করুনাদ জনতেগে, নন্ন প্রীতিয়, নম্সকারগরু, গেঙ্গলুরিনা মহা জনতেগে, ৱিশিসৱাদ নমস্কারগরু, কর্নাতাকা রাজ্যদ পালিগে, ইন্দু মহত্বদ দিনৱাগিদে। রাজ্যদল্লি, হলৱারু মুলভুদ সউকর্য়, কল্পিসুৱ য়িজনেগরন্নু, জা রি-গোরিসলু, ননগে বহর, সিন্তোশ-ৱাগুত্তিদে। কর্নাতকাগী গোবর্নর, শ্রী থাৱর চন্দ জী গহলোত, কর্নাতকাগী প্রজা মীয়াম্না নুংশিজবা মুখ্য মন্ত্রী, শ্রী ৱাসৱরাজ জী, কেন্দ্রীয় কেবিনেত্তা ঐগআ থবক তৌমিন্নরিবা, প্রহলাদ জোশি জী, কর্নাতকা সরকলারগী মন্ত্রীশিং, এম.পি.শিং অমসুং এম.এল.এ.শিং, বেঙ্গলুরুগী ঐগী ইচিল-ইনাওশিং পুম্নমকপু খুরুমজরি।  

দবল ইঞ্জিন সরকার অসিনা কর্নাতকাবু খোংজেল য়াংনা চাউখৎহল্লগনি হায়না পীখিবা থাজবা অদু ঙসি ঐখোয়না অমুক হন্না উবা ফংলি। ঙসি লুপা করোর লিশিং ২৭তগীসু হেনবা প্রোজেক্তশিং শঙ্গারে অমসুং উরেপ-উয়ুং তম্লে। মসিগী প্রোজেক্ত অসি হায়র এজুকেশন, রিসর্চ, স্কিল দেবেলপমেন্ত, হেল্থ, কনেক্তিবিতীগুম্বা হীরম কয়া অমগা লোইননা নখোয়গী সেবাগীদমক্তা শেম-শাদুনা লৈরি। হায়বদি মসিগী প্রোজেক্ত অসিনা ইজ ওফ লিবিং অমসুং ইজ ওফ দুইং বিজনেস অনিমক অসিদা অনৌবা ইনোৎ হাপ্লগনি।

ইচিল–ইনাওশিং,

মফম অসিদা লাক্ত্রিঙৈগী মমাংদা ঐহাক ইন্দিয়ন ইন্সতিত্যুত ওফ সাইন্স অমসুং অম্বেদকর স্কুল ওফ ইকোনোমিক্স য়ুনিভর্সিতীদা এজুকেশন, রিসর্চ অমসুং ইনোভেশন অদুব নিংথিনা খঙনবগীদমক্তা মখোয়না থৱায় য়াওবা অদুবু খঙবা ঙম্নবা ঙসি ঐহাক্না মখোয়গী মরক্তা তিল্লরে অমসুং অনৌবা পঙ্গল-থৌনা অমগা লোইননা লাক্লিবনি। ঐহক্না অসিগূম্বা থৌরমশিং অসিগা মরী লৈনব আলৈবাক অসিগী প্রাইভেত সেক্তরবুসু থাগৎপা ফোংদোক্লি। হৌজিক মফম অসিদা কেনেক্তিবিতীনা শম্নহনবা কুমহৈ অসিবু নখোয়গা লোইননা, নখোয়গী মরক্তা য়াওদুনা অনৌবা পাঙ্গল থৌনাগা লোইননা থল্লবা নখোয়গা লোইননা মসিবু সেলেব্রেত তৌরি। অমসুং নখোয় ময়াম্না খঙলম্লগনি বেঙ্গলুরুদা মসিনা অরোইবা থৌরম্নি অমসুং মসিগী মতুংদা মৈসুরুদা চৎলগনি। মদুদসু কর্নাতকাগী মসিগী চাউখৎ-থৌরাংগী খোংচৎ অসিবু খোংজেল য়াংখৎহন্নবা কেমপেন মখা চত্থখিগনি। হৌজিক্তা মতম খরগী মমাংদা কর্নাতকাগী নেস্নেল হাইৱে প্রোজেক্তশিং অমসুং  রেলৱে প্রোজেক্ত ৭কী উরেপ-উয়ুং তমখ্রে। কোনকন রেলৱেবু চাদা চামা ইলেক্ত্রিফিকেশন তৌবা উবা ফংলে। হায়রিবা প্রোজেক্ত পুম্নমক অসি কর্নাতকাগী নহাশিং, মিদল ক্লাসশিং, ঐখোয়গী লৌমী ইচিল-ইনাওশিং, ঐখোয়গী এন্তর্প্রনরশিংদা অনৌবা ফেসিলিতীশিং পীরগনি, অনৌবা খুদোংচাবা কয়া অমা পীরগনি। কর্নাতকাবু হায়রিবা চাউখৎ-থৌরাংগী প্রোজেক্তশিং অসিগীদমক্তা নুংঙাইবা ফোংদোক্লি।

