শেল-থুম মন্ত্রালয়
azadi ka amrit mahotsav

নিউ দিল্লিদা ইন্দিয়া-জপান ফাইনান্স দাইলোগ পাংথোকখ্রে

Posted On: 16 JUN 2022 4:56PM by PIB Imphal

ঙসি নিউ দিল্লিদা জপানগী ফাইনান্স ফোর ইন্তরনেসনেল এফেয়ার্সকী ভাইস মিনিস্তর মাসাতো কান্দা অমসুং ফাইনান্স মিনিস্ত্রিগী ইকোনোমিক এফেয়ার্স দিপার্তমেন্তগী সেক্রেতরি অজয় সেথনা অহানবা ইন্দিয়া-জপান ফাইনান্স দাইলোগ পাংথোকখ্রে।

চহি খর অসিদা ভারত অমসুং জপানগী মরীশিংগী মরুওইবা হেনগৎলক্লিবা অসি য়েংলগা, হৌজিক দিপুতি দিরেক্তর জেনেরেলশিংগী থাক্তা পাংথোক্লিবা ৱারি শানবা অসি ভাইস মিনিস্তর/সেক্রেতরিগী থাক্তা পাংথোক্নবা ভারত-জপান শেন-থুমগী মতেং পাংনবগী ৱারি শানবা অসি পাংথোকপনি।

ৱারি শানবা অদুদা জপানগী মীহুৎ কাংবু অদুদা ফাইনান্স মিনিস্ত্রি, ফাইনান্সিএল সর্বিসেস এজেন্সি অমসুং ফাইন্সিএল ইন্সতিতুৎশিংগী মীহুৎশিং শরুক য়াখি। ভারতকী মাইকৈদগী, ফাইনান্স মিনিস্ত্রি, রিজাব বেঙ্ক ওফ ইন্দিয়া, ইন্সুরেন্স রিগুলেতোরি এন্দ দিবলপমেন্ত ওথোরিতি ইন্দিয়া, সেকুরিতিস এন্দ একচেঞ্জ বোর্দ ওফ ইন্দিয়া অমসুং ফাইনান্সিএল ইন্সতিতুৎশিংগী মীহুৎশিং শরুক য়াখি।

শরুক য়াখিবশিংনা শেন-থুমগী ফিবম, শেন-থুমগী থবকশিং, শেন-থুমগী থবকশিং দিজিতেল ওইনা পাংথোকপা অমসুং লৈবাক অনিমক্তা শেন থাদবগী ফিবম শেমগৎপগী মতাংদা মখোয়গী ওইবা ৱাফমশিং ফোঙদোক্নখি অমসুং মথং চহি মখোয়না জি২০ অমসুং জি৭গী প্রসিদেন্ত ওইদুনা নাকল অনিনা পুন্না থবক তৌমিন্নবা হায়না ৱারেপ লৌখি। খন্নবা অদুদা শরুক য়াখিবা লনাই শেন-থুমগী লুপশিংশু মখা তানা ভারত্তা শেন থাদনবা তোঙান-তোঙানবা শেন-থুমগী চৎন-কাংলোনশিংগী মতাংদশু ৱা খন্নখি।

মখা তানা শেন-থুমগী মতেং পাংনবা হেনগৎনবা অমসুং নাকল অনিগী মরীশিং মপাঙ্গল কনখৎহন্নবা মখা তানা ৱারি শানবা হায়না লৈবাক অনিনা য়ানখি অমসুং মথংগী ৱারি শানবা তোকিওদা পাংথোকপা হায়না য়ানখি।

*****



(Release ID: 1834569) Visitor Counter : 67