ঙাকশেল মন্ত্রী শ্রী রাজনাথ সিংহনা ঙসি অগ্নিপথ স্কিম অসি ভারতকী নহারোলশিংগীদমক আর্মদ ফোর্সশিংদা চংহৌনবা অমসুং মখোয়গী মমালৈবাক্কী শেবা তৌনবা অফবা খুদোংচাবা অমনি হায়না ফোঙদোকখ্রে। জম্মু অমসুং কাশ্মিরদা নুমিৎ নিনিগী খোঙচৎতা লাকখিবা শ্রী রাজনাথ সিংহনা ৱারোল অমদা নহারোল কয়ানা আর্মদ ফোর্সশিংদা চংনবগী খুদোংচাবা ফংদে মরমদি হৌখিবা চহি অনি অসিদা রিক্র্যুৎমেন্তগী থবক পাঙথোকপা ঙমদনা লাকখি হায়না ফোঙদোকখি। নহারোলগী তুংগী পুন্সিগীদমক খল্লগা প্রধান মন্ত্রী শ্রী নরেন্দ্র মোদীগী পাউতাকশিংগী মতুং ইন্না সরকার অসিনা ২০২২গী রিক্র্যুৎমেন্ত সাইকলগী ওইনা অগ্নিবীরশিংগী এজ লিমিত অসি চহি ২১দগী চহি ২৩দা হেনগৎহনখি হায়না শ্রী রাজনাথ সিংহনা ফোঙদোকখি।

“চহি কোমথোকপা অসিনা সরকারনা ঐখোয়গী নহারোলগীদমক খল্লি হায়না তাক্লি। ঙাকশেল অমসুং সর্ভিসেস মন্ত্রালয়গী মিলিতরী এফিয়র্স বিভাগনা অথুবদা রিক্র্যুৎমেন্তগী থবক চত্থনবা হোৎনরি। ঐখোয়না নহারোলশিংবু অগ্নিপথকী খুত্থাংদা আর্মদ ফোর্সেসতা চংনবা অমদি লৈবাক অসিগী শেবা তৌনবা হায়জরি”, হায়না ঙাকশেম মন্ত্রীনা ফোঙদোকখ্রে।

মতুংদা ঙাকশেল মন্ত্রী শ্রী রাজনাথ সিংহনা পহলগমদা পাঙথোকপা জৱাহর ইন্সতিত্যুত ওফ মাউন্তেনিয়রিং এন্দ ৱিন্তর স্পোর্তস (জে.আই.এম. এন্দ দবল্যু.এস.)কী ৯শুবা একজিক্যুতিব কাউন্সিল অমসুং ৪শুবা জেনরেল বোদী মীতিংদা শরুক য়াখি। ঙাকশেল মন্ত্রী অমসুং জে অমসুং কেগী লেফতনেন্ত গভর্নর শ্রী মনোজ সিনহা য়াওবা মীফম অসিদা ইন্সতিত্যুত অসি নীংথিনা মথৌ তৌনবা অমসুং পন্দুনা লৈরিবস সমস্যাশিং অথুবদা ৱারোইশিন পুরক্নবা লম্বীশিংগী মতাংদা খন্নখি।

মহাক্কী ৱারোল পীবদা ঙাকশেল মন্ত্রীনা অকনবা ত্রেনিং স্তেন্দর্দশিং, অফবা মেনেজমেন্ত, ত্রেনর অমসুং ইনস্ত্রক্তরশিংগী কত্থোকপা অমসুং তেক্নিকেল প্রোফিসিএন্সী অসিনা জে.আই.এম. এন্দ দবল্যু.এস.পু লৈবাক অসিগী ওইনা মাংজিল থারিবা ইন্সতিত্যুত অমা ওইহল্লি হায়না থাগৎপা ফোঙদোকখি। মহাক্না মাউন্তেনিয়রিং অমসুং এলাইদ এক্তিবিতীশিং অসিনা হকচাংনা অখাং কনবগী খক্তা নত্তনা ৱাখল চেৎপা অমসুং থৱায় য়াওবগী খুদম অমা ওইরি হায়না ফোঙদোকখি।

শ্রী রাজনাথ সিংহনা মতম অমদা নুপা খক্তানা তৌরম্বা এক্তিবিতীশিং অসিদা নুপীশিংনা শরুক য়াবগী মশিং হেনগৎলকপা অসিবু থাগৎখি। মহাক্না হকচাংগী ফীভম মীমান্নদ্রবা দিব্যাঙ্গজনশিংনা স্কিল অমসুং থৱায় য়াওবগা লোয়ননা মাউন্তেনিয়রিং এক্সপিদিসন মপুং ফানা লোইশিল্লিবা অসিসু শকখঙবীখি। অচেৎপা ফিরেপকা লোয়ননা মাউন্ত এভরেস্ত কাখিবা অহানবা নুপী এম্প্যুতী ওইরিবা ভারতকী চীংকারোয় কুমারি অরুনিমা সিনহাবু অখন্ননা পনখি। মরম অসিনা ইন্সতিত্যুত অসিদা চত্থরিবা ত্রেনিং প্রোগ্রাম খুদিংমক অসি ওভরসবস্ক্রাইব তৌবা য়াম্না মরু ওই হায়না মহাক্না ফোঙদোকখি।