মরুপশিং,

বেঙ্গলুরু, লৈবাক অসিগী নহারোল লাখ কয়া অমগী মঙলানগী শহরনি। বেঙ্গলুরু চাউখৎপনা, মীওই লাখ কয়া অমগী চাউখৎপনি অমসুং মরম অদুনা হৌখিববা চহি ৮দা কেন্দ্র সরকারনা বঙ্গলুরুবু  হেন্না মপাঙ্গল লৈহন্নবগী মাইকৈদা লেপ্তনা হোৎনরক্লি। বেঙ্গলুরুদা মশাগী মঙলানশীং অদুবু মঙফাউননবা হোৎনরিবা মীপুম খুদিংমক্কী পুনশি লাইহন্নবা, ত্রাৱেল তাইম হন্থহন্নবা, নুংঙাইনবা, লোজিস্তিক কোস্তসু য়ারিবমখৈ  হন্থহন্নবা দবল ইঞ্জিন সরকার অসিনা লেপ্তনা হোৎনদুনা লাকখি। মসিগী কমিৎমেন্ত অসি মফম অসিদা অমুক উবা ফংলে।

দবল ইঞ্জিনগী সরকার অসিনা কর্নাতকাগী প্রজা মীয়ামগী, বেঙ্গলুরুগী প্রজা মীয়ামগী মঙলান খুদিংমক নিংবা থুংহন্নবা থৱাই-হকচাং য়াওনা হোৎনবা অসিদা য়াম্না নুংঙাইবা ফাওই। বেঙ্গলুরুর সব-অর্বান রেলৱেনা বেঙ্গলুরুগী কেপাসিতীদা হেনগৎহনবদা য়াম্না চাউনা মতেং পাংলগনি। মসিগী প্রোজেক্ত অসিনা বেঙ্গলুরু শহরদা খক্তমক লৈতবা য়াদবগী তঙাইফদবা অদু হন্থহল্লগনি। অমসুং চহি ৪০গী মমাংদা তৌগদবা, চহি ৪০গী মমাংদা লোইশিল্লমগদবা থবক অদু ঙসি ঐহাক্না চহি ৪০গী মতুংদা পাংথোক্নবগী, ঐগী লাইবক্তা তম্লম্লে। করিগুম্বা চহি ৪০গী মমাংদা হায়রিবা থবকশিং অসি লোইশিল্লম্লবদি বেঙ্গলুরুদা প্রেসর হেন্না লৈরম্লোইদবনি। বেঙ্গলুরু হেন্না শক্তি লৈনা চাউখৎলমগদবনি। অদুবু চহি ৪০ অসি য়াম্না তেনবা মতম নত্তে। অদুবু মরুপশিং নখোয়না মসিগী খুদোংচাবা অসি ঐঙোন্দা পীবীরে। হৌজিক্তি ঐহাক্না মতম মাংহনবা পামদে। মতম পুম্বদা নখোয়গী সেবাগীদমক্তা লৈরি।

