মিনিস্ত্রী ওফ দিফেন্স (এম.ও.দি.)না বোর্দর রোদস ওর্গানাইজেশন (বি.আর.ও.)গা লোইননা রাজ্যশিং/য়ুনিয়ন তেরিতোরী ১২গী মফম ৭৫দা লম্বিগী তোঙান-তোঙানবা সেক্সনশিংদা লম্বি মপানগী এমেনিতীশিং থম্নবা অয়াবা পীখ্রে। হায়রিবশিং অসি তুরিস্তশিংদা তঙাইফদবা এমেনিতীশিং পীনবা অমসুং হেন্না নুংঙাইহন্নবনি অমসুং লমদম অদুগী মিশিংদা থবক পীবদা নত্তনা বোর্দরগী লমশিংদা শেনমিৎলোনগী ওইবা থবক-থৌওংশিংদা ইনোৎ হাপ্লগনি। লম্বি মপানগী এমেনিতীশিং অদুবু ‘বি.আর.ও. কেফেজ’ হায়না মমিং থোল্লগনি।

বি.আর.ও.না খ্বাইদগী থাপ্পা বোর্দরগী মফমশিংদা য়ৌই অমসুং স্ত্রেতেজিক্কী ওইবা তঙাইফদবশিং অদুবু য়েংশিনবদা নত্তনা মখোয়না অৱাং অমসুং ণোংপোক্কী বোর্দরশিংগী সোসিয়ো-ইকোনোমিক অপলিফমেন্ততা য়াম্না মরু ওইবা থৌদাং লৌরি। মসিনা মরম ওইরগা হান্নদি য়ৌশিনবা ঙম্লমদবা মফম অসিগী ফজরবা মফমশিংদা তুরিস্তশিং লাকপা হেনগৎহনখ্রে।  য়াম্না শাথিবা অমসুং নতৈ চাদবা নোং-চিংগী ফিভম অমসুং জিয়োগ্রাফিকেল কন্দিশনশিংদা লৈবা মফমশিংদা তুরিস্তশিংনা য়াম্না কোম্না অমসুং নুংঙাইনা চৎথোক-চৎশিন তৌবা য়াহন্নবা, লমদমশিং অসিগী মরু ওইবা তুরিস্ত সর্ক্যুইতশিংদা মল্তি-য়ুতিলিতী ওইবা লম্বি মপানগী এমেনিতীশিং থম্বগী তঙাইফদবা অদু খঙখি। মসিগী লম্বিশিং অসিদা য়ৌশিনবা ঙমদবা অমসুং য়াম্না থাপ্পা মফমশিং ওইবনা পাকশন্না কমর্সিয়েল দিপ্লোইমেন্ত তৌবদা অথিংবা-অপনবা কয়া থোকহল্লি, মরম অদুনা বি.আর.ও.না হান্নদগী লৈরকপা ওইবনা অথাপ্পা মফমশিং অসিদা অসিগুম্বা ফেসিলিতীশিং  অসি হাংদোকপগী থৌদাং অদু মখোয়না লৌখি।

স্কীম অসিনা লাইসেন্স বেসিসতা এজেন্সীশিংগা লোইননা পব্লিক প্রাইভেত পার্তনরশিপতা লম্বি মপানগী এমেনিতীশিংগী দেবেলপমেন্ত অমসুং ওপরেশনগীদমক্তা পীরি, হায়রিবা অইসনা বি.আর.ও.গী গাইদলাইনশিংগী মতুং ইন্না ফেসিলিতী অদু দিজাইন, শাবা অমসুং ওপরেত তৌগনি। তু অমসুং ফোর হ্বীলরশিংগী পার্কিং, ফুদ প্লাজা/ রেস্তোরান্ত, নুপা, নুপী অমসুং ময়ামগা মীমান্নদ্রবশিংগী তোঙানবা রেস্ত রুমশিং, ফর্সত এদ ফেসিলিতীশিং/এম.আই. রুমশিং অসিনচিংবা কয়া পীরগনি হায়না হায়রি। লাইসেন্সশিং অদুগী সেলেক্সন অদু কমপিতিতিব ওইবা থৌওংশিংগী খুত্থাংদা পাংথোক্লগনি।

এগ্রীমেন্ত অদুগী মতম অদু চহি ১৫গী ওইগনি, হায়রিবা অসি চহি মঙাগী অমুক মখাতানা শাংদোকপা য়াগনি। বি.আর.ও. কেফে ৭৫গী মফমশিং অদু মখাদা পীরি:

************