంగా ప్ర‌ధాన‌మంత్రి కార్య‌క్ర‌మానికి హాజ‌రైన వారిని ఉద్దేశించి ప్ర‌సంగిస్తూ చాముండేశ్వ‌రి మాత‌కు తాను శిర‌సు వంచి ప్ర‌ణ‌మిల్లుతున్నాన‌ని చెప్పారు. మ‌ఠంలో కార్య‌క్ర‌మానికి హాజ‌రై, సాధుసంతుల మ‌ధ్య నిలిచే అవ‌కాశం క‌ల్పించినందుకు ధ‌న్య‌వాదాలు తెలిపారు. శ్రీ సుత్తూర్ మ‌ఠ ఆధ్యాత్మిక సాంప్ర‌దాయానికి ఆయ‌న నివాళి అర్పించారు. ఇక్క‌డ క‌ల్పిస్తున్న ఆధునిక వ‌స‌తుల‌తో సంస్థ స‌మాజానికి త‌న క‌ట్టుబాట్ల‌ను మ‌రింత విస్త‌రించుకోగ‌లుగుతుంద‌న్నారు. శ్రీ సిద్ధేశ్వ‌ర స్వామీజీ నార‌ద భ‌క్తి సూత్ర, శివ సూత్ర, ప‌తంజ‌లి యోగ సూత్ర‌కు ర‌చించిన ప‌లు “భాష్యాలు” ప్ర‌ధాన‌మంత్రి ప్ర‌జ‌ల‌కు అంకితం చేశారు. శ్రీ సిద్ధేశ్వ‌ర స్వామీజీ ప్రాచీన భార‌త‌దేశానికి చెందిన “శృతి” సాంప్ర‌దాయానికి చెందిన వార‌ని చెప్పారు.
శాస‌నాల ప్ర‌కారం జ్ఞానాన్ని మించిన‌దేదీ లేదు, అందుకే మ‌న సాధుసంతులు జ్ఞానంతోను, ఆధునిక శాస్ర్తీయ విజ్ఞానంతోను ముడిపెట్టి మ‌న ఆత్మ‌చైత‌న్యాన్ని తీర్చిదిద్దార‌ని; జ్ఞానోద‌యం ద్వారా అది మ‌రింత‌గా వృద్ధి చెంద‌డంతో పాటు ప‌రిశోధ‌న‌తో మ‌రింత శ‌క్తివంతం అవుతుంద‌ని ప్ర‌ధాన‌మంత్రి అన్నారు. “కాలం, విలువ‌లు మారిపోయాయి. భార‌త‌దేశం ఎన్నో తుపానులు ఎదుర్కొంది. భార‌త‌దేశంలో ఆత్మ‌చైత‌న్యం స‌న్న‌గిల్లిన‌ప్పుడ‌ల్లా దేశ‌వ్యాప్తంగా సాధుసంతులు దాన్ని పున‌రుజ్జీవింప‌చేశారు” అని ప్ర‌ధాన‌మంత్రి చెప్పారు. సంక్లిష్ట స‌మ‌యాల్లో దేవాల‌యాలు, మ‌ఠాలు మ‌న సంస్కృతి, జ్ఞానం స‌జీవంగా నిలిపాయిని ఆయ‌న అన్నారు.
స‌త్యం కేవ‌లం ప‌రిశోధ‌న ద్వారానే స‌జీవంగా నిల‌వ‌దు, సేవాభావం, త్యాగనిర‌తితో నిలుస్తుంద‌ని ప్ర‌ధాన‌మంత్రి చెప్పారు. సేవాభావం, త్యాగ‌నిర‌తి స్ఫూర్తికి శ్రీ సుత్తూర్ మ‌ఠం, జెఎస్ఎస్ మ‌హా విద్యాపీఠ్ స‌జీవ నిద‌ర్శ‌నాల‌ని ఆయ‌న అన్నారు.