মরুপশিং,

বেঙ্গলুরুবু ত্রাফিক জামদগী কোকহন্নবগীদমক্তা রেল, রোদ, মেত্রো, অন্দর-পাস, ফ্লাই-ওভর, ওইথোকপা য়াবা পাম্বৈ খুদিংমক্তা দবল ইঞ্জিন সরকার অসিনা থবক তৌরি। বেঙ্গলুরুগী সবঅর্বান মফমশিংদা হেন্না ফবা কেনেক্তিবিতী লৈহন্নবা ঐখোয়গী সরকার অসিনা অচেৎপা ফিরেপ লৌরি। ঐহাক্না তাবদা বেঙ্গলুরুগী অকোইবদা লৈরিবা মফমশিংদা রেল য়ৌহন্নবগীদমক্তা চহি ১৯৮০গী মতম অদুৱাইদগী খন্নবা হৌরকখি। খন্নবদা চহি ৪০ চংখ্রে, অদুগা মসিদগী করি ওইরকপগে। ঐহাক্না কর্নাতকাগী ইচিল-ইনাওশিংদা থাজবা পীনবগীদমক্তা লাক্লিবনি, মদুদি হায়রিবা থবকশিং অসি মাইপাকহন্নবগীদমক্তা ঐহাক্না থা নিফু হোৎনদুনা নখোয় ময়ামগী মঙলান অদুবু মঙফাওনহল্লগনি। নখোয়না তাবদা অঙকপা অমা ফাওগনি মদুদি মসিগী প্রোজেক্ত অসি চহি ১৬তগী ফাইলশিংদা পন্দুনা লৈরক্লিবনি। দবল ইঞ্জিনগী সরকার অসিনা কর্নাতকাগী প্রজা মীয়ামগী, বেঙ্গলুরুগী প্রজা মীয়ামগী মঙলান খুদিংমক নিংবা থুংহন্নবা থৱাই-হকচাং য়াওনা হোৎনবা অসিদা য়াম্না নুংঙাইবা ফাওই। বেঙ্গলুরুর সব-অর্বান রেলৱেনা বেঙ্গলুরুগী কেপাসিতীদা হেনগৎহনবদা য়াম্না চাউনা মতেং পাংলগনি। মসিগী প্রোজেক্ত অসিনা বেঙ্গলুরু শহরদা খক্তমক লৈতবা য়াদবগী তঙাইফদবা অদু হন্থহল্লগনি। অমসুং চহি ৪০গী মমাংদা তৌগদবা, চহি ৪০গী মমাংদা লোইশিল্লমগদবা থবক অদু ঙসি ঐহাক্না চহি ৪০গী মতুংদা পাংথোক্নবগী, ঐগী লাইবক্তা তম্লম্লে। করিগুম্বা চহি ৪০গী মমাংদা হায়রিবা থবকশিং অসি লোইশিল্লম্লবদি বেঙ্গলুরুদা প্রেসর হেন্না লৈরম্লোইদবনি। বেঙ্গলুরু হেন্না শক্তি লৈনা চাউখৎলমগদবনি। অদুবু চহি ৪০ অসি য়াম্না তেনবা মতম নত্তে। অদুবু মরুপশিং নখোয়না মসিগী খুদোংচাবা অসি ঐঙোন্দা পীবীরে। হৌজিক্তি ঐহাক্না মতম মাংহনবা পামদে। মতম পুম্বদা নখোয়গী সেবাগীদমক্তা লৈরি।

