ভারতকী নহারোলশিং আর্মদ ফোর্সশিংদা থবক চংনবা অগ্নিপাথ কৌবা ফজরবা স্কিম অমা জুন ১৪, ২০২২দা কেন্দ্রগী মন্ত্রীমন্দলনা অয়াবা পীখ্রে অমসুং স্কিম অসিগী মখাদা খল্লবা নহারোলশিং ‘অগ্নিভর’ হায়না খঙনগনি। অগ্নিপাথকী মখাদা মরৈবাক নিংবা অমসুং ইচং থৌবা নহারোলশিং আর্মদ ফোর্সশিংদা চহি মরি থবক তৌবা য়াগনি। আর্মদ ফোর্সশিংদা চহি নৌরিবা নহারোলশিং কয়া থবক তৌবা য়ানবা অগ্নিপাথ স্কিম অসি শেমখিবনি।

মখোয়গী থবক তৌবগী মতম লোইরবা মতুংদা ‘অগ্নিভরশিং’ মতেং পাংনবা বেঙ্কশিং অমসুং ফাইনান্সিএল ইন্সতিতুৎশিংগা লম্বীশিং মশক খঙদোক্নবা, দিপার্তমেন্ত ওফ ফাইনান্সিএল সর্বিসেস(দি এফ এস)না পব্লিক সেক্তর বেঙ্কশিং(পি এস বি), পব্লিক সেক্তর ইন্সুরেন্স কম্পেনিশিং(পি এস আই সি) অমসুং ফাইনান্সিএল ইন্সতিতুৎ(এফ আই)শিংগা ঙসি নিউ দিল্লিদা মীফম পাংথোকখ্রে। ঙসিগী মীফম অদুদা মিলিতরি এফেয়ার্স দিপার্তমেন্তগী জোইন্ত সেক্রেতরিনা অগ্নিপাথ স্কিমগী মরুওইবশিং শন্দোক্না উৎখি।

মীফম অদুদা, মখোয়গী মহৈ-মশিংগী থাকশিং অমসুং হৈশিংবদা য়ুম্ফম ওইরগা চুনবা খুদোংচাবশিং/কোমথোকপশিংগী খুৎথাংদা ‘অগ্নিভরশিং’ থবক ফংনবগী খুদোংচাবশিং মশক খঙদোক্নবা লম্বীশিং পি.এস.বিশিং, পি.এস.আই.সিশিং অমসুং এফ.আইশিংনা থিদোকপা হায়না ৱারেপ লৌখি।

চুনবা শেন্থং পীদুনা স্কিল হেনগৎহন্নবা, ললোন-ইতিক্কী থবক হৌনবা অমসুং মশা মরোমদোম থবক পীজনবা তাকপী তম্বীনবা থবক পায়খৎতুনা ‘অগ্নিভরশিং’ মতেং পাংনবা লম্বীশিং খঙদোক্নবা বেঙ্কশিংনা পাম্বৈশিং থিদোকপা হায়না মীফম অদুদা ৱারেপ লৌখি। হৌজিক পায়খৎলিবা সরকারগী স্কিমশিং হায়বদি মুদ্রা, স্তেন্দ অপ ইন্দিয়া অসিনচিংবা অসি ‘অগ্নিভরশিং’ মতেং পাংনবা শীজিন্নগনি।

*****