ద‌క్షిణ భార‌త‌దేశ స‌మ‌తావాద, ఆధ్యాత్మిక విలువ‌ల గురించి ప్ర‌ధాన‌మంత్రి ప్ర‌స్తావిస్తూ “మ‌న స‌మాజానికి భగవాన్ బ‌స‌వేశ్వ‌రుడు అందించిన శ‌క్తి, బోధించిన ప్ర‌జాస్వామ్య, విద్యా, స‌మాన‌తా విలువ‌లు ఇప్ప‌టికీ భార‌త‌దేశానికి పునాదిగా నిలిచాయి” అన్నారు. తాను లండ‌న్ లో భగవాన్ బ‌స‌వేశ్వ‌రుని విగ్ర‌హా అంకింత చేసిన సంద‌ర్భం గురించి గుర్తు చేసుకుంటూ బ‌స‌వేశ్వ‌రుని బోధ‌న‌లు గ‌మ‌నించిన‌ట్ట‌యితే శ‌తాబ్దాల క్రిత‌మే స‌మ‌స‌మాజ విజ‌న్ ను మ‌నం చూడ‌వ‌చ్చున‌ని శ్రీ మోదీ చెప్పారు. ఈ నిస్వార్థ సేవా స్ఫూర్తి మ‌న జాతికి పునాదిగా ఉంటుంద‌ని ప్ర‌ధాన‌మంత్రి తెలిపారు. ప్ర‌స్తుత “అమృత కాలం” ప్రాచీన ఋషుల బోధ‌న‌ల‌కు అనుగుణంగా స‌బ్ కా ప్ర‌యాస్ సూత్రం అనుస‌రించేందుకు మంచి స‌మ‌య‌మ‌ని ఆయ‌న చెప్పారు.
భార‌త స‌మాజంలో విద్య‌కు గ‌ల స‌హ‌జ‌సిద్ధ‌మైన స్థానాన్ని ప్ర‌ధాన‌మంత్రి ప్ర‌త్యేకంగా ప్ర‌స్తావిస్తూ “ప్ర‌స్తుతం మ‌న ముందున్న “జాతీయ విద్యా విధానం” అందుకు చ‌క్క‌ని ఉదాహ‌ర‌ణ” అన్నారు. “దేశ స్వ‌భావంలో ఉన్న సౌల‌భ్యాన్ని ఆస‌రా చేసుకుని కొత్త త‌రం ముందుకు పురోగ‌మించే అవ‌కాశం అందుకోవాలి. ఇందుకు సంబంధించిన ఆప్ష‌న్లు స్థానిక భాష‌ల్లో ఇవ్వాలి” అని ఆయ‌న చెప్పారు. దేశ స‌మున్న‌త చారిత్ర‌క వైభ‌వం తెలియ‌కుండా ఏ ఒక్క పౌరుడు ఉండ‌కూడ‌ద‌నే దృష్టిలోనే ప్ర‌భుత్వం ప్ర‌య‌త్నిస్తున్న‌ద‌ని శ్రీ మోదీ చెప్పారు. ఈ ప్ర‌చారంలో ప్ర‌త్యేకించి బాలిక‌ల విద్య, ప‌ర్యావ‌ర‌ణం, జ‌ల సంర‌క్ష‌ణ, స్వ‌చ్ఛ భార‌త్ కార్య‌క్ర‌మాల్లోను ఆధ్యాత్మిక సంస్థ‌ల పాత్ర ఎంతో ఉన్న‌ద‌ని ఆయ‌న అన్నారు. ప్ర‌కృతి వ్య‌వ‌సాయం ప్రాధాన్య‌త‌ను కూడా ఆయ‌న ప్ర‌త్యేకంగా ప్ర‌స్తావించారు. త‌న నుంచి ఆశిస్తున్నవ‌న్నీ దేశ ప్ర‌జ‌ల‌కు అందించ‌డంలో మ‌న స‌మున్న‌త సాంప్ర‌దాయం, ఋషుల మార్గ‌ద‌ర్శ‌కం త‌న‌కు అవ‌క‌స‌మ‌ని ప్ర‌ధాన‌మంత్రి చెప్పారు.
*****
DS/AK
(రిలీజ్ ఐడి: 1836751)
సందర్శకుల సూచీ సంఖ్య : : 165
ఈ ప్రకటనను ఇందులో చదవగలరు:
English
,
Urdu
,
हिन्दी
,
Marathi
,
Bengali
,
Manipuri
,
Assamese
,
Punjabi
,
Gujarati
,
Odia
,
Tamil
,
Kannada
,
Malayalam