মরুপশিং,

অকোইবদা লৈরিবা সেতলাইত তাউনশিপশিং, সবঅর্বশিং অমসুং গ্রামীনগী মফমশিংদা রেলদা য়ুমফম ওইবা রেপিদ ত্রাঞ্জিত  সীস্তেমদা কেনেক্ত তৌবা মতমদা মসিনা মরম ওইরগা মল্তিপ্লায়র ইফেক্ত অমা থোক্লগনি। সবঅর্বান রেলৱেগুম্না বেঙ্গলুরু রিং রোদসু শহরগী কঞ্জেসশন হন্থহল্লগনি। মসিনা নে্সনেল হাইৱে ৬ অমসুং স্তেত হাইৱে ৮ কনেক্ত তৌরগনি। হায়বদি কর্নাতকাগী অতোপ্পা শরুকশিংদা চৎপা মশিং য়াম্লবা গারিশিংনা বেঙ্গলুরু শহর মনুংদা চংবগী মথৌ তাররোই। নখোয়নসু হেন্না খঙলিবনি, মদুদি নিলমঙ্গলাদগী তুমকুরুরগী মরক্তআ লৈরিবা নেস্নেল হাইৱে অদুগী অকোইবদা অনম্বনা ইন্দস্ত্রীশিং ঙাক্তা লৈ। ত্রাফিক্কী য়াম্লবা ফ্লো অমা মফম অসিদা চৎলি। মসিগী হাইৱেগী সিক্স লেন্নিং অমসুং তুমকুরুর বাইপাসনা মরম ওইরগা মফম অসিদা ত্রাভেল অমসুং ত্রান্সপোর্ত য়াম্না লাইহনগনি অমসুং ইকোনোমিক এক্তিবিতীদা য়াম্না চাউনা ইনোৎ হাপ্লগনি। ধর্মস্থলা মন্দির, সুর্য় মন্দির অমসুং জোগ ফোল্সগুম্বা লাইনিং-লাইশোল অমসুং তুরিজমগী য়াম্না মরু ওইবা সেন্তরগী কনেক্তিবিতীবু হেন্না ফগৎহন্নবগীদমক্তা পাইখৎলিবা থবক-থৌরমশিং অদুনা তুরিজমগীদমক্তা অনৌবা খুদোংচাবা অমা পুরক্লগনি। হায়রিবশিং অসিসু ঙসিদি থবক ওইনা পাইখৎপা হৌরে।

ইচিল-ইনাওশিং,

হৌখিবা চহি ৮ অসিদা ঐখোয়না রেল কনেক্তিবিতীগী কমপ্লিত ত্রান্সফোর্মেশন্দা থবক তৌখি। ঙসিদি রেলৱে চৎপগী এক্সপরিয়েন্স অদু চহি ৮গ মমাংদা লৈরম্বা অদুগা চাদম্নবদা য়াম্না খেৎনরে। কর্নাতকাদসু হৌখিবা চহি খক্তদা কিলোমিতর ১২০০ হেন্না অনৌবা রেল লাইন শেম্বা নত্রগা চাউথোকহনখ্রে। ভারতকী রেলনা এয়রপোর্তশিং অমসুং প্লেন তোংদুনা চৎপা মতমদা ফংবা অদুগুম্বা ফেসিলিতীশিং, এনভাইরনমেন্ত অদু পীবা ঙম্নবা হোৎনরি। ভারত রত্না, সর এম. ৱিস্বেস্বরৈয়াগী মমীংদা বেঙ্গলুরুদা শারিবা মতম অসিগী অনৌবা রেলৱে স্তেসনদুসু মসিগী খুদম অমনি। ঐঙোন্দা খঙহল্লকখি মদুদি ঙসিদি বেঙ্গলুরুদা মীয়াম্না মসিগী স্তেসন অসিদা তুরিস্ত দেস্তিনেশন অমগুম্না অঙকপা অমা উবাগুম্না মফম অসিদা চত্তুনা য়েংনৈ। মশাগী লৈবাক্তা অহোংবা অমা পুরক্লিবা অদুগুম্বা রেলৱে স্তেসন অমা শারকপা অসিনা অহোংবা অদু উবা ফংঙি অমসুং মীনা হায়বদা নহাশিংনা মফম অদুদা চত্তুনা সেল্ফি নম্নবা তৌই। মসি কর্নাতকাগী অহানবা অমসুং লৈবাক অসিগী অহুমশুবা মতম অসিগী ওইবা অনৌবা রেলৱে স্তেসন্নি। মসিদা ফংলিবা ফেসিলিতীশিং অদু মতম অসিগী ওইবা অনৌবা মখলগী ওইবদা নত্তনা বেঙ্গলুরুগীদমক্তা ত্রেন ময়াম অমগী লম্বিসু হাংদোক্লে। বেঙ্গলুরুগী কেন্তনমেন্ত অমসুং য়স্বন্তপুর জংক্সনবুসু মতম অসিগী ওইবা অনৌবা স্তেসন অমা ওইহন্নবা ঙসিদগী হৌখ্রে।