লম কয়াদা সরকারনা পব্লিক-প্রাইবেৎ পার্তনরশিপ হেনগৎহন্নবা মীৎয়েং চংলিবা অসিনা লৈবাক অসিগী চাউখৎ-থৌরাংদা অনৌবা ইনোৎ অমা পীখি হায়না ফোঙদোক্লদুনা ঙাকশেল মন্ত্রীনা জে.আই.এম. এন্দ দবল্যু.এস.না মখোয়গী ত্রেনিং প্রোগ্রামশিং ফগৎহন্নবগীদমক প্রাইবেৎ সেক্তরগা খুৎশমন্দুনা চৎনবা হায়খ্রে। “পব্লিক সেক্তরদা লৈতবা তেক্নোলোজী, এক্সপর্তিস অমসুং ইন্নোবেসন কয়া প্রাইবেৎ সেক্তরদা লৈ। প্রাইবেৎ সেক্তরগা চুংশিন্নবা অসিনা জে.আই.এম. এন্দ দবল্যু.এস.না মাউন্তেনিয়রিং অসিগুম্বা এক্তিবিতীশিংদা অমসুং লমদম অসি চাউখৎহন্নবগীদমক মীওই কয়া মরু ওইনা নহারোলশিংগা কন্নেক্ত তৌবদা মতেং পাংগনি”, হায়না মহাক্না ফোঙদোকখি।

ঙাকশেল মন্ত্রীনা ইন্সতিত্যুত অসিনা মাগী তোঙান-তোঙানবা ত্রেনিং প্রোগ্রামশিংগী খুত্থাংদা মাউন্তেনিয়রিং আমসুং ৱিন্তর স্পোর্সকী মতাংদা মীয়ামদা মরু ওইনা নহারোলশিংদা খঙহন্নবা অমসুং মখোয়দা লৈবাকনীংবা, থৌনা অমসুং ইনর্জী হাপ্নবা খঙহনখি। মহাক্না হায়খি, মসিনা এক্তিবিতীশিং অসি পাম্নবা হেনগৎহনবা খক্তা নত্তনা থবক্কী খুদোংচাবশিং চাউনা পীগনি মসিনা মফম অসিগী শেন্মীৎলোন ফগৎহনবদা শাহৌ অমা পীগনি। মসিনা মফম অসিগী মীয়াম্না শরুক য়াবা হেনগৎহনগনি অমসুং মখোয়গী নাৎকা লোয়ননা কন্নেক্ত তৌনবা খুদোংচাবা অমা পীরগনি, হায়না মহাক্না মখা তাখি। ঙাকশেল মন্ত্রীনা মফম অসিগী মীয়াম্না শের্পা অমা ওইবা খক্তা নত্তনা নেস্নেল-কলচরেল য়ুনিতীগী পার্তনরশিংসু ওইনবা হায়খ্রে।

রাজনাথ সিংহনা সরকারনা নেস্নেল সেক্যুরিতী কনশিনহন্নবা ঙমখৈগী মফমশিং চাউখৎহন্নবা সরকারগী ফিরেপ অদু নৌহৌনা ফোঙদোকখি অমসুং জে.আই.এম. এন্দ দবল্যু.এস.গুম্বা ইন্সতিত্যুসনশিংনা বিজন অসি মাংদা পুখৎপদা অমসুং লৈবাক অসিগী চাউখৎ-থৌরাংদা শরুক তম্বদা মতেং পাংবা য়াগনি হায়না ফোঙদোকখি। অকোইবগী ফীভম ঙাকশেনবগী মরু ওইবা অদু থম্লদুনা মহাক্না জে.আই.এম. এন্দ দবল্যু.এস.গুম্বা ইন্সতিত্যুসনশিংনা ইকো-সেন্সিতিব তুরিজম চাউখৎহন্নবা অমসুং মহৌশা কনবদা শরুক তম্নবা হায়খ্রে। মহাক্না লাক্কদৌরিবা মতম অসিদা মালেমগী ওইনা মাংজিল থারিবা ইন্সতিত্যুতশিংগী মরক্তা জে.আই.এম. এন্দ দবল্যু.এস.সু অমা ওইরগনি হায়না থাজবা থমখি।

থৌরম অসিদা ঙাকশেল মন্ত্রীনা ইন্সতিত্যুত অসিগী কর্নেল কে.এস. মোল বোল্দর ক্লাইম্বিং ৱাল অমসুং হিমালয় ম্যুজিয়ম অমা শঙ্গাখি। জে.আই.এম. এন্দ দবল্যু.এস.গী পান্দম অসি নহারোলশিংবু এদভেঞ্চর স্পোর্তশিংগী খুত্থাংদা মহৌশাগী মরমদা খঙহনবা অমসুং মখোয়গী পর্সনেলিতী, করেক্তর অমসুং কনফিদেন্স লৈহনবনি।

*****