মরুপশিং,

২১শুবা চহি চাদা ঐখোয়না রেল, রোদ, পোর্ত, এয়রপোর্ত খক্তদা অকক্নবা থম্বা য়াদ্রে, মরমদি ত্রান্সপোর্ত হায়রিবআ মোদশিং অসি অমনা অমগা কেনক্ত তৌবা, অমনা অমবু সপোর্ত তৌবা, অসিগুম্বা মল্তিমোদল কেনেক্তিবিতীদা মীৎয়েং থম্লি। মসিগী মল্তিমোদল কেনেক্তিবিতী অসিবু পি.এম. গতিশক্তি নেস্নেল মাস্তর প্লানদগী মতেং ফংলি। বেঙ্গলুরুগী মনাক্তা শাগদৌরিবা মল্তি মোদল লোজিস্তিক পার্ক অসি মসিগী ৱিজন অসিগী শরুক অমনি। মসিগী পার্ক, পোর্ত, এয়রপোর্ত, রেলৱে অমসুং রোদকী ফেসিলিতীশিং অসিদা কেনেক্ত তদুনা লাস্ত মাইল দেলিভরী এন্না ফগৎহন্নবা অমসুং ত্রান্সপোর্তেশনগী কোস্ত হন্থহল্লগনি। গতিশক্তিগী স্পিরিত্তগী শেমগৎলক্লিবা অসিগুম্বা প্রোজেক্তনা নহা লিশিং কয়া অমা থবকসু পীরগনি, আত্মানির্ভর ভারতকী  ফিরেপ অসিবু মাইপাকহনবা ইনোৎ হাপ্লগনি।

ইচিল-ইনাওশিং,

বেঙ্গলুরুগী সক্সেস স্তোরীনা ২১শুবা চহি চাগী ভারতপু আত্মানির্ভর ভারত ওইহন্নবগীদমক্তা পুক্নিং-থৌনা হাপকৎলি। মসিগী শহর অসিনা এন্তরপ্রেনরশিপ, ইনোভেশন, প্রাইভেত সেক্তর, লৈবাক অসিগী নহাশিংবু মখোয়গী মতিক উৎথোক্নবগীদমক্তা তাঞ্জা অমা পীবীবনা কয়াগী মতিক ইমপেক্ত লৈবগে হায়বদু উৎলি। কোরোনাগী মতমদা বেঙ্গলুরুদা লৈবা ঐখোয়গী নহাশিংনা মালেম পুম্ববু শেন্নবদা মতেং পাংখি। বেঙ্গলুরুনা উৎলি মদুদি করিগুম্বা সরকারনা ফেসিলিতীশিং পীরবদি অমসুং নগরিকশিংগী পুনশিদা য়রিবমখৈ খুৎ থিংজিনদ্রবদি, ভারতকী নহাশিংনা তৌবা ঙম্লোইদবসি করি লৈবগে। লৈবাক অসিবু অনৌবা অৱাংবা থাক অমদা পুখৎলগনি। বেঙ্গলুরু লৈবাক অসিগী নহাশিংগী মঙলানগী অদুগুম্বা শহর অমনি অমসুং মসিগী মরুমদা এন্তরপ্রেনরশিপ, ইনোভেশন, পব্লিক্কা লোইন-লোইননা প্রাইভেত সেক্তরবু নিংথিজনা মথৌ তৌবা। বেঙ্গলুরুনা ভারতকী প্রাইভেত সেক্তরবু, ও্রাইভেত এন্তরপ্রাইজবু হৌজিক ফাওবা ফজদবা ৱাহৈশিং শিজিন্নদুনা হায়রিবশিং অদুগী মাইন্দসেতপুসু শেমদোক্নবা তম্বীরি। লৈবাক অসিগী শক্তি অমসুং লমদম অসিগী করোর কয়াগী মীয়ামবু অদুগুম্বা ওথোরিতেরিবান মাইন্দসেত চেনবা মীশিং অদুনা অন্দরেস্তিমেত তৌই।

মরুপশিং,

২১শুবা চহি চাগী ভারত অসি ৱেল্থ ক্রিয়েতরশিং, জোব ক্রিয়েতরশিং, ইনোভেতরশিংগীনি। মালেম অসিগী খ্বাইদগী নহা ওইরিবা লৈবাক অমা ওইনা ভারতকী অশেংবা পাঙ্গলনি অমসুং মসিনা ঐখোয়গী লন্নি। মসিগী পাঙ্গল অসিবু প্রোমোত তৌনবগীদমক্তা হৌখিবা চহি ৮ অসিদা হৌৎনখিবা অদুগী মতাংদা খন্নখি  অদুবু য়াম্না অকক্নবা মওংদা ওইখি। অদুবু ঐহাক্না অসিগী কলচরদা হিংলিবা বেঙ্গলুরুদা লাকপা মতমদা ঐহাক্না মসিগী মতাংদা কুপ্থনা খন্নবা হায়বসি ঐগী থৌদাংনি হায়না লৌই।

ইচিল-ইনাওশিং,

লৈবাক অসিদা লওউ-শিংউগী মথংদা খ্বাইদগী চাউবা এমপ্লোয়র হায়রবদি ঐখোয়গী এম.এস.এম.ই. সেক্তর অসিনি, মসিনা লৈবাক অসিগী তায়র -২, তায়র-৩গী শহরশিংগী ইকোনোমীদা য়াম্না চাউনা মতেং পাংলি। মীওই করোর কয়া অমনা মসিগী এম.এস.এম.ই. সেক্তরশীং অসিগা মরী লৈনৈ অদুবু হান্নদি মসিগী এম.এস.এম.ই.শিং অসিনা করিগুম্বা মশা মতোমতা চাউথোকচনবা হোৎনরবদি য়াম্না অৱাবা অমা ওইরম্মি অমসুং মাংনবগী মচাক অমা ওইরম্মি। মরম অদুনা মখোয়না মখোয়গী ভেঞ্চর অদুবু চাউথোকহনবগী মহুত্তা অপিকপা ভেঞ্চর রোমদা ওইনা মাই ওনশিল্লি। এম.এস.এম.ই.শিংনা অচৌবা ভেঞ্চর লোমদা ওইনা মাই ওনশিন্নবা অমসুং এমপ্লোইমেন্ত হেন্না পীনবা,  ঐখোয়না মসিগী ৱাহন্থোক অদু ওইনা হোংদোকহল্লে। অপিক-অপিকপা সরকারগী প্রোজেক্তশিংদা ফাওবা গ্লোবল তেন্দরশিং লৈবনা মরম ওইরগা ঐখোয়গী এম.এস.এম.ই.শিংগী খুদোংচাবা অসি য়াম্না তাংনা থোকই। ঐখোয়না লুপা করোর ২০০গী তেন্দরদা মপান লমগী এন্তাইতীশিংনা শরুক য়াবা অদু য়াহনখিদ্রে। মসিনি আত্মানির্ভর ভারতকী মাইকৈদা ঐখোয়গী থাজবা অসি। কেন্দ্র সরকারনা দিপার্তমেন্ত খুদিংমক্কীদমক্তা চাদা ২৫দি এম.এস.এম.ই.শিংদগী ওইনা লৈগদবনি হায়না য়াথং পীখ্রে। মসিদা নত্তনা ঙসি গোবর্নমেন্ত মার্কেতপ্লেসকী শক্তমদা এম.এস.এম.ই.শিংগীদমক্তা লৈবাক অসিগী সরকারগী দিপার্তমেন্ত অমসুং সরকারগী কমপনীশিংগা হকথেংননা ত্রেদ তৌনবগীদমক্তা য়াম্না লাইবা পাম্বৈ অমা পীখ্রে। জি.ই.এম.দা ঙসিদি সেলর লাখ ৪৫ হেন্না মখোয়গী প্রোদক্ত অমসুং মখোয়গী সার্বিসশিং অদু ফংহল্লি। 

ইচিল-ইনাওশিং,

বেঙ্গলুরুদা সেন্তর ওইরিবা ভারতকী স্তার্ত-অপ ইকোসীস্তেমগী মতাংদসু হন্দক মরক্তি য়াম্না হেন্না খন্ন-নৈনরক্লি। হৌখিবা চহি ৮ অসিদা লৈবাক অসিগী শিংথানিংঙাই ওইবা মওংদা চাউখৎলক্লিবা অসি ঐখোয়না হৌখিবা দিকেদশিং অদু য়েংলগনি লাকশিনবা ঙমগন। অদুবু হৌখিবা চহি ৮ অসিদা বিলিয়ন দোলর কমপনী ১০০ হেন্না লিংখৎলক্খ্রে অমসুং থা খুদিংগী অনৌবা কমপনীশীং হাপকৎলক্লি। হৌখিবা চহি ৮ অসিদা শেমগৎলকপা মসিগী য়ুনিকোর্নশিং অসিগী ভেল্যুৱেশন অসি ঙসিদি  চাউরাক্না বিলিয়ন দোলর ১৫০ ময়া নক্না ওইরে, হায়বদি, চাউরাক্না লুপা করোর লাখ ১২ মুক্নি। লৈবাক অসিদা স্তার্ত অপ ইকোসীস্তেম করম্না চাউখৎলক্লি হায়বসি তাক্নবা মশিং অমসু তাক্কে। ২০১৪গী মতুংদা অহানবা স্তার্ত অপ ১০,০০০ অসি য়ৌবদা ঐখোয়না নুমিৎ ৮০০নি চংখি। হৌজিক নখোয়না ঐবু দিল্লীদা নখোয়বু সেবা তৌনবা ফমহল্লবা মতুংগী মতমগী মতাংদা অমুক হায়গে। হন্দক্তা মসিগী ইকোসীস্তেম অসিদা অনৌবা স্তার্ত অপ ১০,০০০ য়াওনবগীদমক্তা নুমিৎ ২০০দগী তানা চংখি। হৌখিবা চহি নিপাল অসিদা ঐখোয়না স্তার্ত-অপ চামা খরা খক্তদগী ঙসিদি ৭০,০০০ য়ৌরে।

ইচিল-ইনাওশিং,

স্তার্ত অপশিং অমসুং ইনোভেশনগী লম্বি অসি য়াম্না কোম্বা নুংঙাইবগী ফেসিলিতী নত্তে। অমসুং হৌখিবা চহি ৮ অসিদা লৈবাক অসিনআ অসিগী লম্বি অসিদা খোংজেল য়াংনা চাউখৎলকখিবগী লম্বিসু অরাইবদি নত্তে। ফিরেপ কয়া অমা, রিফোর্ম কয়া অমা খুদক্কী ওইনদি শাফদবা য়াই, অদুবু মতমগী মতুং ওইন্না হায়রিবা রিফোর্মশিং অদুগী কান্নবা অদু ঙসি লৈবাক অসিনা ফংবা ঙম্লিবনি। রিফোর্মগী লম্বি খক্তনা ঐখোয়বু অনৌবা পান্দম, অনৌবা ফিরেপ অমগী মাইকৈ তম্না পুদুনা চৎলিবনি। ঐখোয়না স্পেস অমসুং দিফেন্সগুম্বা সেক্তরদা নহাশিংগীদমক্তা হাংদোক্তুনা থম্লি, মসিদা দিকেদ কয়া অমা সরকার খক্তগী হক ওইরম্মি। ঙসিদি দ্রোনদগী হৌরগা এয়রক্রাফ ফাওবা, কত্তিং এজ তেক্নোলোজী খুদিংমক্তা ভারতকী নহাশিংবু পুক্নিং থৌগৎলি। মফম অসিদা লৈবাক অসিগী চাউথোকচনিংঙাই ওইরবা ইস্রো লৈ, দি.আর.দি.ও.গী মতম অসিগী অনৌবা ইনফ্রাস্ত্রকচর অমা লৈ। ঙসি ঐখোয়না লৈবাক অসিগী নহাশিংহায়রি মদুদি সরকারনা অসিগুম্বা ৱার্ল্দ ক্লাস ফেসিলিতীশিং অসিদা, নখোয়গী ৱিজন, আইদিয়া অদুবু তেস্ত তৌ। কেন্দ্র সরকারনা নহাশিংদা তঙাইফদবা প্লেতফোর্ম খুদিংমক পীরি, মসিদা লৈবাক অসিগী নহাশিংনা হোৎনরি। সরকারগী কমপনিশিং অদুনসু কমপিত তৌরগনি, লৈবাক অসিগী নহাশিংনা শেমগৎলকপা কমপনীশিং অদুগা কমপিত তৌরগনি। মতম অদুদতা মালেম অসিগা কমপিত তৌবা ঙমগদৌরিবনি। ঐগী মতুং ইন্নদি অন্দরতেকিং অদু সরকারগী ওইগেরা লনাইগী ওইগেরা অনিমক লৈবাক্কী এসেত ঙাক্তনি, মরম অদুনা লেভেল প্লেয়িং ফীল্দ মীপুম খুদিংমক্তা চপ মান্ননা ফংগদবনি। মসিনি ময়াম্না হোৎনরিবসে। মবাম্না ওৎনরিবা অসিগী মন্ত্র অসিনা অজাদিগী অমৃতকাল হায়বদি লাক্কদবা  চহি ২৫ অসিদা আত্মানির্ভর ভারত ওইহন্নবগীদমক্তা ইনর্জী পীগদৌরিবনি। অমুক্কসু হন্না কর্নাতকাগী মীয়ামদা চাউখৎ-থৌরাংগী মসিগী প্রজেক্তশিং অসিগীদমক্তা নুংঙাইবা ফোংদোক্লি, অমসুং  বনসৱরাজ জীকী লুচিং মখাদা ঐখোয়গী কর্নাতকানা অমুক্কসু হেন্না খোংজেল য়াংনা চাউখৎনবগীদমক্তা ভারত সরকারনা লেং মান্ননা থবক তৌবা ঙম্নবগীদমক্তা নখোগআ লোইননা খোংফম চেৎনা লেপ্লি। য়াইফ-পাউজেল কয়া অমগা লোইননা নখোয় পুম্নমকপু হন্না-হন্না থাগৎচরি, নমস্কারা।

******